來多碗車仔麵 (民裕街)

營業中

休息中

朋友介紹食車仔麵。我鐘意多餸可以試多幾款。一入門口點餐。所有餸放响你面前。可以睇岩心水先揀。兩碗加埋點左十款餸。推介豬紅，厚薄適中。沒有腥味，唔易碎，又惹味，又不會過鹹。配埋韭菜最佳配搭。豬大腸夠乾淨，不肥膩而且香口。豬手炆得夠腍，豬皮煙韌。魚皮餃彈牙，鮮味十足。蝦餅係類似魚蛋的感覺冇蝦味。咖哩魚蛋係呢度嘅主打之一，微辣帶甘，魚蛋爽口彈牙。正宗街頭風味。推介推介。牛筋牛腩都有d硬。最特別係佢有新鮮嘅銀針粉。超好食。推介。飲品跟餐價錢ok。推介陳年柑桔蜜：味道濃，清潤解渴！

放工好肚餓 但求就手見到店就入就入咗呢間連鎖店車仔麵🌟來多碗🌟由於一放工就入所以人流唔算好多但過咗一陣 店舖就坐滿晒人叫咗一碗六餸同三餸車仔麵✨六餸：咖喱魚蛋- 店內招牌 大大粒又彈牙墨魚丸- 同樣大粒又彈呀豆卜- 超級大大粒又入味豬腸- 其中一餸叫豬腸是常識吧😌豬手- 軟腍腍之餘又好咬口鮮魷- 醃製得好入味油麵- 絕對係車仔麵界首選✌🏻✨三餸：秘製雞翼- 大大隻之餘 味道調校得剛剛好貢丸- 大大粒又新鮮魚皮餃- 食得出內餡好新鮮及自家製銀針粉- 喺車仔麵界相當罕有 估唔到銀針粉都可以好入味✨腐乳通菜：係其中最鍾意食嘅菜之一每一條都充滿腐乳😆

以前曾經在紅磡區住和工作一段時間，對這裏的環境非常熟悉，今日路過紅磡，便在這裏吃過下午茶。這間車仔麵的店主曾經在觀塘出名的車仔麵工作，後來出來創業。這間車仔麵沿用老式車仔麵經營，如果點車仔麵，到車仔麵檔，先選擇𪍑類，然後選擇多少個餸，這種模式已經在香港很少見了。豬手，爽脆可口。牛腩炆煮得有點着勁。咖喱魚蛋，香辣味道適中，辣徑十足。豬大腸沒有腥臭味，爽口彈牙。豬頸肉軟硬適中。牛肚炆煮得很入味。牛柏葉爽口彈牙。值得一提的是這裏的辣椒油，辣度頗高，喜歡辣的必是這個辣椒油。檸檬可樂跟餐$10 ，這個性價比超高。

車仔麵，對於好多香港人黎講，絕對係童年回憶嘅代名詞。細個放學經過街邊檔，聞到陣陣湯底香，已經忍唔住要停低叫碗麵食。近年車仔麵嘅選擇愈來愈多，唔單止係傳統嘅魚蛋、牛筋，仲有好多新奇配料同醬汁，真是一個美食進化！今日同朋友喺紅磡搵下午茶，無意中見到一間車仔麵店，環境乾淨又涼冷氣，於是即刻決定入去試試，點知真是一個驚喜！因為朋友早餐未食，肚餓到震，於是好豪邁咁叫咗好多嘢食！朋友一開始就點咗一碗「一麵四餸」嘅招牌組合：豬紅、雞翼、魷魚同豬皮，配上幼麵同沙爹醬。呢碗麵一上枱，香氣撲鼻，沙爹醬濃郁得黎唔會太搶，配搭爽口嘅幼麵，食落真是一個字：正！麵質彈牙，雖然唔係貴價手工麵，但以呢個價錢黎講，性價比真心無得彈。豬紅軟滑、雞翼入味、魷魚爽口、豬皮Q彈，每款餸都各有特色，食到停唔落口。另外我哋仲叫咗一碗淨餸，試試其他招牌配料：貢丸、厚肉冬菇、蘿白、魚蛋同台灣腸。貢丸彈牙多汁，厚肉冬菇份量十足，蘿白燉得軟腍入味，魚蛋同台灣腸就係經典嘅街頭風味，每啖都係滿足感！仲有炸魚皮、秘製豬手同軟綿豬軟骨，全部都係驚喜之作。炸魚皮香脆可口，豬手醬汁入味，軟骨炆得軟腍，咬落滿口膠質，超級滿足。呢間車仔麵店除咗食物吸引，

同朋友係紅磡行街又唔想掃街係條街到食野，就走左入去慢慢坐低食返碗車仔麵。食車仔麵梗係要叫多3餸或以上先high！🟥豬紅雞翼尖蘿蔔銀針粉好開心有銀針粉，豬紅正常發揮，雞翼尖入味，蘿蔔幾甜又冇渣，呀姐話鍾意食辣要落個魔鬼辣椒醬真係冇介紹錯，真係好夠辣食到好爽！🟧豬腸牛腩魷魚豬肚油麵另外果碗，朋友就揀左油麵底，豬腸夠晒淋，牛腩啲汁入晒去好正，魷魚佢係細細條 有少少辣好爽口，呢幾款餸加埋落個麵度真係夾🤣🤣我地仲叫左碟腐乳通菜，食車仔麵食返碟菜中和下🤣

門面易看易搵，整個都係紅色，環境OK，衛生整潔，座位都舒服。有好多餸選擇，除咗車仔麵，都有其他小食，除咗一般凍飲汽水之外，仲有一啲特色飲品。點左兩碗車仔麵，揀咗六個餸，最特別係佢有新鮮嘅銀針粉，好耐冇食過銀針粉啦！第一碗：銀針粉配豬手、魚皮餃、豬大腸、咖哩魚蛋、蝦餅、牛腩銀針粉滑而彈牙，口感不錯，豬手和牛腩都好腍，豬皮煙韌，魚皮餃彈牙，蝦餅係類似魚蛋的感覺，咖哩魚蛋係呢度嘅主打之一，微辣帶甘。第二碗：油麵配豬紅、牛筋、韭菜、豬大腸、牛肚*油麵彈牙不油膩，豬紅厚薄大小適中，牛筋都係好腍，入口黏韌，韭菜新鮮，豬大腸不肥膩，牛肚微韌香口。有唔同嘅醬料可以落，仲有秘製辣醬，如果鍾意食勁辣，一定要挑戰魔鬼辣。夏天熱辣辣，點都要叫返兩杯飲品凍蜂蜜百香果蜜 ：酸酸甜甜，百香果香味突出，冰涼解膩。陳年柑桔蜜：味道濃厚，清潤止渴

窩夫與蝦子餅都愛吃車仔麵，日前嚐了一間水準不錯的。紅磡的「來多碗車仔麵」已有超過40年歷史，傳統地道風味值得珍惜。進店先點餐，自選麵底選擇多達15款，窩夫點了紅薯粉，蝦子餅則點了他吃車仔麵必選的油麵。餸的選擇也很多。花多眼亂，參考一下牆上的十大「必食推介」。坐在熊貓大肚腩下吃麵。窩夫的車仔麵有豬耳、酸齋、蠔皇靚花菇、牛筋、特級墨魚丸和通菜。蠔皇靚花菇不愧為「必食推介」，炆得入味，肉厚又爽滑。豬耳不算常見的車仔麵餸，窩夫當然不會錯過，薄切的豬耳份量足，口感爽脆。蝦子餅的車仔麵有馳名辣魷魚、咖喱魚蛋、豬皮、牛肚、豬紅、蠔皇靚花菇和韭菜，特別推介爽口的牛肚和無渣的韭菜。平時吃車仔麵總會加支汽水，來多碗有較健康的飲品選擇，就是自家製茅根甘蔗馬蹄水，雪得夠冰凍，炎炎夏日解暑一流，味道香濃而不甜，非常好飲。

今次經過紅磡一間比較偏僻嘅車仔麵店，入到去已經感受到濃濃人情味，店員好親切，會細心講吓啲食材、揀麵底。店舖牆身仲有動物壁畫，環境有啲童趣感，坐得舒服。我哋叫咗兩碗車仔麵，自己慢慢揀配料。第一碗揀咗米線底，五款配料有咖喱魚蛋、豬皮、豬紅、豬腸同魚皮餃，全部夠入味，咖喱魚蛋有少少辣，豬皮夠滑，豬紅嫩滑冇腥味，豬腸爽口仲有肥膏，魚皮餃應該係四海。第二碗揀米粉底，配牛腩、蘿蔔、雞翼同魚餅，牛腩夠香，蘿蔔煮得入味，雞翼軟腍，魚餅煙韌。另外加咗麻辣豬耳，麻香微辣，夠晒開胃。腩汁菜心跟餐加$12，菜心爽脆，腩汁滲晒入菜，食落好夾。飲品叫咗凍檸茶少甜少冰，夠清新解渴。呢間車仔麵選擇多，價錢合理，配料新鮮入味，想食車仔麵都可以試☺️

呢間有幾間分店我哋去咗紅磡食車仔麵，熱辣辣要食吓啲車仔麵會口先會好啲佢哋有好多個送俾大家揀嘅我哋已揀咗五餸麵同埋三餸麵佢哋有好多唔同特色嘅麵同埋餸菜譬如係馳名牛腩牛筋咖喱魚蛋都係好正嘅我哋都嗌咗酸齋酸齋可以另外上唔錯㗎份量十足唔會話好飽胃口細細嘅人食呢間就一定OK啦，仲有話佢嘅價錢適中唔會話好貴我哋嗌咗佢個凍菜蜜真係好好飲酸酸甜甜加埋檸檬同埋佢哋嘅環境雖然少少但係五臟俱全都幾正㗎鍾意食車仔麵嘅朋友可以嚟呢間

喺紅磡做完嘢經過見到呢間來多碗車仔麵🥢有啲印象喺油麻地食過一次但忘記了好唔好食🤷‍♀️原來紅磡呢邊都有朋友話想食車仔麵所以就入去試多次啦～呢度係先出去揀餸和麵底俾咗錢然之後再坐低食有卡位，有幅特色牆，有隻大熊貓🐼整體環境望落都幾企理我揀左 白蘿蔔 和 冬菇 配油麵 加 腩汁我覺得車仔麵 味道普普通通，冇咩特別湯底冇其他人講到咁咸，反而我覺得有啲淡😂😂價錢一麵兩餸 $37 ，一麵三餸 $44 都算經濟嘅下次再嚟紅磡做嘢，未必會再試😅

好耐冇嚟食車仔麵了！今日打算好好搞一頓，揀咗一間真係平民又過癮嘅地方。我狂掃秘製辣醬豬紅、魷魚同菜心油麵，每樣嘢食新鮮又惹味，真係一絕👌。嗰啲鹵水蛋正宗喎～夠味而且唔會太鹹，食落香濃之極！豬紅滑溜溜咁滿足咗我對口感嘅要求，而豬皮嗲嗲牙真係令人一啖又一啖。講到魷魚啊，真係夠哂彈性，加上秘製辣醬，哇，咁嘅味道簡直係攞命嚟嘅！至於菜心，脆口脆口嘅，同油麵一齊嚟就攞晒鏡。梗係少不了試吓男朋友個碟，嘿，嗰啲蘿蔔同埋墨魚丸啊，完美！蘿蔔甜到出汁，而墨魚丸跳舞咁彈牙，完全嗌到我停唔到口。😋喺呢度，每一啖都叫人滿足到不得了，質素完全符合大家對車仔麵嘅期望。邊食邊喊出，「真係正！」👍底線係，呢碗麵簡直係食得出手工同心機，我下次一定會返嚟，再攞多碗！🍜😄🎉

之前印象中去新蒲崗果間唔差，所以呢次都想再試下佢，但好失望，湯死咸無牛腩湯味，辣醬唔好味，豬紅唔知係咪因為湯底所以食唔出，剩係咸，所以麵都食剩哂。唯一好食係糖心蛋👍 但湯底真心唔得🙏🏻

紅磡都有好多餐廳選擇今日黎到午餐，想食簡單啲經過見到哩間車仔麵，環境都幾企理，就入來入到黎，先點菜、付款，再搵位叫左一碗4餸麵 + 凍檸茶 $58🔸馳名辣魷魚🔸秘製雞翼（2隻）🔸菜肉雲吞（2粒）🔸通菜🔸油麵麵既份量唔少，可能我唔大食，都食唔哂啲麵😛餸既味道正正常常咁，魷魚同雞翼都夠入味，雞翼夠淋但又唔會一咬就散哂連埋凍飲$58，價錢都算經濟如果經過不妨一試

我哋叫咗個10餸拼盤 超級豐富!白蘿蔔好似浸過糖水咁甜 魷魚好爽口 牛腩炆得好腍 豬紅豬腸等內臟亦都冇腥味🩷諗唔到食咩真心不錯再叫多個車仔麵配馳名辣魷魚同滷水雞翼尖 餸嘅份量都幾多!辣魷魚好好食!湯底濃郁,粗麵時間煮得啱啱好👍🏻

紅磡出名多野食應該好多人都知，估唔到今次無心插柳下咁搵到間車仔麵高手🤟🏻呢間車仔麵店係先係門口排隊，排到你時就話比姐姐知你係外賣定堂食、要咩麵底要咩餸，揀好要唔要芫茜蔥，要咩辣醬先埋位慢慢嘆😎‼️必須介紹大家一定一定要落佢嘅秘製辣醬，真係超好食‼️今次就叫左四個餸：馳名辣魷魚🦑+台灣滷肉+豬腸同蘿蔔😋😋😋我呢啲重口味，第一時間就梗係要咬啖滷肉啦！！真係好入味😍😍😍肥肉比例好啱我，唔會過瘦過肥，仲要滷得相當入味😚強烈推薦大家試！試！試！另一樣馳名嘅就係佢嘅辣魷魚🦑味道香濃而且仲好有口感，唔會太靭💛💛💛又係要比個心佢😚至於蘿蔔同大腸係我去試新車仔麵時麵必點嘅項目💛而佢個蘿蔔十分有驚喜，第一口咬落去，啲汁係吱出嚟🤣🤣🤣好白甜，多多我都可以食得晒！豬腸就不過不失😎都係高於水平之作🫶🏻🫶🏻🫶🏻其實平時真係好少嚟紅磡，好好彩咁難得嚟到搵食，都搵到間水準之作😊😊😊超級滿足💛