來多碗車仔麵 (民裕街)

營業中

休息中

同家姐去開紅磡，想食個下午茶，行到民裕街見到間車仔麵店，感覺乾淨企理，唔似一般大圓枱比較污糟既店，一於就去試下！麵同配料都好多選擇，煮麵姐姐親切有禮，大排長龍都唔會催你，服務態度好好我叫左碗米線，請姐姐煮腍少少都無托手爭！魷魚微辣，好惹味，魚蛋，雞尖幾好，超大隻冬菇一咬就爆汁，正呀！菜心好嫩好新鮮！家姐叫左碗油麵豬腸夠腍又入味，牛筋夠腍滑，冬菇爆汁，豬皮爽口，通菜又嫩又滑另外再叫左份$15麻辣鴨血唔算好辣，不過好惹味，個底舖左韭菜，吸收左麻辣汁既味道，正值得一提既就係入面有埋廁所！唔使走去後巷，夠哂user friendly!!

今日係紅磡開完會都夜，同事推薦呢到有間車仔麵幾好食，諗住頹頹地就去食啦 點知去到有驚喜，環境唔同一般車仔面店好迫好細唔好坐，呢到整齊舒服，環境光猛又有冷氣，餐廳都唔算難搵，係黃埔站附近，收工過去都好方便，岩曬係呢區番工既我地。我叫左個四餸麵雞翼鹵蛋牛肚蘿蔔雞翼好入味，好滑，唔係好食到雪藏味，其實我次次食車仔面，都一定會叫雞翼，已經變左樣必食既送，最慘係唔係間間整得入味，好彩呢間唔會。牛肚爽口唔會太淋，鹵蛋差唔多全場個個都有叫，入味好食，白蘿蔔清甜無渣，盡吸湯汁精華。

之前都食過荃灣既來多碗!! 估唔到原來紅磡都有去之前都有做定功課，知佢個腩汁湯底同啲秘製辣醬好岀名，咁當然唔好錯過啦呢到送既選擇好多，連岀面好少見既章魚燒都有，睇到有選擇困難症既我地都唔知食咩好，樣樣都好似好好食雞翼魷魚墨丸，魷魚最怕好似香口膠咁難咬，𡁻到食曬碗面都未食到，呢到唔會，夠彈牙得來夠入味，份量唔少，推介推介。另一個值得推介就係佢個辣醬，用左秘製配方，辣得來有淡淡豆瓣醬味，夠惹味！唔洗問食到最後當然係清曬先走啦，推介比以為食車仔面會好頹既朋友仔！

***淨餸：生菜，韮菜***淨餸：韮菜+蘿白，蘿白嫩甜無渣！！！***鮑片豆卜獅子狗，墨丸，滷蛋，d餸樣樣都係幾蚊幾蚊，好平好抵食，叫多d碗麵豐富d！！！***湯底偏濃味，最緊要落間店既秘制辣醬！！！***d配料放得幾整齊，制作過程幾衛生！！！***章魚燒，食到一粒粒既章魚，依個章魚丸唔腥，好食！！！***菠菜麵，綠色好靚，用菠菜黎整既麵感覺好似好健康，不過就食唔出有菠菜味！！！***淨餸：雞亦+滷小蛋，全部都好入味！！！***浄餸：韮菜+豬紅，兩者可謂最佳配搭，豬紅好大塊，抵食！！！

今日回到紅磡家維邨，自細住既地方尋找回憶，現在交通發達很方便啊！經過民裕街時看見有間《來多碗車仔麵》突想吃多餸唯有車仔麵可滿足😌裝修挺新也乾淨，座位木長椅讓客人坐得較為舒適。 先簡選食物，五餸只是 HKD 44 ，多加一餸加6元，好抵食！ 款色也有多種，我點了魷魚、漢堡扒、豬皮、菜、丸、獅子餃。豬皮好爽吸盡了湯底，獅子餃外面較為少吃，口感不錯，魷魚爽滑。其辣醬都不錯，不是單單辣椒油！ 原來這裡有段故事，從前座落於觀塘的走鬼檔搬到入鋪頭！好犀利呢！

“夜晚舖外既射燈好搶眼！！！“環境比舊式車仔麵店舒適和衛生得多！！！“食物選擇蠻多！！！“雖然地方細細，洗手間都有兩個，方便大眾！！！“真係要講下依到既辣椒醬，佢既辣好獨特，夠香夠味，要試下啦，重有隻魔鬼辣醬放係點餸個個位，可以叫佢比d, 不過要有心理準備，真係好魔鬼好辣好刺激！！！“蛋好入味！！！“魷魚，爽口，咁岩比曬d鬍位，正！！！“鮮竹卷，較特別既車仔餸，索曬d湯汁，好味！！！“依個章魚丸超好食，必食之選！！！“熱檸檬茶，超濃版！！！識飲一定係咁叫濃d！！！

今晚去睇演唱會，先來個速食，去左黃埔食車仔麵，食飽飽行去紅館都係十五分鐘，又可以順便消化一下。門口位置有餐牌先點餐付費，再坐低，店員為你送上車仔麵，好熱情，服務好好。一麵五餸車仔麵 $44，我點了馳名辣魷魚、特級潮汕牛筋丸、甜心蘿蔔、爽口金錢肚、咖哩魚蛋、生菜、米線。車仔麵配芬達提子 $8，滿足。驚喜是特級潮汕牛筋丸、真的有肉汁、又彈牙，好難得在車仔麵檔找到這款牛筋丸。馳名辣魷魚很入味，加上秘製辣醬，更惹味。

$26兩餸麵，往哪找呢？當現在連譚仔都已經$30多的時間，這間車仔麵真的很超值，每款都是幾元的標價！為食的我就選了5餸湯米線，最抵吃的是他們多餸套餐，即使都點最貴的餸，也不會另外加錢呢！這裡的牛腩很稔軟，菜心超爽口又夠甜，蘿蔔超甜無渣，雞翼夠入味，牛雜也不錯，湯底則是超帶甜的味道，絕對超值！大家想知道秘製辣醬是什麼嗎？答案是...我也不知道～ 不過甜中帶辣的確很香，絕對建議大家試一下！魔鬼辣醬比想像中不辣，只是油香重，而且很能吊出湯底的香味，愛辣的我覺得這個比較讚啦！

今日難得同老公一齊放假，梗係要瞓到自然醒，然後揾好野食，突然間好想食車仔麵，老公話帶我落紅磡食，話又平又好食咁話，好啦！信佢啦！尼間來多碗車仔麵位於紅磡文裕街，由黃埔站行過來只需5分鐘左右，非常方便到左門口有一種似曾相識嘅感覺，我諗起了，尼間車仔麵荃灣都有分店的，我都幫襯過，真係橋五餸麵只係44蚊，真係好抵食，一於揀十個餸share食，yeah店面細細，尚算整潔，熊貓🐼插畫非常生動，另外仲有一幅香港🇭🇰特色油畫，點綴左成個環境，好有feel先在門口點麵揀餸，按口味加秘制辣醬或魔鬼辣醬，個人比較喜歡秘制辣醬，辣中帶甜，非常惹味我揀左雞翼，蘿蔔，豬腸，冬菇，通菜米粉，大大碗好吸引老公揀左㗎喱魚蛋，豬皮，牛肚，辣魷魚，生菜油麵，佢話車仔麵一定要揀油麵先正宗之後我地交換左d餸，每樣試下真係好滿足啊！雞翼好林滑入味牛肚都好好味，辣魷魚🦑必點，尼度最出名架，㗎喱魚蛋好香蘿蔔好林好甜，仲好入味，推薦麵嘅分量都好足這店食物好有水準，店員姐姐又nice又主動，鍾意食車仔麵一定要來試試啊

香港舊式風味@來多碗車仔麵地址：紅磡民裕街19-31號隆基大廈地下6號舖Openrice 網址：https://bit.ly/2PCTKQB 自紅磡通了地鐵後真係方便好多，去探望友人剛生小孩，先在附近吃點東西才上她家. 一個人食要方捷方便，麵食就成首選,5個餸才$44 ，淨餸都只是$8起，要了白蘿蔔，雞翼，青菜，枝竹同冬菇，yeah。白蘿蔔好甜又夠腍身，老水冬菇同枝竹又入味，雞翼一直都是最愛啦！加埋大大碗好足料。飲品凍檸茶$9 呢期車仔麵幫我慳了好多，因過年買年貨又要交稅，平民美食飽肚又便宜。

今日去左紅磡食車仔麵！來多碗真係來多碗，食完之後非常滿足！車仔麵都算係香港既地道主食，自選餸菜、湯底、麵類，師傅用熟悉手藝煮成湯麵，湯底都算係車仔麵既精華啦！好多唔同餸菜，我叫左漢堡排、牛腩、竹笙。漢堡排好少見架，我特登叫一塊試下，肉質鬆化咸香，中間有肉粒有咬口，厚身漢堡排食落充滿肉香，伴隨湯汁好juicy！牛腩係我食車仔麵必叫！牛腩炆到好入味，牛腩汁好濃郁，肉質鬆化香嫩，夾有肥膏油脂香，超滿足啊！竹笙點可以無呢！吸收哂湯底精華，每口鮮甜味美，麵質彈牙充滿口感！食完好想來多碗啊！

呢間車仔麵店既位置都係係家維村附近, 係正我晏就去食果間刀削麵麵館既隔離..開倉過後,買左一大堆戰利品.. 而且我地晏就只係2個人share左一碗麵既情況下有D餓..咁不如係番屋企之前近近地試埋呢間車仔麵啦. Hahaha 呢間既餐廳環境就偏暗小小.. 呢度既做法都係買左麵先坐底搵位..佢有一麵兩餸 –一麵五餸~~ 而且價錢都清楚列明晒出黎! 佢地既廚房都好乾淨整齊~ 佢地既衛生情況都真係幾好!! 連客人坐既枱都係乾淨的. 唔會有一種不羈既感覺hahaha 我地別order左馳名辣魷魚、爽口金錢肚、惹味豬腸同生菜~馳名辣魷魚 – 唔辣~ 甜甜地..但好爽口.. 爽口金錢肚 – 佢呢個真係爽口..同平時食開果D金錢肚真係有D分別! 惹味豬腸 - 豬腸洗得好乾淨~ 唔臭.. 佢係幼腸.. 鍾意食幼腸既朋友仔可以去食呀!! 另一碗係惹味豬腸、滷水豆卜、秘汁雞翼、魚餅、甜心蘿蔔同生菜滷水豆卜 – 係大大粒既豆卜呀~~ 豆卜既作用係用黎索左汁/湯!!! 正秘汁雞翼 - 雞翼燜到好, 冇牙既都食得呀~ 而且雞翼既肉都燜到好入味~ 有小小酒香既味道~ 唁錯唔錯!!!魚餅 – 佢個感覺係同星星果隻魚餅

今天到了紅磡試一下來多碗車仔麵，門口是紅色的裝修，有一部電視在播放車仔麵的相。店舖裏面牆上貼滿了必食推介，有雞翼，牛腩，蘿蔔，花菇等等，都是車仔麵必食的材料。進店後首先是落左order,再搵位坐下。面底方面都幾多選擇，最驚喜係佢可以揀兩隻面mix!🤩叫了一碗豬腸，蘿蔔，牛腩，米線併油麵。蘿蔔非常鮮甜而且入味，超好味👍豬腸方面質素不好，切給我的都是頭頭尾尾，而且感覺上不是清潔得太乾淨，很失望。🤢牛腩質素很普通，相信這間店光顧一次便夠，不會再來。

呢個逢lunch time 就排長龍嘅車仔麵，好好味！我好少影車仔麵，但呢間值得推介。我嗌咗四餸河粉，秘製滷肉好入味，牛丸好爽口彈牙，豬大腸都好易咬好入味，不過最好味係蘿蔔👍🏻好甜好入味！再加上㊙️製辣醬同濃郁湯底，正！一定會再幫襯，來多一碗唔該！🍜

今日朋友提議想到紅磡挺出名的車仔麵試一下，名字叫”來多碗”也挺搞笑。。。這裏的地點不太方便，又不太近地鐵站，所以最後選擇了搭地鐵再轉巴士才到達。。😅我叫了三餸一面，有金錢肚，豬紅及魷魚。麵方面當然是配車仔麵最經典的油麵啦！豬紅也挺大粒，可惜吃下去有一點腥味😭吃了一顆後便不想再吃了🤢魷魚方面是爽口的，我覺得質素合格吧，至於金錢肚也可以接受。油面是正常的，至於湯底方面真的非常一般。好像是清湯一樣，沒有吸引的地方。價錢是便宜的，但質素非常一般👎🏻，而且地方不太方便，進店後所有店員也是是講普通話的，猶如身處於內地一般。我想光顧這一次便夠了。