來多碗車仔麵 (民裕街)

營業中

休息中

近家維村有條美食街！唔係紅磡人應該唔知😅哩度其實有三、四間麵舖係我飯堂😂如果想食車仔麵的話就會嚟哩度今朝起身一路懶出門口結果要冒住黃雨出嚟😅心癮想食我嗌咗菠菜麵+通菜底嗌咗雞翼、春卷、蘿蔔、牛栢葉同墨魚丸雞翼好入味 春卷係佢地招牌 彈牙得嚟又好味蘿蔔好甜 索晒啲湯朋友嗰碗係油麵牛腩、魷魚、魚蛋、貢丸牛腩個汁好濃 做腩汁一流魷魚辣得好過癮 不愧係招牌哩度比起一般車仔麵舖係乾淨企理得多麵底選擇有成十款餸菜有幾十款唔係麻辣嗰種 食落好刺激！哩道啲料真係入味又大件抵食其實車仔麵檔可以整到咁嘅食物水準真係好難得哩度走年輕路線 食物質素高未食過嘅街坊一試肯定會再試！