亞金南洋茶室 (黃大仙中心南館)

營業中

休息中

商場有不同餐廳，選了一間東南亞菜餐廳。菜式選擇多，又有晚市套餐。晚餐套餐配野飲，仲可以加配小食。點了一個無骨海南雞飯。海南雞肉質滑溜，配上醬汁，不錯。黃油飯金黃色，吸盡雞汁香味。胡椒浸豬手配飯。有好多件豬手，十分軟淋，膠質多。有淡淡胡椒辣味，暖喉。豆卜吸湯汁。湯底很清甜，可以作胡椒豬手湯飲。 加配了小食。炸蝦餅。大大塊，炸至金黃色，炸皮簿。真材實料，肉質結寶，鮮味出。玻璃魷魚通菜。份量不少。魷魚爽口新鮮。醬汁很惹味，有一點點辣，非常特別。脆皮豆腐。一口小豆腐，外脆，內裏保持豆腐的滑溜質感。 夏天推出特飲。試一試香茅薄荷特飲，清涼飲品。

最近日日都吃西餐，今日試另一風味的大馬菜，餐廳座位多，不用等太久就能入座。 餐牌有很多地道特色的美食， 好難選擇啊～蝦頭膏海鮮炒飯炒飯大大碟也夠乾身，鑊氣夠，飯粒粒粒分明， 表面舖滿了櫻花蝦，而配料有蝦頭、臘肉、粟米粒和紅蘿蔔粒等， 整碟飯食落去臘肉味偏重，伴碟的兩塊蝦片，卜卜脆，老公大讚。肉骨茶（細滲）配白飯及油條十分推薦這道肉骨茶，必食之選，濃厚的藥材湯，苦中帶甘，甘中帶鹹， 既有藥香又有肉香。整碗湯料十足，排骨和豬肉都十分入味， 送飯一流！加配炸蝦餅和香茅雞翼蝦餅炸得香脆，蝦味濃又彈牙。香茅雞翼與蔥油的配搭有驚喜， 雞翼肥美啖啖肉。招牌喇沙滲滲湯頭夠濃稠，味道出眾，椰漿味突出，滲滲質感煙韌爽滑，跟喇沙十分相配，香甜鹹味俱全， 為濃湯更添鮮味。 還有兩隻大蝦， 半隻熟蛋和幾粒魚片頭，夠飽肚。整體味道真的不錯，老公也說值得再來。

亞金南洋餐室呢個名一直都有聽過，全香港不同地方都有分店，係一間可以試齊星馬泰美食嘅餐廳，而今次我就去到位於黃大仙中心的分店試下。講起東南亞美食，就令人諗起海南雞同叻沙湯粉，呢到就直接將兩款美食變為一個set，令客人可以一份價錢得到兩份享受，心思真係要比like。 去骨海南雞配搭上傳統特式醬料，皮爽肉嫩加上醬料提鮮，再試埋叻沙湯粉，叻沙嘅味道鮮甜濃厚，飲得出濃厚嘅椰奶香味，令人感覺係置身於馬來西亞一樣。食得叻沙、海南雞又點少得肉骨茶，呢到嘅肉骨茶係藥材底，材料非常多，有一字骨，豬手腩肉，雞腳，豬肚，等等，當然仲有必食嘅油炸鬼。之後仲有馬來咖哩牛腩，牛腩唔洗講夠晒腍夠晒入味，咖哩唔太辣，適合唔食辣但又中意食咖哩嘅友人，聞起上黎充斥陣陣椰奶香，配上薄餅一齊食更係風味十足。飲品方面椰汁紅豆冰非常不錯，紅豆大粒有口感，淡奶入面亦有一股椰香，配搭起上來無得輸。

午餐大概$60一份，包嘢飲唔使+1 ，親愛嘅環境都算乾淨企理，不過呢個番茄湯牛肉玉子米線，水準真係好一般。牛肉無味完全冇醃過，真係令人好失望，我覺得比起平時食嘅沙嗲牛肉麵仲難食，完全似乎只係靠個湯底，但係收得呢個價錢，令人覺得依度嘅食物冇乜誠意。飲品熱咖啡，係用煉奶沖的，都算好飲，但係$60食呢個米線，真係有啲貴，難怪佢唔使等位，當旁邊嘅所有餐廳都排長龍，呢度好輕鬆入嚟就有得坐低啦。所以如果食米線，可能其他餐廳會係比較好嘅選擇。

今晚同媽咪就喺屋企附近揀咗間南洋餐廳食晚餐，我媽咪就揀咗個晚餐套餐，係肉骨茶配白飯同埋油條，非常足料，雞腳，豬肚，豬手，牛肋骨，都係肉骨茶入面非常入味。晚餐仲可以半價跟特飲，所以叫咗個香茅薄荷特飲，再以優惠價配小食香茅雞翼。而我就叫咗個無骨海南雞配地道叻沙米線，因為食唔到太辣，所以揀咗小辣，味道啱啱好。我媽咪見到餐牌裏面有鮮牛油咖央多士，而我就未試過，所以就叫嚟試吓，牛油喺甜甜的咖央多士中，口感比菠蘿油更多，但好邪惡又肥膩。我最後食咗個甜品，係白玉仙草。好需要呢一個甜品呀，天氣熱左，食返啲涼粉蒟蒻同龍眼，非常消暑舒服。

好多人都問我有咩茶餐廳又平又好食，其實好少又平又好食嘅真係好少，不過呢而家又真係唔錯，仲要係連鎖，好多地方都有，介紹俾大家。我最鍾意係食佢個喇沙，有一大隻蝦，個湯底又好飲，仲有其他海鮮添。佢既面仲有得揀滲滲，都係好傳統嘅新加坡兩款面撈埋一齊。之後仲叫咗一塊香茅豬扒食，佢嘅香茅味好香，令成塊豬扒炸嘅時候都充滿着香茅味，好味道。至於檳城炒貴叼，亦都做得非常之出色，佢查得唔乾，又唔會太瘦，又唔會太油，佢仲會好似港式嘅乾炒牛河咁，雖然唔係有好多肉喺入面，但作為炒麵來講都算唔錯。兩個主食同一個小食都夠晒啦，我仲叫咗個甜品，叫咗個少甜，入面有涼粉同椰果，仲有好多龍眼肉添，所以唔算好甜喎

不嬲都鍾意食東南亞菜，尤其鍾意食星加坡同馬來西亞菜。呢度個招牌喇沙，湯底好有椰香味，夠晒濃郁，有少少辣。配料又夠多，有蝦、蟹棒、魚片頭、豆卜等。最正係面底可以揀滲滲，即係一次過可以食晒油面同米粉，啲面索晒湯底d椰香味，超級惹味，食到最尾，真係連湯底都飲埋。除咗喇沙之外，肉骨茶都係好推介，用一個砂鍋上，有2人份量，配2碗白飯同一條油條，肉骨茶藥材味夠，入面嘅材料超級豐富，一字骨、豬肚、豬手、腩肉、雞腳，啲肉全部都好入味，煮得夠腍，個湯底真係好好飲，如果可以再多啲湯就好啦。我哋仲叫咗幾個小食，蝦餅厚度適中，肉質彈牙，個皮又炸得夠脆。而鮮牛油咖央多士，多士啱啱烘起，熱辣辣，脆卜卜，咖央唔會太甜，味道啱啱好，再加埋超厚嘅牛油，一食落口入口即溶，真係好想encore！呢度仲有個幾特別嘅玻璃魷魚通菜，啲魷魚好彈牙，通菜夠新鮮，唔會好老，碟通菜用咗秘製嘅醬汁去炒，好惹味！

過開嚟黃大仙做嘢，一個人都唔知食乜，成個商場超多人，見到呢間有叻沙食，又唔駛等位就試吓湯底唔係太咸，仲可以揀大中小辣，同埋走辣，算幾貼心啱晒我呢啲唔食得辣嘅人；麵有2種揀，我就揀咗米線🍜；招牌叻沙有魷魚🦑、蝦🦐、魚片魚旦🐟、蟹棒🦀、蛋🥚，材料算幾多；魷魚🦑都算彈牙，蝦🦐有2隻都幾大隻，魚片🐟無乜味，蛋🥚熟度剛好，整體不過不失囉！餐廳環境都ok，叻沙連熱飲盛惠$65，中規中矩嘅一人午餐🥣

趁早餐未完拿拿聲去嘆個早餐先, 當我一見到個厚牛油多士, 唔洗唸就叫依個餐啦！依間店係自己用手機落單既, 不過我見如果有人唔識都可以叫店員幫手落單既. 野食好快到, 可能平日唔算多人, 首先更係食咗個咖央厚牛油多士, 窩心既餐廳將佢切開左四份, 2口食得晒一件, 牛油入口即溶, 咖央甜甜地，牛油咸咸地, 味道完全唔會怪, 多士又脆口. 之後到蕃茄通粉, 同我想像中有少少出入, 蕃茄味比較淡,  雖然有蕃茄肉, 但係通粉同蕃茄D味好似係分開咗甘. 我叫左杯熱柚子茶少甜, 好彩有揀少甜, 因為已經好夠味. 我對面個位揀咗扎肉雞絲湯河粉, 唔好比佢外表呃左, 以為好淡, 估唔到係好香同濃雞湯味, 完全唔似有放味精, 河粉滑得黎又入味, 真係醒一醒神. 而檸檬薏米水唔算好甜, 不過就杰左D, 有D糖水嘅感覺. 經常食港色早餐, 有時食下馬拉野都真係有D驚喜.

話說我係一個非常鍾意食叻沙嘅人，雖然喺香港食叻沙十次有九次半中伏，不過我仍然屢敗屢戰屢戰屢敗，so far都係失望而回，不過今次呢間位於黃大仙嘅食肆竟然有驚喜。我覺得一碗好味嘅叻沙，最緊要就係d麵同米粉要吸盡個湯底嘅精華，可惜喺香港食到嘅叻沙，基本上都做唔到呢一點，不過呢間ok喎。第二樣重要嘅就係佢個湯底嘅濃淡度，唔可以太杰又唔可以稀，所以d芽菜同豆腐卜會唔會出太多水都會有影響。第三樣嘢就係隻蛋，不能過熟，同埋又唔好係凍嘅。最後先至到其他配料夠唔夠新鮮，可惜通常前面已經fail晒唔洗講落去。不過今次唔同，呢間嘅叻沙掂。

Disappointed with the food. Ordered prawn noodles and curry laksa. The prawn noodles' soup too plain. Curry laksa is acceptable, spicy but not hot....environment and decoration is ok, services acceptable...low chance to return.......

記得當年去新加坡旅行，每天都會到不同的餐廳品嚐必吃美食 -- 「肉骨茶」。又胡椒又藥材湯底…… 一試難忘。回港後，間中也會到不同的餐廳嚐試「肉骨茶」，晚上與家人經過「亞金」，其招牌菜「肉骨茶」簡直令我不由自主的衝了入去。環境以綠色為主色，加上座位空間寬敞，令人感到輕鬆自在。上菜時更用了傳統特色的雞公碗，實在是平凡中的一點小品味。無需考慮，「肉骨茶」是必食之選，看看Menu，本想要一個 2人用份量的大滲，但又怕份量太多又想試其他食物，所以選擇了套餐份量的肉骨茶 (細滲) 及套餐招牌叻沙，最貼心不過的是每份套餐可加配小食一款，又可以細細份嚐試更多不同美食，不錯！肉骨茶 (細滲)配白飯及油條 $88「肉骨」如其名，是以帶肉的骨配合中藥煲成的湯，通常配白飯或以油條蘸湯來吃，以醬油、碎紅椒及蒜蓉一起調味。坊間部份餐廳通常只有幾件肉骨及配白飯來吃 ，但這裡的肉骨茶是白飯及油條兩者皆有，醬油、碎紅椒及蒜蓉調味料無一欠奉，依照傳統食法，第一個讚！ 再者，肉骨茶主要分兩派，新加坡的胡椒味較重，而馬來西亞的即較重藥材味，由多種藥材煲成，較為補氣。這裡的湯是較重藥材味的湯底，湯色較深濃，而且遠處已飄來淡淡藥

星期五中午吾洗返工，自己一個黎左亞金食炒貴刁，68蚊吾洗加一，包一杯熱飲，凍飲要+3，都可以半價轉特飲，。午餐選擇都好多，價錢大概58-68元，都算合理，也可以用優惠價加錢配小食，因為我自己一個人食吾到幾多，所以就冇加了。我12:15pm去到，冇咩人，但食物等了15分鐘才有，大家可以預多d時間。炒貴刁好大碟，我一個女仔食吾晒好多料，有蝦，洋蔥，芽菜，魚片，腸，蛋，肉鬆etc。雖然顏色好深，但我覺得冇咩味😂😂可能我平時重口味呱因為e間都算係新開，所以地方都好乾淨企理，店員都有禮，有隔板同膠膜做間隔。

今日去完黃大仙廟後，便來到了黃大仙中心這個商場吃個午餐，經過這間亞金南洋茶室，看到門外人山人海，便決定入去吃。裡面的座位很寬敞，有很足夠的社交距離，感覺吃得比較安心。招牌亞金無骨海南雞配油飯果然是招牌菜，木托盤及擺碟設計得很有心思，蘿蔔湯味濃卻無味精，無骨的海南雞肉質更為嫩滑，很適合不喜歡吐骨的我，三色醬也各有味道各有特式。一字骨肉骨茶另外朋友想吃的是肉骨茶，油條炸至吸睛的金黃色，香脆美味，肉骨茶的藥膳味濃，湯底的精華滲入嫩肉中，加上吸湯力特強的豆腐卜，令整道菜的味道更多層次。南洋魚丸湯這個小食可以以超抵價加配，魚丸彈牙又香滑。白灼蔬菜另一道加配的是這碟生菜，嫩綠健康。咖央多士這份多士平時一般的茶記也吃不到的了，除了咖央味道濃厚之外，牛油也是特級厚的呢，加上烘得香脆的多士，令人一吃難忘。

去到黃大仙拜過大仙， 就去附近商場食飯醫肚。見到呢一間阿金冰室 裝修 是是正正。 就入去試下， 呢度地方闊落 我哋坐卡位坐得好舒服。首先嗌咗半隻秘製海南雞 配上油 仲有三種秘製醬。 仲配上秘製 老火湯， 再加埋嘢飲都係108雞肉非常 嫩滑可口， 配上野味 豉油 非常之醒 胃。之後就到呢個央多， 讓多好重牛油味 外 層 烘 到 脆卜卜 咬落香脆可口。之後就到個雞肉串 雞肉依然都係 嫩滑可口 配上少少沙嗲醬 非常好 味。最後就食多件 炸 雞翼， 雞翼大大隻 炸到脆卜卜 非常之完美。