亞金南洋茶室 (黃大仙中心南館)

營業中

休息中

馬來西亞菜喺香港較少機會食過，今次去黃大仙就係為咗佢去食。餐廳裝修精美，相信店主用足心機，座位可大約坐三四十人，即使人多時不需等太久。先點了一份下午茶的印尼炒飯，炒飯使用甜醬油炒成，配料有雞肉，紅蘿蔔，青豆等等既可增加咬口，亦可增強鮮味，是傳統的印尼炒飯配料。旁邊亦附上一隻太陽蛋及雞肉串燒，當蛋汁溶化於炒飯中，化成另一種香味，是另一種的食法。然後是玻璃魷魚炒通菜，一款傳統的印度菜式，魷魚炒通菜帶有微微的的香辣，相當開胃,再加上通菜的爽脆，可以轉一轉口味。加上其他食物埋單人均約一百元左右，有此等質素很化算。

滲滲即是油麵+幼米粉，口感好特別。海南雞滲滲個湯底有少少辣，椰汁味香濃，非常惹味！雞肉嫩滑無乜骨，仲要配搭三種唔同嘅醬汁，雖然價錢都係有啲貴要70幾蚊，不過都係一個好好嘅選擇！

今日過左黃大仙食下午茶,見佢門面裝修幾好,所以入去試下,首先入到去佢安排位俾我坐,但完全無開冷氣唔知想點...跟住問佢有無得掉位, 又話無...但附近都仲有好多位剩無人坐...第一個觀感已經好差...之後叫左個海南雞飯, 咖映多, 南洋奶茶...海南雞飯唔錯, 雞肉滑溜, 油飯味濃,咖映多就無乜咖映味, 唔似星加坡食果D...而且好大舊牛油喺入面,我自己本身就麻麻地好牛油...至於以下呢杯南洋奶茶不得不介紹...我見佢本野講就用煉奶...點知同普通奶茶無分別...我都唔知加錢為乜...仲要比好多茶記沖得差...講真對一個奶茶痴黎講好失望!!講真真係唔會翻食... 完!!

味道一搬，茶餐廳比較更好味，大碟價錢算合理，蝦餅幾好食，不會再來，流水工作，白飯第一時間到，餸15分鐘到，芒果特飲難飲，酸味的混合溝。奶茶一搬，環境好座，有烏英。個別職員態度夠專業，更甚茶餐廳。我還是去茶餐廳。

放左工8點幾返到黃大仙中心諗住耐無食呢間就幫襯下，門口見佢大大個廣告牌海南雞飯配例湯$39所以就揀左買外賣返屋企一人晚餐！當俾錢果時要加多2蚊外賣盒！等緊拎餐期間發現入面客人水靜河飛，而隔離幾間餐廳都坐爆人仲要等位！自己叫完都有點心知不妙既感覺！等左十分鐘左右就取餐啦，回到家滿心期待的打開飯盒，賣相已經一般般！例湯係冬瓜湯味道尚可，但海南雞的雞完全不新鮮而且油飯口感很爛又過鹹！曾幾何時呢間係我幾鍾意既餐廳，但唔知係咪轉左員工班底？無論味道同服務都大不如前，令人失望！

無意中經過見到睇見佢嘅裝修，佈局好多馬來西亞風情就想一試今次2幾點黎到，試到佢嘅下午茶！ 見佢寫住係輕怡版，心諗會唔會唔夠飽呢？ 因為我都幾肚餓下😂😂叫咗個招牌喇沙試試湯底：濃郁， 相對比傑身， 濃香椰子味，唔係好辣，唔係咁食得辣嘅朋友都會岩！ 面： 米粉同油面係分別各半咁擺，無預先拌好，有d 失望，因為食摻摻就係想同時食到2 種面質。 講返面質， 米粉是類似粉絲質地嘅米粉，無咁林同碎，我幾鍾意！而油面煮到岩岩好，唔會太林身配料：有豆卜，魚片，蟹柳,魷魚，蛋，蝦。 蝦，隻蝦好彈牙，好食🤤 唔係急凍死蝦豆卜，浸滿湯汁，好難唔好食🤣蛋，如果係溏心蛋嘅話會開心好多🤭魷魚， 就失望左d 啦，佢無咩味咁，好彩個湯配住一齊食...如果淨食佢都幾無癮...之後飲品，我揀左 檸檬薏米水， 好飲😍鍾意佢唔係咁甜，仲要有好多薏米，薏米好有咬口，唔係煲到化晒又林patpat 咁🤣雖然佢係話輕怡， 但我咁大食嘅肥鯨魚都食得飽飽又滿足值得推廌比大家食🤩

今日一早來到黃大仙區，原來都有不少食店🧐見到有南洋早餐，就入去試試啦⋯⋯星期日朝早有8成滿座正常，但樓面員工只得四個，由安排入座到食物送到枱都有點混亂😅而落單已經係人客自己用手機下單…講到食物，我就點了C餐因為有我期待嘅咖央多🤩⋯⋯但試過之後呢個早餐就真係好失望😵蕃茄湯通粉：湯底紅色有一點點蕃茄味但偏酸而淡，另加上用白水煮熟嘅通粉🤢🤢⋯⋯配上有芽菜和豆卜(都算比多有幾舊)🤣鮮油咖央多士：舊鮮牛油好細少，無牛油味唔香，咖央醬我都唔會預佢塗得多，件多士一啲都唔脆，軟身到唔好味😝南洋奶茶：茶味好淡，可能南洋奶茶真係比較淡味啦🤷‍♂️🤣後來發現原來啲早餐一好整好放在廚房對出架三層餐車上😅⋯⋯此店好難令使我下次再來幫襯啦😆

冇得去旅行 好掛住東南亞食物咁岩經過一間裝修好別緻既餐廳🍴比佢裝修吸引左😆😆同埋好似好有風味比次機會佢啦😙😙餐廳坐位好闊落 好新淨好智能化 採取QR Code落單 依家減少接觸都係一件好事👍🏼👍🏼Menu design都好靚☺️☺️岩曬我有相睇 (無相唔識簡野食😅😅)睇得出細節位用左好多心思～💪🏼💪🏼💪🏼.亞金招牌叻沙米線 $65餐飲：白咖啡配煉奶 ～必試～.好足料啊～ 有兩條蝦🦐🦐三片魚片 有魚味同彈牙三個豆腐卜 吸曬晒湯底嘅味道～ 好正仲有魷魚🦑圈～😋.「但係米線份量有啲小 & 米線太淋」..煎雞扒馬來椰漿飯 $60餐飲：芒果沙冰$16 (跟餐半價).芒果沙冰上面有兩片橙😆😆有啲搞笑椰漿飯可以轉白飯 任君選擇雞扒都好香 仲有水份 唔會太乾身仲有兩片蝦片 好翠炒花生🥜好香口 好多配料食下 好滿足🤰🏻兩個人既lunch埋單$141～

呢朝同個老友喺商場搵地方食早餐，行來行去發覺好多食店都近乎滿座，惟獨呢間有d位，有d位重係卡位添，於是就入左去。原來呢間食店都幾追得上潮流，要d客用手机scan個QR code落單。好嘅，方便又環保，敝就敝在揀到最尾，個套餐杯飲品竟然要廿幾蚊一杯，唔係套餐包埋飲品咩。唔係阿話，即刻叫個侍應嚟問問，佢話唔駛理個價錢，照tick得喇，咁你呢個落單apps真係要改善吓喇呢個皮蛋瘦肉粥d料就一般般喇，最敝就半冷不熱，俾人有種唔太新鲜嘅感覺囉。呢個炒米粉又係凍嘅，口感就真係麻麻，而家係食炒米粉喎，唔係食冷麵喎，起碼都叮吓至攞出嚟吖。呢個公仔麵就大路貨色，不過不失咁喇，d麵都煮得爽嘅，肉就一般，唔屬於韌嘅。就呢兩個早餐而言，該店出品算係麻麻地，亮點欠奉 。

附近返part time, 放飯時間差唔附3點，附近餐廳都仲要等位，見呢間最少人等緊位於是就入去食啦～ 原本冇諗住食得咁清淡😂 諗住唔叫濛粉叫湯麵都會有湯底，黎到見到咁清淡都嚇左嚇😂 不過都好食嘅，個豬扒幾好食！呢個lunch不過不失咁啦！

之前食過這間亞金茶室的外賣，印象不錯。今晚就選擇堂食，環境舒服，座位闊落。餐牌豐富，有齊馬來西亞著名的美食，價錢合理。用QR code 自己下單，十分方便，上菜速度快。點了兩個晚餐，當然要食他們的招呼菜，招牌亞金無骨海南雞配油飯（$66), 鐘意無骨的海南雞啖啖肉，肥瘦適中，雞肉都頗嫩滑，跟上三款醬汁，黑醬油一向是我最愛。略厭油飯煮得淋身了一點。招牌喇沙 ($66), 賣相不錯，湯底有椰香味，配料都頗豐富，有蝦，豆卜，魷魚，魚片，雞蛋，芽菜。可揀米線及滲滲麵(油麵及米粉)每個晚餐可加錢配小食，點了一份蝦餅（$38),香脆彈牙。另外點了玻璃魷魚通菜（$32), 微辣惹味。另外再點了一客咸魚炒怡保芽菜，是怡保十分出名的菜式，芽菜清脆爽口，味道咸咸香香。

舊同事在九龍區上班，故相約在黃大仙吃晚餐。餐廳位於商場一樓，餐廳裝修展示出南洋風格，座位寛敞。客人可自行用手機落單，方便簡單。亞金小食併盤128元，蝦餅外層香脆內層彈牙，雞翼香口，春卷鬆脆，雞肉串肉嫩，面層有葱油，滋味。細滲78元，肉骨茶帶中藥味和香料味，一字骨肉嫩滑入味，豬腩肉肥美。肉骨茶味濃，配白飯一起吃最適合不過。招牌叻沙滲滲66元，散發出一陣陣娘惹和咖喱的香味，辣味輕微，兩款麵線一粗一幼，軟硬適中，蝦大隻，魚蛋彈牙，雞蛋、蟹柳和豆腐卜吸收了湯汁，惹味。加配碌林香茅豬扒15元，肉不韌帶咸味，香茅和葱油有助提升味道層次。跟餐熱柚子茶，酸酸甜甜。總結：抵食美味。

很久沒有和家人逛黃大仙中心了，購物完畢後，見一樓有間馬來餐廳，於是便入內一試。餐廳地方頗寬敞，裝修簇新，整潔亮麗。我們坐下來，服務員很耐心地向我們介紹菜式。“招牌亞金無骨海南雞跟油飯”，嫩滑無骨的雞肉，配上椰香的雞油飯，非常美味。“肉骨茶（細滲）跟白飯”，材料十足，有五花腩、豬手、雞腳、豬肚、排骨等，浸泡在馬來特色的肉骨茶中，相當入味。還配有半截油條，點上肉骨茶來吃，特別美味。如果藥材味能更濃一點更佳。“南洋醬炒牛柳粒跟馬來椰漿飯”，牛柳粒濃味而不靭，口感甚佳，還有鹹魚仔、花生等脆口配菜。椰漿飯乾身而富椰香，十分開胃。“碌林香茅豬扒”，加15元的小食，雖然說是小食，也是整塊豬扒。豬扒炸得香噴噴，非常美味，令人喜出望外。最後，還有餐飲“即磨白咖啡”,濃郁、奶滑，入口香醇。豐富美味的一餐，CP值相當高。

好耐冇食馬來西亞菜了，突然好想食辣死你媽（nasi lemak），亦即係椰漿飯，上網search下，竟然見到附近有，立刻去試吓先我就叫咗雞扒椰漿飯加凍奶茶。個椰漿飯好香，辣椒醬都好好食，但d配菜就好麻麻，尤其係個魚干，真係太硬喇，牙都甩🤪雞扒亦都冇乜味，要改善吓。最好食嘅反而係炸蝦餅，炸得剛剛好，配上酸甜醬，好正呀，同泰國菜食到嘅差唔多。杯凍奶茶都唔錯呀，比一般嘅東南亞餐廳做得好，唔伏。價格就好平喇，五、六十一個餐，同茶餐廳價格差唔多，想幾時食就幾時食。

唔知道大家有無自己的comfort food🥄🍴只要食到就會感到很舒服及快樂!😍而且間中會想吃到的!我其中一樣comfort food 便是星馬菜😙🧡，好食又岩我口味💖💖-今晚去係黃大仙的左亞金南洋茶室,第一次去呢!估唔到都幾有驚喜!💜💜抵食而且有質素環境仲好舒服呢❣️❣️-價錢都幾抵食，所以不經不覺點了好多野食✏️主食方面點了怡保芽菜鮮牛肉米粉同炒蝦餅撈檬🥢大推炒蝦餅撈檬，蝦餅🦐又香又脆，配上撈檬及特選的醬汁╴好開胃又好食呀!好鍾意! 又開胃!🤩而怡保芽菜鮮牛肉米粉內的鮮牛肉好好食🥩，牛肉好滑又多! 好抵食!🍲-另外也點了馬拉盞炒通菜🥬，滿滿的醬料配上新鮮的通菜，惹味好食，而且不會過老，口感好滿足!💯仲點了好邪惡的鮮牛油咖央多士🧈🍞，新鮮製作當時好香口，配上一大舊的牛油，太正!🤩😋-我們仲點了南洋魚丸湯，鮮味好食，魚丸彈牙，好滿足!💡值得一提係我好鍾意飲美祿🧃，在馬馬餐廳內當然可以飲到呀!😍😝-輕鬆簡單的一餐，相宜好食🥳💯絕對係日常的好選擇💖💖🧡