亞金南洋茶室 (黃大仙中心南館)

營業中

休息中

之前食過覺得食物OKAY, 今日經過見有下午茶所以幫襯下外賣。點知等左35分鐘，我勸大家趕時間嘅真係要考慮一下，真的過份地耐。佢解釋話因為有炸雞肶所以耐左…我諗炸成隻雞都唔需要咁耐…

係黃大仙做完野已經3:00好鬼肚餓，同朋友係附近商場揾野食，經過亞金有下午茶餐牌有飯餐食，有我想食肉骨茶，就入咗去食。地點咗一字骨肉骨茶配白飯肉骨茶味道幾濃郁，一字骨有些好淋有些好硬，好奇怪🙄另一個點咗咖哩雞配白飯味道唔算辣，薯仔好淋，雞肉普通啦過連2杯餐飲埋單都只係$90都幾抵既！

叫左外賣自取，62蚊 一個鮮蝦北菇雞粒飯， 諗住質素應該好過唐記果d 蒸飯掛，一睇到成兜黑色既，都心知不妙。食落去就x 左出聲。喂大佬生抽撈飯黎既，d 料係白烚既一d 味都無。 所以如果你想用一半價錢享用同樣既味既話以下係教學1.去唐記買28蚊既肉餅飯2問佢拎3~4包鼓油3.拎起塊肉餅4之後倒哂d 鼓油落去撈埋一齊5. 之後掉左塊肉餅佢，我無打錯，你都無睇錯 ,係掉左佢，因為呢個飯除左鼓油味你係乜味都食唔到。我平時都好有衣食，今次真係攪唔掂，掉左。其實呢間野既質素都係好穩定咁差架la, 之前食過下午茶既肉骨茶，50蚊得兩條手指尾咁粗既排骨。果時諗自己黑仔姐下次食應該無咁差掛。今日再食可以永久backlist 呢間🖤🖤🖤🖤店上網一search, 原來係金記同一條水，唔怪得咁'高質'😡

星期日的中午，黃大仙中心周圍都人頭湧湧。原打算食地下日式店，但太多人轉向這店。雖然午餐只得幾款，但餐牌裡還有許多不同類型的食物選擇，而且價錢同午餐差不多。我哋叫左海南雞。喇沙面。黑白配甜品，這個餐連埋飲品都是七十多元。我鍾意這，是因為我心多，想食飯又想食喇沙，仲要有埋甜品（全部都是細size)的，實在太吸引了。先講喇沙，顏色吸引，味道正常有點惹味。不過我都嫌唔夠惹。至於個海南雞飯，我覺得雞肉少，加多一件就好了。飯的顏色不好，白白的，沒有飯香，不是黃油飯。個甜品內有豆腐花、紅豆、涼粉。同行人就叫了炸蝦餅雞翼撈檬。友人話蝦餅同雞翼都好味、香口。但最差，我倆都接受唔到的是檬粉的質地，又硬，又冇味，落左汁，粉也吸唔到汁的味道。如前言，這裡選擇不少，最終買了$500現金卷，留日後再來帶了誘因。

亞金南洋茶室 AKAM LAKSA Kowloon Hong KongCravings for some Malaysian food and discovered 亞金南洋茶室 AKAM LAKSA, an Asian Fusion restaurant at Temple Mall, a walking distance from Wong Tai Si Temple in Kowloon. 亞金南洋茶室 AKAM LAKSAShop 132, 1/FTemple Mall South103 Ching Tak StreetWong Tai SinKowloonHong KongOpen Daily11:30 am to 11 pmTel: 2398 0981WhatsApp: 9143 1709Good Value for Lunch Set Meal, an impressive platter of Malaysian fare from AKAM LAKSA as I tasted their 3-in-1 Meal Set which includes the follo

星期六搵個下午茶歎吓先～行行重行行！咦？南洋風味？即本試下啦$48元馬來西亞咖啡風味！不過不失啦！仲要係件雞脾添😋少少地 tea-tea, 熱🍋薏米水幾靚又唔甜！餐牌簡簡單單，都多人幫襯！D姐姐都好有禮貌，自己QR code落單，方便呀！出左門囗，仲有呢個！得閒嚟試下先！

東南亞美食餐廳～抵食星馬菜之選「亞金南洋冰室」新加坡，馬來西亞及泰國菜🥰🥰__________________________今次小編試左呢一間東南亞連鎖餐廳～order 了香葉肉碎煎蛋飯， 海南雞飯，，雞翼撈檬以，黑椒牛仔骨，粟米班腩以及班蘭咖央。整體食物水平不過不失，性價比還是不錯的，唯一值得讚的是咖央，牛油豐富，味道很不錯🥰🥰🥰人均：$60-$80

🇹🇭泰式咖喱醬包🇹🇭炒咖哩煮咖哩沒停過的手⚠️泰式咖喱跟日式咖喱醬大大不同⚠️手炒的泰式咖喱香氣、微辣口感，與日式甜甜的咖喱醬完全不一樣！「泰式綠咖喱」幾乎大家都品嚐過！「泰式紅咖喱」香港卻好少人嚐過！😅喜歡吃泰式的朋友們 必須要來這裏試試吃吃飯 聊聊是非 珍惜我們能相聚的時光👏好吃又好拍，非常愜意的好地方💛-突然間慶幸一路走來讓我一步步獨立成長至今.#泰式料理#午餐時刻#老同事相聚 

睇戲前見有少少時間，又有少少肚餓，所以決定食一個快閃下午茶，見［亞金南洋茶室］門面都企理裡面又唔太多人👍想快當然選擇茶餐廳，入到店舖坐低自己電話落單，食物上枱速度係快嘅，但質素真係好一般😥，咖央多士係最快到亦係最正常亦好味道嘅👍👍，另外叫嘅馬來肉鬆練奶油酥餅 、雞絲青瓜、白玉仙草就真係好麻麻啦😥，尤其碟青瓜手撕雞，份量少得可憐😅，二杯奶茶就正常茶餐廳水準，不過相信下次應該唔會再來幫襯😅

買外賣，等左15 分鐘未有，問店員，話炒野要等20分鐘或以上，但餐牌無寫，俾錢果陣又無講，唔追問都唔理！淨係見到堂食不停出餐，不停入人！收銀員叫經理跟下外賣都唔理！最後，等左半小時話取消先出到餐！仲要話三十分鐘唔係好耐😡😡😡服務態度勁差！如果外賣要等咁耐，俾錢果陣可以講聲，而家將責任推俾客人真係好過分囉！仲要經理望一眼就轉頭走，去服侍堂食客人！最嬲係遲過我叫外賣既都出左餐，我果個仲未有！講句唔好意思都無！

落咗單等咗20分鐘先上菜，唔知點解等咁耐.....上菜時發現唔係平時我食開嗰隻蠔油芡，河粉無落老抽，而係炒滑蛋咁樣。初頭以為淡而無味，最後食落都有啲鹽味，而且河粉炒得有鑊氣，仲有啲芥蘭可以食吓，加埋辣椒醬係好食啲。整體來講，濕濕地唔油膩，加埋辣椒醬就入到口。坐坐下，冷氣機滴水嘅😑

最近天氣不穩定，放工都係走入商場嘆冷氣食晚餐最舒服。路過見到亞金南洋茶室 門口人山人海，再睇吓Menu有馬來特色，價錢又唔貴，即刻入座。招牌海鮮叻沙麵底(渗渗/米線）：滲滲從前去馬來西亞旅行，一定會食叻沙，好掛住一於回味一下。出名又好味的招牌菜，叻沙湯底味道濃郁，入口幼滑又惹味。賣相吸引，顏色鮮艷的大蝦鮮味十足，滲滲 意思大概係一半一半，鴛鴦米粉、油麵，彈牙口感提升。最鍾意豆卜吸收滿滿椰香湯汁，小辣好開胃，一試難忘。玻璃魷魚通菜加配小食價錢優惠，口味小辣，秘製醬汁很惹味。玻璃魷魚很出色，肉厚爽口，通菜新鮮翠綠，配搭得宜。馬來咖喱牛腩配油酥餅馬來咖喱傳統香味，入口帶有微微的香辣，椰汁香味相當開胃。牛腩肉質地軟綿，無筋啖啖肉，食得開懷。配油酥餅更加酥脆可口，配料豐富，吸收熱辣辣咖喱汁，幾香幾入味。涷檸檬茶口味走甜好清新，去油膩。南洋番茄扎肉香茅雞翼米粉 南洋番茄🍅好多蕃茄肉，先飲一啖湯底清新健康，扎肉有好香嘅黑椒味，香茅雞翼 自動另上，脆皮肉滑又多汁。炸蝦餅即叫即炸入口蝦味濃郁很香脆，蝦膠夠彈牙，面頭仲有啲蔥油，香口惹味。凍檸檬薏米水 薏米水有美白去濕功效，加檸檬好有創意，醒胃又健康，很滿

今日晏晝食完素, 收工餓餓地想係屋企附近食少少嘢, 成日黎南館食三哥食到有啲悶, 見到對面呢間亞金餐廳於是入去睇睇餐牌上嘅食物種類繁多, 原本想叫個海南雞飯, 有跟例湯, 不過諗諗下都係想飲肉骨茶多啲, 於是就叫左肉骨茶一人餐, 落完單超快就有得食肉骨茶 (細滲) 配白飯油條配料豐富,除了大大嚿一字排骨外，還有豬手、腩肉、雞腳、豬肚及豆腐卜隨餐會有一碗白飯&油條, 肉骨茶幾香幾入味, 有少許藥材同埋排骨味, 熱辣辣嘅湯夠曬暖胃仲可以自製泡飯, 油條可以浸落去肉骨茶入面食, 飲品方面叫左一杯檸檬薏米水, 都幾足料下, 想不到裡面仲有一條糖冬瓜, 甜甜地幾好味.

自己試過就明點解咁多個食評都係有負面評語。叫咗雞絲河粉，啲河粉碎到要用匙羹先食到。食物未至於唔入得口，但份量少，價錢唔係平，賣相差到相都唔想影。最不知所謂係個收銀嘅態度差到一個點！叫餐號話唔知係咩，咁叫食物名，都可以覆三次都錯。搞左勁耐，我話我自己外賣落單算，外賣自取仲平過佢，佢就突然出單話出左，無得改。係咁用不友善嘅態度恐嚇我，話出左就出左。當刻我錢都未比，就係到威嚇我，後來有個疑似經理高級啲人行黎話唔緊要，唔好咁，個收銀先停左指嚇我。雖然佢話取消無問題好小事，但最後我都照比左錢唔想煩到人。其實唔改得大可以正常講返，態度咭洗咁差，亦無必要咁無禮貌係咁鬧人。啲咀臉差到唔知以為同佢有仇咁，勁黑人憎！雖然個經理好禮貌有心處理番，但以後唔會再幫襯！如果大家想比人鬧可以去見識下

今日放假去行山，行完之後落咗黃大仙中心揾嘢食，見到有間餐廳 — 亞金南洋茶室，下午茶時段都幾爆人，一於入去補充一下體力！檳城炒貴刁（$46）足料炒貴刁，配料有蝦、肉鬆、蛋絲、怡寶芽菜、洋蔥，鑊氣同味道都好夠，不過有少少油膩。招牌海鮮叻沙（$48）可以揀配米線或者摻摻，雖然分量少咗，但配菜嘅款式仍然係咁豐富，椰奶嘅香味配上少少嘅辣，真係食到停唔到！鮮油咖央多士（半份）配炸雞髀（$36）原本以為係配平時食開走邊款嘅咖央多士，有少少失望，不過生炸雞髀好有驚喜，香脆熱辣辣又好厚肉，絕對係補充蛋白質嘅首選！下午茶時段黎食真係幾抵，臨近晚飯時段仲見到唔少街坊黎買豬手同雙餸飯，感覺幾有品質保證！