亞金南洋茶室 (黃大仙中心南館)

營業中

休息中

比$48買盒剩餸，兩個餸都係得咁少，唔夠餸就唔好賣，比完錢後排隊得返咁少，仲要畢完覺得多咗再倒返幾條落去，真心嚟火，未試過遇到咁呃錢嘅食肆，以後都唔會再幫襯！！！

黃大仙寺附近的餐廳相當多，這間冰室提供多款下午茶餐，因為毋需排隊，所以我們很快便進去這碗雞絲肉條河粉，碗身雖然高，但份量極之少，只有幾條雞絲，味道亦相當清淡，幾分鐘就吃光了，這個價錢還是去吃米線更好相比之下，這個肉鬆奶油酥餅更加細份，上菜的時候我們還以為上錯了，跟餐牌照片比較下，除了酥餅細，餡餅的肉鬆亦是少得可憐，只能說是一口酥餅，完全沒有飽腹感整體而言，味道和份量都很一般，很多冰室的下午茶都不會這樣減份量，所以不會再試這間餐廳了。

今日買外賣自取$39海南雞飯 反到去打開個下見到飯入面有舊黑色既不明物體雖然話$39真係好平 但係既然比啲咁既食物不如唔好做呢啲優惠啦另外買左個外賣咖哩雞飯 啲雞肉有渣咁 好好改善一下啦

第一次喺南館食嘢， 冇諗過可以咁難食 呢啲真係只此一次首先，呢個扎肉雞絲河近乎冇乜味道， 加咗辣椒油都幫唔到件事，我淨係食曬啲扎肉同雞絲，河粉勉強食咗兩啖上面嗰份係正式叫嘅咖央多士，下面嗰份係加三蚊附上嘅咖央多士，兩份都唔得， 全餐最好食嘅.........就係塊火腿至於呢杯椰汁珍多冰真係冇得頂，得一個甜字， 仲要咖啡色嘅椰汁味道，真係唔係人人接受到，已經叫咗少甜少冰，但係變咗多甜多冰， 無論賣相與味道都完全唔知佢做緊乜

新年同老婆去咗行獅子山，行完山已經六點幾，由於近黃大仙所以就坐車去黃大仙中心食晚餐。 同老婆喺黃大仙中心行完一輪，就決定食依間亞金南洋茶室。同老婆揀咗一個二人餐，包括小食兩款，主食兩款同兩杯餐飲。馬來春捲：熱辣辣脹卜卜 ，炸得香脆內裏配料十足。玻璃魷魚通菜 ：分量都算，醬汁幾惹味，魷魚爽脆。經典三寶配椰漿飯： 配料有豬扒，雞翼，扎肉。豬扒及雞翼，炸得香脆又唔油，但椰漿飯就一啲椰漿味都食吾到。檳城炒貴刁，面頭有肉鬆，食落正正常常，茶餐廳質素。

第一次寫食評，就是因為這間餐廳，味道不是差，係河粉湯底完全無味。由相片所見，湯底是沒有顏，比公仔麵湯還要差😮‍💨。如果要用形容詞，湯就像水一樣。，服務員幫手換了一次，可惜結果一樣，最後吃不下。而馬來椰奬飯味道還可以。

經過見有叻沙食就入去試吓，嚟到叫咗個招牌海鮮叻沙下午茶，中辣，賣相還可以，但是湯完全冇味，淡如清水，豆卜魚蛋應該是清水煮完放落湯。另外點了炒貴刁，臘腸簡直一食就吐出來，一向講哂，超級難食，非常失望。

上同事屋企探初生BB,唔想打擾太耐所以沒有留下晚飯，走的時候決定跟大隊在附近吃個晚飯再回家。已經很久沒有踏足黃大仙中心，翻新過而且多了很多食店。忽然發現一間馬來西亞餐廳，已經有差唔多4年冇去馬來西亞旅行，好掛住馬拉美食，一於就決定今晚好好回味一下。凍即磨白咖啡白咖啡香濃可口，入口順滑。桔仔水桔仔水入口酸咪咪，非常醒胃，果肉豐富，味道清新。亞金招牌無骨海南雞叻沙（滲滲）無骨海南雞雞肉軟綿，而且無骨啖啖肉方便進食，叻沙湯底椰香味俱全，滲滲即是油麵+米粉，馬拉正宗食法，入口可以同時食到油麵的香滑與米粉的米香味，令人一試難忘。古仔路肉骨茶(細渗）肉骨茶材料豐富，包括有豬手、雞腳、一字骨、豬肚、腩肉等等，再配上油條白飯，先飲一啖湯底，藥材味濃郁芳香，豬手外皮QQ爽彈，肉質軟嫩，一字骨肉味香濃，雞腳入口已經骨肉分離，外皮滑溜。炸蝦餅即叫即炸，入口熱辣辣，蝦味濃郁，香口惹味。玻璃魷魚通菜魷魚厚肉爽口，秘製辣醬有少少辣，不過非常惹味，通菜翠綠新鮮。星加坡摩摩喳喳紅豆、芋圓、涼粉加入少許花奶，味道不算太甜，紅豆香甜軟淋，芋圓口感粉嫩，涼粉爽彈，整體不錯喔！

幾乎每個星期都會同啲同事幫襯，食開都覺得OK，今日轉左Menu，好食嘅食物唔見晒（例如海南雞滲滲），取而代之都係啲好難食嘅食物！豬頸肉冬陰功米線$62啲豬頸肉唔熟嘅，有幾嚿咬唔開，重點d肉係冇味嘅。然後冬陰功湯底係冇冬陰功味，一味得酸味，一啲冬陰功嘅味道都冇，徹底就係劣食。亞金無骨海南雞配南洋蕃茄米粉$68海南雞同平時一樣水平，正常發揮，但係呢個湯底真係出事，好淡的，蕃茄味一啲都唔濃郁，強烈建議轉返之前嗰個喇沙湯底，如果唔係咁樣嘅組合真係食唔落。泰式香葉辣肉碎煎蛋飯$58成碟野好乾，都係唔好食。招牌海南雞油飯+大蝦喇沙+黑白配$75呢個係新出嘅套餐睇落好豐富，海南雞飯一碗上面得三舊雞，分量比較少。大蝦喇沙味道都可以，但係黑白配啲碗糖水真係唔多掂，啲紅豆好硬。整體來講，食物質素嚴重下降，新Menu真係好鬼差，希望睇到呢個comment之後會有所改善，仲係呢個Menu嘅話我諗就唔會再食了。另外員工態度都好好，同佢反映咗食物嘅味道，佢哋都有認真回應，不過Menu嘅嘢佢哋應該話唔到事。

某一間天在附近辦一點事情，剛好時間是上午11點正不是一個繁忙時間。想找一間餐廳可以舒服地吃一個午餐，剛巧看見這餐廳坐位很多，這時候食客也不算多所以就嘗試這餐廳。但非常可惜，店員偏偏安排我坐在左右旁邊都是食客的走廊位。那時候我坐另一邊，但店員說不要坐，會妨礙他們工作。我那時候非常不滿，為什麼知道會妨礙他們工作，但仍要安排我坐非常擠迫的位置。但我見有其他坐位都是空空的，之後我要求，坐另一個坐位。之後點了一個海南雞喇沙麵，海南雞非常'鞋' 同乾， 豉油都只係非常普通的生抽一樣，喇沙湯味道淡。如果用這一個價錢食和享受非常不值得。不再會光顧餐廳。寧願食附近的譚仔 。😡👎👎👎👎👎

我好鍾意食👉亞參叻沙不過係香港食每次都失望，呢間叫做唔錯了，至少材料足，係味道還是爭啲。它欠缺亞參的靈魂：酸辣，也欠缺湯中特有的魚腥味。餸方面有沙甸魚，菠蘿粒、魚角、蟹柳和豆卜，下午茶$45，ok啦。另外叫了👉檳城炒貴刁，下午茶$48，又係ok啦。味道調得唔錯，唔算多油，而且都幾大碟。下午茶跟熱飲，用煉奶沖的南洋奶茶無乜特別，唔叫少甜的話真係好甜。叫走甜的話又完全唔覺加了煉奶。餐廳都幾闊落，坐得舒服。

今次就試下哩間馬來西亞餐廳早餐 裝潢ok坐得舒服 難得有BB凳 係加分嘅 適合一家大細 一睇menu 見到馬咖央牛油多士 唔係唔試試佢 雖然跟一個冇餸嘅茄通 多士來到熱辣辣係好味道 用新鮮兩個字形容 有啲似食緊香港嘅菠蘿油 牛油係冇慳嘅大家睇相就會知道 一啖多士一啖凍奶茶 係正嘅 所以都明白點解跟個齋茄通 茄通唔駛講啦 睇顏色答到哂大家嘅問題 今日主角係牛油咖央多士 碗野🤦🏻‍♂️🤦🏻‍♂️算把啦 價錢同一般早餐相約 大家可以一試個多士

🖐✌✊選食什麼，在黃大仙中心南館，左挑右選，最終選了吃南洋款式的晚餐，望進店內整潔衛生，座位舒適。 潮流興用手機掃QR code點餐，這間都採用，見有些客人不太懂的話，侍應都會用人手下單，自已落單又得，揾人幫手又得，有得比你揀😀。 我用手機點了兩個餐加小食，加碟菜，再用半價就可以飲特別飲品，夠啦夠啦☺! 肉骨茶(細滲)配白飯油條($78)南洋菜式，我熟悉的肉骨茶，有肉排，油條，香濃藥膳湯底，加入白飯食，似湯飯易入口。這裡的材料更豐富，除有一字排外，還有豬手，腩肉，雞腳及豬肚，豆腐卜。這麽多款真可以滿足貪吃的我。😋星洲胡椒浸豬手配白飯($82)獨特的胡椒香味被軟腍豬手完全吸收了，豬手充滿骨膠原，肉質夠腍。見身體近來濕氣重 ，胡椒湯袪濕，飲完成身舒服曬 。✌✌✌每個套餐可加一款小食，我們分別加了一碗南洋魚丸湯(6粒)及一碟油酥餅，各款$15。蒜蓉炒通菜($52)， 舖滿炸香蒜蓉片，食落更加香口。飲品方面，芒果沙冰及青檸梳打🍹，各具各特色!我倆帶著了滿足結賬離開!

朋友想吃東南亞食物，我介紹佢有間出名又好味的餐廳。喜歡吃它的招牌菜價錢又合理。點了凍檸檬薏米水和芒果沙冰，前者有美白去濕功效又醒胃而芒果沙冰好像吃著啖啖芒果肉，很滿足啊！招牌叻沙湯底味濃幼滑好惹味，兩隻大蝦很新鮮，鴛鴦粉係米粉加油麵另口感提升，而豆卜滲滿椰香湯汁真開胃。肉骨茶（細滲）配白飯及油條這個也是招牌菜，肉骨茶很足料藥材味濃豬手和排骨煲得很腍身，啖啖都是精華配埋白飯真是絕配。追加小食 炸蝦餅 玻璃魷魚通菜炸蝦餅即叫即炸很香脆，蝦餅夠彈牙而魷魚通菜同樣出色，醬汁很惹味。

因為隔離三哥太多人，諗住試下呢間，叫左一個叻沙同一個海南雞飯，加配香茅豬排。個叻沙都唔錯，湯底有濃濃既蝦味，配料都好足。香茅豬排無香茅味，同埋啲葱油鹹左啲，不過都算係正常豬排味。個海南雞飯就真心唔得，個飯硬到督唔開咁滯，一放入口，嘩!乜咁鹹架!再試下個雞先，食左好似無食咁，完全無味，點下個辣醬，都係無味，真係大伏，要一路食一路用湯送先食得完。後來見第二枱個海南雞飯跟白飯，可能啲員工知道個飯衰左。唔係好敢再食呢間。