亞金南洋茶室 (黃大仙中心南館) (已結業)

亞金南洋餐室位於黃大仙南館 ， 晚上用餐時間人流絡繹不絕， 而且外賣的人也多， 證明餐廳質素好。餐飲選擇其實都頗多種類， 又海南雞喇沙蝦湯麵到各式南洋炒粉麵飯 都應有盡有， 而且有一些小菜有大細之分，多人或小人份量都顧及得到。細滲（肉骨茶）跟白飯\是屬於馬來西亞派系的肉骨茶，湯汁濃厚，味重色深，吃起來有質感和中藥味，湯頭入口甘甜，以慢火細燉，鎖住肉排的原汁原味; 而且材料豐富，有雞腳，豬肚，腩肉，一字骨，變化出不同口味與層次感，溫和不燥熱。馬來特色蝦湯麵65一上臺的時候覺得勁澎湃 ，油麵、鮮蝦、豬肉、水煮蛋及通菜，湯頭有濃郁鮮蝦味， 可以自選辣度及麵底，油麵挺身，是我喜歡的硬度。 鮮蝦彈牙，各種材料也配搭得宜，好食。南洋奶茶11食得馬來西亞菜，當然要配一杯南洋奶茶。煉奶甜甜，茶底滑順醇厚，滋味在口裡徘徊，超正的。

今日去黃大仙廟還神, 係附近商場搵嘢食, 見到呢間東南亞餐廳, 裝修幾有特色, 光鮮整潔, 仲有好多卡位, 就去試下！餐廳用q r code落單, 快捷方便！無骨海南雞飯招牌菜式, 用上湯浸熟嫩雞, 肉質幼細嫩滑, 皮肉分離, 中間帶有薄薄一層骨膠原, 晶瑩剔透, 無骨啖啖肉。 配上雞油飯和清湯、堪稱一個完美的海南雞飯！招牌喇沙滲滲滲滲係混合米粉和油麵, 米粉幼細煙韌, 油麵爽滑軟熟, 一啖有兩種口感！有蝦、蟹柳、魚片頭、魷魚圈、豆卜。材料算幾豐富！喇沙湯底微辣帶椰香味, 甜甜地易入口幾開胃！凍美綠、凍檸茶估唔到呢度有 凍美綠, 即刻點番杯飲, 童年回憶即刻返曬嚟！凍檸茶 茶底夠味有茶餐廳水準！

咁岩想食越南野就搵下黃大仙邊到有，結果搵到呢間就入去試下。基本上唔洗等位，直接就入得。Lunch黎講，價錢唔算平，平均6x蚊左右啦。叫左4樣野 豬扒叻沙、雞扒撈檬、鮮油咖央多士同加配小食 春卷。個人認為小食可以唔洗試，冇乜特別。個咖央多士就真係好大舊牛油🧈 但係唔覺有咖央味但係佢d正餐係ok，正常既，可以一試。 個叻沙湯都ok，我就試左滲滲 麵質還好。 個撈檬都好正常 可以試下。 主要係想講下佢個雞扒 好juicy 仲有汁流緊出黎 肉質好嫩 但係就有少小衰左係個塊皮到 因為淋左😭簡單d黎講 就係試正餐就可以了😂😂

前排放工吾想煮野食就行去黃大仙－亞金南洋茶室買外賣，第一次幫襯吾知味道如何？招牌亞金無骨海南雞飯配油飯：初初會以為外賣份量既海南雞一定少，但可見亞金海南雞既雞件份量幾多，皮帶鮮黃色而口感好滑口；至於雞肉方面口感極嫩滑而味道又帶雞香味，口感吾乾啊！油飯味道香口，飯粒軟熟。另外，套餐更配有是日餐湯，當晚是冬瓜湯，味道清清甜甜。輕怡檳城炒貴刁：依度既炒貴刁食得出好有穫氣，但個人覺得口感較油。當中既河粉好滑口，咸度適中，份量好夠飽肚啊！而當中更有吾少既肉絲作伴，令整體味道會過於單調啊！另有，還有飲品。

自己好鍾意食喇沙或者肉骨茶呢類東南亞嘢食，今日見疫情緩和就試咗黃大仙中心呢間亞金南洋茶室。今次就食咗一個二人套餐，有喇沙、雞翼、豬扒、生菜同埋兩杯嘢飲，性價比超高。喇沙材料極度豐富！有成隻龍蝦仔，仲有大量魚片頭、豆卜、魷魚圈等配菜，兩人share一碗都一定飽！喇沙湯底味道香濃之餘，麵、米粉同各款材料都非常入味，龍蝦仔又啖啖肉，俾足誠意香茅雞翼併豬扒（好邪惡）非常香口，保持到肉汁之餘又唔會太油膩，選料亦肥瘦適中。補一補底都叫咗杯檸檬薏米水同桔仔水，中和下煎炸野個餐包生菜真係加哂分，因為出街食飯冇菜好唔健康，叫碟菜又好似唔抵。生菜有豉油調味，食落亦唔會太油~雖然飽飽地，但係忍唔住叫左個甜品。第一次食由涼粉撈豆腐花嘅黑白配，食落清清地甜甜地，想加甜時又可以撈多啲紅豆一齊食，感覺幾新鮮。

上次食過海南雞同豬扒撈檬，今次試下肉骨茶同豬扒椰漿飯。肉骨茶味道比起之前食過既有咸味。對於我地黎講反而岩岩好，因為太清淡有香味無咸味反而食唔慣。豬扒同上次一樣，水平係好，香同脆既。不過個椰漿飯真係好失望，一啲椰漿味都無，得少少咸味！我以為係我錯覺…我聽到附近有人投訴個飯無味，睇黎啲椰漿可能係1：999…

今日逛黃大仙中心, 呢個商場自從新裝修後, 有很多新食肆進駐。今日就試咗呢間東南亞餐廳, 店舖裝修鮮明有時代感, 好多卡位, 坐得幾舒服！芭堤雅海鮮炒飯賣相吸引, 有半個菠蘿頭做擺設, 鑊氣十足, 乾身唔油膩, 有蟹柳、墨魚仔、菠蘿切粒、肉鬆和提子乾, 口感豐富, 炒飯鹹度適中, 香口惹味！招牌叻沙海鮮有蝦、蟹柳、魚片頭、豆卜。海蝦鮮甜爽口, 魚片頭彈牙有魚味。麵質爽滑煙韌, 蝦湯底濃郁, 微辣帶甜, 好味到連湯都飲埋。芒果沙冰顏色鮮豔賣相好, 芒果果味香濃, 味道略甜, 沙冰幼細勁凍, 解暑良品！熱檸茶用公雞杯碗 造型好懷舊。飲落特別有親切感！

放寬限聚令、疫情又見回落，開心可以相約朋友，下午茶在主打大馬美食的「亞金南洋茶室」。先嘗嘗小食：又香又彈牙的炸蝦餅 ，令我們胃口大開！香酥的棒棒蝦，整隻蝦沾上脆醬成棒狀炸香，外脆肉滑！爽脆的玻璃魷魚通菜，有少許辣醬調味十分惹味。我們分享海南雞配油飯，海南雞味鮮肉滑溜，油飯美味可口，配紅、白蘿蔔湯，有飯、有湯、有餸，完美的組合。香甜的肉鬆煉奶油酥餅，有肉鬆饀，甜脆中點兒肉鬆的鹹香，很稱心的甜品！ 我的星加坡摩摩喳喳，有：芋圓、蕃薯圓、紅豆、涼粉，紅豆夠稔，芋圓、蕃薯圓有嚼勁口感，味道微甜。朋友的芒果沙冰，勁大份量，足夠消暑。

Delish South East Asian cuisines@Wong Tai Sin I went to a restaurant called’’Akam Laksa’’ (亞金南洋茶室) located in Shop 132, 1/F, Temple Mall South, 103 Ching Tak Street, Wong Tai Sin(黃大仙正德街103號黃大仙中心南館1樓132號鋪) to order takeaway due to the covid19."Curry beef brisket in Malaysian Style"馬來咖哩牛腩HKD$64large chunck of beef brisket. Soft and tender...The curry is rich and flavourful!!..Highly recommended. Value for money yet tasty！！"Beef cubes red fried rice"牛柳粒炒紅飯HKD$78..The red fried rice is not oily at a

近日連場大雨🌧️，放工後都不想回家🏡買餸煮食🥣，近近地🚇便到黃大仙中心南館「亞金南洋茶室」吃晚餐🍽。店舖環境不錯，地方整潔優雅，以卡位為主坐得舒服😌，而餐廳是主打馬來西亞🇲🇾菜式，所以餐牌上寫有叻沙、咖喱、手抓餅、麵條等。今晚我們就點選了「馬來特色手撕雞蝦湯麵🍜」材料有豆腐卜、少許菜和雞絲，湯底似是淡淡的滷水味道，而麵底分量十足。馬來咖喱牛腩白飯咖喱味香，🐂牛腩夠淋，用來伴飯🍚是不錯的選擇。馬拉盞炒通菜有蝦米的味道，通菜上枱時色澤綠油油😋馬來炸春卷餡料雖然簡單有蘿蔔絲🥕和菜絲🥬，但在調味方面及外脆內軟的口感整體卻不錯👍另外還有香茅雞翼、榴槤波波都很好👍椰子紅豆冰椰子味香濃，紅豆好淋配合得不錯😋

到下午茶時間肚仔餓，喺商場行行吓見到呢間阿金南洋茶室，見到餐牌都好多選擇，所以就二話不說入咗去坐低。云云接近20款下午茶餐裏面有好多款都好想試，但既然第一次嚟到就揀佢嘅招牌茶餐，同埋試埋佢嘅招牌白咖啡。招牌阿甘無骨海南雞配油飯，估唔到以下午茶餐嘅份量來講海南雞都算幾多，冇骨嘅海南雞真係食得好方便，肉質都幾滑，配上三色醬感覺正宗，油飯都好夠味，有香茅嘅香味，附送一碗好濃味嘅冬瓜湯。而朋友就試咗香茅豬扒配迷你地道喇沙，豬扒好入味好香，唔會好乾好柴呢樣抵讚，呢碗喇沙唔算好特別，但係都唔差，有好濃郁嘅椰子湯味，亦都唔係太辣，差唔多飲晒成碗湯，餐廳好細心可以比客人揀要滲滲，又或者係淨米粉或淨米線，自由度大。至於招牌白咖啡係煉奶底，略嫌有點濃，但係仍然十分香，食完主食再飲埋杯咖啡，慢慢享受下午茶嘅時間。

放假啦！我地大家在獅子山下相遇上！餓地去左黃大仙搵餐廳補充能量，見到亞金新分店幾市正，餐牌又多選擇。店員帶我地去卡位坐👍俾左QR Code落單，仲已standby好落單，其實未諗好食咩，所以叫咗兩杯野飲先。香茅豬扒配迷你叻沙滲滲，兩樣都好食。雖然豬扒睇落有啲跌咗塊，但香茅味濃搭救，叻沙滲滲幾好。無骨海南雞油飯，香港人精神，見到人叫我又叫😂性價比高，👍雞好食，皮靚，多肉，冇紅。油飯麻麻，好少油，醬汁都好少，整體有啲乾dry，適合清淡口味或者減肥人士🤭肉鬆煉奶油酥餅，美味小食。同圖片唔同嘅係煉奶好少，放咗喺酥餅上面。奶茶幾香，可惜隻杯崩咗⋯椰香沙冰（左）椰汁珍多冰（右），粉粉地，架架地，不簡單🤭味道特別🤭好似好多焦糖。

新開光有門面，食物質素已劣評如潮！我家人食完早餐，已說唔掂，但我諗早餐唔好，其他好呢！昨晚到黃大仙中心試菜，叫海南鷄飯、炸豆腐、咖哩牛腩飯，價錢舆質量不成比例，送一碗冇料湯，來到即涼，故叫侍應換，都祇是加番滾水，本來涼的，加熱後只有六成，又全冇味道。飯碗份量少，用茶樓開位碗。炸豆腐不脆，外表仍是白色。咖哩腩不辣。此等食材，令人不敢再來。

一開業我就已經來試～整體來講食物質素真係唔錯！其實佢係同下邊金記同一個集團嘅，因為我見到金記啲員工喺度出現。呢度落單好先進，要用QR code自己點餐。食物方面，由於同啲同事試咗好多次，所以好多款食物都試過，有啲係好好食，有啲係中伏嘅～各種叻沙又或者滲滲都好食，尤其推薦無骨海南雞滲滲，滲滲即是油麵溝米粉，個湯底有椰子香味，好少辣做得幾正宗，麵口感都好好，海南雞肉好滑，正！係我嘅首選福建炒麵好難食，中伏的，不要點～飲品方面檸檬薏米水甜到嘔電，唔好點，其他飲品都正正常常啦～整體來講，食物質素係幾好嘅，但係我亦都明白佢啲差評係點樣嚟嘅，因為的確佢有d食物確實係麻麻地。

附近有一間餐廳新開張，最近疫情又如此嚴重，我只好下樓買個外賣回家吃～而且外賣自取還有77折。店舖門有手腕探熱器，十分方便，點了菜後就等了一會就有了，速度都算快～香茅豬扒椰漿飯豬扒很鬆軟，椰漿飯夠香口，有蛋和蝦片～份量很足咖哩牛腩油酥餅牛腩腍滑，咖哩內還有薯仔，夠入味，配酥餅吃最適合不過。芒果沙冰份量大，夏天喝杯真透心涼～難得附近有多個選擇，而且早餐還有咖央多士，很多小食都很吸引，下次要試一試它的小食拼盤了～