亞萊泰 (T Town North)

營業中

休息中

屋企個工人姐姐生日，佢係泰國人尼既，我爸媽見佢幫我地做左成十年，又就尼約滿，於是去左阿公住天水圍附近試左尼間泰餐，樓面望落是是正正，都坐得算舒服既。炸春卷味道正正常常，肉餡算多。個烏頭也無令人失望，汁夠多，酸咸度適中，不過我比較中意辣，覺得佢可以再辣d！最後個重頭戲，咖哩蟹先係主角，咖哩個味我好中意，蟹腳都好多肉，好鮮甜，個殻多蟹膏，岩唒我，係我個晚最愛既一味餸！

其實我平時多數會叫冬蔭功湯底嘅，但係想要戒一日口唔食辣，所以叫喇沙就算。但係叫完之後就開始後悔啦，因為哩間喇沙唔係太合我口味，入口又冇蝦湯底味，醬料又好似差咁啲，雖然豬頸肉都幾多下但係肉質都係一般。我朋友點咗豬手飯，望落豬手都幾大件，皮佔多，醬汁夠撈成個飯都已經唔錯。自從T Town 開咗就多咗好多野食，有泰國菜，韓國菜，中菜，西餐，日本料理，所以真係多咗選擇，吸引到我專程過黎食個午餐，所以真係為天水圍增加多一個蒲點。

其實好多時候實香港嘅泰國餐廳都好中伏，泰國嘢其實我幾鍾意，但係好多間餐廳其實都唔好食囉！但係估唔到原來我哋嘅附近商場有一間泰國餐廳竟然喜出望外！係樣樣都咁好食！呢個咖喱雞係唔辣嘅，其實咖哩我都幾鍾意食不過好多泰國咖喱嘅汁都好辣，嗰度嘅負責人推薦左呢個送俾我，佢啲咖喱有少少椰子香味，啲雞好入味！兩個人食份量啱啱好！食得泰國嘢點少得唔叫豬頸肉呢？不過我哋就食唔晒 因為實在叫咗太多送 佢有個醬汁陪埋畀你不過我覺得唔需要醬汁已經好香口好好味仲有呢碟炒河真係超級正唔知係咪肚餓定點 唔係剩係似得出邊茶餐廳一味油嘅炒河咁簡單 用文字真係唔識形容😂😂呢碟我同個朋友食哂呢個薄餅本身用嚟放咖喱雞入去食 不過就咁食都超級好食 煎到好鬼香野飲方面叫咗青檸梳打同埋椰青水巧fresh!!!

今天去左天水圍搵食。行開呢邊先知T TOWN已經係一個好大好靚既商場喇,好多唔同既餐廳,今日就去左亞萊泰。入到去既感覺同其他餐廳唔同，幾闊落坐得又幾舒服吊燈好特別，裝修都有下過唔少工夫喎！我一定有叫我最愛既生蝦啦～ｗｏｗ真係好鮮甜呀！水準一流，如果有多些冰底墊住就更好啦再黎梗係要食下串燒啦，一串雞一串豬，夠熱辣辣，個沙嗲汁香到我點完又想再點再黎就係主菜啦～係咖哩雞～佢用左個比一般咖哩大既煲上，入面真係好足料！除左雞真係好大好大舊之外（有成５—６舊）仲有好淋既薯仔同車厘茄，又香又入味梗係要加個蒜蓉包要食埋Ｄ汁啦！仲未講旁邊既２杯特飲添，因為好喜歡菠蘿，我地叫左一杯菠蘿冰同一杯菠蘿梳打。菠蘿冰真係blend出黎架.唔係菠蘿+冰，真係打碎架！菠蘿梳打就有氣，唔會好甜，所以我２杯都有飲最後梗係唔少得叫返個菜啦，個咸魚椰菜苗真係俾我清哂呀！咸魚夠香菜又夠鮮甜　整體黎講真係好高質，你唔講真係以為去左中環銅鑼灣食貴一貴既泰菜，埋單都唔洗４００食到攬住個肚呀

見呢間人氣爆燈又有朋友住附近一於黎睇下佢有幾Thai先~!原來有個vip房 最多坐12個人最低消息$2000因為我地得4個人所以下次再去先再包膠但我估要Book台既整體個menu選擇多價錢唔貴 一班人黎食最開心因為可以叫好多 食唔同野一定要講呢個優惠食夠$300有得+小小錢就可以食到個咖哩蟹真係好抵但因為我地4個人都好懶唔想食蟹所以冇叫到呢堆飲品 買一送一我地飲到好似放題咁...大大杯 又好味~!一坐低會先上小食好脆 好香 幾好食~!好香甜既龍眼~紅豆冰呀~~~生蝦 大小適中爽口 唔會有腥味食落幾鮮甜夠凍 配既醬汁 好開胃呢個炸軟"學"蟹一黎到 我地都嘩 嘩 嘩~~好多菜呀~~ 如果負D菜就更好味!小食拼盤如果唔係好多人又或者想叫其他野食我覺得可以唔好叫住呢個因為真係 好 大 盤 呀怕你食左呢個冇肚食其他~!個蒜蓉包早到左本都怕佢會凍 因為咖哩未上但擺左成10幾分鐘冇凍過 仲要都咁脆口同埋真係好香呀~~~~魷魚細隻左小小 但4個人都OK既但燒得岩岩好唔會鞋口出面有D脆脆地入面軟軟地幾好咬口夾埋個醬汁都係好好味個雞幾滑 唔太肥好嫩 送飯一流呢個菜真係一定要叫夠熱夠香唔會鹹份量唔好睇佢好似

間中會來天水圍，今晚行完街，就在T-TOWN 見到這間阿萊泰，門口有推廣優惠，都幾經濟，就選這店了。特價小菜有3款，泰式鮮青檸蒸明爐烏頭$78﹑鐵板鹵水無骨豬手$48﹑芭堤雅燒雞半隻$58，真係好抵食，但2-4位只可選一款，5-8位可選兩款，9位以上可選三款，我們2位，由於我是豬手控，就選無骨豬手吧！由於芭堤雅燒雞看來很吸引，半隻正價$85，也點半隻來試試。另再點了泰式小食拼盤$108，鮮蝦豬頸肉炒貴刁$72，泰式晚餐來說，價錢算合理。嘩嘩…指定飲品$29買一送一，唔飲唔得！揀左椰汁紅豆冰和龍眼冰。龍眼冰，好清甜！飲完消暑下火去油膩，近日天氣轉熱啱晒！仲有龍眼肉食，爽口多汁，推介！椰汁紅豆冰，好香濃的椰汁味，紅豆份量較少。港式的紅豆冰是紅豆和奶味都多一點，泰式的是椰汁為主。鐵板鹵水無骨豬手$48，炆得又腍又入味，好多椰菜墊底，椰菜清甜爽口，豬手皮滑，不過豬手肉要食快D，因為在鐵板上越耐會越咸。鮮蝦豬頸肉炒貴刁$72，好有鑊味，上桌超香！貴刁口感煙韌，咸味適中；鮮蝦爽口，豬頸肉薄切，炒得好香好惹味，份量都算多，真心推介要食呢個！泰式小食拼盤$108，有蝦餅﹑魚餅﹑泰式春卷﹑鳳凰丸，一次試

天水圍頌富商場裝修後，改名為天 TOWN ，其實裝修後我都沒有去過，所以這次跟家人約會，便約了去位於天華路天 TOWN的亞萊泰泰國菜館這次晚飯人數比較多，所以一早已打電話訂位，沒想到餐廳如此細心，為我們安排了很好的房間，既坐得舒適，又私人空間，正!泰式鮮蝦金邊粉，蝦夠大隻夠彈牙欖角肉碎四季豆，是我最愛吃的蔬菜，欖角肉碎也非常惹味泰式菠蘿炒飯，必點!  如果愛吃菠蘿炒飯，應該要試一試!泰式海南雞，雞好滑，沾上醬汁更開胃明爐青檸蒸烏頭，這也是吃泰國菜必點的啊! 愛吃烏頭也愛青檸的清新再加輕微的辣，正!泰式小食拼盤，夠脆夠香口!原來想點蟹粉絲煲，可惜當日太搶手，賣光光了....所以只好點泰式大頭蝦焗粉絲煲，蝦好大隻，也好彈牙爽口，粉絲有蝦的鮮味，食到停唔到口!總結來說：間中想吃泰國菜的話，亞萊泰是一間不錯的選擇，尤其對於住在天水圍的居民來說，這是一間味道不錯，價錢也很實惠的餐廳，而且環境乾淨衛生，坐的空間也寬敞舒服! 下次有機會，我會再試埋我最愛的生蝦啊!

今晚老友約我去天水圍食飯...本來我想食日本嘢...不過佢話今晚想帶我去食，喺天水圍一間出名嘅泰菜..亞萊泰...老友話唔單止抵食仲要好好味所以一於走嚟試下裏面位置寬堂，而且坐位也十分舒服我和龢我和老友叫咗一個二人餐...真係幾抵食先嚟一個大頭蝦冬陰湯辣辣地幾好飲再嚟啖啖肉串燒嚟多個粉絲焗青口煲青口超級大隻，而且粉絲好入味有一個蒜蓉炒椰菜...今晚食好多蔬菜類所以一啲都唔怕肥我叫咗一個軟殼蟹牛油果凍卷...味道幾特別最後有我期待嘅....香辣肉碎生菜包仲要超級大碟....肉質彈牙。最後有四款不同嘅甜品。兩個人食咁多嘢都唔使400元🤣🤣🤣

黎左T Town行街買野，之後就去搵食，朋友話呢間泰國菜好食就黎試下啦。睇睇餐牌，嘩，好多野特價抵食喎，就食佢啦。坐了四人枱，店內幾大樓底又高，感覺舒服。店員送上水同小食，小食是辣味蝦片，好脆口，辣辣地幾好味喎。椰汁紅豆冰（＄15）朋友點了紅豆冰，香滑椰汁加上微甜紅豆，正好用黎解辣。青木瓜絲沙（＄60）先來個前菜木瓜沙律，嘩，意外地大盤木瓜絲好爽口，酸酸辣辣勁開胃。青檸蒸明爐烏頭（＄78）烏頭魚做緊特價，超抵梗係要叫啦，魚size不少，個爐緊緊夠擺咋。配料有青檸，芫荽，生蒜，南薑，辣椒等，味道豐富，又係酸酸辣辣的，但同上面個種辣不一樣㗎。魚肉肥美嫩滑，好多魚油好好味呀，最正係無魚鱗打得好乾淨，正呀啖啖食鐡板煎蠔仔蛋（＄95）又係意外地大盤，一個鍋上，蠔同蛋都勁多，蠔仔肥美，每一口都食到蠔肉㗎。半煎炸好香口，送飯一流。鹹魚炒椰菜苗（＄68）叫番碟菜中和下，勁鍾意食椰菜苗所以叫左呢款，椰菜苗好有咬口，吸滿汁勁惹味，鹹魚夠香不死鹹，好食。黃薑飯（＄15）仲有一人一碗黃薑飯，大大碗又香口，唔食餸就咁食佢都好正㗎三個人食飽飽都係三百幾蚊，抵食PS。埋單先知特飲有半價優惠，又抵左

泰式海南雞(半隻)泰式海南雞基本上是去每一家泰國餐廳都會點的必點食物吧, 今次我也不例外, 這個是用黃油雞做的, 看到他表皮偏黃便知, 雞本身已經好入味, 而雞肉則非常嫩滑多汁, 平時我都不會吃雞皮的, 今次就試一試, 想不到他的油香味和口感, 比起單獨只吃雞肉是兩種不同的感受!!泰式菠蘿海鮮炒飯超香甜, 入面的餸菜超多, 特別是菠蘿, 多汁之餘並沒有一點的酸味感覺, 而且份量都幾大, 可以分到4-5碗炒飯出來, 性價比高椰汁西米糕泰國特式甜品, 不是很多泰國餐廳也有得買的, 看他擺得如此細心吸引便知這是有心機的甜品, 食落和之前在泰國食到的沒有什麼大分別, 煙煙UNUN的, 淡淡椰汁香味更引人入胯芒果白糯米飯芒果糯米飯在這也是很出名的, 芒果很甜, 一點酸都沒有, 而且糯米飯的口感一流, 份量不算大, 但作為甜品的話, SIZE是剛好的

馬拉盞炒通菜食泰國餐廳一定要食既必定係通菜, 但係我食過好多間都硬係覺得同係泰國食差咁D, 今次食既呢間係最最最貼近我係泰國食既高質炒通菜, 馬拉盞咸咸的, 好地道既味道, 而通菜則好新鮮, 勁爽口, 特別係兩隻味MIX埋一齊, 超夾超好味!! 我地食到一條都冇得淨泰式咖哩炒肉蟹泰式咖哩既質地會較我地食開既港式或是印度咖哩更厚身同似漿狀, 食呢個炒肉蟹更加好味!! 因為D咖哩會圍住肉蟹, 一啖蟹肉一啖咖哩咁勁好味, 店家好貼心咁會提供食蟹用既鉗, 手套, 完全唔怕整到成手都係, 而且D肉都好鮮甜, 加埋個咖哩汁真係一絕, 淨係用個汁都已經餸到幾碗飯了泰式生蝦食泰國野點可以唔食生蝦, 呢度既生蝦好晶瑩剔透, 點一點個醬汁, 生蝦再加辣椒加蒜, 超正宗既配搭!! 鮮味非常, 而且又唔貴, 好想再ENCORE!!

天時暑熱，特別鐘意食泰菜，所以呢排又食多左泰菜，平日收工就係屋企附近食下泰菜先。T Town 有間亞萊泰平靚正，又夠哂近我地。食夠300蚊仲可以78蚊換咖哩炒肉蟹！咁抵食幾大換返隻！肉蟹幾新鮮大隻，咖哩味唔辣幾甜，呢個價錢真係抵！泰式明爐烏頭150蚊，大大條，酸酸地個湯都幾好飲！蒜蓉包，28蚊有4塊，又香又脆。菠蘿炒飯82蚊，都幾多料。天氣咁熱，想飲下啤酒，冇泰象，咁就飲下青島22蚊，超冰涼。汽水都22蚊一罐，相對之下飲啤酒好抵。呢度地方大，坐得幾舒服。服務唔錯，埋單最正係唔使收加一服務費，慳返啲錢夠食多個甜品。

話說最近女朋友Daddy生日所以就喺佢屋企附近睇吓有咩好食，咁見到依間泰國餐廳開咗咁耐都未試過而最近又好少食東南亞菜，所以一於就就揀呢間試吓啦！咁一去到因為book咗位啦咁我哋就安排左可以坐咗喺裏面張卡位度。之後坐低就睇吓有咩食叫啦，首先呢前菜方面呢我哋就點咗香辣肉碎生菜包同埋有個酸辣無骨鳳爪。咁首先講咗個生菜包先啦，佢啲肉碎煮得入味，而且係有好香酸辣味，十分之惹味，再配埋啲新鮮生菜，開胃非常。之後因為女朋友同埋佢媽咪都鍾意食鳳爪，所以就叫咗酸辣無骨鳳爪，食落去酸酸味味幾特別，而且質地有幾彈牙，唔會太淋太硬，鍾意食辣又或者食鳳爪嘅朋友都值得推介！咁食泰國嘢又點少得馬拉盞炒通菜呢。果然依個菜都冇令到我哋失望，馬拉盞好香而且通菜都又唔會煮得好淋，有啲咬口，食落好惹味，送飯一流。之後我地叫咗一個泰式串燒拼盤，分別有兩串豬同埋兩串雞，配沙嗲醬。咁首先豬肉同雞肉都燒得好香口，而且肉質唔鞋，都幾嫩滑，再加埋香甜惹味嘅沙嗲醬，簡直係最佳嘅配搭。我哋亦都點咗唔少得嘅冬陰公湯，咁我哋只係嗌咗一個細size嘅冬陰公。佢嘅酸辣味都幾足夠，而且裏面都有一隻大頭蝦同埋加埋其他配料例如菇，海鮮都幾足料㗎，而且辣又

今日係星期五 懶惰左一餐咁多啦 見明天星期六唔駛返學 偷懶唔煮隻 帶埋兩個小寶寶落商場食晚飯 平時見到午飯 晚餐 都多人排隊 見有時間就去試下啦叫左個香辣肉碎生菜包$72 我一個人食哂🤭呢個鹹魚炒椰菜苗 夠惹味 真心話 我本人真係覺得呢個泰式無骨鳳爪真係超級好食 夠酸夠味道 因為又係我一個人食哂 我連生菜底都食埋 係d汁未飲🤭🤭🤭😋😋如果份量可以多少少就好😂😂必點 推介 下次一想食就落樓下 諗起都興奮❤️❤️炭燒泰式串燒 雞肉/豬肉 $48寶寶 食左豬肉 咁我就食左雞肉 雞肉夠滑多汁 再點沙嗲醬 夠哂風味 好食👍👍呢個推介 因為我兩個寶寶每人食左2塊半 炭燒豬頸肉$68 唔硬 夠淋身 炭燒完好香 正👍👍

頌富呢個商場被打造成-天OWN，過後就當然連舖頭餐廳都送舊迎新啦。今日同男朋友唸住黎試新嘢，見到呢間泰國餐裝修亮麗，又坐滿客人，梗係滿心期待啦姐姐好快熱情招呼我地坐低，會同我地講下有咩好食。跟著送上一碟炸蝦餅，有自己制的味道望下manu，真係好多食物選擇，咁就揀個二人套餐，可以食串燒之餘又有冬陰宮，海南雞，仲食埋甜品上菜效率好高，好快就有我最愛既冬陰湯啦兩個人份量剛剛好，聞落陣陣椰香，鍾意椰汁既一定要試。飲落去辣度剛剛好，好開胃。仲有大大爽口蝦係湯，用料十足飲完湯，黎個小食，雞肉，牛肉串，香噴噴，燒到好香口，配上醬料一流。跟著就食無骨海南雞，雞肉食落好滑，好香。會令人想要碗油飯既感覺男朋友被餐牌中既招牌吸引到，加左個招牌咖喱海中寶見到真相好興奮，大大塊多士麵包裡面全部係咖喱，仲加多碗咖喱怕我地唔夠汁。一切個包就爆汁，咖喱多奶香椰香，一d都唔覺得濃味。裡面有大蝦，魷魚，魚塊，青口，等等。咖喱唔一定撈飯既，陪包都係咁開心係時候食炒雜菜，清清地，爽口，又有陣陣香蒜配合。我試左店員推薦青檸蘇打，又真係同一般既唔同，係兩樣野融合一齊，打溶左青檸檬，又唔會太酸，好岩口味呢餐食得開心，店員服務好熱情