影片
更多
2018-03-30
105 瀏覽
話說最近女朋友Daddy生日所以就喺佢屋企附近睇吓有咩好食，咁見到依間泰國餐廳開咗咁耐都未試過而最近又好少食東南亞菜，所以一於就就揀呢間試吓啦！咁一去到因為book咗位啦咁我哋就安排左可以坐咗喺裏面張卡位度。之後坐低就睇吓有咩食叫啦，首先呢前菜方面呢我哋就點咗香辣肉碎生菜包同埋有個酸辣無骨鳳爪。咁首先講咗個生菜包先啦，佢啲肉碎煮得入味，而且係有好香酸辣味，十分之惹味，再配埋啲新鮮生菜，開胃非常。之後因為女朋友同埋佢媽咪都鍾意食鳳爪，所以就叫咗酸辣無骨鳳爪，食落去酸酸味味幾特別，而且質地有幾彈牙，唔會太淋太硬，鍾意食辣又或者食鳳爪嘅朋友都值得推介！咁食泰國嘢又點少得馬拉盞炒通菜呢。果然依個菜都冇令到我哋失望，馬拉盞好香而且通菜都又唔會煮得好淋，有啲咬口，食落好惹味，送飯一流。之後我地叫咗一個泰式串燒拼盤，分別有兩串豬同埋兩串雞，配沙嗲醬。咁首先豬肉同雞肉都燒得好香口，而且肉質唔鞋，都幾嫩滑，再加埋香甜惹味嘅沙嗲醬，簡直係最佳嘅配搭。我哋亦都點咗唔少得嘅冬陰公湯，咁我哋只係嗌咗一個細size嘅冬陰公。佢嘅酸辣味都幾足夠，而且裏面都有一隻大頭蝦同埋加埋其他配料例如菇，海鮮都幾足料㗎，而且辣又
咁一去到因為book咗位啦咁我哋就安排左可以坐咗喺裏面張卡位度。之後坐低就睇吓有咩食叫啦，首先呢前菜方面呢我哋就點咗香辣肉碎生菜包同埋有個酸辣無骨鳳爪。咁首先講咗個生菜包先啦，佢啲肉碎煮得入味，而且係有好香酸辣味，十分之惹味，再配埋啲新鮮生菜，開胃非常。之後因為女朋友同埋佢媽咪都鍾意食鳳爪，所以就叫咗酸辣無骨鳳爪，食落去酸酸味味幾特別，而且質地有幾彈牙，唔會太淋太硬，鍾意食辣又或者食鳳爪嘅朋友都值得推介！
咁食泰國嘢又點少得馬拉盞炒通菜呢。果然依個菜都冇令到我哋失望，馬拉盞好香而且通菜都又唔會煮得好淋，有啲咬口，食落好惹味，送飯一流。
之後我地叫咗一個泰式串燒拼盤，分別有兩串豬同埋兩串雞，配沙嗲醬。咁首先豬肉同雞肉都燒得好香口，而且肉質唔鞋，都幾嫩滑，再加埋香甜惹味嘅沙嗲醬，簡直係最佳嘅配搭。
我哋亦都點咗唔少得嘅冬陰公湯，咁我哋只係嗌咗一個細size嘅冬陰公。佢嘅酸辣味都幾足夠，而且裏面都有一隻大頭蝦同埋加埋其他配料例如菇，海鮮都幾足料㗎，而且辣又唔會真係太辣，味道都幾鮮味，岩曬女朋友媽咪唔太食得辣，值得推介。
除咗呢啲之外，我哋亦都見到一個優惠就係咖喱炒蟹-咁餐廳就做咗叫滿＄300就可以優惠價＄78就叫左呢個炒蟹，蟹方面佢用咗肉蟹，肉多且爽口鮮甜，配埋唔會太辣又香噴噴ge黃咖喱，簡直係可以送四五碗飯啊，而且成個蟹蓋有多膏，實在係令人食過返尋味，而且非常抵食！
最尾我哋叫多左個菠蘿海鮮炒飯，嚟到作為依餐ge完結。呢個炒飯係高質水準之作，因為炒飯加左黃姜粉炒，十分香口，而且菠蘿十分鮮甜，再加埋上面嘅肉鬆魷魚等等嘅配菜簡直係錦上添花二。
另外其實我哋都叫咗幾杯野飲，分別就係有龍眼水-清甜潤喉；
新鮮嘅泰國椰王，十分清甜，而且份量都夠，夠飲成餐飯；
珍多冰：足料，奶味夠，幾好飲
同埋唔少得嘅啤酒啦！
總括來講呢餐實在係水準之作，住喺附近而又想食泰國菜嘅朋友有口福啦！
張貼
