亞萊泰 (T Town North)

營業中

休息中

星期六食個早餐入到去要大叫先有人知你要寫野寫完見到隔離枱遲黎先上岸追問又話有落單轉頭又話漏左單即刻整番點知又整錯哂張單牛肉通變番牛肉麵熱華田變左熱柑桔真係唔知佢地點樣寫單落單唔會再幫襯

泰國蠔仔肉碎泡飯 $68泰國蠔仔肉碎泡飯係主要以蠔仔和肉碎為主要材料，搭配香米飯🍚加入紅蘿蔔🥕和薑絲，增添風味。這道菜色香味俱全，口感豐富，適合喜愛海鮮和泰國料理的人，最後用新鮮香菜裝飾。午餐-喇沙魚片拼泰式貢丸湯河粉 $48喇沙魚片拼泰式貢丸湯河粉真係好有香濃喇沙湯味🤩正呀，岩食辣既人食😋👍🏻配埋泰式貢丸🤭無得彈午餐- 泰人雞翼春卷凍檬 $48天氣突然悶熱，最適合食一啲開胃嘅食物就係凍檬，凍檬配搭都有好多，如：雞翼春卷，豬扒扎肉，雞扒春卷，都好好食😋

去亞萊泰食飯落單好受過氣落單叫咗四五個職員都話等等然後走左去，個個都好似好忙咁，見到中年女職員，我舉手叫佢落單，佢回覆我要等等，但去咗第二台落單，再有另一個中年女職員送完餐行過，我又舉手叫落單，又係一樣覆我要等等，咁我再見到其他職員咪再叫落單啦，有個老啲男職員明顯好似高級少少，但佢將啲碗碟放入櫃都唔過來幫我落單，仲要話我做乜係咁叫人，話咗要等等就要等等啦，我話我坐咗好耐，然後有個年輕啲嘅男職員過來就話我啱啱坐低邊有坐咗好耐，好不滿咁想幫我落單，我聽到咁樣，當堂很不舒服，立即起身走人。永不再去。

打電話自賣自取嗌左個香草肉碎煎蛋香米飯，到左門店之後比錢但個外賣未整好，等左約7分鐘就有得拎。但番屋企食果陣先發現唔單只個飯係凍既，連啲肉碎都係，而且仲要乾乾地… 唔知自己食緊啲咩..

平時放工返到屋企好累有時候唔會煮飯尋日都好累所以去樓下商場揾野食之前試過呢個餐廳既下午茶今次試下晚餐發現有個299元既套餐二話不說 馬上和朋友試試有魚 有飯 有飲品 有甜品 非常推薦😉

食物早午晚不過不失，由於住附近都經常幫襯，以早餐幫襯多，但早更收銀員工每次多謝都唔識講句，連基本禮貌都冇，相反落單員工態度就幾好。希望貴店改善一下吧！否則只會被淘汰。

超鍾意食泰國菜，今日來到天水圍T Town食泰菜💕「亞莱泰」為連鎖泰國餐廳，食物中價位！🔹泰式小食拼盤 $152 (大)擺位好靚，小食好豐富，蝦餅超級好食，啖啖肉！🔹金磚四國蒜蓉包 $30好後生，但一啲都唔硬！唔會拮口👍🏻🔹古法馬沙文牛腩咖喱 $88個咖喱好濃郁，用嚟點蒜蓉包好好味！不過牛腩唔夠淋，但整體仍然OK 🔹泰式鮮蝦金邊粉 $88味道一般，因為曾經食過超好味的😂蝦好大隻，不過金邊粉未夠濃味！🔹菠蘿蜜梳打 （特飲$38/2杯）做緊優惠，$38有兩杯飲品，真心抵我哋兩杯都叫咗同一款😅😅😅幾好飲嘅，甜度適中，兩杯全清👍🏻👍🏻🔹泰式火山骨味道一般，一盤火山骨會配少量粉絲！

今日嚟到天水圍頌富商場搵食 見到有間人氣泰國菜午市嘅時候都有啲人排隊 就決定試吓😌 見舖頭都好多人叫呢個泰國雙餸飯 一於試吓咩料雙餸飯有幾個餸選擇 包括有海南雞 無骨豬手 無骨泰式鳳爪豬扒 同埋青咖喱雞今日我同屋企人就分別嗌咗海南雞+泰式鳳爪 同埋海南雞+豬手 每個都只係$72仲要包杯飲品每樣餸都超級大份😳😳🫣 啲海南雞嘅肉質雖然唔係話超級滑 但係都可以接受 點埋調味醬料真係好惹味 泰式鳳爪真係好難會唔好食 而且份量真係好多粗略估計可能都有十隻豬手方面個醬汁都係非常惹味，而且都係無骨可以啖啖肉同埋啖啖皮咁樣食 🤣嘢飲方面，叫咗個凍龍眼冰 啲冰未用晒之前略嫌有啲太甜 不過佢啲紅棗同埋龍眼份量亦都唔少 推薦大家可以試吓成個餐真係好豐富，食到最後真係飽到上心口

今日去遠啲去咗元朗天水圍行街，咁行街行行下非常肚餓，見到一間泰國餐廳。睇落去好光猛好乾淨，所以就入去坐下，見到餐牌好多選擇。最後揀咗一個豬肉粒飯，味道不錯，唔係好辣😊。

最近去咗一間泰式餐廳，爆點連場！老實講，個肚足足滿足返！🥢冬蔭功湯就黎咗一個啱啱好嘅量，湯底正宗得滯，飲落去微辣微酸，好提神！🍲然後嗌嘅無骨豬手，喂，講真，冧死咗！雖然無咁瘦身，但啖啖肉，係骨頭旁邊瀨嘅味，超正！🐷點緊口水嘅同時，眼光一轉，見到芒果白糯米飯嘅糯夠軟糯，外加新鮮肥美嘅芒果，真係甜入心肺！🥭最後嚟個辣椒膏炒蜆，蜆肉飽滿多汁，辣椒膏帶勁惹味，辣味剛好夠kick。最後提提你哋，佢哋嗰泰式奶茶，夠香夠滑，完美收場！🍹食物美妙好食，氣氛亦唔錯，下次試埋其他菜式！(食評中滲入些港式口味的形容詞和表達方式，同時不過於專業或文學化，力求親民易懂，描述食物時強調口感和味道的直接感受。)

天水圍一向比較少泰國餐廳，今次就嚟到位於T town嘅呢間亞萊泰，睇到呢到有得食比較少見嘅泰式蒸烏頭，即刻嚟試試呢到嘅水準先～泰式鮮青檸蒸明爐烏頭💰HK$188個湯汁酸辣度剛剛好，入口好嫩滑嘅魚肉配埋啲酸酸辣辣嘅汁都幾夾，食得出烏頭嘅鮮甜美味～馬拉盞炒通菜💰HK$78份量都算多，啲菜唔會老，口感爽脆，食落好夠鑊氣～香辣肉碎生菜包💰HK$88肉碎肥瘦都好均勻，味道正宗，酸酸辣辣咁，但略嫌有少少偏辣～

要求將自己嘅垃圾帶走，話我哋唔衛生，但係我哋喺佢話完之後已經乖乖將垃圾拎走，仲要係我哋準備走出門口時，話我哋無家教！見我哋係學生，就凈係話我哋😡為我帶來一次極差的用餐經驗！雖然食物味道尚可，但絕對不會再次光臨！😬😡

食過其他分店覺得好食，天水圍比較少泰國🇹🇭菜堂食，某日閒日夜晚嚟食完全唔洗等位直入。無骨豬手肉夠淋身入味，超好食，光速清碟🤤雜菜粉絲不過不失，正常雜菜煲味小食拼盤（小）真係份量細嘅小食😹飲品做緊指定產品買一送一，正常發揮。因為當晚冇乜人，同朋友一路坐低閒談，實在泰舒服😌

原本諗住外賣點餐嘅，不過見到佢有堂食promotion，咁今次就嘗試吓食堂食啦！點咗佢個招牌蛋咖喱蟹肉枕頭包，味道非常好，價錢$148都算唔錯，呢個推介！另外仲點左一份花膠粉絲煲，特價$98份量足，但係味道就一般飲品買一送一，點咗佢個泰式招牌奶茶，茶香茶味濃非常好飲！整體感覺用餐良好，可以再試！

差！已經係下午茶時間, 舉手20秒都冇人應機,後來有一位後生仔來回叫我等等,咩料呀！啲服務好都咁,香港飲食業真係靠佢地死得,學下隔離韓樂咁,比我唔怪得香港人北上消費！咁既服務唔好怪人😡