亞萊泰 (T Town North)

營業中

休息中

平時喜愛濃味野食，泰國一直是喜歡菜式，如果突然想吃，最近都要去到元朗屯門，直至T Town裝修完成，開左好多間唔多款式既餐廳，第一間試既係呢間泰國野，平時想食，就落樓下，好方便餐廳裝修有泰國風味，而且夠闊，如果家庭聚會仲有房間俾你野食方面，初時做推廣$78就有明爐烏頭魚，值得推介，原價$158左右，夠惹味，夠酸又夠辣，一邊食一邊飲埋湯汁。生菜肉碎包生菜都夠新鮮，唔會黃同爛，都係值得一試呢個咖哩包，就不建議，個人認為比較難食，而且不夠熱

約朋友係附近傾下心事，又唔想出去搵食1咁煩，一於係附近搵個地方坐下食下野先。😁其實地點唔算話好就腳，如果唔係住喺附近嘅話，都唔會特登嚟呢度搵食。不過佢哋嘅價錢真係唔算好貴，而且食物份量都有番咁上下大份。餐廳入面嘅店員亦都非常之好服務好招呼。最緊要嘅係坐得又夠舒服，啱曬兩個人靜靜地食個甜品飲杯嘢。雖然今次呢個芒果糯米飯嘅芒果唔算得上好甜，但係個飯夠曬煙韌，香香甜甜嘅椰汁，都搭救到。下次再試下佢哋嘅熱食先

係天水圍想食泰國菜都冇乜得揀，頌富商場裝修完3樓開左唔少新食肆，假日行過門口都有人等，生意唔錯呀。父親節一行五人冇訂位等左一個鐘左右有位，5個人坐4人檯好逼，不過冇辦法啦冇訂位，唯有親蜜啲啦。-生菜包：夠辣夠酸好正，唔會太咸，好好味-炭燒豬頸肉：唔會好油，乾身，最緊要切得夠薄-咖哩雞肉：啲雞有陣味，咬落去好梅，咖哩亦唔香冇咩味-烤肉：平日黎食有半價，今日原價叫，冇平時咁好味，好似擺左好耐咁野飲都唔錯，有時會有買一送一

最近夏天來臨, 唔知係咪最近天口熱,所以就特別食泰菜, 酸酸甜甜的食物用黎配搭夏天就最合適不過, 所以前日經朋友介紹話天水圍都有正宗泰國菜而且仲唔洗走到去九龍城, 旺角, 真係好就腳, 我叫左個海南雞飯, 一個人食真係大份又飽肚,先從雞講起, 雞味好香, 而且唔會好大陣冰鮮雞味,而且仲有一層嗜喱, 雞都好滑, 所以係整體黎講, 佢的雞真係做得幾好, 而且跟餐仲有個湯,應該係豬骨蘿蔔湯, 不過對我而言好似比較淡味, 不過自己加味後就變返好味啦, 而同醬汁方面三種味道都好夠味,聽人講最好味的食法係三種醬加起, 今次試左下又真係唔差,醬汁酸甜, 好開胃,  最後就係個飯, 用泰國米煮成所以粒粒分明, 而且飯量好足, 雞油同黃薑粉加起身令成個飯更上一層樓, 我都好耐無食過海南雞飯, 所以係屋企附近食到咁高質的泰菜真係好開心

天水圍 T-Town 可以話係區內其中一個美食天堂，我在天水圍返工，間唔中都會和同事一起來這裡食飯。幾個星期前我又和同事去 T-Town 食飯，今次俾我們發現到一間泰國菜館 - 亞萊泰，在天水圍的泰國餐廳都係寥寥可數，心感非常難得。餐廳內的環境相當寬敞舒適，在牆壁上有三隻泰國大象，感覺都幾有泰國 feel。每次來到我一定會叫的泰式沙律，鍾意佢夠酸酸甜甜。今次叫的是金柚子沙律，用一個青木瓜盛起，灑了許多粒粒花生、紅辣椒、蒜蓉、莞茜等，賣相很豐盈美觀。柚子沙律既多汁，味道都相當鮮甜，還帶有少少香辣和青檸香，酸辣度洽到好處，加上花生的粒粒香脆口感，令整體的味道相當豐富。我只係在泰國食過一次的生蝦，今次難得又重逢了~ 呢碟泰式生蝦，生蝦夠晒新鮮又鮮甜，配以香濃的小辣椒、蒜和泰式汁料，亦增添了啖啖刺激的辣香，非常惹味。另一款久別重逢的泰國美食 - 椰汁芒果糯米飯，更是我當年去泰國旅行的至愛！估唔到奉上此菜的時候，杯底冒出很多煙冰，感覺好似浮雲仙境，如夢如幻，未食已經先要影相呃 like！糯米飯滲滿甜甜潤潤的椰汁，粘糯度剛剛好，一啖鮮甜可口又軟糯的糯米，一啖酸甜清新的芒果，經煙冰冰鎮過後，更覺清涼

家住新界大西北，夏天天氣熱就好多時都會逗留天水圍圖書館（即是屏山好大o個間），貪佢書夠多又有太陽，真係留宿都得 XD。 玩到咁上下就係去附近食少少野，今次去左T Town 的 o係天水圍搭706 頌富站，幾個站就到！呢個商場勁多食肆，今次朋友帶左我食泰國野！我當然開心，因為我鐘意食芒果嘛～～～夏日已到，點左好幾款都加了煙冰的效果，的確係透心涼又吸睛，呢度用o既乾冰係屬於食用乾冰，可以放心食用。平時拍攝用乾冰大概係－78.5度，不能食用且有凍傷的危險。夏日藍天透心涼(Blue Sky) (節日限定: 原價 $45 特價 $29)一黎到就揀左杯野飲先（好熱），Blue Sky 係似細個飲o既波子汽水，酸酸甜甜地走夏天小清新路線，加上食用乾冰，係夢幻o既。煙冰波羅 $118打開鮮波羅的頂蓋，先看到的是一片煌海，裏面放著的炸豚肉，集酸甜微辣於一身，夏天流汗流到無晒胃口，呢d開胃菜無得輸～炸過的豚肉充滿肉汁，另外仲附上了一小碟泰式辣醬，一家大細一齊食都無問題，可以根據自己的口味再調整一下。泰式炭燒豬仔骨  $88出街食飯好怕咬骨，一定儀態零分，豬肋骨師傅預用竹籤吉好，可以拎上手慢慢食，燒到邊邊位

天水圍不嬲少泰國菜選擇，之前發現呢個商場開左呢間新餐廳，今日終於約到朋友過黎食啦！餐廳嘅裝潢設計好泰式，又播住泰文歌，有一下子以為自己去左泰國，好輕鬆。見到餐牌做緊夏日推廣，就叫黎試下。前菜叫左木瓜沙律，每次食泰國菜都要食，但食親都好壞參半，一係太辣，一係太酸。但呢間嘅木瓜沙律酸度掌握得恰到好處，而且唔辣，柚子果肉又唔會散修修，咬落清甜多汁，有淡淡嘅青檸香！然後就必試泰式生蝦，食得出係高級貨，咬落好爽口，好新鮮！點埋餐廳自製嘅醬汁，酸中帶辣，非常清新可口！食完兩個冷盤就叫左啲熱食。豬肋骨賣相好特別，係直立式嘅。每條豬肋骨都用竹簽串好，進食起黎好方便！每啖肉都好juicy，有香濃嘅燒烤汁，肉質好嫩，唔會攝牙縫。本身好鍾意食咕嚕肉，所以叫左煙冰菠蘿。首先喺菠蘿入面加入乾冰，再放碟咕嚕肉入去，個菠蘿就好似出緊煙咁，好夢幻，再係煙入面夾出咕嚕肉，係好好玩嘅食法！而肉質都好好食，酸甜度適中，唔會炸到得舊粉，好味道！朋友叫左杯blue sky，同樣好大煙好迷幻，入面係加左橙汁嘅柑桂酒，飲落似青檸汁咁，好清涼解渴，顏色帶藍綠，望住已經好開心！我就叫左青瓜mojito，入口好香青瓜味，好鍾意，好少可以

自從翻新左都點黎過，原來多左好多野食😎Tsw 朋友帶左我食泰國野🧐入面都好大好多張台！直入就有位😆上網睇人地d 相，lee 間野係"放煙"😂😂好有趣🤨叫左煙冰波羅喂！真係放煙嫁bro 😂！我地影到人地無煙先食呀 你話點搞😂呃like 精選！朋友話lee 個係中泰合壁😌 咕嚕肉同菠蘿！重會有碟仔是泰式辣醬！青木瓜沙律小清新😌推介！平時都係怕怕熟左橙橙地色木瓜既人，不過lee 個好食bro!開胃！左：Blue Sky ,味道似細個飲既波子汽水右：cucumber mojito,夏天小清新😁瘋狂放煙系列😌！香茅soda朋友話勁似食香茅豬扒既糖水版😂Like 唔like 就見人見致🤣 芒果糯米飯 推介😎😎🤤🤤🤤大愛芒果糯米飯既我！覺得好味因為椰醬椰奶味勁重i like it! D 糯米好煙韌！唔會太生！份量唔算大，只夠2~3人份，不過贏在高質🤤🤤🤤🤤野味豬肋骨燒到邊邊位脆脆地！加埋泰式辣醬，唔錯。生蝦同平時見個d 好唔同🤨 佢係蒜加辣椒🤤夾住黎食超正！😌一碟有6 隻，想食多隻大家要爭呀😌所以encore 左多一碟😆又點話丫！（怕辣建議你拎起個辣椒d 種子！）屋企人話佢放下面既係紫蘇葉係咪用黎

今日午餐嚟左呢間亞萊泰食，等左15分鐘左右，有卡位坐！叫左一個咖哩豬扒飯、香茅雞扒，加多碟菜芯同春卷！咖哩豬扒上碟已經碎上，唔洗食得咁淪盡，咖哩汁味濃唔辣，配落白飯度一流，豬扒略嫌鹹咗少少，整體都唔錯！香茅雞扒配左個唔知咩汁（似燒汁咁），雞肉嫩口不過鹹得濟！碟菜心好細碟🤦🏻‍♀️加左$12得幾條，下次唔會加！春卷入面係粉絲嚟，炸到濃左少少😥一般般。紅豆冰好濃嘅椰汁味，基本上似椰奶多d，而d紅豆未煮到爆開，我覺得大x樂好飲d。

屋企個工人姐姐生日，佢係泰國人尼既，我爸媽見佢幫我地做左成十年，又就尼約滿，於是去左阿公住天水圍附近試左尼間泰餐，樓面望落是是正正，都坐得算舒服既。炸春卷味道正正常常，肉餡算多。個烏頭也無令人失望，汁夠多，酸咸度適中，不過我比較中意辣，覺得佢可以再辣d！最後個重頭戲，咖哩蟹先係主角，咖哩個味我好中意，蟹腳都好多肉，好鮮甜，個殻多蟹膏，岩唒我，係我個晚最愛既一味餸！

其實我平時多數會叫冬蔭功湯底嘅，但係想要戒一日口唔食辣，所以叫喇沙就算。但係叫完之後就開始後悔啦，因為哩間喇沙唔係太合我口味，入口又冇蝦湯底味，醬料又好似差咁啲，雖然豬頸肉都幾多下但係肉質都係一般。我朋友點咗豬手飯，望落豬手都幾大件，皮佔多，醬汁夠撈成個飯都已經唔錯。自從T Town 開咗就多咗好多野食，有泰國菜，韓國菜，中菜，西餐，日本料理，所以真係多咗選擇，吸引到我專程過黎食個午餐，所以真係為天水圍增加多一個蒲點。

其實好多時候實香港嘅泰國餐廳都好中伏，泰國嘢其實我幾鍾意，但係好多間餐廳其實都唔好食囉！但係估唔到原來我哋嘅附近商場有一間泰國餐廳竟然喜出望外！係樣樣都咁好食！呢個咖喱雞係唔辣嘅，其實咖哩我都幾鍾意食不過好多泰國咖喱嘅汁都好辣，嗰度嘅負責人推薦左呢個送俾我，佢啲咖喱有少少椰子香味，啲雞好入味！兩個人食份量啱啱好！食得泰國嘢點少得唔叫豬頸肉呢？不過我哋就食唔晒 因為實在叫咗太多送 佢有個醬汁陪埋畀你不過我覺得唔需要醬汁已經好香口好好味仲有呢碟炒河真係超級正唔知係咪肚餓定點 唔係剩係似得出邊茶餐廳一味油嘅炒河咁簡單 用文字真係唔識形容😂😂呢碟我同個朋友食哂呢個薄餅本身用嚟放咖喱雞入去食 不過就咁食都超級好食 煎到好鬼香野飲方面叫咗青檸梳打同埋椰青水巧fresh!!!

今天去左天水圍搵食。行開呢邊先知T TOWN已經係一個好大好靚既商場喇,好多唔同既餐廳,今日就去左亞萊泰。入到去既感覺同其他餐廳唔同，幾闊落坐得又幾舒服吊燈好特別，裝修都有下過唔少工夫喎！我一定有叫我最愛既生蝦啦～ｗｏｗ真係好鮮甜呀！水準一流，如果有多些冰底墊住就更好啦再黎梗係要食下串燒啦，一串雞一串豬，夠熱辣辣，個沙嗲汁香到我點完又想再點再黎就係主菜啦～係咖哩雞～佢用左個比一般咖哩大既煲上，入面真係好足料！除左雞真係好大好大舊之外（有成５—６舊）仲有好淋既薯仔同車厘茄，又香又入味梗係要加個蒜蓉包要食埋Ｄ汁啦！仲未講旁邊既２杯特飲添，因為好喜歡菠蘿，我地叫左一杯菠蘿冰同一杯菠蘿梳打。菠蘿冰真係blend出黎架.唔係菠蘿+冰，真係打碎架！菠蘿梳打就有氣，唔會好甜，所以我２杯都有飲最後梗係唔少得叫返個菜啦，個咸魚椰菜苗真係俾我清哂呀！咸魚夠香菜又夠鮮甜　整體黎講真係好高質，你唔講真係以為去左中環銅鑼灣食貴一貴既泰菜，埋單都唔洗４００食到攬住個肚呀

見呢間人氣爆燈又有朋友住附近一於黎睇下佢有幾Thai先~!原來有個vip房 最多坐12個人最低消息$2000因為我地得4個人所以下次再去先再包膠但我估要Book台既整體個menu選擇多價錢唔貴 一班人黎食最開心因為可以叫好多 食唔同野一定要講呢個優惠食夠$300有得+小小錢就可以食到個咖哩蟹真係好抵但因為我地4個人都好懶唔想食蟹所以冇叫到呢堆飲品 買一送一我地飲到好似放題咁...大大杯 又好味~!一坐低會先上小食好脆 好香 幾好食~!好香甜既龍眼~紅豆冰呀~~~生蝦 大小適中爽口 唔會有腥味食落幾鮮甜夠凍 配既醬汁 好開胃呢個炸軟"學"蟹一黎到 我地都嘩 嘩 嘩~~好多菜呀~~ 如果負D菜就更好味!小食拼盤如果唔係好多人又或者想叫其他野食我覺得可以唔好叫住呢個因為真係 好 大 盤 呀怕你食左呢個冇肚食其他~!個蒜蓉包早到左本都怕佢會凍 因為咖哩未上但擺左成10幾分鐘冇凍過 仲要都咁脆口同埋真係好香呀~~~~魷魚細隻左小小 但4個人都OK既但燒得岩岩好唔會鞋口出面有D脆脆地入面軟軟地幾好咬口夾埋個醬汁都係好好味個雞幾滑 唔太肥好嫩 送飯一流呢個菜真係一定要叫夠熱夠香唔會鹹份量唔好睇佢好似

間中會來天水圍，今晚行完街，就在T-TOWN 見到這間阿萊泰，門口有推廣優惠，都幾經濟，就選這店了。特價小菜有3款，泰式鮮青檸蒸明爐烏頭$78﹑鐵板鹵水無骨豬手$48﹑芭堤雅燒雞半隻$58，真係好抵食，但2-4位只可選一款，5-8位可選兩款，9位以上可選三款，我們2位，由於我是豬手控，就選無骨豬手吧！由於芭堤雅燒雞看來很吸引，半隻正價$85，也點半隻來試試。另再點了泰式小食拼盤$108，鮮蝦豬頸肉炒貴刁$72，泰式晚餐來說，價錢算合理。嘩嘩…指定飲品$29買一送一，唔飲唔得！揀左椰汁紅豆冰和龍眼冰。龍眼冰，好清甜！飲完消暑下火去油膩，近日天氣轉熱啱晒！仲有龍眼肉食，爽口多汁，推介！椰汁紅豆冰，好香濃的椰汁味，紅豆份量較少。港式的紅豆冰是紅豆和奶味都多一點，泰式的是椰汁為主。鐵板鹵水無骨豬手$48，炆得又腍又入味，好多椰菜墊底，椰菜清甜爽口，豬手皮滑，不過豬手肉要食快D，因為在鐵板上越耐會越咸。鮮蝦豬頸肉炒貴刁$72，好有鑊味，上桌超香！貴刁口感煙韌，咸味適中；鮮蝦爽口，豬頸肉薄切，炒得好香好惹味，份量都算多，真心推介要食呢個！泰式小食拼盤$108，有蝦餅﹑魚餅﹑泰式春卷﹑鳳凰丸，一次試