亞萊泰 (T Town North)

營業中

休息中

本身想食早餐，但過了11:30am 所以變成食午餐。.早餐我是滿意的，$30 好豐富食到好飽。但午餐就一般般了。.午餐$50左右包飲品。.賣相、份量還好，味道方面我覺得唔夠香。.$45 喇沙河，有3粒豬肉丸及3-4塊肥牛，份量好多我食唔晒，但啲湯底就唔太「喇沙」。而且放耐左，啲河粉會變爛。...個雞扒飯presentation 算叫好（好似是$48），雞扒正常但啲汁都是唔夠香。.不過$50蚊，食得飽、坐得舒服都好合格的了。

環境寬敞，餐廳上菜非常快。晚市有不同的優惠套餐，非常抵食。冬陰公湯夠辣又惹味、生蝦非常新鮮，但略嫌價錢稍貴、菠蘿海鮮炒飯小辣，十分夠味。生菜包小小酸小小咸，開胃又不油膩

今日老遠入到天水圍, 發覺呢度唔係其他人講得咁差. 最少我呢個區外人盲舂舂亂撞一間餐廳都食到好野. 話說今日入天水圍做完野, 正準備食個午餐先走, 走上去商場內都幾多選擇. 結果見亞萊泰有位小姐面帶笑容咁介紹下, 就決定入去試下. 午市套餐都幾多選擇, 價錢都係五十幾蚊左右包杯野飲. 結果叫左個馬沙文咖哩雞飯同熱檸水. 整體來說, 比普通好小小. 但亦好欣賞呢度d環境同服務. 坐得都好舒服, 又唔算太迫. 總之呢個價錢係抵o既. 

畢業後好小入天水圍. 以前嘅天水圍頌富商場原來已改名為T-TOWN. 以前D噏耷舖都轉晒. 個商場好光猛, 樓下街市亦改為新式街市同食肆. 行到三樓搵地方醫肚. 呢排好想食泰國野, 呢度又有間門面幾靚嘅泰國餐館即管試下. 可能係閒日同仲係早, 所以唔洗等位. 個午餐MENU都算多選擇, 學生個價仲好抵同有椰汁紅豆冰送. 由於晏食早餐, 所以揀個無咁heavy嘅 海南雞拼豬肉丸湯河. 個餐仲有跟一杯熱飲.個餐5分鐘左右就到, 雞肉好嫩滑, 唔太生又唔太熟, 剛剛好. 最緊要個湯夠熱, 如果唔係我會好失望.  份量女仔食都飽, 但相信男仔食可能要叫多個小食會好d. 或者下次叫埋以前d同學再黎一齊叫多d款式敘一下.  

平時會係呢到食早餐，見到有晚餐promotion- 於最可以mark up 價的新年期間都有套餐，所以同屋企人年初六去試下。2人套餐$298，4人套餐$698，平均一個人不用$200，新年而言算平。左是通菜、右是木瓜沙律。呢2道菜好代表到呢餐飯：辣！自問食得辣，不過呢個看似清淡的沙律真心好辣，最後無咩人食，浪費了很多。冬蔭功湯好飲的，而且用個爐呈上，保暖又裝飾到。條魚都是，有個爐仔。菠蘿炒飯太多肉鬆了，得晒啲肉鬆味。又是爐！1套飯3個爐，好多道具喎！甜品兩款都包的，好滿足呀。因為我地是6個人食，所以另外叫多個餸，牛肉花膠，都ok 足料的。

豬年趁未開工, 走入元朗同天水圍一轉行下大運. 本來諗住元朗食, 但要去同親戚拜年結果入左天水圍. 結果就隨機入去呢間亞萊泰. 趕時間我只係叫左海南雞飯. 再叫左一個椰青.  去過黃大仙亞萊泰, 天水圍呢間裝修較新, 坐位都算舒服. 雖然海南雞個賣相一般, 但味道還是可以. 油飯都有應有水準.  總結: 合乎個人要求, 下次要試下其他嘢. 見到隔離枱叫到成枱都係, 賣相都唔錯. 

搬來天水圍開咗一間泰國菜係好開心嘅事，一開始都成日去幫襯。但係而家去親都覺得好食，明明一開始係覺得OK。蒜蓉包質素依然保持得好，夠鬆軟，外皮又脆，仲好香蒜蓉味。連我老竇都好鍾意食。菠蘿海鮮炒飯又係食泰國嘢必嗌嘅野食，呢間嘅菠蘿底乾唔乾淨我就唔知啦，但係菠蘿炒飯嘅味道都唔錯，份量就非常之細，但係竟然要90幾蚊海鮮濕金邊粉，未試過，食咗覺得都係麻麻地金邊粉個種甜味，不過個汁就還可。但係講真同港式炒濕河冇乜分別，海鮮又唔多，價錢就貴一倍。最後最難食嘅就係呢兜咖哩，剩係得鹹味，肉都唔多兩舊，叫服務員幫我地玩，玩完之後只係加咗少少糖嘅同一碟咖喱🙄🙄依然係勁鹹，好彩最後我哋都係表達左不滿，個經理就好明事理，幫我地取消咗呢一兜野唔使計錢

環境幾靚，味道普通，一般港式泰菜。價錢同份量算抵食，二人餐$300都食唔晒。但試過就算，下次想食泰國野都係落番元朗😹唔推薦咖哩海中寶，上枱果時都意外，係幾大份量，樣幾靚 係法包上面淋咖哩，但食落咖哩唔香，亦都無乜海鮮，得啲炸魚柳係入面，感覺似食緊魚柳咖哩包冬陰公都冇乜特別，比較酸啲。。。。。。。。。整體食物質素一般，係幾抵食，同份量幾大。如果想食好食嘅泰國嘢，就唔推介呢間。。。。。。。。。。。。。

呢間算叫我的「早餐飯堂」，因為好抵食而且坐得又舒服。$30 有個一大碗麵、厚多士、蛋奄列同飲品，呢個價好難搵了 given 坐得舒服。係天水圍，想食平野可能會想到新北江商場，但$30 唔會咁豐富，同坐得好逼。係頌富商場呢到，環境又好又大，呢個價真心搵唔到。啲燈飾都好靚靚。套餐B 最抵食。有其他早餐的，都是within $40。味道方面，普普通通啦，但$30 唔會要求啲咩。成個set 好大份，食完通常唔洗食午餐。沙嗲牛通粉。蛋奄列同厚多士。五香肉丁米粉，飲杏霜。食完早餐，見到佢轉午餐，都ok 喎～晚市應該貴少少，但見有啲優惠。

Had a dinner with family in here after a year. Walked in without reservation. Birthday celebration going on on the table besides, so it’s quite noisy during dining. Ordered crabmeat fried rice with mango($78), green curry with beef brisket ($85), and sweet and sour fish fillets ($78)Food was satisfactorily good for the price. Served with lemon water for free. The green curry tasted good and the big portion of beef brisket was rather tender, even though it’s not as spicy, perhaps because it’s a f

今朝早左出門口，特意過去T Town食早餐，呢間都少來食，所以就揀左佢食左早餐先返工。通常間間食店既早餐都係來來去去果啲，不過呢間有泰式早餐，不過無理由一早食咁激既冬蔭功，所以我就揀扒餐食。真係難以想像到早餐仲有$22😱下次可以試試😅原本我落單係香茅雞扒，不過來到就變左香茅豬扒，因為趕時間，費時叫佢地更換。塊豬扒都算幾好味，都幾厚切🤣整體味道不錯👍🏻而我都幾鍾意呢杯即磨咖啡，每朝有杯香噴噴咖啡，寧舍醒神😌

又黎天水圍食泰國野！慶祝我天蠍座朋友既生日☺️因為行過見到有冬陰功火鍋😽好似好正咁！未試過試試佢☝🏻😌5個人叫左5樣野食餐生日飯先🤤冬陰功火鍋 推介🥰 ($168)第一次試原來可以用冬陰功打邊爐😏喜歡食辣既人可以一試🥰佢地既豬肉丸入面係爆醬嫁！小心一咬，會爆湯🤤☝🏻重有蝦都有手咁大隻☺️抵食 重可以飲埋冬陰功湯tim🤤花膠蟹肉海鮮煲（$92)Lee 一道菜有個火係下面一直熱住佢！完全唔會怕蟹肉冷左會影響成個味道同口感！細心！欣賞🥰☝🏻海鮮入面重有魷魚同大蝦！豐富的呢😽花膠大大舊勁爽口！重點係d 粉絲呀！佢索曬d 汁！是精華🤤🤤🤤青芒沙律廣島蠔（$68)🤗推介大推介🤗一客有3舊！蠔超大隻！炸到外脆內爆汁🤤🤤🤤！配埋脆脆既蝦片！上面有青芒果沙律☝🏻☺️超級開胃既一道菜！Encore 度100!!!鐵板青胡椒花膠牛肉 ($82)無論係牛肉定花膠都好大片🤤🤤🤤食得出花膠唔係粗野，口感好爽口！配埋黑胡椒！辣辣地！真係食得落幾碗飯🤗椒鹽多春魚（$68)中泰合璧既一道菜🤔多春魚炸成黃炸色鬆脆，上面重有炸蒜！配啤酒🍻一流呀！食秦國野又點少得珍多冰同紅豆冰重有泰國啤酒tim!🤗真係飲飽食醉，暖笠笠🥰🥰🥰🥰🥰🥰

今晚難得星期五，當然係天水圍附近搵下有咩好食啦，T Town最近都有好多餐廳選擇，今晚就決定試下依間泰國野！我地叫左泰式爐魚，馬拉盞炒通菜，串燒，同埋冬蔭功湯，仲加左個白飯，個爐魚幾好味，串燒都唔錯，同埋依間餐廳環境都算闊落，有好多卡位，算係幾值得推介既泰國菜👍🏻😋

一向喜愛泰國菜🇹🇭見T Town開左間主打泰式料理就去試試首先叫左菠蘿炒飯配豬肉串燒菠蘿炒飯太濕 味道都唔太夠 唯一好系夠量足夠串燒燒得唔錯 醬汁夠野味再黎叫左個青咖哩雞扒飯 青咖哩夠濃郁 入面有茄子草姑一d泰國菜常見既醬汁配料都有系入面 雞排香口唔會應該乾算系可以既泰式料理餐廳 但當然有好多泰國菜餐廳都比佢好味好多

近幾年對海南雞飯往往有種鐘愛同執著, 但男朋友成日都話 "咪一碟無味既雞點d有味既醬, 有咩咁特別?"佢既形容又唔錯得哂既, 但愈簡單既野往往愈難整得好食, 雞滑唔滑, 個醬好唔好食, 個飯香唔香, 都好講技巧而今次試左既海南雞飯只可以用一個字形容: 正!首先個雞份量好足, 食落好嫩滑唔鞋口;個三隻醬各有各特色, 唔會搶哂fo不特止仲好帶出到舊雞既鮮味;而個黃薑飯就不得了, 唔膩又好重薑味, 好香口, 就咁食都夠味最後配埋個清湯比你解下膩, 成碟每樣都配合得天衣無縫!