亞萊泰 (T Town North)

營業中

休息中

聽講T town都有好多嘢食，梗係要嚟試下啦，今晚揀左食泰國菜，於是入左阿萊泰喇。二人套餐好抵食只要308蚊就有大蝦冬蔭功湯（$82），湯好好飲，仲有兩隻大蝦，爆蝦膏，仲有半隻手板咁大隻，抵食。半隻海南雞（$98），超級鮮嫰去埋骨，啱哂我呢啲懶人食。泰式小食拼盆（$78）仲有蝦餅，泰式素春卷，魚餅同鳳凰丸，鳳凰丸係雞肉同香草混合而成。鹹肉炒通菜（$65），好惹味夠鑊氣，鹹肉份量都多，抵食。泰式鮮蝦金邊粉（$85）份量超大，蝦夠新鮮，金邊粉甜甜地配上花生碎加上豆腐乾好地道。最抵仲有跟餐13蚊嘅Singha 啤酒，正。再加杯芒果乳酸（$29）大大杯夠冰凍，多果肉，完美的一餐中秋節飯。值得一提係呢個餐遂樣嗌要460蚊，而家308蚊加50蚊有飯或粉，唔叫餐，散叫都有8折優惠。

難得去咗天水圍濕地公園，睇完香港嘅珍貴動植物之後，就去天水圍嘅T Town 食晚飯先！喺商場行咗陣，見到依間亞萊泰嘅裝修好靚好用心，而且店外職員好熱情介紹食品，仲話晚餐有8折優惠，當然入去食大餐啦點咗泰式生蝦刺身，有6隻，每隻都好厚肉，個泰式辣汁調得好出色，連埋生蒜片一齊食，真係又鮮甜又野味串燒（雞肉/豬肉）燒得好嫩，豬肉一d都唔乾，而且夾集住少少肥肉，食落好甘香！明爐青檸烏頭，一路熱住一路食！酸酸辣辣好開胃，一d都唔腥軟殻蟹咖哩，蟹炸得好脆，個蛋咖哩好香濃，配薄餅食真係一流👍🏻椰春好大個好清甜，奇亞籽涼粉冰唔會太甜，飲曬都零負擔！

今日又來在頌富商場了, 好肚餓呀, 已經過了午餐時間, 見到有吃泰國菜的, 看到都想立即入去吃哩!由於過了2點,算是下午茶時間了 ,看到下午茶都有不少選擇!真開心喔。因為太餓的關係, 我和先生都想吃飯, 好啦, 我就叫海南鷄黃油飯,老公就點海南鷄拚無骨猪手飯, 哈哈, 當時我們2個都是餓壞了的飯筒!海南鷄黃油飯, 送的蘿蔔湯個湯沒味, 不飲也算了, 海南鷄沾醬, 沒驚喜, 可能都應該沒有什麼期望吧, 海南鷄本身也沒什麼味道, 所以醬料我自己覺得是重要的, 好的醬料會生色不少, 飯也是普通的飯, 沒有好油, 當然也吃不出什麼黃油味吧, 可能是下午茶的關係, 所以沒特別覺得好吃的。海南鷄拚無骨猪手飯, 猪手比較油, 老公差點吃到噎到了, 而且一個不小心把猪手跌進褲子上, 擦來擦去也擦不掉污漬, 真是奇葩。我來過吃晚餐, 品質好得多, 就是不知道何解下午茶質素差了如此多, 也許我應該來錯時段了!下次如果再來, 不會是下午茶了, 下午茶一次足夠!😁😁

King prawn and glass noodle clay pot with Thai fish sauce and herbs:Fair, the king prawn is really large, but not really fresh. The texture is a bit mushy. The glass noodle is really wet, not dry enoughTraditional Thai style fresh shrimp served with fresh garlic, chilli and spicy dip:Again, not super fresh. The shrimp is not translucent at all, with a hint of prolonged refrigeration. Thai style Hainan chicken served with Thai sweet and spicy dip:The best among all. The chicken is very smooth and

T Town 近期都去多左，因為餐廳多選擇，種類又多，又有一個好大嘅停車場，同時間有近我屋企，今日去咗一間食泰國菜名叫亞萊泰。泰式生蝦：蝦好甜，夠爽口，辣汁調得好啱我胃口，夠酸夠辣。泰式木瓜沙律：木瓜夠新鮮甜美，大大碟，酸甜度適中，好開胃。半隻海南雞（配油飯）：啖啖肉無骨，好有雞味，連埋皮食唔算油膩，典賣甜豉油姜蓉一齊食，非常可口。配埋一個邪惡油飯，味道滿分。炒蝦蝦干扁四季豆：四季豆好乾身，好有鑊氣炒，蝦大大隻，調味得非常一流。蒜蓉包：厚切嘅蒜蓉包，淡淡都有甘香蒜蓉味，牛油好香。龍眼冰：有10多粒龍眼系入面，龍眼冰好大杯，好抵飲，味道鮮甜，唔會過份甜。

開左咁耐第一次食完就再食！！！第一次同第三次都叫左套餐，多款選擇，店員服務態度都好好同積極上菜速度快令正，第一次食叫左海鮮咩咩寶，原來個法國包真係5講得笑，本來我地唸住細細地5夠飽叫多個飯，但店員同我地講我地可能食5晒不如遲d再決定，好彩相信佢無叫到飯，食晒成份都飽到升仙頭盤小食，食到似魚蛋果款有好多骨碎仲要係粗既，其他都好食正到爆，咸魚馬拉盞炒菜，好味5偏咸冬陰公就有少少失色，5夠酸5夠辣，但味道都ok既，入面既蝦爽口彈牙，新鮮！特別椰汁涼份，配泰國菜，正龍眼冰不過不失甜品多種類，好味第二次叫左佢特價既燕窩，足料但味道單調，只有椰汁加水味，而且隻匙羹好難用係尼個碗入面，仲要係常溫，5凍5熱咁，麻麻地菠蘿炒飯好味，偏淡第三次試左豬手，再提個拼盤果個魚有粗骨碎，今次插到口其他都係之前既水準，豬手第一次食，好味！！！又滑又夠味會再食，不過拼盤就5會再叫啦

阿萊泰成日都做特價，今次比生蝦、明爐烏頭吸引左入嚟，家下老人家最鐘意食明爐烏頭！青檸明爐烏頭$98，條魚都算大條，呢個價錢很難得，少辣，酸甜味剛好！串燒好香口，不會大濃，沙嗲醬香濃！必點生蝦，一片蒜片、辣椒🌶再加上秘製醬汁，蝦肉又爽口又彈牙！炒椰菜苗十分爽口，馬拉盞炒係最夾，送飯一流！泰式菠蘿炒飯$95，用料豐富，配料仲多過啲飯！泰式甜品大拼盤$90，基本上有齊泰國必吃的糕點，平均都係幾蚊一件！勝獅啤酒都係十多元一支，十分抵飲！食物價錢不貴，亦沒有加一服務費，而家很難得了！

屋企人特別鍾意食泰國餐，聽朋友講，天水圍嘅呢一間泰國菜好味又實惠，作為乖乖仔嘅我，今日就梗係帶屋企人嚟到天水圍呢度品嚐泰國菜嘅美味啦。炭燒豬頸肉，份量十分之大件，燒得十分之香，最緊要嘅係唔會好乾身，仲保持反肉質嘅濕度，而且夠晒入味，豬頸肉入口爽口彈牙，又唔會好油膩，食落有脆身，夠晒惹未。泰式金邊粉,呢個係減肥人嘅音樂,因為一般嘅河粉,都比較肥,減肥嘅人食飯,作為我的一位減肥人士,呢一味金邊粉就十分之恰當啦,因為金邊粉佢本身係乾嘅,所以無咗河粉嘅果一層油,唔會好似河粉咁肥，最重要嘅係廚師吵得十分之夠火後,酸酸甜甜,裏面嘅大蝦十分之大隻又爽口,充滿風味啊。軟殼蟹米紙卷，係我鍾意嘅泰國美食之一，咪紙卷新鮮，而且彈牙，裏面包住嘅材料都好多，米粉爽口，裏面嘅軟殼蟹新鮮炸起點上魚露食，充滿泰式風味啊。

海南雞一隻，因為屋企人特別鍾意食雞，所以足足叫咗一隻，雞好大隻，一啲都唔係BB雞，而且外皮鮮黃色，皮脆，肉又滑，放落口啖啖肉，又唔會好肥，肉質充滿鮮味，一啲都食唔到雪藏嘅味道，唔止雞髀呀，就連雞胸肉，都係滑嫩嘅。蒜蓉炒椰菜苗，顏色的綠色， 青BB，一睇就知道新鮮炒起啦，淡淡蒜蓉味，又夠鑊氣，食得泰國菜，又邊少得食返個椰菜苗啊，因為唔係度度都食到架，仲要炒得好味，就真係更加難得啦。炸軟殼蟹，新鮮炸起，炸至金黃色，份量一啲都唔少架，足足有兩隻，放落口脆身，果然新鮮呀！軟殼蟹果然係軟殼蟹，啲殼十分之軟，而且又肥美，果然夠美味呀。服務員親切有禮，而且加水又很快，上菜嘅速度果然可以用神速形容啊。

天水圍T Town出名咩國家嘅菜式都有得食😋👍🏻今日就喺晚市時間嚟試一試呢間泰國菜亞萊泰。其實之前都嚟過呢間餐廳食過幾次，午餐嘅時間人流都非常之旺，所以唔想等位嘅話大家就要早少少嚟食。今日我就嚟晚市試一試，點咗一個無骨豬手飯，如果係午市套餐就抵食好多，50幾蚊仲包埋嘢飲，晚市雖然貴少少，但仍然非常抵食，點解！？你睇下佢碗飯㩒到幾實就知足料啦！🤣👍🏻另外主角無骨豬手都完全唔野少，調味啱啱好，軟熟嘅豬皮非常美味，配飯食簡直一流👍🏻

下午茶時間和屋企人來屋企附近搵食，見這間餐廳都開左一段時間，而下午茶價格都很便宜，於是決定一試。我點的是海南雞飯，跟的飯是黃薑飯，亦有一碗冬瓜湯，但遺憾地冬瓜湯有大量莞茜，喝了一口實在不行。海南雞照舊是跟三款不同的醬料,但醬料的味道不算很出色，雞亦只有雞胸肉。屋企人點的湯河都一致認為麻麻。

有朋友喺美國嚟探我，入住喺天水圍酒店，當然要搵佢一敍啦，避免佢舟居勞頓就喺天水圍附近搵到呢間食泰國菜的餐廳同佢接風。點了個二人套餐，包括:迷你泰式小食拼盤有泰式春卷，蝦餅，魚餅，鳳凰丸，一次過試齊4款小食，味道唔錯，個人喜歡春卷，上枱時仍然脆口燙嘴泰人大頭蝦冬蔭湯湯頭鮮甜用上大蝦，鮮菌及多種香料熬煮，酸酸辣辣另人胃口大開鐵板泰式鹵水無骨豬手豬手已去骨，豬皮處理得很乾淨無毛，豬手鹵得入味又夠軟糯鹹魚炒通菜通菜夠翠嫩，配埋鹹魚嘅鮮香及蒜蓉的惹味，另人食不停口泰式甜品有亞麻籽椰青糕，椰汁斑蘭千層糕及椰汁西米糕，味道唔太甜，有椰香泰式菠蘿海鮮炒飯(加＄50)套餐加五十元就可以享用呢個菠蘿炒飯，材料豐富，除了有海鮮外還有腰果，肉鬆，提子等配料，獲氣十足，越食越滋味鮮青檸明爐蒸烏頭餐廳做緊夏日精選優惠，每4位可揀一款，朋友喜歡吃魚所以揀咗呢款，烏頭肥美肉質嫩滑，湯汁微酸帶辣加上青檸芫荽可辟除腥味，而且用火爐端上保持熱度，另到魚肉可吸收湯汁更加惹味金柚子沙律柚子清甜多汁配埋調製出色醬汁，是一道出色的前菜香芒蟹炒飯大大件的香甜芒果加已拆絲的蟹肉及蟹膏，入口滿滿滋味古法馬沙文咖喱牛腩咖哩汁香而不辣仲帶椰

今日慶祝媽媽生日，帶她食最愛既泰國菜。 阿來泰聽就聽得多， 食就第一次食， 今日終於可以一嚐滋味。店鋪裝修高貴華麗， 地方闊落， 仲有好多卡位坐添。 員工服務非常好，夠細心體貼。牆上嘅圖案畫得精美細緻，帶點色彩繽紛。小食叫咗芒果沙律，芒果切到一絲絲，非常爽口， 再配些少花生和辣椒，非常惹味。另外見到做緊特價，梗係叫個生蝦刺身啦！ 生蝦冰凍大隻， 夠曬爽口。 68蚊有六隻，非常抵食。大蝦炒四季豆， 大蝦夠爽口，四季豆炒得比較淋身，肉碎夠入味，岩晒我地口味。蒜蓉包切到長條型， 蒜蓉醬夠多夠香， 焗嘅時間啱啱好， 焗出黎帶點金黃色的，味道香脆可口。叫咗半隻海南雞，分量比想像中多， 雞肉嫩滑唔會太肥，亦唔會太熟， 烹調時間掌握得 非常好。價錢合理，款式也多， 都係一個唔錯嘅選擇。

夏天熱到冇乜胃口食番啲泰國菜酸甜香辣解暑消熱鮮青檸明爐蒸烏頭餐廳推出三款夏日優惠精選；烏頭肥美肉質細嫩配搭青檸芫茜清新辟腥亦可按照個人喜好選擇辣度；魚湯鮮甜而且微酸帶辛經過明爐加熱濃香惹味迷你泰式小食拼盤拼盤有齊四款泰式小食選擇困難症必點；泰式春卷金黃薄脆餡料豐富飽滿；蝦餅肉厚口感爽彈；鳳凰丸同魚餅混合泰國香料製成風味獨特泰人大頭蝦冬陰湯冬陰功湯辛辣刺激配搭魚露以及香矛調製酸辣開胃；材料豐富包括大頭蝦同菇菌等好足料鐵板泰式滷水無骨豬手豬皮膠質豐富口感煙韌肉質軟腍而且泰式滷水微酸入味鹹魚炒通菜通菜翠綠青嫩加埋大量鹹魚快炒鹹香撲鼻泰式甜品泰式甜品總共三款四件幾有誠意；椰汁西米糕椰汁香濃；亞麻籽椰青糕清爽消暑；椰汁千層糕煙煙韌韌帶班蘭香泰式菠蘿海鮮炒飯二人套餐可享升級優惠以五十蚊加配泰式菠蘿海鮮炒飯；菠蘿香甜而且炒飯加左黃姜粉配搭肉鬆同葡萄乾食幾特別芒果沙冰/椰汁紅豆冰沙冰質感濃稠挺身而且芒果味濃天然；椰汁香清加上紅豆清甜經典絕配金柚子沙律金柚水潤而且醬汁調配出色酸甜辛辣配搭乾蔥花生感覺清新醒胃香芒蟹肉炒飯蟹肉拆絲份量幾多加埋蟹膏炒飯甘香；炒飯乾爽粒粒分明配搭芒果香軟多汁口感豐富古法馬沙文咖

十分超級失望。。。。。。。。。。。。。。。。。。。冬陰公湯咸，多渣，味精重，青咖哩牛腩配料多過牛腩，牛腩數埋都5知有無5舊，配料成碗，都5知食乜，菜又5熱，上菜又是是旦旦，見到果個位置成台菜都重要放落去，服務員態度差，碗拎過黎果陣污糟，叫換，佢話係甘，5想換。。。。。。。。叫服務員黎收台上碟，上甜品，當睇5到，d菜得個樣，完全難食。。價錢5值。完全無下次 ，5會再去。。。。。。。。。。。。。。。。。