亞萊泰 (T Town North)

營業中

休息中

泰國菜，是其中一個菜系，最受香港人歡迎。今天，經過天水圍頌富，選擇了一間泰國菜，品嚐一下。店名叫亞萊泰，星期四的晚上，餐廳的食客不多。完全不用等位，便可以進去。店內環境十分新淨及光猛，座位亦相當舒服。餐牌基本涵蓋了，泰國經典菜式，亦有一些二人套餐。上菜了，先來兩個冰凍椰青，爽。接著，是半隻海南雞，足料，雞肥。配上一碗黃薑飯，很飽肚。再來是，椰香青咖哩魚柳，微辣，很香甜，魚柳有點過淋，咖哩當然要配印度薄餅，味道蠻夾。最後，是軟殼蟹牛油果凍卷，份量不少，每一卷都包得很豐滿，健康感充足！可惜，已經很飽，下次有機會，要試下這裡賣的亞麻籽椰青糕！亞萊泰 (天水圍)人均消費200元天水圍天華路33號T Town北翼N211號舖簡單的飲食隨筆，有興趣請follow～緣食魔宮。

放工後，和媽咪來到屋企商場附近的亞萊泰。餐廳修裝頗有泰式風格，以木枱木椅為主。我們點了二人套餐 $308，包括泰式小食、湯、一款主菜、蔬菜、甜品，頗抵食豐富，套餐加 $10 泰式特飲兩杯。泰式小食拼盤(細):炸物拼盤有四款炸物，香脆可口，點埋附設酸辣汁，更為滋味可口﹗泰人大頭蝦冬蔭湯(細):入面有多種香料、大蝦、菇菌，材料豐富，呢碗味道酸味比辣味更強一些，開胃又惹味~鐵板泰式滷水無骨豬手:豬手以鐵板上枱，份量算多。豬手以滷水醬汁烹煮，已拆骨以方便客人進食。豬皮和肉肥瘦均勻，豬皮軟淋有彈性，瘦肉部份肉質嫩滑不韌，吸收滷水汁精華，底層更放了鮮嫰椰菜去除油膩感﹗馬拉盞炒通菜:通菜炒得夠鑊氣，仲保持嫰綠脆口感，少許辣椒配上蒜蓉，夠晒香口惹味~菠蘿炒飯+$50:以半個菠蘿盛載，上層有肉鬆、腰果，入面魷魚、蝦肉、 粟米、青豆及紅蘿蔔粒等豐富配料，炒飯炒得粒粒分明﹗最後更有四件泰式甜品:泰式糕點清甜，帶有淡淡椰子香。+$10有兩杯飲品，龍眼冰:入面有不少龍眼肉，清涼解渴~珍珠椰汁冰:椰汁味濃，不過略嫌珍珠不夠煙韌。二人套餐確是抵食，飽到食到捧住個肚走，大滿足﹗

今日去咗天水圍，朋友知道我鍾意食泰菜 ，所以夜晚帶咗我嚟依間度食好西，佢話呢間泰抵食、泰舒服咁話😆餐廳間隔幾大，以暖色系列為主，帶有泰國元素色彩， 座位闊落，就算一大棚喺度用餐，也不會太過侷促👍唔使諗叫咗個二人套餐，因為幾啱食，由頭到尾，當中有齊小食、湯 、主菜、 炒菜、 甜品及飲品， 價錢才不過$ 308.00，可算實惠😚 另外再叫多個柚子沙律🤭-小食~ 有四樣小食，正正常常，冇乜驚喜😆-柚子沙律🥗~ 好有水份、酸酸甜甜、加埋香脆花生，非常醒胃👍-大頭蝦冬陰冬🦐~ 唔講得笑， 🦐 幾大隻有蝦膏， 湯就酸辣適中微帶椰香，🍄 都唔少😋-主菜~ 五選一， 揀咗泰式辣膏炒蜆，驚喜 ！！啲蜆好大隻，唔係平時食冇乜肉食嗰啲咁細隻， 值得一讚就係食唔到有沙， 泰式辣膏啲汁微辣帶甜，非常👌😋- 咸魚炒通菜🌶~ 估唔到咁大碟， 揀咗馬拉盞， 另外有鹹肉、蒜蓉口味， 鹹香少辣👌最後飲品加$10.00,叫咗芒果沙冰同菠蘿沙冰， 甜品也有四種不同口味👌👍👩‍⚖ 坐得舒服，價錢實惠，仲有星期一至五， 晚餐時段正價嘢食、飲料有八折優惠， 咁下次帶埋班friend嚟試其他正價嘢，慳得嚟又可以食到多啲款色😚

下午茶 去骨海南雞飯 （$53）跟餐 熱飲一杯，凍飲（+$3）個得一讚，個黃油飯 係偏軟身 好快就會飽但係 呢個飯既質感 我覺得好好食 軟軟熟熟 而個海南雞 去曬骨，都好方便！但係就冇咩雞味，個醬汁拎唔夠惹味略為遜色

偶爾都喜歡到亞萊泰LUNCH/晚餐今天食LUNCH，不用等位食物好味而且座位夠闊寬，坐得舒服服務也不錯泰式酸辣鳳爪是我們每次都必叫的小食酸酸辣辣非常開胃海南雞併無骨豬手配黃薑飯海南雞是老公最期最愛，差不多每次也是點它一個餐包括了湯和熱飲，加錢可轉特飲豬手夠淋夠入味,份量都多海南雞夠滑夠嫩，配埋黃薑飯，正仲有3款醬汁:薑蓉、豉油、泰式酸辣汁馬沙文咖哩雞扒配香米飯是我最近很喜歡的午餐，馬沙文咖哩是偏甜的咖哩怕辣的也完全沒有問題，而且有很棒的椰香味咖哩汁撈飯超正薯仔夠淋，煎雞扒也夠香晚餐也有不少菜式選擇，是天水圍區不錯的泰式餐廳～

見到餐廳裡外裝修都帶著泰國風味，部份卡位用了屏風做間隔，非常雅緻。一至五有全單八折喎，你多啲嘢食先😂😂大蝦粉絲煲，大蝦好像般大小，肉質彈牙厚實😍😍一個煲有兩大隻，粉絲乾身香口，確實做得唔錯，而且很大鍋，所以少叫一碗飯😬😬泰式菠蘿海鮮炒飯去到泰式餐廳,我都會喜歡點一個菠蘿炒飯,上面滿滿的肉鬆,仲有一些香脆的腰果.飯粒柔軟可口,海鮮的份量都幾多,令我沒有失望。泰式脆香盲鰽伴青芒果沙律🥗一碟兩成，盲鰽好少骨，外脆內面仲係juice 🤩🤩青芒沙律夠晒開胃，配炸魚可以平衡油膩😊😊唔想食太多肉冇叫海南雞，但就掛住油飯，整得好好又唔太乾唔太𣺉，有油飯香蒜蓉炒雜菜，大大碟！翠綠可口，吾錯😊沙嗲串燒，豬雞各二，香口肉質嫩滑，沙嗲醬尤其出色，好香👍👍最後梗係要食返個泰式甜品🍮香芒糯米飯，其實甜甜地，糯米飯夠煙韌，椰汁香甜，飽到上心口，人頭百零蚊，真係抵食又好味😋

秋意漸濃，又想食泰菜🤭🤭近近地，見樓下呢間亞萊泰有全單八折，二話不說衝左入去😂😂泰式脆香盲鰽伴青芒果沙律，呢個沙律好特別，先將盲鰽炸過，再拌青芒果絲，加上泰式特有醬汁，大力推薦！香草仿蟹肉雞絲魚肚羹 入口有勁多魚肚，亦多一入鮮甜味。配合含有仿蟹肉雞絲的魚肚海鮮羹，湯羹味道鮮甜，別具一格。蒜蓉炒雜菜　炒得幾爽脆，夠晒鑊氣，特意叫不辣的菜，中和一下😊😊菠蘿炒飯，夠乾身，提子乾腰果和一些雜錦海鮮，賣相靚👍👍泰式生蝦，新鮮，彈牙爽口，醬汁夠辣好惹味😆😆大蝦粉絲煲芒果糯米飯賣相討人喜悅，糯米飯用上白糯米，加上濃濃椰漿，軟糯好食！好滿足，有八折錦上添花😂😂

之前食過亞萊泰其他分店覺得幾抵食， 今晚去左天水圍呢個商場咁啱見到就決定回味多次😀呢間既座位感覺仲闊落仲鬆動，裝修都幾優雅👍我哋兩個人叫咗個細小食拼盤，馬拉盞炒芥蘭，一碗黃薑飯，泰式金邊粉，泰式燒䱽鯧魚同一個椰青🙈啲嘢嘅份量全部都幾大碟😮碟芥蘭炒得啱啱好，食芥蘭好怕煮得太熟，淋左就無左芥蘭果種特別既香味，又唔脆口，呢個炒得唔錯，配埋馬拉盞就更惹味😋黃薑飯隻色好靚👍幾重黃薑味，唔會太乾，有少少油剛剛好～燒鯧魚店員一放低就聞到好香嘅燒烤味😍 魚皮勁脆！平時食魚我都唔太鍾意食魚皮，但係今次覺得好好食😂 魚肉好厚身，又滑，抵食😊 椰青超大個👍 好多椰肉，清甜，平時出面泰式餐廳飲個椰青大部份都要四十幾蚊，呢度三十幾就有👏宜家做緊推廣星期一至五晚市仲有8折，抵呀！👏

天水圍想搵間泰國菜真係好難，難得t twon有間亞萊泰！我同媽媽叫左個2人餐，本身以為加50蚊係可以將個main轉做泰式鮮蝦金邊粉，但結果原來係加50有多個粉，最後飽到食唔哂2人餐加10蚊就有2杯泰式特飲，超抵，落左單之後，特飲好快就上台我地叫左杯珍珠奶茶同椰汁珍珠冰，珍珠奶茶既味道有少少偏向港式奶茶既味道，茶底夠濃媽媽揀既椰汁珍珠冰令我非常意外，平時我唔多鐘意椰味既飲品，但呢杯既椰味好清甜，味道比我杯珍奶稍勝main我地叫左泰式海南雞半隻，雞好滑，肉質都好鮮嫩，仲配左3種醬比你任點，分別係豉油，泰式辣醬同薑蓉，個人覺得雞肉同泰式辣醬好夾！蔬茶叫左個馬拉盞咸魚炒通菜，通菜幾新鮮，咸份唔會太過份，仲食到好有鑊氣湯揀左香草蟹肉仿鮑魚絲魚肚羹，上台果陣仲加緊熱，飲落熱辣辣，口感似食緊魚翅，d魚肚好大塊好爽口泰式鮮蝦金邊粉賣相非常吸引，金邊粉炒到金黃色，配料好足，d蝦都幾大隻幾鮮泰式小食拼盤有泰式春卷，蝦餅，魚餅同鳳凰丸，特別推薦魚餅，第弓次食咁好食既魚餅最後甜品係各式糕點，都非常有咬口

早幾晚同朋友同呀媽落樓下食晚飯，揀左我比較鐘意既泰式餐廳。市道唔好，好多餐廳都減價或者有做優惠，但係佢呢，逆市加價呢雖然而家已經唔需要加一，但係幾乎全部菜都加左價，其實分分鐘仲貴過加一。比如以前我必叫既青木瓜沙律，原本68蚊，而家78蚊，已經貴過加一了，所以我都好少再叫。我地三個都食唔到太多野，只叫左一條烏頭同海鮮炒金邊粉。另外因為飲品買一送一，所以都叫左兩杯share。烏頭唔知係咪因為做緊特價既關係，肉質好鞋。其實烏頭本身就係比較肥美既魚，佢可以變到咁鞋究竟係煮左幾耐同擺左幾耐呢。不過佢既湯汁無得彈，有得揀辣度，又夠酸夠香，所以我都係為左佢呢個湯先叫。呢間既炒金邊粉我一向都覺得幾好食，雖然配菜比較少，但係味道好，份量都唔少，我地三個人食都仲有剩。。。（雖然我地比較細食）最後係飲品，因為佢既椰汁底好香濃，所以基本上椰汁紅豆冰呀，涼粉冰個啲都無得輸，呢個地方係抵讚既。

每次食泰式料理都一定會叫炒金邊粉同生菜包呢度既金邊粉唔會炒到好油同夠惹味落左好多香料，每一條粉都入曬味，酸酸甜甜甘意想唔到，碎肉份量甘多，反而係生菜太少但添多兜菜要加20蚊，唔係好抵🤭碎肉咸中帶辣，大概一半肥肉、一半瘦肉，混搭洋蔥同蔥花，都幾好食！朋友想試下呢間既豬手，都算大隻重點係滷得夠淋夠入味，d肉一咬就散充滿骨膠原，連皮食好滋味！通菜都炒得夠火喉，唔會太軟或太硬，食落都爽爽地呢個係蒜蓉炒通菜，但鼓油味反而比較突出

一向都喜歡吃泰國菜的我，前日去探望好友，隨即到她家附近吃晚飯，選擇了泰國餐廳的亞萊泰，這裡的泰菜很特色，可以讓我們慢慢品嚐一下的美食 ~餐廳裝修雅致，以泰式時尚設計，地方寬闊，座位之間沒有壓迫感，舒適悠閒，在這裡享用美食，真的很不錯。亞萊泰 - 兩週年誌慶星期一至五晚市時段，全單 8 折，5:30pm-10:00pm。餐牌裡款式選擇多，除了有最新優惠精選外，還有二人套餐、四人套餐及單點的頭盤小食、海鮮、肉類、咖喱、炒粉麵飯、蔬菜、沙律、紙卷、湯品、甜點、特色飲品等，款款吸引，別具特色。我們點了二人套餐 $308，有泰式小食拼盤(細)、泰人大頭蝦冬蔭湯(細)、鐵板泰式滷水無骨豬手、馬拉盞炒通菜、泰式甜品(四件)，套餐加 $10 泰式特飲兩杯，另加金柚子沙律。泰式小食拼盤 (細)炸物拼盤香脆可口，味道鮮美，拼盤備有酸辣汁，沾了令炸物味道提升，很滋味。泰人大頭蝦冬蔭湯 (細)酸酸辣辣的冬蔭湯，飲起來好開胃  ;  冬蔭湯份量頗多，材料豐富，除了大蝦外，還有菇菌和多種香料等，蝦肉鮮甜爽口，而湯頭集合了酸、辣、甜、鮮、香的味道，可以説是五味俱全。泰式冬蔭湯，對於我來說是吃泰國菜必點的，獨特的泰式

今次我哋就冇出市區啦，去咗位於天水圍嘅一個住宅商場入邊食亞萊泰，冇錯又係泰國嘢食。一到去都仲係8:30 ，所以都仲有唔少街坊喺度食緊晚飯。我哋成日都眼大肚窄，嗌咗炭燒泰式豬頸肉，椰香青咖喱雞，海鮮炒金邊粉同埋平時最少食但係都最特別嘅清邁鐵板煎蠔仔蛋！豬頸肉真係好好食呀啱啱燒出嚟熱辣辣，肥而不膩配埋辣辣地既酸甜醬真係一絕。而青咖喱雞都好特別，佢有個爐熱住佢滾下滾下咁陪埋加配嘅印尼薄餅😚🥰今次仲唔係正宗嘅食法咩但係最鍾意食嘅都係清邁鐵板煎蠔蛋仔，佢有啲似台灣嘅蚵仔煎亦都有啲似香港大排檔嘅煎蠔餅，不過佢蛋漿嘅部份佔得多啲，所以未去到香港既蠔餅咁脆口，但係蛋味好濃郁就算凍左少少食都好有味道，下次叫朋友黎都真係要黎試下個菜式😍

我朋友話好想食泰國野，係T town 見到有得食，快d入去啦！好，坐底睇下有咩好食先。泰式小食拼盤，有泰式春卷、蝦餅、魚餅、鳳凰丸，全部都係炸得金黃香脆，蝦餅用左香茅，特別香，魚餅就外脆，裡面魚肉彈牙。泰人大頭蝦冬蔭湯，好足料，除左飲到海鮮味，辣度係十足，再帶微酸，正。椰香牛腩青咖喱，好多椰香，唔太稀身，超多牛腩，加埋印式薄餅黎食，好好味。冬蔭雞肉炒飯，飯炒得多乾身，食到冬蔭功香味，唔油膩，仲有粒粒雞肉和蛋絲。椰汁雪燕，張相真係好吸引，食飽飽都要來一客甜品，呢個係凍食既，粒粒雪燕加濃厚既椰汁，食完甜絲絲！

泰國菜係好多香港人都喜歡食嘅！竟然連我老爺奶奶都係😅今日入天水圍做節佢哋竟然揀咗食泰國菜令我有點愕然😅平時咁多年都係食酒樓第一次食非酒樓嘅菜式👍🏼可能係平日關係而且我哋入到黎都已經八點，餐廳座位仲有好多。餐廳裝修都好雅致。入到黎佢哋都已經就選咗幾碟菜，佢話佢哋已經食過好多次了。首先嚟到嘅係炸蝦餅每次泰國菜一定食嘅菜式之一。唔好意思食完先記得影相😜1⃣️碟有三件每件切開一半，總共有六件都幾厚肉，不過我覺得唔夠彈牙跟住佢哋話必食嘅呢一碟燒盲曹配芒果沙律，我覺得芒果沙律係好好食嘅芒果好爽脆好有芒果味👍🏼但係個魚我就覺得好多粉炸唔係燒，我個人唔鍾意食，但係屋企人話好好食，呢啲就係各人有個人嘅口味冬陰公味道都幾好味啲蝦都好大隻嘅必食嘅馬拉盞炒通菜，太多醤我嫌佢太咸菠蘿炒飯我覺得冇乜菠蘿，啲飯有啲生呢個炒蠔仔蛋，我又覺得幾好食好脆我都好耐冇飲過咁稀嘅芒果沙冰