亞萊泰 (淘大商場3期) (已結業)

九龍灣淘大其實都幾多多野食，特別係戲院嗰條路，今晚4人行試左亞泰萊 Aroi Thai 既四人用優惠套餐。四人套餐野食豐富,前菜叫左金抽子沙律,湯就大頭蝦冬蔭湯,主菜泰式酸梅肉碎明爐烏頭同軍艦咖喱海中寶，仲可以揀個飛天炒通菜同原個菠蘿海鮮炒飯，仲送泰式甜品拼盤加芒果糯米飯。簡直可以滿足哂4人既願望，呢個套餐仲要唔洗加一。我就最like 個軍艦咖喱海中寶，獨別，超巨型，滿滿咖喱汁香濃充滿脆口既法包裏面，包入面又夾住d魚塊，一齊食真係好好食。另外野飲仲要買二送一，今晚我地個個都棒住個肚走，好滿足呀。

好耐無約朋友出街食晚飯，今晚放工就去近近地嘅淘大食泰菜，之前食過午餐唔錯，所以encore食晚餐!一坐低就送你一碟蝦片，俾你邊食邊揀嘢食! 我本身唔太食得辣，但又幾鍾意食咖哩，今次叫咗個椰香青咖哩牛腩，都比我想像中辣，但尚可接受，咖哩好香，牛腩都好腍，我哋另叫咗蒜蓉包襯咖哩食，蒜蓉包非常脆口，淡淡蒜香，又唔會太濃，味道剛剛好! 沙嗲串燒係我另一至愛，4串串燒可選雞豬各2串，十分欣賞豬肉串，肥瘦肉各一半，同五花腩一樣，好好口感，加埋個沙嗲汁味道非常唔錯! 食泰菜最愛咸魚炒椰菜苗，平時自己較少機會食，不過通常出面都得咸魚香，好少真係有粒粒咸魚，今次終於唔一樣，咸魚竟然多到食唔哂，真係勁正! 另外都叫咗個細嘅小食拼盤，有春卷、蝦餅、魚餅同鳳凰丸，蝦餅外脆內爽，魚餅香料味濃，個人就麻麻喜歡! 飲品方面，我當然飲我最愛嘅椰青，椰子肉勁好味，朋友叫咗個龍眼冰，超多龍眼肉，好味!

食泰國菜去九龍城就最多選擇，但近近地樓下有得食就仲方便😜📍二人套餐有($298)超抵食既二人套餐，有小食+湯+主菜+炒菜+甜品拼盤～我就揀左泰式小食/冬蔭公湯/招牌咖喱海中寶/馬拉盞炒通菜😋小食拼盤既炸春卷脆卜卜～蝦餅好彈牙好好味😗冬蔭公湯好足料，有大頭蝦又有好多菇菇，酸酸辣辣好開胃，但朋友怕辣完全飲吾落🤭主菜既咖哩海中寶好驚喜啊！一條長法包配上咖喱海鮮🦞有蝦仁🍤炸魚柳同魷魚頭👅如果個法包焗脆左就會更perfect🤔炒通菜就好惹味，但太咸同太油😫甜品拼盤係椰青糕同斑蘭糕 幾清新吾會好漏📍泰式鮮蝦金邊粉 (+$50)個餐無澱粉質係差咁啲野🤪跟餐加50蚊可以配pad thai或者菠蘿海鮮炒飯，好抵👍🏻金邊粉炒得入味，酸酸甜甜，正😆

亞萊泰 (九龍灣).⚜️泰式青檸明爐蒸烏頭⚜️.每二至四人就可以揀一樣優惠價食物，我地揀左明爐烏頭，條魚都好大條下，熱辣辣咁(*¯︶¯*).⚜️泰式大蝦🍤粉絲煲⚜️.四人分啱啱好，有兩隻勁大蝦再切半，粉絲索曬大蝦嘅味，而且份量好多，啱曬我媽媽喜歡粉絲嘅人！.⚜️青咖喱加牛腩 另加薄餅⚜️.呢到嘅青咖喱偏稠，青咖喱不辣又香，內有紅蘿蔔🥕茄子等配料，我們另外再叫左個薄餅點咖喱食🤣.⚜️炭燒串燒⚜️雞牛各兩串.$68有四串其實算好抵食，叫左雞牛各兩串，點上沙爹醬，好香好好食！⚜️泰式小食拼盤(小)⚜️.好彩叫個細因為已經叫左好多野食🤣 有春卷，蝦餅，炸鯪魚球同炸魚餅.⚜️蒜蓉炒椰菜苗⚜️.超級之好食！ 汁好多菜好嫩又香！—————————————————-環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️. 📌 亞萊泰 (九龍灣)九龍灣牛頭角道77號淘大商場地下G266-270號舖.—————————————————————-

今日放咗工同朋友係淘大食飯， 諗起好耐冇食泰國嘢，又記得有朋友推薦過話性價比算高，就試下呢間亞萊泰。一坐低，waiter就即係上左蝦片前菜，即刻開心又開胃。之後叫嘢食啦見到好多細個鐘意食嘅泰國菜， 特別係呢個生菜包， 細個覺得好好玩， 但太辣又唔敢食咁多， 生菜包啲料可以足夠， 包曬咁多條菜仲有剩。 辣味夠曬刺激。 有泰式醋酸， 好開胃。食咗一陣就上咗今日最開心嘅爐魚。 我哋食咗成個鐘， 一路煮住條魚， 條魚食到最後都好夠滑， 而且唔會話太濃味精， 加埋檸檬同埋香料配搭 ， 味道好清甜 ，加上好彩條魚勁大條 ，條尾仲突咗d出嚟 ，兩個人食咁快啲魚可以食得晒。當然唔少得泰式拼盤同埋菠蘿炒飯， 泰式拼盤最好食係個春卷，好脆而且包得好，最特別係菠蘿炒飯有好大粒墨魚仔， 即刻成個飯抵返曬。最後兩杯飲品珍多冰 都好話戲場，甜度啱啱好太過份。 加上啲料好足， 啖啖都食到涼粉， 清涼又爽口。 椰汁糖水分平衡得好好， 夠甜又唔會太傑。成餐飯食到好滿足 ，又飽，同朋友食得又開心，希望下次可以試到佢個火鍋， 咁就perfect啦。

新一年同同事第一餐就揀左平時夜晚多人等位嘅亞萊泰，平日6點半吾洗等位，一坐低店員就好快上一碟蝦片，小小辣，又幾好味喎。我叫左個椰青，椰青好鮮甜，朋友叫左杯芒果特飲。串燒set，兩串雞肉兩串豬肉，仲保留肉汁喺入面，吾會乾爭爭，個人比較鐘意食豬多啲。生菜包，生菜好爽脆，夾埋啲豬肉碎，系我食泰菜必叫。冬陰公酸酸辣辣好好味，有幾只蝦同埋好多秀珍茹，料算俾得幾多，每不一碗湯都仲有料剩。炭燒豬頸肉，燒得外皮幾香口，但又好juicy。飛天通菜，同事嗜辣，依個好啱佢口味，就算吾系好食得辣嘅我都覺得好惹味。明爐烏頭，酸辣開胃，能系另一個必點菜式。

過節不是中餐就是西餐，平日換換口味也好，九龍灣德福這家泰菜店外正播放著飲食節目推介的片段，於是一試。一個298的二人餐看似豐富，但同行友人想要飯，店員提醒叫二人餐便可以優惠價50元加菠蘿炒飯，比單點便宜了1/3呢，加泰式特飲還有買一送一優惠！入座即送泰式蝦片，比印尼的落脆，帶微辣1.最先上的是泰式滷水無骨豬手下面用椰菜墊底，既可吸油亦增加了一點新鮮的感覺，豬手入味肉質軟，無骨方便進食，以鐵板上可以保持住溫熱，冬日裡更覺得這樣很貼心，照片上模了的部分不是用了景深，而是煙2.泰式小食拼盤平日單點都與一個小菜價錢差不多，但只有二人，套餐內的份量正好，春捲鬆脆，中間的是雞肉丸，右邊是小蝦餅，味道不太鹹，配上泰式甜辣醬非常醒胃。3.加50換的泰式菠蘿海鮮飯材料豐富，腰果大粒粒，海鮮和飯的份量也不少（對女生而言），不太油膩。4.蟹肉仿鮑絲魚肚羹賣相不俗，不會太稠，魚肚切成小件也不會細小到沒有口感，其實吃到這時已開始飽。。。加上上述的菜味道較突出，它較清淡，口感取勝。5.馬拉盞通菜新鮮爽口，鹹度適中。6.值得為它留肚的椰汁西米榚口感實在帶點煙韌，下面是粒粒西米和少許粟米，椰味清新年不是極濃香那種椰汁

今日叫咗個四人餐，好飽同埋真係抵既，食哂最出名個幾款菜式。金柚子沙律柚子好清新而且爽口，仲有甜酸汁加埋菜，開胃又健康!大蝦冬蔭功湯真係好大碗，最少可以分到8碗!蝦味濃郁唔會好辣，仲有唔同既香料調味，飲多兩碗都唔會覺得口渴。明爐烏頭好大條同埋新鮮蒸，所以肉質都鮮甜同埋離骨，亦都有好多香料調味所以唔腥!咖哩海中寶超級驚喜同埋大份，咖哩味香而有蛋香，唔同既海鮮加埋咖哩已經好夾，加埋烘得好脆既法包，一齊食好滿足!泰式金邊粉金邊粉夠乾身又唔會痴到一舊舊，有幾隻大蝦同埋豆乾，好食又唔咸!最後就係炒菜，份量都好多同埋炒得岩岩好，爽口又冇草青味!仲包甜品!!又抵又好食!飲品買2送1超正~~

之前夜晚睇完戲就去左呢間泰國餐廳食飯、都幾多人食，而且環境都相當唔錯。首先，個生蝦雖然相對地比較貴，但係真係好好味，d蝦夠曬新鮮，好爽口同彈牙，最重要係個泰式嘅辣醬汁，唔會太辣，同生蝦嘅鮮味好夾。之後就係串燒，我地就叫左兩串雞兩串豬，好嘅地方係d肉都唔會太肥，而個沙爹汁更加係一流。之後嘅蒜蓉通菜亦炒得好香，食放少少菜都健康d。最後個蝦頭油海鮮炒飯好有海鮮味，而且個飯本身炒得好乾身，相當惹味。飲品方面就叫左一個椰青同埋一杯芒果椰汁特飲，椰青好夠甜，飲完之後仲可以用匙羹刮啲椰青肉出嚟食。至於杯特飲亦幾特別，芒果同椰汁嘅味道亦好夾，而且好有清新嘅感覺。

迷你泰式小食拼盤話就係迷你，都有齊春卷，蝦餅，魚餅同炸雞肉丸。明顯係新鮮即炸，上枱時仲熱辣辣，配上泰式辣醬，非常惹味。泰人大頭蝦冬蔭湯（細）抵食夾大件亞萊泰當之無愧，細Size既冬蔭公都好足料，酸酸辣辣好開胃，湯底夠哂濃郁，唔駛去泰國都食到泰國既風味。泰式辣椒膏炒蜆炒蜆夠辣夠鑊氣，份量唔駛多講，足料有餘，蜆肉處理得好，新鮮之餘亦唔會食到成口都係沙。鹹魚炒通菜通菜爽口，鹹魚份量適中，唔會令到成碟菜過鹹。泰式菠蘿海鮮炒飯炒飯夠乾身，海鮮亦非常豐富，更有我最喜歡既腰果，好滿足呀。

身為泰國菜既愛好者，定時定候就一定要食返餐，對於我黎講食泰國菜必食既一定係泰式生蝦😋呢度個18吋軍艦咖哩海中寶真係好值得點，咖哩同包真係好鬼夾，最後又點少得甜品芒果糯米飯🥭為呢餐畫上完美句號🤭

今日同朋友一齊食呢間泰菜，隔咗咁耐都冇退步!叫咗個菠蘿海鮮炒飯，炒得好香而飯粒分明，菠蘿味濃仲有唔同既海鮮配料，份量亦夠大，我地裝咗4碗仲有剩!泰菜當然要食冬蔭功啦，叫咗個大既，總共裝咗7-8碗都仲有得飲，蝦味好勁而香料味重，調味方面又唔會太咸，辣度適中，值得一試!最後叫多個蒜蓉炒芥蘭，芥蘭莖同葉比例差唔多，蒜蓉亦都係適中唔會太多，好有鮮味同埋冇草青味。亦都唔會好油所以一路食都唔會好漏，岩岩好可以去油膩添!

很久沒有去九龍灣了，自己本身不是住那邊的，不過對那邊的商場和餐廳向來很有興趣，地方小小的住宅加工業區，卻能帶給人們親切感。難得到了這邊，就當然不會光顧連鎖店，剛巧經過一間叫「亞萊泰」的泰國餐廳，想起了自己有一段時間沒吃泰國菜了，「亞萊」在泰文的意思就是好吃的意思，希望在這間餐廳也能獲得「亞萊」的體驗啦。以泰國餐廳來說，這裡的食物種類可說是非常多，招牌名菜有18吋軍艦咖哩包、咖哩炒肉蟹、梅肉碎明爐烏頭、生菜包、大頭蝦冬蔭湯等等。這裡的海鮮看來真的很不錯，應該不會差到哪兒去吧。首先點了個串燒拼盤，分別是雞肉和豬肉，各兩串。雞肉那串真的十分好吃，雞肉嫩滑，又不失結實，肉味新鮮。牛肉也有它本身應有的口感，有點嚼勁，卻不會太硬，沙嗲醬甜甜的，只是沙嗲味不算很濃厚。明爐烏頭在這裡很像很有名，於是不禁點了一條，有大量的酸梅肉碎，但竟然不會太酸～用作調味真不錯，烏頭也算很大條，平時我也很喜歡吃魚，魚肉都滑滑的，骨也不多，沒有什麼腥味。小食拼盤在泰國菜中也是必吃的吧，有泰式春卷、蝦餅、魚餅和鳳凰丸，蝦餅是最好吃的，裡面的蝦肉非常多，蝦肉也結實。春卷則脆卜卜，是正宗的泰式春卷。一向對魚餅沒有太大的興趣，裡

🍽幾個月冇去泰國已經掛住泰food 🇹🇭近近地去左九龍灣淘大亞萊泰 🥥食泰菜飲椰青是常識吧😌大大個椰青夠清甜☺️ 今晚我地叫左：🥘冬蔭公：以泰國大頭蝦🦐配埋香茅、乾蔥頭、蕃茄、秀珍菇等等多款新鮮食材熬製而成，酸辣適中，作為starter 好開胃😋 · ·🍢泰式炭燒雙拼 (雞+ 豬)：燒得啱啱好唔會太乾，點埋個沙嗲醬好juicy👍🏻 ·🐟鮮青檸蒸明爐烏頭：雖然係特價品但品質絕對冇得輸👍🏻大大條烏頭魚肉質嫩滑，個青檸汁令鮮味更加突出，增添清新滋味🍋阿仔係咁話好味😋 🍍菠蘿炒飯：炒飯最緊要夠鑊氣，一送到上嚟仍然冒煙證明夠熱👍🏻 份量及配料夠多

本人是個蟹控，所以黎試下啲蟹。。。啲蟹肉幾新鮮，不過啲肉唔夠多，如果大隻啲就好啦！！！咖喱汁都好香好味，送飯一流。提一提，個汁好多薑絲，唔鍾意食薑既人就記住走薑絲。整體都滿意既