亞萊泰 (淘大商場3期) (已結業)

今日放咗工同朋友係淘大食飯， 諗起好耐冇食泰國嘢，又記得有朋友推薦過話性價比算高，就試下呢間亞萊泰。一坐低，waiter就即係上左蝦片前菜，即刻開心又開胃。之後叫嘢食啦見到好多細個鐘意食嘅泰國菜， 特別係呢個生菜包， 細個覺得好好玩， 但太辣又唔敢食咁多， 生菜包啲料可以足夠， 包曬咁多條菜仲有剩。 辣味夠曬刺激。 有泰式醋酸， 好開胃。食咗一陣就上咗今日最開心嘅爐魚。 我哋食咗成個鐘， 一路煮住條魚， 條魚食到最後都好夠滑， 而且唔會話太濃味精， 加埋檸檬同埋香料配搭 ， 味道好清甜 ，加上好彩條魚勁大條 ，條尾仲突咗d出嚟 ，兩個人食咁快啲魚可以食得晒。當然唔少得泰式拼盤同埋菠蘿炒飯， 泰式拼盤最好食係個春卷，好脆而且包得好，最特別係菠蘿炒飯有好大粒墨魚仔， 即刻成個飯抵返曬。最後兩杯飲品珍多冰 都好話戲場，甜度啱啱好太過份。 加上啲料好足， 啖啖都食到涼粉， 清涼又爽口。 椰汁糖水分平衡得好好， 夠甜又唔會太傑。成餐飯食到好滿足 ，又飽，同朋友食得又開心，希望下次可以試到佢個火鍋， 咁就perfect啦。