亞萊泰 (淘大商場3期) (已結業)

剛剛去完旅行返嚟，又好想食泰菜，朋友介紹淘大呢間佢屋企附近，所以走嚟九龍灣食兼比手信朋友，八點去到，見門口好多人，原來個個都係等外賣，咁近期疫情關係，個個都係食外賣多過堂啦⋯⋯。金柚子沙律$88原個木瓜上，柚子肉又大又juicy,非常開胃，配合個甜酸汁，份量唔太多。但係啱啱好夠兩個人。香葉咖喱海中寳$118呢個好味，其實佢係咖喱海鮮包，但佢係轉咗做長法包，麵包皮都好脆，幾多海鮮，唔辣，夠四個人食。。泰式明爐青檸蒸魚$98-order 後要等10至15分鐘，魚肉好滑，好新鮮，條魚唔係好大條，但都唔錯。。泰燒豬肉丸$48呢個枱枱都有叫，餐牌介紹係新菜式，手打肉丸好好味，再自己落配料，再用生菜包住，好清新！。總結來講呢間餐廳CP值高，因為佢啲嘢唔差又抵，坐得都好舒服，唔會同隔離枱迫住晒，泰國菜來講佢係絕對係抵食好味之選。

行完奇趣天地。同🐽仔走咗去地下間「亞萊泰」醫下五臟六腑。食泰國嘢飲椰青是常識吧泰式蝦餅～嘻嘻都係為食妹例牌會order。彈牙乾身唔會油淋淋。泰式原條脆香盲鰽🐟配青木瓜沙律～起咗肉🔪開咗一條條。易挾方便share。好窩心。沙律酸酸mei mei 好開胃。仲有粒粒花生。大🈵️足。泰式菠蘿炒飯～有🦐。腰果。魷魚。肉鬆。什豆。青口仔。材料多+份量大。飯乾身。最忌濕笠笠。椰汁西米糕～點飽❤️思思都會order個甜品食🤤🤤

今晚同🐽🐽去咗九龍灣食泰國菜。而家亞萊泰星期一至五全單八折好抵食呀！炸蝦片一坐地已經有碟炸蝦片比你食啦！🤤🤤🤤好脆口岩哂我😋泰式蝦餅（3件）泰式蝦餅新鮮炸起，蝦肉好彈🦷，真材實料😋香辣肉碎生菜飽呢個生菜飽好惹味，有啲辣、但可以接受、岩哂我呢啲唔食得辣既人。😆😆😆泰式菠蘿炒飯菠蘿炒飯原個菠蘿上是常識吧！新鮮菠蘿好甜呢，海鮮肉鬆加埋啲果仁，好味呀！😋泰式鮮椰青椰青真係好鮮甜，啲椰青肉仲好易刮出來食😋very good👍

今日又再同屋企人嚟食，仍然都係高質，最重要係唔貴，叫多幾款都唔會肉痛!金柚子沙律有花生同埋滿滿既柚子，醬汁酸甜開胃，辣味亦都適中，作為前菜岩哂!飛天通菜，其實係椒絲炒通菜，有蒜蓉同椒絲一齊炒，味道岩岩好唔會偏咸，莖同葉份量好平均而且炒得好香!之後就係呢個咖哩海中寶啦！咖哩海鮮鋪滿成條法包，個包本身烘過係脆身既，加埋海量咖哩汁同埋唔同既海鮮，食落勁惹味而唔會太辣，海鮮有魷魚，八爪魚，魚塊，蝦等等，真係必食泰菜!最後就有甜品拼盤，有傳統椰汁糕同埋芒果椰汁糕，兩款都好煙韌有咬口，甜度適中!

亞萊泰 (九龍灣).泰式青檸明爐蒸烏頭.優惠價食物之一，原價$160幾依家好似$120幾，每枱都可以揀一樣！烏頭很大條，份量多！.泰式大蝦粉絲煲.兩大蝦切半，海量入味粉絲，味道很不錯！.青咖喱牛腩.可自行選擇配雞定牛，内更有泰國茄子🍆紅蘿蔔🥕等，成日都食唔曬青咖喱！.炭燒串燒.$68有四串兩豬兩雞，價格適宜味道又好食，燒得香！泰式小食拼盤(小).有春卷，蝦餅，炸鯪魚球同炸魚餅，每樣兩件！.蒜蓉炒椰菜苗.菜苗十分之嫩，蒜蓉炒得好香，非常入味又好食！.冬蔭公湯.酸辣度而言個人覺得較辣，內有大蝦，菇等，不怕辣的朋友必定覺得非常惹味！—————————————————-. 📍亞萊泰 (九龍灣)九龍灣牛頭角道77號淘大商場地下G266-270號舖.—————————————————————-#hkig#hkigfood#hkfoodie#foodie#food#food#foodstagram#hkfoodlover#hkdaily#foodiehk#foodig#foodlife#hkfood#foodblogger#hkfoodblogger#hkgirl #foodporn #九龍灣美食#

我點左一個雙拼飯，媽咪點左個炒河粉，我果個好快黎左，差唔多食完但係炒河仲未到所以問左一下店員，點解咁耐都未上，佢一句彈埋黎就係「等我睇下有幾耐先」，一句唔好意思或者稍等都無就係質疑我既要求！我自己又真係無睇清楚落單時間先問，但係在我立場只係覺得我都差唔多食完，但係另外一個都未上，所以想了解一下姐！之後check完就同我講，作為一個顧客，聽到依d回應一d都感受唔到任何服務可言！講野可以講得好聽d，等人聽落舒服d咯！ps. 對方應該係經理，著黑色shirt，希望貴公司可以培訓一下員工說話態度，謝謝

今晚放工去左九龍灣食飯，好早之前經過淘大花園果邊，發現商場有間泰式餐廳，夜晚去到人山人海。望一望menu價錢好抵食，有啲菜式仲做緊優惠，難怪一到晚飯時間就咁多人啦！一人行黎到，等左一陣就可以入座，我叫左一杯龍眼冰，香甜龍眼，入口清香，甜度剛剛好。我叫左一個小食，鳳凰丸，原來係炸雞肉丸子。外層香口香脆，中間肉嫩有肉汁，加左香料醃得好惹味，好岩做小食。主食我叫左燒豬手。熱辣辣上枱夠哂驚喜，豬手皮嫩膠質重，肉質好爽口。

淘大商場美食繁多，各式各樣菜式都有，今日好友介紹呢間阿萊泰國餐廳，出名地道泰菜而且經濟好味。四個好肚餓嘅女仔一坐低已經急不及待打開餐牌想盡快點菜醫肚，店員突然送上一碟「免費」大蝦片，蝦片又脆又香，帶點微辣，有助打開四個勁食嘅胃口，讚！🥢泰式冬陰功🥣（大)：＄148 冬陰功味道濃郁，酸味十分重，平時愛吃微辣的女子覺得很辣，但我覺得非常好味，海鮮味夠，有四邊大蝦 🦐和一些雜菌，好香！明爐烏頭魚🐟：特價$118 烏頭魚魚味鮮甜，用明火爐頭泡着保持魚的熱度，即使火熄滅，店員都會為你更換非常細心。烏頭魚點秘製酸辣醬汁，好好食！金柚子沙律🥗：＄78柚子肉份量不少，用青木瓜盛著，賣相吸引，柚子肉酸酸甜甜配合沙律汁味道恰到好處。泰式咖喱炒肉蟹🦀：＄198 肉蟹新鮮又大隻，打開蟹殼見到白色蟹肉一疏疏而且結實，食蟹最緊要新鮮，這個就完全沒有失望！值得一讚的是咖喱汁味道濃郁，配合蒜蓉包或薄餅一起食，簡直是絕配！餐廳正在做優惠，確是抵食，推介！原隻燒魷魚🦑：＄78燒魷魚新鮮彈牙。印式薄餅：＄30 一份4件，四個人分剛好，薄餅即叫即製，上枱還熱辣辣，配搭咖喱一流！蒜蓉包：＄30一份四件，蒜蓉包非常香脆，長條形狀

今次放工黎左淘大，突然好想食泰國野就黎試下🤭本身諗緊散叫，但見到個兩人餐好抵，$298有好多款，就決定試下🤪首先係個小食拼盤，一d都唔細份！佢個蝦餅炸得好香🤩🤩炸粉唔會太厚，呢個好好食！仲有好鐘意佢既冬陰公味魚餅！跟住湯我地簡左冬陰公湯，雖然唔係好大碗，但好足料😳，唔會太酸，不過對我黎講辣左少少，我男朋友飲哂🤭跟住主食簡左泰式豬手，呢個好大份，個汁又幾好食，豬手既肉都幾多🤭唔錯！不得不說我覺得最好食係馬拉盞炒通菜！！佢炒得勁香，又大碟，我差唔多一個人食哂成碟😂😂太好食了！下次一定再encore跟住我地加左錢升級要個炒金邊粉🤭好好食，d粉唔會炒到一舊舊！跟住仲叫左糯米飯炸雞翼，好特別，不過太飽啦呢個😂😂多d人先好叫黎share，太大份～最後仲有個甜品，好好食🥰Overall 值得再黎，兩人餐黎講真係好大份，可能我地叫得太多，要打包🤭下次會再黎

今日襯住朋友就黎生日，一行四人就黎左呢間係淘大商場地下既［亞萊泰 ]泰國菜食晚飯。由於我地book左六點鐘，所以唔算好多人。一入到去第一時間望下menu，諗左無耐，就決定叫個四人套餐，前菜1款，湯類一款，主菜2款，仲有個炒飯加個菜。另外飲品買二送一 ，好抵呀。當然點哂佢既招牌菜，金柚子沙律，醒神開胃，再來一個大頭蝦冬陰公湯，真材實料。接住酸梅明爐烏頭魚，鮮甜新鮮。重頭戲有軍艦海中寶，濃濃既椰香咖喱加啖啖海鮮，鋪係特長法包上，夠哂震憾。飛天通菜同菠蘿炒飯都好味，因為怕唔夠食，點多左個泰式拼盤， 我個人最中意蝦餅。當大家都差唔多飽飽既時候，有個靚姨，仲拎左碟岩岩炸出黎既蝦片，話送既剛炸起，好味感動。 最後上埋甜品拼盤同芒果糯米飯作總結。整體而言，環境好，服務周到，食物性價比高，值得再試。

朋友請食飯，我提議到淘大的亞萊泰。平日有好多菜都有優惠。今晚首選咖喱炒蟹$198，肯用新鮮蟹，已經好難得，咖喱汁醬可以送幾碗飯。不過，識食就梗係叫蒜蓉包同薄餅啦⋯⋯4個人傾吓笑吓好快KO成隻蟹，汁都清埋添👍🏻👍🏻👍🏻平時最怕飲冬陰公湯，滿口都係辣椒碎。這間卻沒有辣椒碎，但仍做到酸辣恰到嘅味道！不得不讚湯的主要食材:蝦😍非常新鮮！捨得用食材！食泰菜，明爐烏頭就不得不叫，烏頭配埋D酸汁，真係好好味！唯獨顧住傾計，食到後段魚質開始變淋。記緊，是快快品嚐😋原隻燒墨魚、金柚子沙律同馬拉棧通菜都做到好正！飲品又做特價，買二送一！點忍得唔叫喎😂😂

難得今晚有時間約姊妹們食飯，就近近地去九龍灣食佢地鍾意食嘅泰國菜！呢間餐廳幾闊落，而且光猛，仲有唔少梳化位，坐得幾舒服！好姊妹鐘意食泰國野，就由佢發板：$118 泰式明爐烏頭-呢個平時做緊$168 ，難得今日做特價，只係需要$118咋，超級抵食！烏頭夠晒大條，係個爐上面滾下滾下，食得特別滋味！湯汁酸酸辣辣，魚肉嫩滑，係幾好味架，但對我來講太刺激，留返俾姊妹們慢慢食！$80馬沙文牛腩- 呢個就啱晒我，又有咖喱嘅香味，但係又唔會太辣！牛腩煮得夠淋，連著小小肥，入口溶化，點埋蒜蓉包，超超好味！$30 蒜茸包- 呢度嘅蒜蓉包唔係平時法式硬身條裝嗰種，包身係軟軟嘅塗滿蒜蓉牛油，邊位小小脆咁用嚟點咖喱簡直係一流！$78 咸魚椰菜苗- 呢隻椰菜苗通常只有泰國餐館先至可以食得到，菜苗炒得爽口，加埋鹹鹹香香嘅味道，抵食又好味。$158 泰式大頭蝦粉絲煲- 大蝦頭爆多高，蝦身又大隻，粉絲吸收左蝦嘅鮮甜味，食埋呢個就真係好飽啦！$58芒果糯米飯- 見呢度啲嘢食唔錯，諗緊甜品唔會太差，剛好見到有我鍾意食嘅芒果糯米飯，一定要食啦！糯米飯上枱熱辣辣出晒煙，煙煙韌韌，配埋小小凍嘅芒果再加啲有花生碎嘅椰汁，我只可

過年大大小小聚會食到唔停口，今晚就揀左食泰菜，相當抵食。先醒醒個胃，食個金柚子沙律，鍾意佢有香脆腰果、新鮮紫洋蔥、椰絲、同其他泰式香料，個汁貫徹左泰式嘅惹味酸辣。仲有一個細嘅大頭蝦冬蔭湯，有一隻開邊大蝦，湯味少辣香料味重，湯濃度恰好，可以分到4小碗。馬沙文牛腩配印度薄餅，有人唔食得辣，店員推介馬沙文咖哩，有咖哩同椰香，但唔辣；牛腩幾腍，份量頗多，配埋牛油香酥嘅印度薄餅好好食！最好味係泰式大頭蝦粉絲煲，有2隻開邊蝦，粉絲索哂味，好多蝦膏好重蝦味好正！

淘大商場附近其實都幾多餐廳選擇下， 今次都係食泰菜， 二人餐又幾抵食💰。大頭蝦冬陰功湯: 一個湯有一隻一開次嘅大頭蝦🦐，冬陰功份量夠三四個人飲, 酸酸辣辣好開胃🥳。泰式海南雞半隻: 二人餐有半隻雞都算抵食， 肉質不過不失， 勝在調味料整得好提升雞肉嘅鮮味🐔。蒜蓉通菜: 蒜蓉炒通菜，清清地， 幾好味，一碟唔夠喉想再encore💟。泰式金邊粉: 呢個食落去有啲驚喜💥，金邊粉醬汁調得好好味， 有啲似甜醬加泰式辣醬混合版，而且鑊氣夠，炒出嚟香噴噴。😋😋~~~~~~~~😋味道: 8/10📸賣相: 8/10🛋️環境：8/10💁‍♂️服務: 8/10💎性價比: 8/10💲人均：$140⏪回頭率：90%~~~~~📍亞萊泰九龍灣牛頭角道77號淘大商場地下G266-270號舖~~~~~

又嚟到九龍灣淘大商場睇戲兼搵好嘢食～ 響戲院隔離見倒呢間泰國餐廳，門口嘅水牌色彩豐富相當吸引，而且仲有幾款好抵食嘅特價菜式，一於就試吓呢間😋餐廳內光線充足，座位唔迫夾坐得舒服。店員態度都幾好。 坐低之後店員隨即遞上一碟炸蝦片同埋餐牌。蝦片好香脆唔錯啵😋 一路食一路睇餐牌。呢度有個好抵食嘅二人套餐，$298有齊頭盤、湯、主菜、甜品，不過我地唔鐘意食泰式甜品，今次就決定散叫喇。另外一個餐牌上有3款非常抵食嘅特價小菜～ 我地兩個人可以選擇一款😍泰式生蝦 $98生蝦好鮮甜，爽口彈牙，配上蒜片、辣椒同埋泰式海鮮醬汁食，好好味😋泰式青木瓜沙律 $68估唔倒係原個木瓜掏空，盛載住青木瓜絲沙律。美觀有內涵😆 沙律酸酸地有少少辣，好開胃。泰人大頭蝦冬陰公湯(小) $82有兩個份量選擇，兩個人飲嘅話叫個小嘅啱啱好，每人有兩碗。大頭蝦鮮甜好大隻☺️ 個湯嘅味道調校得非常好👍🏻酸辣度啱啱好恰到好處😋 推薦！泰式鮮青檸蒸明爐烏頭 $118我地選擇咗嘅優惠價小菜就係呢條魚🐟 $118有條明爐烏頭好抵食😋呢度嘅鮮青檸汁味道好特別，清新惹味，條魚好厚肉都幾大條～ 絕無欺場。炭燒原隻魷魚伴泰式辣汁 $78好香炭燒味道，魷