亞萊泰 (淘大商場3期) (已結業)

一D都唔街坊的高質泰國餐同久未見面朋友約係公司附近傾下計, 約左去吃泰國野 - 亞萊泰, 初初見店面以為係快餐... 好彩, 一打開餐牌, 款式又多又吸引, 而且款款高質完全出得大場面, 價錢公道.泰式生蝦 $98泰式明爐青檸蒸魚 $118咸魚炒椰菜苗 $78大頭蝦冬蔭功湯(細) $82涼粉冰 $29珍多冰 $29生蝦冇得輸, 新鮮好味, 配上生蒜, 味道一流.明爐青檸蒸魚, 湯底,不淡不咸, 岩岩好, 味道愈煮愈好吃, 肉質新鮮. 冇細骨.咸魚抄椰菜苗, 咸咸香香, 菜爽脆新鮮, 好夠火候.大頭蝦冬蔭功湯, 有大同細size, 細的份量2-3人剛剛好, 每人一碗多D, 有蝦肉蜆肉吃, 味道酸酸甜甜, 正.傾得開心, 叫杯泰式飲品開心下. 照舊涼粉冰珍多冰, 開心. 

與家人食@亞萊泰九龍灣牛頭角道77號淘大商場地下G266-270號舖 $298 2人餐迷你泰式拼盤 / 大頭蝦冬陰公湯 /海南雞 / 炒通菜甜品春卷 蝦餅 魚餅 都是以炸物為主 香口惹味，最宜蘸一下甜酸泰式醬仲好食呀大頭蝦冬陰公湯 , 酸中帶辣 富香茅味, 好飲, 岩曬我呢種重口味人。飲多海南雞半隻，多肉架 只要個海南雞醬配得好，普通雞都變得芳香滋味甜唔都唔兒戲，大菜糕，西米椰汁糕同芒果糕，糯米qq 口感，又平衡一下口腔中殘留的香料味!

今日又柴娃娃出黎食晚飯，今日黎左淘大行下，順便食個飯。同伴話要食泰菜，上次黎食過晏覺得唔錯，今日就黎試下呢間。侍應好好，放左我地去卡位，好鬆動。唔通佢睇得出我地大食 ~~ 哈哈 !!我地好似餓鬼上身咁，一連串叫左8樣野。哈哈 ~~首先梗係叫左個黎食泰菜不得不叫既 生蝦刺身啦，個汁好野味 ~ 我個人只可以食到生蒜+汁 !! 哈哈 ~~ 個辣椒隻佬話好辣 ! 我攪唔掂 ~ 其實呢個係食店家既汁，泰式既生蝦都真係冇咩味。同伴話好耐冇食過 菠羅炒飯，咁我地冇主食，梗係就下佢啦 !! 入面勁多料，估唔到咁大份量，我地低估左佢 !! 同伴仲拎走左佢第日帶飯。入面材料真係好多，仲有貴價既墨魚仔。再黎就係我最愛 ~~ 冬蔭功 !! 入面竟然有幾隻大頭蝦同埋大量既菇，香料好足，味道酸同辣都夠，但偏咸，可以接受 ~~ 泰式拼盤 (細)，好在叫左個細，唔係肯定唔會食得哂 !! (其實都食唔哂 ~~ 哈哈)，入面有春卷、蝦餅、魚餅同鳳凰丸串燒，兩牛兩豬，呢個相對比較失色，冇乜肉味，但個沙嗲汁都 OK 既 !同伴話好想食蠔餅，冇理由唔叫既，點知黎到大份到嚇親我地 !! 哈哈 ~~ 蛋味好香，蠔仔都唔細隻，仲有一

今日約咗友人一行4人到淘大睇戲，睇之前周圍睇下有咩食，附近見到有間泰菜好似唔錯，再上OP睇睇，評語都幾好，就決定一試4個人都肚仔餓，叫左好多野生蝦刺身，爽甜彈牙，配上蒜片辣椒醬汁，酸酸辣辣，唔駛一陣就俾KO小食拼盤，有春卷、蝦餅、魚餅、鳳凰丸，全部都係岩岩炸起熱辣辣，加埋泰式甜酸醬冇得輸呀串燒雞同豬，肉味香濃，係燒得乾左少少，不過點左個醬都ok冬陰功味道好濃，唔太辣，蝦都好新鮮鐵板煎蠔仔蛋，好大份，一上枱吱吱聲，香噴噴，好吸引，好香脆，食食下見到個底原來有芽菜，咁放耐左都唔會過熟，抵贊咸肉炒介蘭，好嫩無渣，不過咸肉就冇咩味大蝦粉絲煲，蝦真係好大隻，又爽又多膏，粉絲吸晒啲蝦味，好正菠蘿炒飯，好多料，炒野最緊要夠熱，呢度做得好好，4個人食左8個菜都係$860，好抵食

今日約左一班好姊妹出黎行街食飯,五條友要約齊真係好難,去到淘大行街街,順便搵下有咩好食啦!!好奇怪我地五個口味都好一致,大家都鐘意食泰國菜,終於俾我地搵到一間食泰國野既餐廳.門口睇落已經覺得好大,位置又闊,岩曬我地慢慢吹水.入到黎就見到枱上有呢個套餐既餐牌,感覺好似知我地黎咁,放好係到等我地叫,當然我地二話不說,直接叫呢個套餐啦,又平D野又岩食,我地一人選擇一個.當中我想介紹其中三款超好味既菜,第一道－大頭蝦冬蔭湯(大)－通常去食泰國菜,呢個湯都必定會叫,但呢到個味道真係不得了,首先唔會太辣又唔會太酸,反而椰味又岩岩好!!材料多到爆,大頭蝦不大隻,仲要唔只一兩隻,好抵飲!!－花膠蟹肉海鮮粉絲煲－嘩.....聽個名都勁豐富,重點係黎到D材料真係有齊嫁!!最鐘意佢仲有個煲係下面,一直熱住,等我地慢慢吹水,慢慢食,都唔怕凍曬.粉絲加左D醬汁去炒,超級入味呀!!甜品有兩款,我比較鐘意呢個芒果糯米飯,糯米非常香,口感軟熟，煙韌,加D椰汁真係一流!!芒果勁甜勁香,好味到停唔到口!!五個人食呢個套餐先6百幾蚊,真係抵食夾大件~~

喺九龍灣收工，要搵嘢食嘅地方，可以選擇嘅唔多，唔係德福就係去淘大。由於某D原因唔想去德福，所以就走咗入淘大搵嘢食。淘大裏面有一間泰式餐廳，區內嘅人其實都知道好出名，因為佢嘅咖喱，香而不辣。而且小食嘅款式非常多，製作也非常用心。我打開個餐牌，好多都係啲芒果作為主題。佢間餐廳同時都有唔少嘅特色菜，佢呢個咖喱海中寶非常之特別。芒果椰汁青咖喱雞。（$88）我叫咗個芒果椰汁青咖喱雞，黎到嘅時候，份量係***非常大***，絕對足夠兩個人食。呢款咖喱，椰香味非常濃，非常香，配上芒果肉，芒果同時亦都有非常之香嘅椰香味。真係唔好以為咖喱唔能夠配芒果，由於佢呢款咖喱甜而不辣，所以芒果嘅味道其實冇減少到，你大概會食到椰香芒果嘅味道。油飯非常香。（$18）椰青。（$38）飲品決定揀泰式餐廳常見嘅椰青，佢個椰青佈置得非常精美，彷如置身泰式Villa裡望住海，嘆緊嘅果個椰青。香茅冰。（$29）之後亦都再試左佢杯香茅冰，香茅味唔算太濃烈，甜度亦都唔過量，感覺好清新。埋單計$200有找，在淘大，性價比非常高。

平時好小落街食飯，今日攰攰地就唔想煮飯，落去行下睇下有咩食啦，點知發現樓下新開左間泰國野，仲要超大間！！我見都有唔小人入去食，咁我諗可以試下啦～位置勁闊，好舒服～服務態度好到爆，每一步都幫我諗。今日見佢呢個咖哩炒蟹做特價，百幾隻有成隻蟹咁多，好抵呀！咖哩唔會太辣，仲有小小甜甜地。隻蟹非常大隻，蟹肉結實！証明真係好新鮮。知道佢Ｄ咖哩唔錯，即刻叫多個青咖哩雞，果然佢地Ｄ咖哩真係好正，呢個青咖哩比黃咖哩辣Ｄ，但都係有小小甜甜地，青咖哩材料十足，雞肉都超級多，仲要又大舊又嫩，超級推薦！另外仲有呢個椰皇超大超甜，汁多肉都多，勁好食！終於唔洗在出去九龍塘啦，呢間就係正淘大花園，又方便又大間服務又好！！下次帶曬全家人黎食先得！！

今日屋企有冇煮飯，就同佢哋落去附近搵食，星期五夜晚食飯時間周圍都好多人，見到呢間泰國餐廳唔使排隊就一於試吓。⭐️明爐烏頭最近做緊優惠$118就有，冇理由唔叫嫁！ 條魚都幾大條，我哋兩個人都食唔晒，但係覺得如果濃味少少會更加好。⭐️黃咖喱軟殼蟹睇相見到有兩隻軟殼蟹好似都幾抵食咁，點知上到枱比想像中細隻，不過好彩味道搭救，即叫即炸，而且食到有膏。黃咖喱適合啲食唔到辣嘅朋友，而呢度嘅黃咖喱真係整得幾好因為入邊香料好多，味道好豐富。⭐️蒜蓉包蒜蓉包真係喜出望外，一嚟好細心咁切到細細舊，咬落去唔會介口，二嚟蒜蓉味香，而且夠脆。⭐️泰式鮮蝦金邊粉用咗個鑊仔上，估佢唔到好大碟，乾濕適中，亦都有好多芽菜同豆乾，味道調校得幾好，蝦肉亦爽口。最後叫咗一杯芒果梳打作為happy ending。值得一提嘅係呢度嘅服務態度好好！

不嬲最鍾意食泰國嘢，因為又夠惹味，感覺又唔會太肥。最近知道九龍灣呢度有間泰國嘢，每次經過都好多客。今日六點幾就食飯，經過見到入面仲有位，咁就梗係去試吓啦。呢個新出嘅生菜包，好特別唔係包肉碎，而係包肉丸。本身以為會有少少奇怪，但竟然係想像唔到咁正，比包肉碎更加好味呀。最重點係價錢竟然咁平， $48咋，就有八粒肉丸。食泰國嘢梗係要食青咖喱啦，我哋叫咗一個青咖喱牛腩，咖喱唔會太辣，而且牛腩好正。佢嘅烹調時間啱啱好，又唔會太硬又唔會太稔，送飯或者送薄餅都一流呀。朋友揀咗一個大蝦粉絲煲，一上枱嘅時候以為得兩隻大蝦，估唔到原來有成五隻。隻蝦真係好大，而且切開咗一半，唔使自己摵殼。而啲粉絲都好入味，好香口。呢間餐廳又有泰國風味，而且又有啲好特別嘅餸菜，性價比極高，唔怪得次次經過都咁多客人啦。

3個女人一個墟，係淘大該食街搵左間簡單既泰國菜餐廳，仲有卡位坐添，叫左6樣野。生蝦，真係必嗌之選！一碟6隻，普通size，新鮮，連紅椒生蒜一齊食，加埋佢既秘製辣醬，正。朋友食完會噴火🔥，小妹都食得小辣，覺得好正👍金柚子沙律，用青木瓜盛載，滿滿的。柚子大大舊，多水，酸酸甜甜好開胃，仲有花生粒，香口🤤不過沙律要快食，唔係會出水小食拼盤，滴滴骰骰，有4款，2-3人剛好。小妹最欣賞鳳凰丸，即係雞肉丸外面包左層好似腐皮既野，好味😋冬陰公，有大細2個size，唔會太浠，足料，有兩隻蝦同埋好多秀珍菇，唔會好辣炒蜆，大大隻，蜆肉好肥美，辣汁好惹味👍連配菜既三色椒同洋蔥都好好味，食晒😂青咖哩雞，帶有少許椰香，咖哩唔辣，配蒜蓉包同薄餅食真係一流。雞肉比一般既份量多，用雞脾柳，唔洗擔心會啃骨可以大啖大啖

星期六唔洗返工，就落屋企樓下嘆返個早餐，就揀左亞萊泰呢間餐廳。揀左個蕃茄湯底嘅早餐，配兩樣餸，仿鮑片同埋煙肉，米線，湯底都夠蕃茄味，仲有薯仔食到，奶茶都沖得ok。

收左工唔想去太遠地方食飯，難得朋友肯就我，所以過左黎九龍灣試下淘大d餐廳😆炭燒泰式串燒每次食泰菜必叫～我地點左雞肉豬肉各兩串，串燒本身已經有醬汁醃製，點埋沙爹汁都幾滋味😛不過雞肉比較乾身，我反而中意豬多d。大頭蝦冬蔭功湯好surprise個小份量竟然可以咁大碗 好開心有叫左黎試，連唔好辣既我都覺得很不錯！冬蔭功湯好足料，加入原隻大頭蝦同大量秀珍菇，味道濃郁之餘酸辣平衡得岩岩好，如果有個爐熱住飲應該仲正d 黃咖喱炒蜆 黃咖喱加埋蛋花、煮得好淋既洋蔥做配料，味道恰到好處。大蜆啖啖肉，椰漿份量拿捏得好好，令到黃咖喱唔會過辣，食到個香味 。另外，見到隔離嗰枱係食我地本身想叫既泰式辣椒膏炒蜆，相信都會幾惹味，唯一後悔係無配蒜蓉包一齊食呢碟黃咖喱炒蜆係絕對推介大家試，因為真係超超超好食!!!蝦頭油海鮮炒飯炒飯炒得好chewy，配埋櫻花蝦、鮮蝦、墨魚算係一個不錯既選擇。香茅冰、熱龍眼水本身好想叫椰汁真多冰，最後敵不過内心既掙扎，揀左健康又清新既香茅凍飲。

去九龍灣，多數去連住地鐵站嘅商場搵食。朋友話不如試下去淘大，一樣有好多食肆可以選擇。今次試泰國菜。小食拼盤(蝦餅、魚餅、春卷、鳳凰丸）幾好味，特別係個蝦餅同鳳凰丸(雞肉丸)。好怕啲炸嘅小食油淰淰，食到成咀油而食唔到本身肉嘅味，呢個唔會嘅，仲好香口。生蝦 每次食泰國菜都要食生蝦，呢間個汁比較稠，‘點’少少已經辣。因為我唔係食得好辣，所以都係唔‘點’汁，食返本身蝦嘅鮮味都唔錯呀。金柚子沙律好多柚子呀！通常會一半伴菜、一伴柚子，佢呢個係啖啖大舊柚子，鍾意食柚子嘅就要點呢個。冬蔭功湯呢個湯比較稠嘅，主要有兩隻大蝦。而辣味較酸味濃，三個人可以飲到兩細碗㗎。辣椒膏炒蜆大大隻蜆，好入味。連三色椒同洋蔥都入哂味，當然成碟連配菜都清埋！青咖哩雞肉。蒜蓉包、薄餅。好多雞件，平時得三舊左右，佢呢個多好多。咖哩唔辣，陣陣椰子味。我哋叫咗蒜蓉包同薄餅去配咖哩汁。其實每次一食咖哩煲，重點係個汁多過入面嘅肉呀。

餐廳平民裝修，但都坐得舒服。。有卡位有普通座位，環境都幾大叫咗一份串燒，一份四串，揀咗兩串豬肉，兩串雞肉。蒜蓉包味都唔錯幾香脆，但焗耐左少少，味道都仲幾好。就咁食都已經幾好食，用嚟點咖喱仲正，夠香。叫咗一大份豬手，豬手肉夠林，味道相對地濃味，鍾意食豬手皮夠滑，但係有泰式風味。叫左個牛肉炒河，牛肉好多，炒河幾香，夠火喉。牛肉夠林，味道唔錯，值得叫。餐廳價錢都算合理，平民價錢，而且唔使加一服務費，經濟好多。

咖喱蟹做緊特價$198 ，上枱時已傳來陣陣咖喱海鮮香氣，食蟹最重要就是新鮮，這隻蟹非常新鮮、實肉、蟹肉白雪雪，非常好味道，再配合蒜蓉包一流，蒜蓉包當然是咖喱蟹的最佳拍檔，有了這最佳拍檔我們沒有浪費好吃的咖喱汁。唯一挑剔是沒有羔！但一定是抵吃之選！極力推介加點蒜蓉包！飛天通才，可能是太快上碟關係，不夠入味！煮耐一點點可以好味點。冬陰公湯，味道香濃！大頭蝦新鮮，爽甜，一點也不會失望，而且足夠二人分享。讚！