亞萊泰 (淘大商場3期) (已結業)

不嬲最鍾意食泰國嘢，因為又夠惹味，感覺又唔會太肥。最近知道九龍灣呢度有間泰國嘢，每次經過都好多客。今日六點幾就食飯，經過見到入面仲有位，咁就梗係去試吓啦。呢個新出嘅生菜包，好特別唔係包肉碎，而係包肉丸。本身以為會有少少奇怪，但竟然係想像唔到咁正，比包肉碎更加好味呀。最重點係價錢竟然咁平， $48咋，就有八粒肉丸。食泰國嘢梗係要食青咖喱啦，我哋叫咗一個青咖喱牛腩，咖喱唔會太辣，而且牛腩好正。佢嘅烹調時間啱啱好，又唔會太硬又唔會太稔，送飯或者送薄餅都一流呀。朋友揀咗一個大蝦粉絲煲，一上枱嘅時候以為得兩隻大蝦，估唔到原來有成五隻。隻蝦真係好大，而且切開咗一半，唔使自己摵殼。而啲粉絲都好入味，好香口。呢間餐廳又有泰國風味，而且又有啲好特別嘅餸菜，性價比極高，唔怪得次次經過都咁多客人啦。