亞萊泰 (淘大商場3期) (已結業)

亞萊泰入面闊落 住得舒適 兩個人又唔想諗食咩 最好就食二人餐 首先小食 「迷你泰式小食拼盤」 上枱 入面有蝦餅、泰式春卷、魚餅、雞肉丸 份量都唔少 炸得香脆 點上泰式辣醬好惹味 「香草蟹肉仿鮑魚絲魚肚羹」 都係份量好足的 入面的鮑魚絲魚肚好多 加咗少少薑絲去腥  「泰式辣椒膏炒蜆」 蜆肉好大隻  醬汁係酸辣 好醒胃  「馬拉盞炒通菜」 馬拉盞好惹味 通菜爽口  「泰國甜品」 有椰汁西米糕、椰汁千層糕、大菜糕 好香椰汁味 有口感 好味道 「泰式鮮蝦金邊粉」 金邊粉炒得乾身爽口 鮮蝦大隻彈牙 「椰青」 清甜可口 亞萊泰 九龍灣牛頭角道77號淘大商場地下G266-270號舖

今日行過淘大商場，經過《亞萊泰》，突然間諗起大蝦粉絲煲，忍唔住一於入去食😄疫情下餐廳安排得很好，每張枱距離1.5米，所以食得很安心🤗主菜到大蝦粉絲煲，兩隻蝦大大隻開埋邊，夠晒方便，蝦頭夠大，蝦膏又多又香，蝦肉爽口彈牙，粉絲索晒啲蝦味，加埋特製醬汁煙煙韌靭，好食到呢！😇古法甜咖喱牛腩，唔食得辣又想食咖喱嘅朋友，啱晒 ! 牛腩好入味，又夠淋，撈飯食，一流👍蒜蓉炒雜菜，夠健康，幫助消化😄加埋兩碗黃姜飯，飽晒 !💯 (黃姜粉可以增強免疫力，預防老退化，大家可以試吓👍)

去九龍灣行街，到左醫肚時間就好頭痛，因為其實九龍灣都好多好野食。九龍灣唔計Megan box 同九展（九龍灣國際展貿中心），近近地都有德褔同淘大2個商場，今次我就去左淘大商場既亞萊泰，聽講佢地既廚師真係泰國人黎。我自己就比較鐘意食泰國小食，所以今次叫左好多泰國既小食，有脆香軟殼蟹伴泰式蛋咖哩、 泰式無骨鳳爪、 泰式小食拼盤（ 泰式春卷、魚餅、蝦餅、鳳凰丸）， 飲品 叫咗泰國椰青。仲見到佢地做緊芒果盛夏既菜式，好多加左既芒果既食物都好吸引我，但因為已經叫左好多野食，所以只能試 鮮蝦芒果米紙卷。脆香軟殼蟹伴泰式蛋咖哩-軟殼蟹炸到脆卜卜， 就咁食就鹹鹹地，加埋個泰式蛋咖喱，真係好好味，單單呢碟餸已經可以送一碗白飯。泰式無骨鳳爪- 辣辣地好開胃， 我唔食得辣 都一隻接一隻咁食。泰式小食拼盤-好貼心有大小之分，岩晒人小小但又想每樣食小小既客人，個炸春卷真係冇得輸，炸完既粉絲真係好好味。鮮蝦芒果米紙卷-食完油炸野食落去真係好清新，加埋泰式醬汁，酸酸尾尾咁，咬到去芒果位置又好香甜既芒果味，我一口氣就食左三件。原先見自己叫多左野食實食唔晒都預打包返屋企俾屋企人一齊食，結果芒果卷，自己食晒😂。

今日約咗朋友去九龍灣淘大商場度食泰國嘢，朋友推薦嘅呢間餐廳就係地下正中心當眼位置，好方便好易搵因為疫情嘅關係，呢度唔係好多人，所以我哋唔使點等位就可以入去我叫咗杯椰汁芒果沙冰，冰沙既沙粒細滑，芒果味道好fresh,溝埋少少上面嘅椰汁味道都好夾，兩種味各有特色，配合啱啱好，唔會搶走對方嘅味道朋友叫咗珍珠奶茶，甜度適中，珍珠亦都好有咬口首先當然唔少得泰式炒金邊粉，炒得好香口之餘又足料，加埋少少青檸汁仲好清新，而且好大碟，啱晒幾個朋友一齊share沙嗲串燒有雞肉同豬肉，兩種肉都鮮嫩可口，配埋秘製嘅沙嗲醬，好正～細細份嘅小食拼盤每樣野都有兩份，啱晒我哋兩個人最後唔少得嘅當然有芒果糯米飯，大大片芒果鮮甜美味，岩哂我呢個芒果迷。椰汁可以自己落，方便控制分量

最近因為疫情的關係都減少出外用膳，要出外食飯的都一定會選較為乾淨的餐廳。網上見到這間泰菜會先用滾水幫餐具消毒再給食客，而且又全日免收加一就決定和朋友入座吃晚餐。餐廳都頗大間而且有一定座位數目，即使限聚令要求餐座冇間隔的話要有1.5米距離，也很快就能入座。愛吃魚的我必點泰國名菜明爐烏頭，剛好在做優惠$78就有得食，超級抵食！烏頭都幾大條，配上酸辣的湯汁很開胃送飯！因為只有兩個人吃，所以只點了細的大頭蝦冬蔭公湯。蝦是一隻開邊的，另外加上大量的秀珍菇等飲湯時增加口感小食拼盤有蝦餅魚餅春卷各鳳凰丸，每樣各兩件剛剛好，味道就中規中矩啦菠蘿炒飯份量多而且好足料！另外同朋友分別點了龍眼冰和青檸梳打，龍眼肉份量超多，埋身時先發現原來做緊飲品買一送一，更加抵飲！餐飯食左個半鐘都坐得好舒服，會幫你收野同唔會趕你走，下次可以再翻兜🤤

是日下午茶我點了一個札肉檬粉($39)來到的時候我嚇一嚇 沒想過是那類的湯底先嘗一口湯 充滿著濃濃的肉味 也太濃厚了吧 檬粉配上這個湯底剛好 每條粉既充斥著濃濃的肉味但麵又不會索盡湯汁而太重口味他點了海南雞喇沙金邊粉($46)太不幸運的全是雞胸 肉質偏鞋口 大約有四五塊肉 沒有其他配料湯底好香的喇沙味 椰味不會太多 總括來說 味道是可以的 但價錢以下午茶來說就偏貴了點 性價比較低

抗疫盡量唔出街，叫細佬代買外賣食物返家開餐，包裝都幾企理，食物盒是可入微波爐的，醬料都包了3款！海南雞（半隻/$68）切件去骨雞肉，肉都好厚身，我食雞胸，肥髀食雞翼雞髀🍗，胸部都唔會嚡（當然不及雞髀嘅滑）就算唔沾醬都夠味，醬料有薑油、酸汁、甜濃醬油，我會用濃醬油撈飯，雞肉去皮沾酸汁，酸酸地幾開胃，配雞肉剛剛好！薑油我減肥唔食椰汁西米榚（$38/4件）肥髀食，見到有蕉葉墊底，賣相頗用心外賣跟了兩雙即棄筷子，整體包裝及食物都不錯！

小食拼盤S ($88)本身想食蝦餅既就咁，但比多$10就有拼盤，多幾款試又可以食到春卷。泰式鮮蝦金邊粉 ($85)呢個真心好食，係香港唔係間間padthai都炒得咁好味，乾身好重要，蝦起碼都有五隻架。泰式蒸明爐烏頭 (走辣) ($118)呢個都冇得輸，好大條魚，啖啖肉。呢排做緊特價，正價食既都起碼$178 ，如果另外比埋個湯就重好啦，其實問佢可能有，不過又無問到。泰式奶茶 呢排做緊買二送一，但都飲唔曬，所以都係叫左一杯。成日怕飲泰式奶茶，但呢間好飲得黎重有斑蘭味道👍👍

放工經過呢一邊，約咗朋友食飯，然後經過呢一間泰式餐廳俾佢嗰個特惠烏頭魚吸引左後來就決定食呢一間作為晚飯18吋海鮮軍艦非常長，但係有冇18吋我就唔知道啦哈哈。咖喱味都不辣，偏甜，至於海鮮方面有幾舊魚樓，蟹柳，數粒墨魚仔。大人細路都啱食嘅菜式柚子沙律我朋友話食得出有入面有一啲椰子，因為唔識椰子嘅佢最後放棄左呢一碟沙律。要我就食唔出有椰子味道，但係整體上酸酸辣辣咁樣囉，但酸比較多，而失去左本來柚子沙律嘅果香清淡冬陰功（細）兩個人叫一碗冬陰功絕對非常夠飲，入面有一隻蝦，有好多菇。個人覺得如果四個女仔一人一碗，叫細SIZE都非常足夠 青檸蒸烏頭唯一嘅缺點係烏頭有一陣腥味，如果可以再加多少少薑同埋香茅落去會比較好味。至於服務態度方面，有禮貌，有問必答，會留意啲食客係咪飲晒手上嘅水，然後會主動去倒水。

今日屋企冇時間去買送就決定出街食～餐廳為每一個人都量體溫先可以入內，又提供酒精搓手液，每張台都隔著一定距離，食得都好安心～叫左個泰式無骨鳳爪做前菜，酸酸辣辣咁夠曬開胃。炒椰菜苗，入面有埋腩肉，炒得好惹味，椰菜苗相當新鮮👍泰式金邊粉，蝦都有成6.7隻，好抵食～2串雞肉2串牛肉，即叫即燒，熱辣辣配埋特製醬料👍炭燒豬頸肉，份量好足，肉質好嫩，最鍾意食呢個醬料👍明爐烏頭，一直燒d味越黎越入味，但魚又唔會老，酸酸辣辣唔錯～

疫情嚴重影響下，飲食業更是雪上加霜。很多食店都專注外賣，大家若注重環境及個人衞生，便可以安心的用膳。好一陣子沒有外遊，很懐念泰國美食，剛巧晩飯時段經過淘大商場亞萊泰，跟友人已有共息進內。一踏入餐廳門外，服務員很貼心為客人量體溫，這樣子大家都吃得安心。餐牌上的美食很吸引，我們點選鐡板泰式鹵水無骨豬手，豬手的骨膠原很難抗拒，不得不叫，豬手起好晒肉，鹵水醃得入味，非常甘香，肉質腍軟，非常好黎送飯食。於是乎我們點了黃薑飯。簡單一碗黃薑飯是健康之選，再配上泰式海南雞，令人回味無窮，雞味濃郁，皮爽滑肉軟，配合醬汁，味道酸酸，甜甜，食唔停口。再加添一碟咸肉炒椰菜苗，嫩綠爽口，配搭埋咸肉，十分惹味。飯後的甜品是椰汁亞麻籽涼粉冰，珍多冰及千層糕。細細粒嘅涼粉可以吸進飲管裡，可以跟椰汁亞麻籽同進食。千層糕椰香味濃，質感軟硬適中！食左一頓美味泰菜很治癒，望疫情快過，讓大家再開懷吃喝玩樂啦⋯⋯✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨

今晚放左工跟朋友一齊去食晚餐，最近都冇得去旅行，我地又咁鍾意去泰國，所以我地㨂左去左食泰國菜， 入餐廳員工就幫我地量體溫🤒️，之後就安排我地入座，每張檯都會有至少1.5米距離，仲有屏風隔住，疫情下食得放心！炭燒泰式串燒：豬/2串、雞/2串$40: 串燒做緊特價，我地就叫左每款肉2串，食落口都幾juicy，唔會太乾身及韌身，點埋沙嗲醬更加惹味！海鹽炭燒盲鰽$168: 魚面舖滿海鹽，炭燒過後魚肉很幼嫩，充滿鮮甜既魚汁，仲加埋海鹽咸咸地既味道，更加配搭！咸肉炒時蔬（椰菜苗）$88: 用左最幼嫩既椰菜苗最鮮甜，表面較為滋潤，醬汁很濃但不會過火，爽脆椰菜苗被我地好快咁食晒😋😋黃薑飯 $18: 顧名思義係用黃薑汁整既飯，粒粒呈金黃色，油亮而不膩，濃濃的黃薑味與淡淡的香茅味！泰國鮮椰青 $39: 即開即飲，椰水清甜，椰肉滑又嫩，可解除熱氣，飲完都好涼快既感覺！椰汁涼粉冰$30: 椰汁🥥香甜美味，仲有多粒涼粉係底好清爽解熱！亞麻籽椰青糕 $30:一碟有4件，每件都充滿好多粒粒亞麻籽+椰青肉，好爽滑香嫩，甜品值得推薦！+++++++++++++++如果大家喜歡💕我寫既食評，麻煩比個❤️鼓勵一下我，我會寫更多

每次由黃大仙中心行過去地鐵站，都經過一間幾吸引的泰菜館，原因是黄大仙中心獨家一間泰菜店，而且是性價比不錯。最近進入各家餐廳，首要的看的一定是衛生，看見店員用熱滾水洗燙碗碟，放心食用。舒適卡位，乾淨衛生，融入泰國風格。MENU 大眾化菜款種類繁多豐富，整體飯餸份量偏多，CP值高。馬拉盞通菜通菜嫩口，兩人差點食唔哂，微辣有鹹魚，惹味鹹香，馬拉盞味濃，鍋氣一流。菠蘿海鮮炒飯飯粒乾爽，新鮮菠蘿腰果爽脆，肉鬆香口，豐富材料還有，蝦、魷魚、提子乾、青豆、紅蘿蔔等。糯米雞翼一款必讓你飽的小食，話係小食真心應該叫大食，賣相不錯，四大件雞翼非常飽肚。芒果糯米飯暖暖糯米飯，自已隨意加入椰醬，芒果甜甜，糯米飯口感滿意。👅美味: ⭐️⭐️⭐️⭐️/5✨環境: ⭐️⭐️⭐️⭐/5💫回頭: ⭐️⭐️⭐️⭐️/5💡性價: ⭐️⭐️⭐️⭐️/5💆‍♂️服務: ⭐️⭐️⭐️⭐️/5

今晚行經淘大商場，見到泰菜餐廳亞萊泰做全日免加一。泰菜是中菜之外，我倆最愛的菜式。亞萊泰有超值二人套餐，有小食、湯、主菜、炒菜及甜品，尚可以優惠價錢升級炒粉麵飯，想一想後就入內就坐。亞萊泰裝修清淡優雅，與傳統放滿佛像或泰王照片的餐廳有點不同。迷你泰式小食拼盤迷你泰式小食拼盤計有蝦餅、魚餅、素菜春卷及雞肉丸各一件切半，平日很少叫上此類小食，但今晚各款均新鮮炸起，熱得燙口，食味不俗。泰人大頭蝦冬蔭公冬蔭公湯酸辣味道突出，大頭蝦有一隻切半，雖不算大隻，但蝦頭有膏，秀珍菇爽脆可口，泰式香料如南薑、香茅及檸檬葉增添冬蔭公的香氣。泰式辣椒膏炒蜆炒蜆用上大蜆，入口肥嘟嘟的很有質感，鮮味雖然略遜，但辣椒膏味道香濃，配菜如洋蔥及彩椒爽脆清甜，可以彌補不足。泰式海鮮菠蘿炒飯老公很愛菠蘿炒飯，菠蘿的酸甜味誘發食欲。海鮮配料不算太多，但有不少菠蘿、腰果、提子、肉鬆，增添口感。馬拉盞炒通菜馬拉盞醬加上辣椒蒜頭，非常香濃惹味，配上鮮嫩通菜，味道很合拍。泰式甜品泰式甜品每款兩件，小小的味道不太甜，帶有黏性，份量剛好。

今晚好想食泰國嘢，所以去咗九龍灣淘大商場食亞萊泰。七點鐘坐低發現幾旺，似乎未受疫情影響，而且餐廳整咗啲膠片隔開每張枱，又實行隔枱坐，令食客食得舒服又安心！我地嗌左清甜解渴嘅椰青，十分推薦！食物方面，嗌咗大份又好食嘅鐵板蠔餅同軟殼蟹配蛋咖喱，兩樣都炸到金黃色脆卜卜，而蛋咖喱好特別，食落好似超級滑嘅咖哩味炒蛋，未試過嘅朋友可以試吓，推薦！因為比較熱氣，我哋亦嗌左蒜蓉炒通菜，健康又好味，當清一清腸胃。最後我哋嗌左一個芒果糯米飯作結，甜度適中，芒果又酸又甜，好好味😋