亞萊泰 (淘大商場3期) (已結業)

今晚好想食泰國嘢，所以去咗九龍灣淘大商場食亞萊泰。七點鐘坐低發現幾旺，似乎未受疫情影響，而且餐廳整咗啲膠片隔開每張枱，又實行隔枱坐，令食客食得舒服又安心！我地嗌左清甜解渴嘅椰青，十分推薦！食物方面，嗌咗大份又好食嘅鐵板蠔餅同軟殼蟹配蛋咖喱，兩樣都炸到金黃色脆卜卜，而蛋咖喱好特別，食落好似超級滑嘅咖哩味炒蛋，未試過嘅朋友可以試吓，推薦！因為比較熱氣，我哋亦嗌左蒜蓉炒通菜，健康又好味，當清一清腸胃。最後我哋嗌左一個芒果糯米飯作結，甜度適中，芒果又酸又甜，好好味😋