亞萊泰 (淘大商場3期) (已結業)

今日同朋友一齊食呢間泰菜，隔咗咁耐都冇退步!叫咗個菠蘿海鮮炒飯，炒得好香而飯粒分明，菠蘿味濃仲有唔同既海鮮配料，份量亦夠大，我地裝咗4碗仲有剩!泰菜當然要食冬蔭功啦，叫咗個大既，總共裝咗7-8碗都仲有得飲，蝦味好勁而香料味重，調味方面又唔會太咸，辣度適中，值得一試!最後叫多個蒜蓉炒芥蘭，芥蘭莖同葉比例差唔多，蒜蓉亦都係適中唔會太多，好有鮮味同埋冇草青味。亦都唔會好油所以一路食都唔會好漏，岩岩好可以去油膩添!