九份飽 (淘大商場1期)

營業中

休息中

喺淘大商場經過呢間九份飽，見到啲裝修好似幾得意咁，就決定試吓。我哋兩個人嗌咗兩個主菜、兩杯嘢飲、一個小食同埋一款甜品，差啲飽到食唔哂，都係二百零蚊，真係好抵食。朋友叫咗紅燒牛腩刀削麵，分咗啲俾我食，湯底好濃，但係一啲都唔鹹，牛腩好林有汁，好香牛肉味，刀削麵口感唔錯，好煙韌。我就要咗個香酥雞扒魯肉飯，上枱嘅時候以為份量唔係好多，但係原來都唔係。香酥雞扒外脆內熱，肥瘦適中，唔會好un。魯肉份量都幾多，細細粒偏肥，所以食落好香口，啲汁撈落個飯到真係好好食。另外仲嗌咗個酥炸魷魚share，魷魚嘅份量好多，出面嗰層衣厚度啱啱好，識落真係好脆，好香口，魷魚彈牙爽口，推薦大家試吓。飲品方面，我哋一人要咗杯珍珠奶茶，我個杯係加咗胚芽嘅。佢嘅奶味比較重，珍珠嘅份量都幾多，口感煙韌。最後甜品要咗凍嘅九份芋圓，上枱嘅時候發現都幾大碗，兩個人share啱啱好。湯汁凍得嚟甜甜地，夏天飲都幾解渴。入面嘅材料好多，有芋圓、番薯圓、紅豆、仙草、豆腐花同埋珍珠，所以口感都好豐富。以後如果有朋友想食台灣嘢，我都會推薦呢間。

今日去了九龍灣淘大商場。同朋友行街，看到有一間好有特色裝修的台式餐廳，我們好久了沒有去旅行了，看到這樣咁有台灣九份特色的餐廳就決定去食試下。"九份飽"一入餐廳木枱木椅舊式的廣告牌，九份特有的風格。我們點了主食香酥排骨刀削麵紅燒牛腩刀削麵小食鹽酥雞甜品芋圓仙草豆奶飲品胚芽珍珠奶茶黑糖芋頭牛奶香酥排骨刀削麵肉排骨好酥脆，肉質鬆化！👍🏻👍🏻😋😋刀削麵麵質來滑。紅燒牛腩刀削麵牛肉淋滑肉味香濃，湯底好香濃好好味。👍🏻👍🏻👍🏻👍🏻鹽酥雞香香鬆脆，肉嫩多汁。👍🏻👍🏻芋圓仙草豆奶芋圓大大粒，珍珠Q 彈，仙草豆奶都好配，但是不久凍，豆奶不久濃。胚芽珍珠奶茶好香濃，珍珠Q 彈。🤣😂😝😝👍🏻👍🏻黑糖芋頭牛奶黑糖香濃，芋頭質感好特別，軟軟，QQ,配牛奶好配👍🏻👍🏻👍🏻👍🏻👍🏻

成日經過呢間野，門口總係有好長人龍。今日趁下晝五點幾唔太多人就入去食個Early dinner試試佢d野！天氣咁熱，一坐低梗係叫兩杯野飲先啦！我地分別叫左一杯黑糖珍珠奶茶同豆花胚芽奶茶。一飲落去已經勁消暑兩杯野我地叫左半糖，所以甜度適中，建議大家都唔洗叫全糖。珍珠奶茶ｄ珍珠幾好咬口，唔會太硬或者太林。奶味尚算濃郁，$25黎講好抵飲！豆花胚芽奶茶都幾有豆味，但比較珍奶黎講冇咁突出，正正常常。小食方面我地叫左個鹽酥雞兩份Share，估唔到一份$38都幾大份，保守計都起埋有十幾粒。食落幾新鮮，熱辣辣而且非常脆口，亦唔會有好厚既炸粉，咸味亦係恰到好處。主食方面，我地叫左排骨刀削麵同埋紅燒牛腩米粉。想講刀削麵ｄ排骨既份量都幾多！足足有成四大舊！發現佢ｄ炸野其實一般都唔差，一樣唔會太厚既炸粉，同埋都唔會太重口味。麵質食上去都唔會好粉。平時出去食有ｄ刀削麵會偏厚好大舊，呢度就偏薄少少，個人係比較喜歡呢隻，口感上唔會太過挺身。紅燒牛腩米粉值得試一下！如果唔想食炸野既話，呢個絕對要試。首先未食個陣，個湯底已經聞到好重牛味，飲落去當然都係好濃郁，唔似係味精。同埋ｄ牛食落都係好林同埋幾有牛味，清清地黎講幾唔

第三次食，九份飽，每次都食到十分飽。今次一於試D 未食過既野。每次去到感覺去左一轉台灣的九份玩，非常打卡的台灣美食🤗裏面的裝修環境實在精緻有餘置身於台灣中的九份。我最愛的台灣MENU 應有盡有。幾乎都比的試混紅燒牛腩刀削麵紅燒湯底濃郁，唔會油膩，味道適中。相當多配菜，有白蘿蔔、紅蘿蔔、幾條菜心。牛腩炆得夠淋，夠入味，好食！刀削麵份量唔少，咬落去每條都煙銀彈牙，麵條有番一定厚度，好有口感！台灣擔仔刀削麵刀削麵口感煙韌，餸分別有半隻滷蛋、蝦一隻和一粒貢丸，酸菜和肉臊。鹽酥雞香酥脆口的外皮，入口熱辣辣，味道惹味，好有夜市的感覺。肉質軟熟帶口感的，有九層塔的香味。份量非常多，一個人食左差唔多十舊八舊。芋圓 ( 溫 ) 最後食埋個芋圓就係這餐台式午餐作美好嘅結尾。非常足料的，芋圓起碼有20粒，煙銀Q彈，呢個價錢真係超值，再加上涼粉、紅豆、豆花，非常有層次感！兩個人食都食到飽到上心最後嗌埋台式飲品就一定咖啦，分別嗌左「黑糖·牛奶珍珠」同埋「芋香·珍珠奶茶」。

疫情下去旅行變得遙不可及嘅事情，以前一年最少去兩次台灣旅行，而家就絕對冇可能！雖然去唔到台灣但係想食到地道嘅台灣美食也唔難今日就去到淘大花園嘅九份飽，懷緬一下台灣嘅感覺呢間小店唔算好大，勝在樓底高，就係因為咁樣先似去咗台灣，舖內所有裝飾都非常有台灣嘅味道，每一個小角落都係打卡位，感覺似係去咗台北故事館餐牌自助形式下單香酥港扒鲁肉饭滷肉飯入面嘅滷肉真係豬肉切粒唔係免治豬肉，味道控制得啱啱好，雞扒又大塊又厚而且表皮炸到金黃鬆脆，入口鬆脆肉質入面juicy紅燒牛腩刀削面呢個牛腩刀削麵係高分之作，感覺返咗台灣食到台灣嘅味道，不論係湯底同埋面質都係一絕，牛腩香軟可口！酥炸花枝丸好味，熱辣辣又大粒，調味都好有台灣感覺飲品方面叫咗2杯豆花胚芽奶茶加紅豆豆花有豆香味，豆花香滑，好飲黑糖珍珠奶茶有水準，珍珠屬於比較軟身嗰款，都算幾q彈唯飲品整體比較細杯甜品九份最出名既芋圓，入面非常足料，味道好好唔會死甜

長期都滿座，因為價錢相宜，個裝修又好似令人置身於台灣咁鹽酥雞38蚊有好多舊，食到驚生飛滋肉鬆起司蛋餅配上辣醬perfect match，一個人食曬4舊都唔覺得漏再加左杯芋頭奶茶，個底有好多芋頭蓉夠曬飽肚，不過叫左8分甜都覺得太甜，建議平時飲開少甜手搖飲品既朋友至少要5分甜

買咗個肉燥炸雞飯做晚餐以為佢炸雞同埋飯會分開等佢唔好咁快林但係冇其實味道唔錯份量亦都多亦都食唔曬如果晏晝買其實可以分兩餐食唯一食完會飲多咗水但其實幾好食間唔中都可以食下

行過九龍灣見到間台灣野就想食香酥排骨刀削麵即炸排骨熱辣辣 排骨幾厚身 食落啖啖肉 刀削麵幾煙靭 一啖麵一啖肉 味道岩岩好紅燒牛腩刀削麵牛肉份量都唔少 食落都幾淋同入味 刀削麵幾煙靭酥炸魷魚黎到熱辣辣 炸得幾香口已經調左少少鹽味 不用再配其他醬汁胚芽珍珠奶茶叫左0 分甜 珍珠都唔甜 好煙靭 好飲 九份檸檬綠 都係叫少甜 飲落好順口 解膩一流芋圓仙草豆奶最後上埋甜品 有芋圓 珍珠 紅豆 仙草 芋圓除左煙靭 仲食到芋頭 番薯粒既口感成碗只係得紅豆既甜 好岩我口味

陶大花園九份飽分店嘅裝修好有台灣老街風味，彷彿去一趟台灣旅行🇹🇼 週末好彩早一步到達，下午一點用膳時，外面已經排長龍🐉🐷香酥排骨刀削麪($55) 排骨同麵係分開上，令排骨保持酥脆，排骨味道亦帶點甜，不錯👍🏽朋友點🐥香酥雞扒魯肉飯($48)，試咗雞扒都酥脆，味道同酥脆排骨接近，都好味😋🫔海苔肉鬆起司蛋餅($37)略為遜色，同其他台式餐廳嘅蛋餅比較，九份飽嘅蛋餅皮較乾，口感不夠滑，不推介

店舖入面嘅裝修感覺都好似去咗台灣一樣食物質素亦都唔差 紅燒牛肉刀削麵 牛肉湯底就香濃，唔會好味精 而牛腩 唔會太鞋筋位亦淋 刀削麵 麵質爽口但略嫌麵量太少🤭配菜方面又有紅蘿蔔 生菜 酸菜等加埋湯同麵一齊食唔錯👍👍鹽酥雞 新鮮炸起 熱辣辣上枱好好食🤤夠曬香脆亦唔會太鹹, 肉質亦好嫩滑好juicy!!海苔肉鬆起司蛋餅 蛋餅有雞蛋香😋包住滿滿嘅肉鬆同埋芝士做配料 點埋辣醬食 好開胃 👍炸地瓜球 十分驚喜🔥 佢係由紫薯同埋黃心蕃薯做成, 炸地瓜球外面灑滿酸梅粉 所以好開胃🤤🤤唔會好漏! 外面煙煙靭靭口感好好,,最驚喜係每一粒地瓜球個心入面係有番薯蓉架!💕十分推介!

外賣我買了海苔肉鬆起司蛋餅$39，但實際俾我嘅係海苔培根蛋餅$33，麻煩出餐前及包裝時請睇清楚食物是否正確，現在也不能退款失望。希望會改進，雖然食物味道還可以。

今日約左朋友去九龍飯食飯，朋友話次次經過呢間餐廳都好多人，食台灣嘢，咁我就話應該都好食，咁不如等下，食呢間啦。等左一陣間就可以入去，見到餐廳裡面已經係full house。呢度燈光黃黃，裝修懷舊，應該係台灣舊有特色。呢度係劃柯打紙，見到價錢都幾平，我哋就揀左兩個麵，一個小食，兩杯飲品同一個甜品。紅燒牛腩刀削麵：牛腩有兩件大大件，仲有紅白蘿蔔，兩樣都煮得淋身。刀削麵煙韌，湯底味道正常，唔會太鹹，不過不失。香酥排骨米粉：排骨份量都算多，有孜然粉香味，黎到仲係熱。呢個湯底都OK喎，有黑糊椒味，唔鹹，幾夠味道。月亮蝦餅：唔算細塊，剛炸起，脆脆地，點埋旁邊甜酸醬都幾好食。百香果紅茶(右)：朋友話有百香香味，佢叫左無糖，完全唔甜，所以就覺得紅茶味會特出D，佢就好鐘意。黑糖芋頭牛奶(左)：飲到芋頭蓉，都香架，有牛奶，口感就比較滑。我叫左微糖，唔太甜，幾好。芋圓仙草豆奶：除左芋圓，有黃紫白三色，仲有珍珠，咬落煙煙韌韌，仙草軟軟，呢個糖少少甜甜，唔錯。

已經食左幾次既台式餐廳，最近去個次排隊排到好長龍，睇黎大家都知好味抵食去左食🤣🤣🤣🤣（10分為滿分：🌕）味道：🌕🌕🌕🌕🌕🌕🌕🌕🌑🌑香酥排骨刀削麵($58)呢度既刀削麵好好食，煙韌得黎唔會太硬，排骨個炸粉都好薄，同埋唔會有好多肥肉，比起好多台灣食店更岩我既口味🤪紅燒牛腩刀削麵($62)黎親都係必嗌呢個，牛肉份量都有三大舊，同埋個湯底算清清地，唔算好濃味😋牛肉好入味，不話略嫌個份量係細左啲，所以要再嗌小食先夠食😎海苔肉鬆起司蛋餅($38)去親台灣食店都會叫蛋餅試下，雖然無台灣個啲咁好食，但比其他鋪頭已經叫比較似台灣個個味道，唯獨是覺得個皮太厚同韌左啲🤏🏻珍珠奶茶($23)叫左三分甜岩岩好，同埋鍾意佢啲珍珠無甜味，好怕飲啲好甜既奶茶😺九份芋圓($38)呢個茶圓暫時係食過咁多間最好食既🤩好Q彈同食到芋頭既味，同埋食到一絲絲既纖維🤪仙草同豆腐花又係出奇地夾，同埋個糖水底唔甜！值得為呢個芋圓再encore😎👍🏻價錢：🌕🌕🌕🌕🌕🌕🌕🌕🌗🌑呢個價錢真係無得輸，食咁多野都係人均一舊，會飽同好食，好過好多台灣餐廳了🤗交通：🌕🌕🌕🌕🌕🌕🌕🌕🌑🌑位於淘大商場既食街到，係九龍灣地鐵站5分鐘距離，行過去都好方便，

因為疫情已經好耐無飛過✈️特別掛住台灣美食上網碌到九分飽呢間台灣風既餐廳，淨係環境都好自身於台灣咁🥰🥰呢到既感覺同阿元來了有小小相似，假日下午時分去到唔需要等位就可以直入呢到既餐牌好精簡，寫低想要既數量就OKAY啦❤️一共叫左5款食物❤️🐓香酥雞扒魯肉飯$52台灣米真係特別香，賣相好似差左小小🤣，好似比人食左幾啖咁，雖然魯肉唔算但都足夠分配到每啖都有小小，雞扒份量都幾多，味道都岩岩好唔會太咸🍜香酥排骨刀削麵$58刀削麵既份量再多少少就更滿足～我幾鍾意個刀削麵好彈牙，煮得岩岩好，碗麵有半隻蛋兩三片生菜同小小芫茜芽菜做配料，個湯底比較清，排骨都有4-5塊，相比起雞扒炸得比較乾身🤫🌛月亮蝦餅$34呢款係台灣常見到的台灣小吃，我同朋友都係第一次食，配埋個甜酸醬我地都覺得幾好食，外層係類似春卷皮，包住蝦肉🦐🦑酥炸花枝丸$36花枝外皮炸得好酥脆，入面食得出有花枝肉，唔會食到成口麵粉，比一般既花枝丸大粒，一啖食曬都有難度🙊，所有炸物都係超級熱，食個陣小小辣親！！🌽玉米起司蛋餅$32蛋餅個皮煎得岩岩好，餡料都好飽滿，好濃芝士味配埋粟米甜甜地，食完真係超級飽

當日同朋友去Mega Box睇戲，本身講好咗買完戲飛先覓食，一落車突然醒起九份飽就係淘大，點解唔去食呢？！即刻拉住朋友衝向九份飽！本身最愛都係雞排或者排骨魯肉飯，不過呢排太熱氣，我地就冇叫到。擔仔麵第一次係呢度叫擔仔麵，麵入面有半隻滷蛋、一隻蝦、一粒貢丸，台味十足。鹽酥雞一片九層塔作點綴，雞炸得外酥內嫩，熱辣辣好惹味。海苔肉鬆起司蛋餅蛋餅真係我嘅all time favourite，外表煎得脆脆，辣醬同醬油膏搭配得好好，朋友都讚咗幾次佢個醬好食！每次黎九龍灣都好想食九份飽，最愛蛋餅！