九份飽 (淘大商場1期)

常常都食既香酥排骨飯，米粉都好食，近排仲覺得佢個芋圓都幾好，價錢都唔貴，最緊要食過幾間，依間嘅味道，我覺得最似。可以選擇嘅仲有香腸、花枝丸。update咗最新嘅價錢…查看更多

🧋懷舊滷肉飯（小）🍚 $35看似好細碗，但原來份量都唔少，滷肉口感唔會滿口都係肥豬肉，味道唔錯，唔會過咸或淡。🧋秘製牛腩油麵🍜 $58牛腩份量適中，牛腩唔錯，油麵就偏少。🧋肉鬆起司蛋餅🥚 $37淡淡嘅起司配搭肉鬆，口感豐富；餅皮外脆薄，可惜份量偏少。🧋鹽酥雞🍗 $37好味，鹽酥雞啖啖肉，炸得唔會過火，亦唔硬，配搭埋適量嘅椒鹽，酥脆可口。🧋芋圓綠豆湯（小）凍🍵 $20有驚喜，炎炎夏日食左有涼感，同好消暑，綠豆起沙，芋圓有口感。整體比想像中好味。…查看更多

去台灣餐廳，最直接就係試咗「香酥雞扒魯肉飯」加埋「胚芽珍珠奶茶」。一上枱，先見到雞扒外皮金黃脆卜卜，切落仲聽到輕脆聲。咬開肉質嫩滑，香料同蒜味都滲到入去，唔會得個脆殼咁簡單。底下嘅魯肉飯更加討好，肥瘦相間，滷汁鹹香帶啲微甜，飯粒吸足咗醬香，油潤但唔會太膩。雞扒同魯肉嘅組合，一脆一軟，口感同味道都幾有層次。 至於胚芽珍珠奶茶，入口比一般珍奶多咗股穀物清香，奶味滑但唔壓住茶底，飲落有種淡淡堅果感。甜度適中，唔會膩口；珍珠彈牙有嚼勁，再加埋胚芽嘅清香，成杯有新鮮感。 呢套配搭食落滿足，鹹香厚味之後再由奶茶收尾，輕輕洗走油膩，留返茶香。成餐唔止係飽，仲覺得食得舒服，值得推介。…查看更多

星期六放工後同朋友經過淘大，諗住喺淘大嘅冒險樂園附近搵間餐廳輕輕鬆鬆食個午餐☺️，之後再去冒險樂園玩😆🤣 朋友見到九份飽門口寫住第二個午餐半價，而我哋又不嬲都鍾意食台灣嘢，所以就決定試吓九份飽嘅午餐☺️😋💪朋友叫咗香酥排骨米粉（走芫茜同酸菜），而我就叫咗香酥雞扒魯肉飯😋😋雖然我都有食開呢類型嘅台灣食物，但我個人真心覺得我叫嘅香酥雞扒滷肉飯非常之好食😋😋😋，而且份量足夠，我食得非常之飽，唔止九份飽😆🤣 尤其是由於第二個午餐半價，所以令到整個午餐體驗非常之好，性價比非常之高☺️👍　我同朋友兩個午餐，總共只係需要俾HK$81 ，人均每人大概只需要俾HK$40, 就已經可以品嚐到非常好味嘅午餐🥰🥰😋😋 再加上餐廳內嘅裝修好有台灣風味，亦都令堂食體驗大大加分🥰🥰 我同朋友一邊慢慢享受我哋嘅美味午餐，一邊慢慢欣賞餐廳內嘅裝修同擺設😄😄👍…查看更多

星期六同家人經過淘大 ，揀間餐廳食個午餐， 咁岩想食台灣野， 去到門口見到第2個午餐半價添，好抵就選擇左九份飽。一入到去，心裡嘩左一聲， 裡面裝修真係好有以前台灣風味...之後家人叫左台灣米線，我自己叫左個魯肉飯（大） ， 小食叫左鹽酥雞+ 肉鬆芝士蛋餅 （掛住食唔記得影相）我都後悔叫左個大飯， 因為佢份量真係十分夠，如果要叫蛋餅或其他小食， 建議主餐叫細既份量都夠... 哩餐真係食到好飽， 初初個飯黎到會心諗， 咁細盤既， 點知食食下堅飽， 再加蛋餅， 不得了。。。而且全部味道都唔差， 都幾地道...真係推薦下可以一解“思鄉愁” …查看更多