丼瀛 (已結業)

見到有各式各樣魚生丼即刻就想試！今次見佢有二人餐就叫左，本來都想試下佢出名既海膽杯同龍蝦沙律海鮮丼。二人餐包括湯、沙律（叫左蜜桃蟹籽沙律）、前菜（枝豆）、刺身（赤蝦、三文魚、吞拿魚）、煎喜之次魚、魚生丼（叫左吞拿魚海膽雙層爆丼，下層麵底選了蕎麥麵配鏗魚汁）、甜品（泡芙）刺身不過不失略嫌唔夠凍同新鮮，海膽味道ok, 三文魚肥美。wasabi太硬：（ 飯唔夠黏。煎魚唔錯，肉質幾彈牙亦好入味，第一次食食飯叫喜之次既魚。泡芙未解凍，內𥚃雪糕太硬：（ 希望可以改善一下。

在兩年前s2出海膽杯的時候已綞想來了沒想到居然等到兩年後的今天今晚實在大餓決定要自選魚生飯什麼都能試一下・白飯底是＄15微暖 酸度適中然後再按自己選的配料而決定價錢我把我們試過的都寫下來喔．海膽 ＄23有塊小木板裝著 看起來很高級而且可以很清楚看到海膽的紋理．帆立貝 ＄12是厚切 味道鮮甜口感爽脆．玉子 ＄10甜甜的 可以看到玉子中間的氣泡．吞拿魚 ＄7味道還可以 但比起其他刺身就差一點了．糖心蛋 ＄7我原本還在笑男朋友選糖心蛋但吃著感覺不錯 水準高．火灸三文魚 ＄7夠肥美．甜蝦 ＄10很甜 很新鮮我連蝦頭都吸乾淨了．碎蔥吞拿魚蓉 ＄15不會腥伴著飯吃不錯．油甘魚 ＄15肉滑爽．赤海蝦 ＄15和甜蝦一樣高水準．三文魚 ＄15不過不失．芝士年糕 ＄38拿上來還是熱熱的咬下去 芝士就會很快地流出．蒜香一口牛 ＄38牛肉味重 而且肉很嫩有點甜甜的但我有點貪心如果可以再多一點就好了

其實本來一心, 見網上評價咁多LIKE, 而且見訂坐有折,就同朋友來食點知....壽司超細件....又比出面一般壽司店貴...而且壽司的飯間中我會咬到一兩粒飯未熟...

諗諗吓都有成個月冇食日本野，今日咁岩經過廟街呢頭，無意中搵到間日本餐廳，所以決定入去食晚飯🤓佢哋除咗做壽司刺身之外，仲會推出一啲特別嘅食物款式，亦會啲燒物可以俾你點。呢碟刺身分別係三文魚同埋吞拿魚。色澤唔錯，厚度適中，而且食落都有魚油香味。另外仲嗌咗帶子同埋甜蝦壽司，食落幾新鮮，飯嘅size唔會太大，不錯👍🏼餐廳仲推出左幾特別嘅丼，上層有自己揀嘅刺身配搭加飯，下層就有蒟蒻麵同埋海膽汁。刺身方面，我哋就點左海膽同埋吞拿魚。都幾有驚喜，海膽夠新鮮，仲係一粒粒，層次夠分明；下層嘅蒟蒻麵口感非常特別，真係好似食緊條狀嘅啫喱咁，我都係第一次食。😳最後就帶咗燒秋葵同埋雜菇。佢哋嘅燒物唔會好似普通全小店咁樣，落好多孜然粉；相反，佢哋只係落咗少量嘅鹽調味，能夠秋葵本身嘅味道。雜菇都做得不錯，即叫即燒，味道唔淡，而且份量都夠多👍🏼總括來講，呢間小店嘅食物價錢唔貴，而且食物都幾多元化，整體不差，大家不妨試吓！😆

禁岩有朋友外國回港，所以帶佢去廟街行下，比我見到丼瀛係呢度都開左分店，朋友又好想試下丼飯，所以就入黎試下啦呢間分店裝修簡潔舒服，座位寬闊，光線充足。款式選擇多，擇左好耐最後試下新推介嘅丼瀛龍蝦沙律刺身雙層爆丼。第一層係龍蝦刺身爆丼龍蝦爆丼唔只得龍蝦刺身入面仲有三文魚，帶子等等既刺身，材料豐富。刺身都好鮮美，魚油香溢。龍蝦身既切成粒做沙律，龍蝦肉爽彈鮮甜。而且龍蝦頭仲有唔少膏可以食。下層係海膽冷蒟蒻麵冷麵係用蒟蒻製造，低卡路里高纖維，食落清爽滑嫩,夠哂彈牙，而麵上既醬係用海膽芝士磨製，鮮甜濃郁的海膽汁，十分惹味。黎度點小得樂師傅獨創既北極光海膽杯北極光海膽，總共用左8樣唔同材料合成，8層分別有黑松露，海膽，三文魚子，海葡萄，海膽豆腐，蟹肉，蟹膏豆腐同紫薯蓉。配搭特別，以匙羹慢慢舀出來吃，唔需要額外添加豉油調咪，味道分明，層次豐富，吃盡多重口感，而且很鮮味。日本蟹蓋麵豉燒麵蟹蓋上鋪滿蟹肉，蟹膏，而中間加入埋飛魚子。，蟹肉嘅鮮甜，加埋濃郁嘅蟹膏同混合脆卜卜既飛魚子。口感豐富，令人好難忘。燒牛舌夠哂入味，勁厚切，食落好爽口而不韌。

呢度的魚生飯有好多選擇！真係花多眼亂！ 最後我就揀左魚生飯「B」（但個名我就唔係好記得）！老老實實呢間「丼瀛」特別在係食雙層爆丼！上面係魚生飯，下面係沾麵&沙律！但....由於我當日下午食得太飽，所以我係走左下層麵底！走麵底會平$25！走完麵底愈來會走埋隻溫泉蛋🙈我揀丼B 的原因係有我最愛的帶子&海膽雖然無左麵底，但其實個飯都唔算細！而我的朋友就揀左丼「I」同埋丼「J」整體來說刺身都算新鮮，價錢都唔算貴！係openrice bk 位仲有折！不過有點美中不足係我個人覺得海膽有點苦！但我問左其他朋友，佢地都話海膽無問題，味道唔錯！同埋店內有點細，坐位有點迫！未試過的朋友，我覺得可以一試！

好明顯呢間野的好評大部份係打手寫出黎！😡😡😡中晒伏，超失望！同男朋友中午去食，叫左兩個丼，送左兩碗miso soup.... 但好抱歉！真係難食到不能！首先我唔介意你個湯開出黎開到水咁淡，但個丼..... 我真係完全唔知自己咬緊d 乜！片油甘魚、帶子 係完全無味道，塊赤貝....我直頭覺得好似咬緊一舊臭臭地的洗碗海棉，立刻要吐返出黎。 男朋友果碗丼有吞拿魚，咬落係冰的！好明顯未溶夠雪...... d 飯又硬！我地個丼食到一半已經驚自己會有肚痛的可能，即刻放低筷子走。留意到隔離枱個伯伯，食左1/3 都無亦立刻閃人........ 認真講，$200我地去隔離街食澳牛都無咁嬲！！

約左無見一排嘅中學同學食晚餐，大家又諗唔到食乜，係廟街行行下就見到丼瀛呢間日式料理餐廳，行入店後，餐廳唔算大，十分小巧但氣氛相當唔錯，見到餐牌上嘅食物都幾吸引，於是我地就叫左丼瀛龍蝦沙津刺身雙層爆丼海膽蒟蒻沾麵，築地壽司杯，仲有各種唔同嘅小食，賣相真係唔錯，特別推介個蒟蒻麵！真係十分之好食，海膽汁配上蒟蒻麵，味道唔會太濃不得止仲十分之清爽，麵質爽口彈牙，真係食過翻尋味！而且刺身亦都十分之新鮮，龍蝦肉質結質鮮甜，真係好好味

丼瀛位於觀塘工業區樓上鋪，鋪面不大，但坐得闊落幾好！今晚跟朋友黎到品嚐，他一口氣就點好想吃的食物，我們都期待有幾好吃。鋪里燈光以溫柔為主，暗暗地，好有浪漫feel！食物好快速地送到，我們首先吃咗日本蕃薯仔串串，好甜，烤蕃薯真的好香。蒜香燒一口和牛味道很濃，非常好吃，分量都幾多架。鍋燒烏冬好靚，有溫泉蛋，冬菇，炸蝦等，哇！份量好多！再黎丼灜龍蝦刺身爆丼，有一個溫泉蛋開邊，魚籽，中等龍蝦，沙律等，正，又睇得又吃得。最後黎個香桃蟹籽沙律，好受歡迎，清香的青萍果味，具店員介紹，呢個菜係由青萍果和紅萍果刨成絲，再加桃和沙律醬，吃落口有種青新的感覺！今晚的晚餐非常好，食物靚，食物好吃，無介紹錯

朋友介紹我黎呢間食，咁就試下啦店內環境清靜，裝修又幾好睇！之後見到個餐牌啲野食已經好吸引就叫左個佢地嘅招牌試下，真係好好食出乎意料之外，味道比我想像中好！個丼下面有個海膽麵，真係一食難忘忍唔住就特登另外點多個麵，好食到encore再encore最後一定一定要特別講下佢地個服務！！真係好好，無論問咩都會好好笑容好有耐心咁答！喺我以為佢一定會唔耐煩果陣，佢仲笑住咁解答我地問題！！服務絕對係滿分一餐落黎食得好滿足有機會下次要再去

點了很多壽司，牛肉鍋，三文魚魚籽don配有沾麵，及一些串燒，食物質數都可以。服務態度就非常滿意，因為我們三個人訂桌，遅遅也未齊人，他們也沒有要求我們先點食物， 而我們訂桌時預留一件生日cheese cake,他們也給朱古力筆讓我我可以自己DIY寫出祝福字句在甜品碟上面，很好玩的時間！

前幾日同朋友出嚟，見好耐冇食日本嘢特登搵咗間日本餐廳， 入到去地方唔算大，但坐落又唔會覺得擠迫。叫咗個龍蝦沙律刺身雙層爆丼，壽司杯，同埋其他小食。一定要試佢哋個沾麵，好特別好好食。魚生龍蝦海膽都好新鮮， 丼飯附送嘅糖心蛋超級好食，麵豉湯都唔會好似出面個啲過鹹。除咗丼飯同沾麵，小食強推，真係好好食，特別係串燒類，佢啲雞牛豬真係燒得好香，個玉子燒原本以為係一整份，結果真係串燒，一開始有少少失望，但食落去超級好食嚟呢度唔一定話要食正餐丼飯，叫杯嘢飲點啲小食都唔錯。有時豪華一次獎勵自己都唔錯 下次再嚟

黎到廟街想食餐好既，收到呢間日本餐廳傳單，見食物好吸引，最重要係憑券有85折，咁抵食就一於試下！餐廳環境唔錯，掛滿唔同既日式裝飾，好有日本居酒屋感覺。座位整潔企理，唔會好迫夾。餐廳服務好好，店員好有禮貌又友善，招呼周到。北海道海膽雜錦雙層爆丼係師傅自創既菜式，分為上層刺身飯同下層沾麵，好有特色，出面食唔到。雜錦刺身飯好豐富，魚生款式多，又好新鮮嫩滑，唔會有雪藏味，份量亦唔少，淨係海膽都值回票價。沾麵係蒟蒻麵，好特別又健康，口感煙韌涼爽，沾上超濃郁既海膽汁，每一啖都非常滋味。安格斯牛肉壽喜鍋湯底好濃味，湯料又多，仲打多隻蛋，多左滑溜感。牛肉肥瘦均匀，好重牛味，吸收埋甜甜既湯底相當好味。雜錦天婦羅好出色，炸得恰到好處，唔會好油又唔會好乾，炸粉夠薄又香脆。蝦天婦羅大大隻，非常彈牙又嫩口，茄子同南瓜都好好食！白桃乳酸特飲好大杯，冷涼解渴，有香甜既白桃味，同乳酸混合得好好，唔會有好假好人工既感覺，好快就飲清光。

來到廟街，大部分餐廳都似專做遊客生意，想找間較本土較平民的不容易。難得在小巷裡遇到這間誠意滿滿的日本料理餐廳。傳單上面仲有張coupon可享85折，好抵！店內環境舒適企理，日本風的裝潢設計，挺有心思。欣賞店員們的服務佳，親切有禮又細心，非常友善和殷勤。北海道海膽雜錦雙層爆丼超有創意，賣相精美吸引，上層是豐富的雜錦刺身飯，刺身款式多，有海膽、三文魚、大甜蝦、油甘魚、呑拿魚蓉、北寄貝、魷魚、八爪魚等，件件新鮮嫩滑又肥美，還有美味的溏心蛋，單單這層已滋味無比。下層是海膽蒟蒻沾麵，蒟蒻麵非常特別，外表像幼身拉麵，但麵質比拉麵更煙韌彈牙，口感極度清爽，而且它高纖低熱量，健康得多，這個構意一絕！海膽汁同樣出色，海膽味濃厚，又夠稠身幼滑，蒟蒻麵輕輕一沾便掛滿醬汁，美味無窮，沾幾多都唔覺膩。雜錦天婦羅好有水準，即叫即炸，熱騰騰的，炸得金黃鬆脆，夠乾身不油，粉漿不厚也不會分離鬆脫。蝦肉非常彈牙，茄子又很多汁。每件都大大件，份量十足，都只是六十多元，物超所值！三文魚腩刺身超級新鮮肥美，肉質嫩滑得很，魚油豐富！火炙三文魚壽司輕輕燒過，令魚油迫哂出黎，口感更滑更滋味。鹽燒雞軟骨好脆身好入味，又不會太乾。白鱔好

丼飯咩都好，就係衰太貴，行完街食個海鮮丼，百幾二百走唔甩，都咪話唔肉赤。今晚同朋友食呢間丼瀛就勝在夠抵食，百幾蚊已經可以食到高質丼飯！每個丼飯餐都會跟一個麵豉湯北海道海膽雜錦雙層爆丼@一碗幾種刺身滿滿，味道新鮮飯身加了醋調味，酸香開胃，而且魚生都幾足料。海膽新鮮味濃，肉結實，不會水汪汪下層則是蒟蒻沾麵，中間是伴碟的海膽汁海膽芝士汁芝味超濃郁，有陣陣淡淡海膽味飄出黎。 沾醬令無味嘅沾麵掛汁後芝味無窮蒜香一口和牛@輕輕燒過的牛肉仍嫩滑，牛味頗香，好味！