丼瀛 (已結業)

放工又同朋友周圍行搵好野食 睇到門口餐牌既龍蝦沙律刺身同燒物吸引左我入去食啦 店內好整潔 係日式風格設計即刻叫左我想試既龍蝦沙律刺身雙層爆丼$268 推薦上層有三文魚 油甘魚 吞拿魚 八爪魚等刺身全部都好新鮮 中間既龍蝦沙律刺身質感爽口彈牙非常鮮甜仲有少少醋飯係底 下層係海膽蒟蒻沾麵入口清新非常彈牙北極光海膽杯$298 有好多層包括黑松露、海膽、海葡萄、三文魚子、蟹膏豆腐、蟹肉、海膽豆腐全部都好鮮味口感十足而最底層既紫薯都好甜北海道海膽三色爆丼$68 有海膽 三文魚子 吞拿魚同樣鮮味 海膽迷一定要食下忌廉蟹肉薯餅$18 外層炸得好香脆 入口非常鬆化 忌廉同蟹肉混為一體燒河豚魚乾$68 燒得剛剛好入口仲係熱的 點沙律醬食更加滋味磯燒岩蠔$58 醬汁甜甜的而蠔好肥美北海道帆立貝$38 三文魚腩刺身$60 好新鮮原條海鰻壽司$32 明太子雞翼$18/隻  外脆內軟 入面滿滿明太子餡料雞軟骨$18原條田樂茄子$28 揸蜜糖燒好香口巨峰乳酸特飲$38 入口唔會太甜不錯的

成日見到人地facebook 同埋instagram post 相食刺身飯，啲刺身鋪滿哂個碗，我就同男朋友講叫佢帶我去食。今日佢終於帶左我去食！門口大大碗刺身丼既poster ,好吸引！雖然餐廳面積唔大，但裝修好有日本feel!餐廳主打丼飯，選擇有好多！由A到U 有成21個！對於我呢啲咩都想食既人，要睇哂每一個都花左啲時間！另外仲有壽司、刺身、小食同串燒等等。我地先點左一份燒河豚魚乾（$68)一大塊魚乾，好有咬口，送酒岩哂！仲要左一份白鱔串燒！勁好食！！魚肉爽口，魚皮燒等夠香，無諗過喺度食到咁出色既串燒！！到主打既丼飯！丼飯會配一碗麵豉湯，不過麵豉湯點會係我既重點，我期待既，係滿滿既刺身丼飯😍佢呢度係雙層爆丼，上層係丼飯，下層係沾麵。我數過有成十幾款刺身，仲有海膽🤤三文魚肥美，甜蝦鮮甜，海膽鮮甜而且唔腥，仲有一啲貝類刺身，真係應有盡有，岩哂款款刺身都想試既人而且老闆真係毫不吝嗇，我估一般女仔淨係食上層都飽！而我，當然要食埋下層！下層係海膽汁沾麵，麵唔係拉麵，而係蒟蒻麵。另外呢個沾麵係凍既。開頭都諗會唔會怪怪地，但食落原來好夾，蒟蒻原本無乜味，所以夾個海膽汁個汁就好突出！另外仲有啲青瓜可

間唔中會去廟街夜市搵食買平野，今次去左呢間食日本菜～呢個龍蝦飯真係冇得頂！面頭有原隻龍蝦，蝦肉加上芥末沙律醬，再配上青瓜，是另一種風味！龍蝦肉質彈牙爽口，非常好食！同時，蟹鉗滿是啖啖肉，過癮！另外，刺身包括有三文魚、北寄貝、帶子等等、希靈魚、魷魚⋯⋯雖然刺身不算是厚切，但是非常新鮮和齊全。如果可以凍一點便更好下層是海膽汁烏冬，雖然海膽的味道淡淡的，但是撈埋一齊都幾好食！另一樣係雜錦刺身飯，每一樣都好迷你，但係刺身份量不容忽略！黑松露海膽飯非常吸引，我嘗了一口，海膽味非常濃郁，喜歡吃海膽的你並不能錯過。另外比較吸睛的甜蝦迷你丼飯，蝦肉非常鮮甜和飽滿，口感十足啊。另外，蟹籽魷魚也是非常好吃，由於非常爽口，肉質彈牙，是非常有口感的。朋友試了花之戀和蔥花吞拿魚。佢高度評價.九點半後宵夜仲有壽司半價優惠，雖然今餐冇享用到，但係鮮甜的刺身令我們滿意，下次來佐敦廟街夜市，定必要試吓呢度嘅特價壽司！

之前見不少網上平台都介紹美食提及過「丼瀛」， 知道佐敦店以雙層爆丼為主打，好吸睛！ 所以便和朋友來試試看。 羽衣甘藍無花果黑醋沙律（$78） 羽衣甘藍係近年大熱嘅健康食品， 高纖通便減肥好處多！ 新鮮爽脆嘅羽衣甘藍和沙律菜， 加上香甜嘅無花果和藍莓， 再淋上酸甜開胃嘅黑醋汁， 作為前菜幾醒胃呢！😏 築地壽司杯（$168） 壽司杯賣相精緻， 有不同口味嘅5小杯：海膽、三文魚和三文魚子、甜蝦、吞拿魚腩蓉和魷魚， 一級級擺放得整齊， 另外還有壽司卷和磯燒鮑魚， 好豐富呀！ 其中最欣賞海膽、三文魚和甜蝦， 海膽鮮甜；三文魚魚油脂香；甜蝦幾大隻，鮮甜味美，不錯吃！👍🏾 鮑魚軟腍入味， 唯壽司卷略為遜色， 但整體來說性價比都算高，值得一試！😏 北海道海膽三色雙層爆丼（$168） 丼飯有2層高， 上層是以海膽為主題嘅丼飯， 三文魚子鹹鮮，吞拿魚腩蓉香甜軟滑， 北海道海膽鮮甜味美，不會水汪汪，夠新鮮！ 下層是海膽蒟蒻沾麵， 蒟蒻沾麵高纖低熱量，爽滑口感，又好掛汁， 三文魚子加上海膽汁，食落好creamy， 加上青瓜絲一起吃，食落無咁膩！

今日嚟到觀塘行街lunch就搵間日本丼食下見到呢間有七五折，地方又易搵就試呢間啦叫咗鰻魚滑蛋飯送沙律同面豉湯沙律OK嘅，不過面豉湯就超級淡我飲左一啖已經冇飲滑蛋鰻魚飯嘅滑蛋的確幾滑鰻魚汁就比較少不過佢個飯都有啲滑蛋汁同埋洋蔥汁所以成個感覺都幾清新唔會漏折左都係74蚊CP值: ⭐️⭐️⭐️/5⭐️

由於朋友好喜歡日本料理。好多間都試過，見其他網站有介紹呢間就試下，訂位仲有9折。訂位係7點鐘，入座率唔高，只有兩三枱客人，但座位真的比較逼，後面既人同我可以背靠背。點咗一個黑松露北海道海鮮貝雙層丼、一串雞軟骨、焗什菌、兩客帆立貝壽司🍣。不得不提係雙層丼，有兩層好特別，第一層同出面食到既刺身飯差不多，但就比較新鮮，下面果層麵比較特別，睇落似平時食既麵，但咬落好爽口，又煙韌！焗什菌就唔太好食，份量比較少，而且比較鹹。雞軟骨同壽司不過不失啦⋯⋯

今日喺油麻地附近覓食，喺openrice一search，對呢個丼瀛嘅丼飯一見鐘情，因為睇大家嘅相都見到有超級豐富嘅丼飯，所以先睇下佢真面目先！一坐落，店員就比一張超級大嘅餐廳我地揀，基本上丼瀛都係賣各式各樣嘅丼飯同少量嘅壽司。而我諗咗一大輪之後，就對呢個原條鰻魚丼有興趣了。蒲燒原條鰻魚雙層爆丼（$148)，點解我地嘩咗聲，原來雙層嘅意思係解，上層係飯，下層係麵，好多啊～～～～上層其實係鰻魚飯，但配料又好多，有沙律、一隻糖心蛋、玉子粒。而原條鰻魚切開咗兩半，但依然好長好大條，所以基本上我食咗上層已經有成七八成飽啦。至於下層就比較特別啦，佢唔係普通嘅冷麵，食落淋嘅又無乜味喎，原來係蒟蒻麵！即刻覺得好健康呀。而且重點係佢嘅海膽汁，我都係第一次咁食冷沾麵，幾特別呀。

開心星期五。突然想出街食個飯openrice上搵食。原本想食放題但很多都full晒。所以轉食丼。搵佐好耐最後見到圖。龍蝦丼好吸引所以就去試下.又見留言話正。但期望太高。實際不太新鮮。日本野最緊要新鮮。只靠賣相不行。串燒也是一般

早幾日約咗朋友去旺角行街，講起食日本野就諗起依間餐廳記得係主打海膽刺身杯同埋刺身雜錦飯。入到去見到都算幾多人，不過好彩近排唔使排隊。入到去坐低見到餐牌有好多款式嘅嘢食，我同朋友首先就叫咗個羽衣甘藍無花果沙律，沙律嘅份量都好多，而且好少沙律會用無花果來做水果，食落去嘅味道好甜同沙律嘅味道都幾夾。主菜方面我哋就分別叫咗一個龍蝦刺身飯配蒟蒻冷麵，成個買相同埋份量都好多，刺身同埋龍蝦亦都非常之新鮮，另外蒟蒻冷麵中間配左海膽汁，食落去嘅感覺鹹鹹甜甜，仲有啲涼浸浸嘅感覺好特別。成個飯配埋刺身同埋新鮮嘅龍蝦食完已經覺得好滿足跟住我同朋友仲叫咗個雜錦魚生壽司拼盤，份量都好多而且質素都唔錯分別有甜蝦、海膽、帶子、同埋碎拖羅。無論係擺盤同埋食物嘅味道都幾好。跟住就到必叫既海膽杯，總共係有九層嘅材料，雖然海膽杯嘅份量比我想像中細杯，但係海膽嘅味道鮮甜而且中間夾著其他嘅配料感覺幾特別，都值得一試。

隱藏係廟街既日本丼瀛，上次經過見到已經想食，唔洗次次都食大排檔，今次約埋朋友黎食；餐廳裝潢好有居酒屋FELL，到處都見到日本色彩既旗幟丼瀛龍蝦沙律刺身雙層爆丼$268淨係個樣已經不得了！原隻龍蝦上抬旁邊配上時令新鮮魚生，龍蝦肉做成沙律裡面仲有橙色既龍蝦膏配海膽蒟蒻沾麵，蒟蒻以沾麵既食法，海膽汁被芝士味搶去，而且麵既份量偏小蒲燒原條鰻魚雙層爆丼$148鰻魚原條上有微微焦燶，味道偏濃肉質好肥美，下層都係配海膽蒟蒻沾麵喜之次一夜干$108香港好少地方有得食，製造過程複雜，要先將魚浸泡，再風乾再烘烤；魚既精華被濃縮食起來更鮮甜美味，真的值得一試🦀蟹蓋麵豉燒$58有齊蟹膏、蟹肉、蟹籽……超新鮮，勁滿足配埋飯食，好完滿去佢地餐廳個facebook  page like & share每抬都可以送一杯乳酸飲品; 即刻唔汁輸like 完就送左杯巨鋒乳酸特飲,哈一共有超過二十款唔同選擇，仲有壽司，串燒，小食……不過店員話好快會轉menu ，下次又黎試新野先

係餐廳門口比龍蝦沙律刺身爆丼吸引😍好想睇下係咪真係咁豐富~~果然。。好大隻嘅龍蝦啊👍👍啖啖龍蝦肉，又有三文魚籽，好爽口，食龍蝦都以經值回票價😛其他刺身仲有三文魚，吞拿魚，北寄貝，赤貝等等，質素都唔錯，新鮮份量多，2個人食剛剛好~ 下層仲有海膽沾麵，有真。海膽架😍有海水味同creamy...👍好滿意~ 另外仲叫左壽司，火炙三文魚❤️火炙味香濃，三文魚入口即溶北寄貝同甜蝦都新鮮，爽口，飯醋味突出，唔會太散~牛舌x 豬串燒外脆內juicy ，肉汁豐富😍佐酒一流啊👍最後仲有巨峰提子乳酸梳打，提子味香濃，唔好太甜👍好味道~重點係呢杯野飲係free架😍因為打卡讚好就會送😬

今晚經開廟街，見到呢度有一間小店，朋友又好想食丼飯，就初嘗試下啦~ 呢度裝修簡潔舒服，時間尚早所以暫時唔多人，坐得好舒服😊款式選擇多，相片每一個丼飯都好吸引🤤我地就揀左最新推介嘅丼瀛龍蝦沙律刺身雙層爆丼。一上菜真係超驚喜😍份量多，仲要砌得好高，原隻龍蝦超吸晴，蝦肉彈牙~底下仲有海膽蒟蒻沾麵😋海膽汁細滑香濃，麵亦掛湯😛另外，仲叫左磯燒蟹蓋，超級爆膏，雖然每啖都好邪惡，但真係食到停唔到口😂蟹肉加埋蟹子增加口感，鮮上加鮮，同朋友即刻encore 左一個😂😋😋呢度價值合理，食物質素同上菜速度都合理~支持小店🙌🙌會推介比朋友去👍

以食丼為主，龍蝦無龍蝦味，魴(魚弗)魚無魚味，海膽汁沾麵無海膽味，吞拿魚蓉又係無味，失望，超失望。環境夾窄，壽司更不值一提。伏，好伏，超伏，勁伏，可一無可再。爭鮮都好過佢

放工經過，走入好耐無黎嘅廟街，諗唔到有間日本野，好啦就試下啦.叫咗個無花果沙律，侍應一上抬，真係哇咗一聲！無諗過會咁大碟！d菜係堅新鮮，完全無變黃.重有好多無花果同藍莓，好開胃！跟住叫咗我最鏡意食嘅南瓜薯餅！又熱又脆，個心軟林林.如果有得日日食就好啦！北極光海膽杯好似層層疊咁,面頭有魚子醬，海膽，紫薯，水蛋. 一次過可以享受多重口感.侍應推介咗個龍蝦刺身雙層爆丼，估唔到d刺身咁新鮮.下層有芝士蒟蒻麪.好有驚喜！d麪好彈牙，再配芝士汁簡值係無敵！真係諗唔到廟街有間咁好味嘅日本野，可以番吃啊！

擺盤擺得精緻，蒟蒻麵和海膽醬藏在爆丼下面很有創意，桌面有小貼士解說如何食用蒟蒻麵，爆丼的海鮮刺身還不錯，但是單點的握壽司相較之下有點普通，吃不大出海鮮的鮮甜有點小失望