丼瀛 (已結業)

之前都已經食過呢間日本野，今日再試埋佢另外一間分店，開喺佐敦廟街，係勁多人流嘅地點。裏面全部都係我鍾意食嘅魚生飯同串燒，好開心，我仲留意到一個二人餐，不過下次先試下啦，都好似幾豐富。再叫咗個螢光海膽杯，裏面粗略估計係由大概七層唔同嘅材料整成，裡面有紫薯、海葡萄等，我朋友竟然自己一個人食晒，佢話好食，食到個杯好乾淨呀！另外叫咗個龍蝦刺身商場爆丼，下面有蒟蒻麵，食落去好爽口彈牙，有d似擺耐左嘅橡筋同凍左嘅拉麵，配埋海膽蛋黃豆汁，好濃郁美味，食到津津有味。最後叫咗好多唔同款式嘅串燒，包括白鱔、原條燒茄子、日本番薯、甜洋蔥、韭菜、尖椒同秋葵。茄子好大條，唔會燒得太焦，肉質軟綿綿的；日本番薯有三粒，甜甜地，連皮食好好味；甜洋蔥好辛辣，攻鼻到我流眼水，相信可以幫我殺菌了。最後甜品仲有泡芙，泡芙裏面有雲呢拿雪糕凍冰冰，有點硬身，好有口感。

魚生、丼飯，一直以來都係我的最愛。偷偷睇到男神嘅facebook，佢想試下依間既丼飯，咁就一定要嚟試啦，咁有名氣！二段丼其實就是將丼飯分成上下兩層，上層鋪滿各類海鮮刺身飯，下層則是麵，不但滿足視覺神經，分量之大，一個人都未必食得晒藍鰭吞拿魚海膽雙層爆丼@首先，藍鰭吞拿魚唔係度度有得食，同埋處理得咁好。小妹唔太食平時嘅吞拿魚，要新鮮、甘甜同埋唔腥先會食，呢道就配合哂我口味，絕對啱哂吞拿魚粉去試吓！海膽質地甘甜，味道比較Creamy，入口即溶，而且鮮味十足！蒟蒻麵十分彈牙爽口，原本蒟蒻麵係無味，將蒟蒻麵點埋海膽汁食，絕配最後，員工嘅服務好好。明明爆場都唔會趕你走，同埋你會感覺到佢真心推介揀咩野食岩自己。員工嘅細心服務令依一餐非常非常好。男神同我係呢一餐飯，完完全全搵唔到有暇疵

中午工作過後，一個人行到廟街，想食得比較清淡，路過一間日式餐廳，有服務員在門外介紹餐牌，就吸引了我入去安坐。去到時已經是兩點幾，人流不多，所以可以選擇比較舒適的位置安坐。午市套餐有七樣選擇，價錢算合理。👍🏼我點了火炙壽司盛$78 ，包湯，烏冬及前菜。午市沒有加一服務費。👍🏼手握壽司即叫即製，壽司飯及魚生都很新鮮，以平民家可以享用高質素的壽司，🤗真是值得一讚。成個餐食完都好飽，要捧着肚子走。🤤🤤

星期日當然要好好對待自己啦，下午同朋友傾下計要找個地坐一坐，說實話，佐敦這個地方真的不熟（我知可以OpenRice)誤打誤撞搵到這間日本料理，一開始，門口望入去只是小猫三兩隻，有些怯怯地～～但最後都決定入去試一試，好的點是星期日都有午市套餐，好似一至五咁，唔需要擔心需要單點食物和飲料等等。點餐後大約10分鐘左右，兩碗熱騰騰的麵豉湯和雜菜沙拉就奉上，由於我真係好鐘意熱的食物夠熱（意思是該熱的熱，該冷的冷）這樣子我會覺得餐廳很用心當大家享受完熱騰騰的湯後，接下來就是「特上壽司盛」12345678910， 數數下都有10件壽司都唔錯呀～～ 然後朋友問我要唔要happy share, 我心想：你點了什麼先^_^ 再望一望，原來點了蟹皇丼，分別有蟹肉，蟹膏，軟殼蟹感覺都是豐盛的～～咁當然說好啦～～ 傾傾下，咁就逗留大約1.5 小時。埋單每人不用$100，抵呀～～咁就過左個快樂的下午～～哈！

已經不是第一次到丼瀛食好西，每次都有意外的驚喜。繼之前試過招牌菜幻彩極光海膽杯後，印象深刻，鮮味縈繞腦海良久不散。今次決定殺落位於佐敦廟街分店，尋找都市中遺失的和風鮮味。 繼蛋糕美食團到官塘和中環丼瀛分店搵食後，今次約埋兩個buddy殺落敦廟街分店， 店內簡潔擺設充滿東瀛風味，感覺親民的和式居酒屋小店。 可以約埋三五知己傾計飯局的聚腳點。 去到丼瀛見到餐牌己經心心眼，盡是我喜歡食的海鮮刺身和和風燒物。 坐低先order 期間限定每日只限30個咋！ 限量供應的『廟街丼瀛龍蝦剌身雙層爆丼終極優惠！』口快有口慢冇！ 以震撼價$188就可以嘆盡鮮美龍蝦刺身爆丼同4款自選沾麵！ 鮮甜爽口的龍蝦配口感軟滑的蒟蒻面，沾上自家特制的海膽醬麵汁， 好味到停唔到口！想試的朋友歡迎致電或WhatsApp 查詢！ 再order 全新推2人晚市套餐！由頭盤到甜品都照興周到。 只需$398就可以食盡新鮮刺身盛和雙層海鮮爆瀉丼！ 剛燒起的喜之次，香味四溢，魚肉剛剛熟，白滑juicy ! Yummy 前菜：枝豆 湯品：面豉湯 沙律 （2選1）： 香桃蟹籽沙律/和風沙律 主食 : 刺身盛 自選雙層爆丼（5選1）

突然被約食飯，不過之前一直就想試下呢間，所以即刻book位，book左有9拆。睇左menu都有幾多選擇，不過我就擇返有油甘魚既，食落都幾新鮮講，仲有板海膽都唔錯。之後再試下下面果沾面，口感同其他面係有d唔同，唔知係米我遲左食定食錯方法？我先係沾面食法，但果醬太水，所以沾唔上。所以之後我又撈面咁撈晒落去，但又可能青瓜出水，結果成盛仲水。。。。所以總結黎講，我覺得上面既飯係好食既，但下面果面我真係唔欣賞，所以如果係。。。。下次只會食飯。btw,店員服務好好

丼，是對於日本料理中的蓋澆飯類之通稱，通常是以較大尺寸的碗在米飯上盛上魚生、蔬菜、肉類而成。亦因為丼物能夠讓人在繁忙的時候迅速解決飽腹之慾，所以丼在日本十分普及。我對丼可以說是情有獨鍾。每逢去日本旅行，例必狂掃它三四碗🤤🤤今次同朋友去了佐敦這家有名的丼瀛，可以說是大開眼界。有超過二十款的丼可以選擇，我地當然唔執輸，揀左最受歡迎的丼瀛龍蝦沙律刺身雙層爆丼（$268）。龍蝦、刺身絕不欺場，大大隻龍蝦，蝦肉鮮甜，多款刺身，包括三文魚、油甘魚、拖羅、八爪魚、希靈魚、玉子、醬油糖心蛋，加上大大粒魚子，材料超豐富！！啖啖肉！！！叫得雙層爆丼，當然唔係咁簡單。上層係海鮮刺身、下層則是鮮甜又健康的 海膽蒟蒻沾麵，師傅落海膽絕不手軟，一上一下，回味無窮！

問心我到底食緊啲咩呢？😹啲壽司過左好耐咁，食完個胃好唔舒服咁，但係真係好唔新鮮，低係低食既！尤其是個海膽好似發晒毛咁，難食到飛起🤮🤮🤮隨便揀一間都好食過“佢呢間”👎👎👎

平日放工約朋友食飯暢談減壓因為要近朋友放工位置所以揀左佐敦呢間食遠處已見到天花掛滿紅燈籠內裡掛有日式配飾三人試了幾款主推介刺身同燒物味道都唔錯！北極光海膽杯$198 面層既海膽肥美不會腥配上黑魚子口感豐富底層有三文魚子、蟹肉、紫蕃薯等餡料豐富 混合進食 味道更加昇華丼瀛龍蝦沙律刺身雙層爆丼 海膽蒟蒻麵$268首創雙層爆丼菜式上層是魚生飯 下層是蒟蒻麵面層有原隻波士頓龍蝦同8款刺身將龍蝦起肉做沙律肉質鮮甜結實 再點上芥末蜜糖沙律汁帶少少辣同甜混合蟹籽同三文魚籽食 層次感豐富！海膽蒟蒻沾麵質感特別滑溜 偏淡同腍點上海膽汁食 口感比較特別北海道海膽三色爆丼$68三色有海膽、三文魚籽同吞拿魚啖啖都鮮味十足 美味可口！三文魚腩刺身$60肉質細嫩肥美魚油豐富 口感嫩滑可口！推介！燒河豚魚乾$68燒過的魚乾 特別爽身有咬口香脆可口不會黏牙亦不感油膩！推介！原條田樂茄子$28原條茄子份量十足而且juicy美味！明太子雞翼$18/1隻雞軟骨串燒$18/1串荔枝乳酸特飲$38

同朋友行街想搵嘢食，見到呢間餐廳有個龍蝦刺身雙層爆丼，即刻衝入去試。上層係龍蝦沙律+6款刺身，下層係海膽蒟蒻冷麵。刺身好新鮮，龍蝦肉都好鮮甜，餐廳仲好貼心地會比工具你拆龍蝦拑食。誠意推薦雞泡魚乾，好好食！迷你海膽三色丼，有海膽、拖羅蓉同三文魚子，好豐富！北極光海膽杯，有好多特別食材，例如海膽豆腐同底層嘅紫薯，要用匙羹一嘢筆晒咁多層食材放入口，就會feel到佢地出奇地夾，味道比逐層食更出色。原條海鰻壽司原條燒茄子，啖啖肉，好食！明太子雞翼，好惹味～燒原隻帆立貝，好鮮甜

聽說超有名的S2 kitchen 開了另一主主打海膽的餐廳，叫丼瀛，一間在觀塘，一間在佐敦。在廟街的分店近我公司，趁著今天有時間，就去了試試。侍應說最有名的就是雙層海膽爆丼，我就選了藍鰭吞拿海膽來試，一上桌就知道非常出色，賣相一流之餘，有海膽，藍鰭吞拿，魚腩蓉和三文魚子，很是豐富！幾種新鮮又甜美的貴價刺身都只是$198，令我有點驚訝了，加片紫菜撈著白飯吃，很合我意！另一大賣點就是超低卡的蒟蒻麵，多吃也不會肥！特製的海膽汁原來帶芝士咸香，味道很出色。除此之外，還有兩碗麵豉湯跟一隻半熟蛋，2人吃都已經飽了！

如果唔係朋友約我過嚟呢邊，其實我都比較少在廟街呢邊食嘢，一路都覺得呢件可能係遊客食海鮮嘅地方今次有驚喜喎，原來廟街之中，都有一間幾有日式風味嘅丼飯唔好以為鋪仔細細，選擇真係應有盡有！啲龍蝦都有得食！好興奮！龍蝦刺身雙層爆丼用「爆」呢個形容真係唔誇張，因為上面啲餸個陣容真係要好似爆出嚟，個碗都裝唔到咁樣！好豐富，看見都已經覺得好幸福下面仲有個麵食，加埋令人垂涎欲滴嘅溏心蛋，冇得輸築地壽司杯絕對係一個好「大陣仗」嘅丼飯，先唔論味道，呢一個擺設般嘅美食都已經係夠晒吸引一次過可以食到五款魚生飯，仲有埋三文魚刺身同加州卷，真係勁抵食最鍾意個吞拿魚茸，好滑

朋友食過呢間話好味，價錢又抵食，質素又好，介紹左我黎食！😍😍餐廳就係廟街，容昜搵到！😉餐廳主打食刺身丼飯！有好多唔同款既刺身丼，任你選擇！😊而且都好有創意，刺身丼係有兩層既，底下個層係海膽蒟蒻沾麵！咁多野食都係$150內就有得食，真係好抵！而我就揀左：北海道海膽 油甘魚雙層丼 🍽賣相 非常之靚，好特別！有成一板 厚厚既海膽！😍味道好濃既海水味，好鮮好甜！完全不會有苦澀既味。不需要再點豉油已夠鮮。油甘魚刺身亦相當之大塊厚切。😊魚油甘香鮮美，口感爽口。很新鮮！切粒葱油甘魚 連埋珍珠飯食，相當之味。仲有隻糖心蛋醬油漬 🥚🤤甜甜的半熟蛋黃，好juicy! 下層：海膽蒟蒻沾麵好特別！！麵質軟腍的口感，味道有點甜味。再沾一沾海膽濃郁既麵食。都不錯喔！😀刺身：三文魚腩刺身！😻太喜歡吃三文魚了！呢度既三文魚腩質素好好！好肥美鮮甜。一啖魚油滲出，有入口溶化既感覺！🤤好好味！👍除左日本刺身丼飯外，還有其他食物選擇。串燒，燒物：北海道帆立貝（兩隻）。即叫即燒，熱辣辣！加了牛油一齊燒，令到帆立貝好香！好多汁 😍帆立貝鮮味有彈口，不錯。😊芝士雞翼🐣成塊芝士加落雞翼上一齊燒，芝士融左落雞翼度！好正。🐥雞翼好嫩滑，

去廟街食飯，通常大家只係會諗到食煲仔飯 炒小菜，貪佢夠平。但無意中俾我發現原來都有日本餐廳架喎！！而且價錢都幾抵！😋同幾多野食選擇。所以試下食d新野，唔揀煲仔飯喇！壽司 如果係3-5pm, 9:30後仲有半價添，好抵食！叫左份三文魚腩刺身 🍽三文魚壽司🍣質素好好，魚腩位油脂豐富，有入口融化既感覺！好肥厚鮮甜😻真係好味！海膽壽司 🍣推薦呀！👍好正！多層既海膽舖係面，（起碼有3層呀！超多海膽！）北海道海膽 ，海水味濃烈，好creamy 既口感，鮮味十足。一啖放入口真係好飽滿幸福呀！！🤤🤤黑松露火炙帶子壽司🍣肥厚既帶子包住成舊 壽司飯，上面加了黑松露，令到壽司加一點濃味，令到帶子更加鮮味！而且燒一燒過黎，暖暖地幾好味！😃火炙三文魚腩 🍣普通既三文魚腩都已經好味，加上燒一燒過黎，令到三文魚魚油逼哂出黎，好肥美！😋刺身壽司既質素都好令人滿意呀！😍所以再叫左個餐廳自家創作既 北極光海膽杯!賣相真係好靚又新穎！！😍👍令人充滿驚喜！多層次既味道，有5層！最面層係海膽配黑松露，沖繩海葡萄！第二層似係海膽豆腐，淡香既味道，剛好中和了上層濃厚既味道！😃第三層係口感豐富既三文魚籽第四層充滿鮮味既嫩蟹肉🦀第五層

今日去左佐敦廟街既丼瀛食晚餐丼飯有好多選擇，可以慢慢揀！另外仲有小食我叫左一個黑松露北海道海鮮貝雙層爆丼上面係鋪滿刺身既丼飯，而下面就係海膽汁沾麵同青瓜絲。我個丼飯有好幾種貝類刺身，款款都好新鮮，赤貝刺身仲好大塊，另外仲有兩格海膽，好鮮甜！下層既海膽汁配蒟蒻沾麵，食落好清神，海膽味濃，食到一半我仲加左丼飯既黑松露落去個沾麵汁到，又係另一種風味！另外仲點左一啲刺身同小食，整體質素都唔錯，而且服務質素都好好！下次一定會再黎！