丼丼屋 (創紀之城五期(apm))

營業中

休息中

繼續觀塘系列，週末和朋友約好在觀塘，但原來要在觀塘搵食也很困難，每一個地方都很滿座，來到APM逐層搵，終於在最頂層的丼丼屋等了10分鐘有位。什麼都不管了，快點吃飯才是正經。所有定食都包含前菜、麵豉湯、餐飲及甜品。照燒牛肉定食朋友A叫的照燒牛肉定食，賣相不錯，牛肉份量也頗多，醬汁的份量也多，撈飯一流。最後還是白飯先吃完，仲有牛肉剩下，朋友A仲想叫添飯去送剩下的牛肉，可惜加飯要加錢，咁就放棄了。滑蛋吉列炸蝦定食朋友B的滑蛋吉列炸蝦定食，賣相也是很好的，蝦也很大隻，蛋汁也充滿了整個飯，濕潤容易下肚，很容易就可以吃光整份餐了。燒鯖魚配刺身定食我的燒鯖魚配刺身定食，首先上來的是刺身，有一隻甜蝦，三文魚、帆立貝及三文魚子，算是很有份量。當然，質素不能和鮨店的比，但也算是交足功課。燒鯖魚也做得不錯，魚皮夠脆，當然未到算是正常，但整個擺盤也味道也叫做合格。甜品的啫喱沒有味道，是靠浸着的葡萄口味糖水來增添味道的，和一般的啫喱不一樣。人均大約$150 ，算是不過不失吧。

今日係一個人既早午餐,搵到呢間專食日式丼飯既專門店早午餐當然就係要夠豐富 選了角切刺身丼定食配凍綠茶 甜品 小菜 沙律 麵豉湯 將三文魚 吞魚拿 玉子燒 帶子 切成大細相約既尺寸 鋪滿飯面,最後再加上青瓜粒蟹籽食之前淋上日式醬油拌勻,每一日都食到脆,嫩,爽不同既刺身粒,口感豐富味道鮮嫩蟹籽既脆卜卜,玉子既甜 刺身粒既鮮嫩 醬油既濃香 一口食下鮮味十足很滋味前菜沙律,漬物 青瓜沙律 夠新鮮脆口 漬黃瓜片仍微微帶脆口感開胃小菜 甜品黑糖汁黑凍,完美作結,十分滿足飽滿平均消費$155評分8/10Shop L6-3b, Level 6, apm Millennium City 5, 418 Kwun Tong Road, Kwun Tong

呢度主打食日式定食 丼飯類 仲有日式小吃今晚呢個套餐係 帶子蟹籽刺身丼 選用北海道珍寶級帶子加上北海道蟹籽甜品係黑糖冰粉 包一碗魚豆腐麵豉湯 一球好似雪糕既紫薯蓉前菜紫薯蓉香甜軟滑 帶子甘甜鮮味好滋味 加上卜卜脆口感既蟹籽粒,味道豐富好味道帶子可以加少少日本醬汁調味更見鮮味魚豆腐口感似魚片頭帶點彈性 麵豉湯夠濃味 附一杯綠茶甜品冰粉透明JELLY 淡淡既沖繩黑糖漿既甜味評分8/10消費$100Dondonya 

丼丼屋係專賣日式丼飯既，引入左多款日本大賞得獎既名物丼，雖然選擇唔算多，但係每一款都係好好食😋絕對帶到比你地道既日本風味。丼飯仲可以加錢加配唔同既小食例如章魚小丸子、刺身、雞翼，都可以升級做定食。個人覺得一定要升級定食！加十五蚊可以有埋麵豉湯、沙律、甜品同埋飲品，好抵！1️⃣十勝帶廣名物豚丼 （$88）（定食+$15）有得揀並盛同埋特盛，特盛就既份量就多啲，今次就揀左並盛。個豚丼有四大片豚肉，豚肉有啲油脂位，食落唔會太瘦太韌燒過之後仲有啲油香，醬汁唔會太重味，仲有啲汁可以送飯🤤  另外加左定食。麵豉湯正正常常冇乜特別。沙律係紫薯沙律，一球紫薯沙律，食落唔會好甜，仲食到粒粒紫薯🍠之後甜品係啲愛玉浸左係啲黑糖糖水到，食落凍凍地清清地，食完個丼飯之後食呢個甜品啱曬😋飲品係蜂蜜果茶，個人覺得偏甜，但係好fresh好解渴。加$15蚊有多咁多嘢個人覺得好抵。  2⃣️信州醬汁吉列豚丼（$85）（定食+$15）豬扒炸過之後再裹滿秘製醬汁，因為炸過，層皮更加吸滿汁，而且炸得黎啲肉仲好嫩滑😳啲肉唔肥但係食落一啲都唔會好難咬😚  3⃣️大分南蠻雞丼（$85）（定食+$15）炸雞切好左一件件，面頭有一大pat醬汁，有啲

今日同個姊妹黎觀塘apm食晚餐，揀左間日本餐廳，選擇都多。我揀左饅魚飯，條饅魚好大條，醬油好多。開頭食好滋味，啖啖肉，不過食到後半截有d膩。如果分享黎食，一人半碗就會滋味d,不過疫情就冇互相分享黎食。姊妹叫左醬油豚肉，佢話好香，略嫌偏咸左，整體好食，會再次食。

今日下午去了丼丼屋食午飯叫左個鰻重套餐同一個滑蛋豬丼飯套餐牛油果沙律 好好味 😋味增湯 就有點淡😔而飲品中的荔枝紅茶 好好飲😋清甜不會過份甜還有點茶味👍🏻 滑蛋豬扒丼飯 就真係好好味 😋😋😋塊豬扒炸得好脆口肉質就好鬆化 有入口即溶既感覺 😁薯溶 味道就偏淡😔甜品寒天味道就有D似咳藥水味 😔鰻重飯份量好足夠 有整整四條😁不過就有少少骨 食時要留意一下味道方面就好好味的😋😋這個價錢食到這個水準係值的可樂雪糕 正常發揮 就好味的😋服務態度係唔錯架 都好有禮貌下次會再去食😋

午餐時間，黎到等左大約15分鐘，一向鐘意食鰻魚既我，基本上食親日本餐廳一定會點，所以呢之都唔例外啦，但呢次竟然遇到咁難食既鰻魚飯，食到有小小想嘔，鰻魚超多骨，條魚仲要好似唔係好熟咁..有d紅，仲要好大腥味😔加$15有個set係抵既，但主食真係好唔掂。

一行二人，下午茶時段嚟到丼丼屋，唔使等直接有位入。店面只有零星幾枱客人，但店員似乎唔太夠，等左好一陣先有店員過嚟落單。叫左兩個定食：滑蛋豬扒丼＆帆立貝三文魚籽丼。兩個定食份量非常足，除左主食，仲有一客小食、兩客甜品（紫薯蓉、寒天)、一碗麵鼓湯、一杯飲品。再講講主食，滑蛋豬扒丼嘅吉列炸豬扒口感嫩滑，完全唔鞋，表面亦炸得夠脆口，唔會硬掘掘刮損嘴。帆立貝三文魚籽丼嘅帆立貝大大粒，亦夠新鮮。埋單連服務費$325.6，相當抵食。

呢客鹽燒鯖魚配白飯 ($70)，以為要等耐D，反而仲快過友人碗魚生飯.......哈..哈!  侍應放低後，未除口罩已經聞到燒魚香味，有少少令人流口水另加$15可轉餐，包括紫薯沙律，麵豉湯，寒天及飲品 (呢杯係荔枝紅茶)，即係呢度眼見咁多嘢食，放滿成個餐盤份燒鯖魚都幾對眼，上面放了一條紅薑，唔單止賣相靚D，當甜薑咁食可刺激食慾有埋個燒魚汁，加D蘿蔔蓉混合，食前再唧D檸檬汁提鮮，要食一條好味燒魚都唔馬虎架!  魚肉無咩細骨，皮帶點咸味，燒得幾香口，魚肉都入味，加埋燒魚汁就仲好味，用黎送飯正呀!一球紫薯沙律，以為會好甜但又唔會喎，中間夾雜住唔知係咪薯仔粒，入口綿滑，幾好味喎; 而杯荔枝紅茶係夏天飲真係好岩數，有香甜荔枝味又有茶味，解渴一流!  至於個寒天................唔....口感比想像中紮實，入口味道仿似帶點中藥味，唔太岩食!

之前食過鰻重，覺得唔錯。屋企人今次無啦啦試限定？總之158蚊的鰻魚飯 以為會更加好食。結果。。。。。。。差到爆，乾巴巴。完全是浪費錢！！！！！！！！！但另一個飯又真系好食。哎。

同老公放工後去咗食呢間，貪佢坐得舒服、價錢唔算太貴同味道有保證，都叫冇失望。🍓名古屋鳥開親子丼套餐　　簡單嚟講只係雞肉加雞蛋，點解賣咁貴？首先佢除咗有我哋一貫認知嘅材料滑蛋，仲多咗隻生雞蛋。呢隻生雞蛋不得了，蛋味濃得很，又夠「漿」，好有質感；另外佢啲雞肉係名古屋純種地雞（日本三大名種地雞之一），咬落口除咗好有雞味，仲好彈牙同唔黐牙！飯嘅份量超多，絕對唔會話食完好似食咗空氣咁。跟餐味噌湯：Standard跟餐紫薯蓉：老公話好難食，個味好古怪。跟餐蜂蜜綠茶：好清爽，蜂蜜味好減壓，正！跟餐甜品：黑糖水信玄餅，個黑糖汁好好味，又有啲咬口兼唔會過甜，好適合夏天食。🍓滑蛋吉列豬扒丼套餐（呢個套餐冇紫薯）雖然係滑蛋炸豬扒，但豬扒仍能保持香脆，不俗。敗筆是米飯，縱然吃得出是日本米，但感覺煮得不好，米飯都黏在一起。

週末等位時間不錯太長，大約十分鐘。我們一家五口來到，因疫情關係，也要分為兩枱。這店有多款兒童餐選擇，有四款選擇可選擇烏冬或米飯，小朋友吃得開心。雜錦魚生飯也很新鮮，各種魚生飯也非常吸引。特別一提配菜有紫薯，吃下不甜也有營養。

朋友約喺APM食lunch, 間間都打晒蛇餅，最後揀咗呢間食日本定食。可能撞正lunch時間都等咗成十幾廿十分鍾先有位，一坐低好快叫咗嘢食。叫咗一個豚肉，一個鰻魚，同朋友一齊share。成個定食套餐都好豐富 ，有前菜（蛋+泡菜），有紫薯蓉，有湯，有嘢飲，仲有甜品。一見到咁大set都覺得飽🐠鰻魚成兩大塊，超級足料，意料之外🐷豚肉又係大大舊，鋪滿晒成碗飯兩個套餐味道都唔差，但因為太豐富太大份，最後啲飯係食唔晒

每次去丼丼屋都一肚氣，限時用餐，明白嘅……想做多D生意，明白嘅……我體諒你，你都要明白你們餐廳流程至得㗎……限時75分鐘已經比正常時間少，多數都有90分鐘，餐廳人手少，客人要等落單，等食物到係咪唔使時間？係咪唔使等候時間？係咪唔計時間？又唔係！等件炸豬扒起碼20分鐘，極速諗完，再落單已經最快10分鐘，咁樣巳經半個鐘，每次好似要倒落個肚咁，唔係用餐有次隔離枱係大2大2小，2小都係幼稚園，等佢哋個兒童餐等到大人食完都未到，夠鐘就叫人走，完全無體諒個客人需要，亦無檢討係餐廳問題，個爸爸話以後都不會再來對……我也是以後都不會再來，食餐飯要趕成咁

出去觀塘一轉又得經APM由於附近間間都爆曬人但係我又餓到就嚟痴線🤣所以叫做唔使等得太耐又坐得舒服就入左丼丼屋呢到既環境坐係舒服既 每張枱既距離都隔得比較遠防疫措施值得欣賞每張枱都有一支搓手液又有口罩紙袋提供務幾好。牛舌丼(HK$78)牛舌薄切 調味做得幾好同埋牛舌生熟程度岩岩好唔會老到咬都咬唔開 係juicy既大分南蠻雞丼(HK$75)朋友叫左南蠻雞丼由我朋友口中係有讚佢既南蠻雞既一睇見佢雞扒都幾大塊外皮脆炸雞肉嫰 口感幾好珍珠米飯量足夠秘製南蠻醬甜甜鹹鹹同雞扒好夾好惹味每個定食都有味噌湯、沙律和紫薯蓉味噌湯正常水準不過不失紫薯蓉幾甜黑糖寒天正常 for餐後既小甜品跟餐既荔枝茶好甜不過幾有茶味 如果少甜應該比較好。食物整體黎講都算係正常但未去到驚喜係觀塘其實都有好多選擇不過APM中既價格佢算中位喇。食物：7/10價錢：6/10環境：8/10。丼丼屋 (創紀之城五期(apm)) (觀塘)觀塘觀塘道418號創紀之城五期(apm)6樓L6-3b號舖。同地區請搜查 。