丼丼屋 (創紀之城五期(apm))

營業中

休息中

早排係網上外賣平台叫外賣，見到間嘢叫受賞雞の唐揚專門店 chick in a box，就叫個3-4人餐同朋友share。嚟唔切影相，但質素非常唔ok。再睇返網上外賣平台寫嘅餐廳地址，原來係呢間丼丼屋。諗住上Google搵下其他review，點知先發現係改咗名嘅美心，超級中伏！！！先唔講外賣送達時間一再延遲，淨係講食物質素。個4人餐原價308蚊，網站上面話包2件醬油唐揚雞、2件京都梅唐揚雞、4件普通唐揚雞（配蜜糖芥末醬及粟米濃湯沙律醬）（仲要嚟少咗個醬）、3件芝麻雞翼、炸雞軟骨、炸紫菜墨魚鬚、2個迷你咖哩飯、4款飲品。點知嚟到先發現啲雞超細舊，雞翼完全無肉咁濟，完全唔知點樣食夠4個人。醬油唐揚雞鹹到傻咗，啲炸雞又乾又唔好食。炸紫菜墨魚鬚都係啱啱好一人一條，份量係超級少。完全好似一兜kfc小食咁，唔知點值300蚊。重點就係連個飯就超級細兜，個咖哩係完全無配料，唔好講有無肉，係連薯仔同紅蘿蔔都完全無，只得醬。個咖喱醬配飯，但又好鹹，食完一啖之後係會有一種香料嘅苦澀味，後勁好苦，完全唔係平時食開嘅咖喱味，超級奇怪，最後完全食唔晒。就算網上外賣平台有折都好，折完都260蚊，但唔知自己食緊咩，4個

今天又來丼丼屋食午餐！未到十二點來到。原來是第一位客人。因為眼見全場吉位！女店員還問我喜歡坐那裡。隨便捒個半卡位坐。店員很快放下餐牌本來㨂了個大蝦刺身丼。女店員解釋加$12就可變定食套餐！最後決定要了大蝦海鮮丼定食餐牌中只要叫定食餐就可以特價享用小食！我加了兩隻芝麻雞翼！落單不久凍烏龍茶先上感覺夠冰涼，茶味也濃。不到五分鐘海鮮丼定食套餐也到。賣相美觀，包括有麵鼔湯，前菜紫薯蓉甜品及那海鮮丼。海鮮丼整個飯面鋪滿多種刺身有大赤蝦兩隻，三文魚兩片，吞拿魚兩片、仲有甜蛋及三文魚子赤蝦蝦肉粗身、入口時有黏黏的口感、尚算新鮮三文魚正常質素、不過太薄。可以厚番D就更好！吞拿魚望落去色澤麻麻...而食落去無根位、味道算可以了帶子本來厚身、但橫切成兩片。也食到原來鮮味~三文魚子、粒粒脹卜卜。晶瑩通透、食落真係好正！甜蛋就不過不失！配的飯感覺似白飯不是酸的！不過口感也不錯。這海鮮丼所有剌身雖然不是上等貨式！但最緊要係新鮮。麵鼔湯夠熱亦多料，且不會過咸。亦算是我近期最好飲的麵鼔湯。紫薯蓉少少甜，薯味濃。唔錯喎甜品不知甚麼，食落類似啫喱軟體！不過不失芝蔴雞翼外皮酥脆，咬落十分熱辣辣雞肉嫩滑仍然保持肉汁...食

今日中午黎到丼丼食午飯~此店裝修非常雅致，有日本風味~十二點坐低當時客人並不多~看了餐牌一回見到呢個鰻重幾吸引~立即柯打...一上枱果然對辦對眼~見到兩大舊鰻魚post在飯面~睇落去是原條鰻魚cut去頭尾位再切開兩邊~聞到有微微炭燒味~不過就唔算好香濃突出~但係鰻魚都比預期中厚肉~大口咬下去肥美無骨、魚肉軟綿~超濃醬汁鮮甜而不油膩，混和米飯帶出溫潤香氣~每口飯沾上甜甜的醬汁~😋與肥美的鰻魚一齊吃 ， 啖啖是幸福的滋味~🥰食過此店好多次了~雖然餐單好多選擇~普遍的刺身丼、牛肉蛋丼及套餐等等....如果俾我揀，我會推薦食呢個鰻重~因為份量真係好足夠，同埋冇咁膩服務不錯及衛生意識做得很好~一入去帶位就放下口罩袋給客人~每枱都設有消毒洗手液~職員有心解釋只要在十二點四十五分離坐可享九折叫做早鳥優惠！！！特別一提此店位於商業大厦内~平日十二點前入座非繁忙時間十分寧靜及舒服👍一點後等位就係必然...

*Disclaimer: Small portions given the price.*Ordered two rice dons and a beef udon.Beef udon was sadly cold and a bit bland (not much flavor in the soup), but the other rice dons tasted good.Given the price though, I would have expected more. For the popular butadon, the delivery barely had any pork. I wonder if this was because it was delivery and not dine-in...?Still, was a little taken aback by value for money.

期間限定〔 炙燒和牛丼飯套餐 〕 $98 .炙燒薄切和牛加蛋黃, 飲拌上蛋汁同燒肉汁一齊食真係冇得輸, 牛真係好薄切, 飯係日本米飯, 所以係口感上都唔會輸蝕👍🏻.海鮮茶碗蒸,令成個套餐減分, 好唔新鮮, 係生上, 好大陣腥味, 尤其是個蝦, 真係吐都吐唔切, 浪費左個蛋.(好味指數: 7.5/10)

今日難得出左去觀塘一趟🤣🤣整完甲太餓了個腦完全諗唔到食咩行行下餓到剩係知好啦求其好耐無食丼丼屋因為lunch間間都爆人係呢間咁岩又唔使等太耐住呢間坐係舒服既叫左個雞扒烏冬～之前太餓所以～叫左個一口pancake🤭🤫如果外脆內軟～就好啦😂好似出面買既蛋糕仔零食咁凍實實🤦🏻‍♀️伏左 雞扒烏冬 昆布清湯 梳打水仲好飲過佢🤦🏻‍♀️ 炸雞可能豪大大仲好食🤦🏻‍♀️ 救命啊其實已經怪緊自己做咩入去坐低🤣紫薯認真食左一啖即該放低，甜又唔係，咸又唔係😂究竟咩黎架冰粉定乜鬼野黎？飲曬黑糖水完仲有味噌湯 點解可以連咸都無🤣😭真心貴又愈黎愈差

避開繁忙Lunch hour，2點先去食Lunch，即刻有位坐，但係想食既吉列雞扒就無左我叫左個野菜和牛烏東定食。因為職員戴住口罩，講野細聲又快唔係好聽到，佢講完一次有咩湯底，我聽唔清楚就問多次有咩湯底，佢就表現得有D唔耐煩朋友叫左鰻重（唔食魚，無得試味添）湯好飲，入邊既豆卜好味。紫薯唔知加左D咩落去，唔係單純既紫薯味，怪怪地，唔好食。我個烏東太淋，無咬口，唔煙韌和牛係肥牛黎，不過不失。野菜就係一兩舊西蘭花同幾舊好細幾薯仔同紫木薯（？）。有個甜品，應該係黑糖寒天/Jelly。甜品口感幾好，但個糖水唔得，好似咳水味。跟餐飲品---荔枝茶好飲，唔會太甜，有茶味。野食一般記得之前食過一兩次，資素好好多。今次真係失望。咧個價錢可以係APM有更好既選擇。

琴晚去完街同朋友一齊去APM食飯，突然好想食日本魚生，所以提議去丼丼屋，因為佢啲set唔貴同埋都好好食。每張枱都有一支搓手液，同埋有口罩紙袋提供，服務幾好。而且每張枱嘅距離都隔得幾遠，唔會好侷促👍🏻我叫左個增量三文魚生飯set，有一大碗粒粒魚生飯(有三文魚、甜蝦仔、帶子粒)，有好新鮮嘅牛油果沙律(個牛油果好淋好好味)，仲有唔太甜嘅紫薯(感覺好健康)。麵豉湯就冇乜特別，但係個飯後甜品就係一啲類似蒟蒻咁嘅啫喱，我自己就覺得甜左少少🤏杯餐飲都好味，桃味果汁🍹整體感覺好好，對女士嚟講可能份量多左少少，但食材好新鮮，而且價錢好ok!

每枱都擺放一支消毒洗手液供客人使用，每位客人亦會提供紙袋放口罩，另附上消毒濕紙巾。不是第一次光顧，員工非常有禮貌，工作態度好。今次叫滑蛋豬扒定食，非常好味道，值得推薦。

十二點三入到去無乜人，拿個餐牌，一看少少失望，因為以前係樂富執咗果間丼丼屋d餐好似差好遠，樣子不太吸引，於是求其叫咗個野菜和牛烏冬餐。原來烏冬要選湯底，有清湯、粟米、番茄。我當時仲係度選擇困難，最後選了粟米。餐一來到，無期望所以好驚喜！原來個粟米湯係我最愛的日本果種！唔係hea果d！太開心了！至於牛就真係普通，個綠茶就甜。甜品正！有紫薯、仲有涼粉，一齊食幾好味。一個餐無特價，要加一，盛惠82.5。睇在粟米湯同紫薯分上就抵比咗dd。有消毒紙巾、口罩套，尚算貼心。

依家疫情嚴重，差不多日日留係屋企，旅行又唔得，出街食嘢又唔得😩，唯有睇下之前啲相懷念一下啦，發現原來仲有好多之前食飯嘅相未post，趁著依家有時間，分享一下先😉和風牛肉定食$65囝囝每次黎食都要叫呢個兒童餐，烏冬份量岩岩好，定食有八爪魚腸仔，玉子卷，沙律菜🥗鰻重$98鰻魚夠熱又肥美😋厚切鰻魚配埋鰻魚汁一流，如果鰻魚份量再多小小就好勒我另外再追加輕盈定食玉子卷$25玉子卷甜甜地幾好味😋沙律菜我覺得太乾身麻麻，湯清清地還可以和牛石燒定食$165和牛真係好一般，本身仲諗住追加多一份，因為吾好食所以冇加到，另外佢有南瓜同冬菇配菜，不過石燒完牛肉都燒吾到啲配菜黎食想叫人幫我哋換，但係又見佢哋啲員工好似好唔得閒咁，完全都搵唔到人，結果無燒到

很久沒有去旅行了，決定去一去日本餐廳懷念去日本的感覺。今天嚟咗丼丼屋，一進店，員工就會為我們量體溫，以確保我們沒有發燒，並帶我們入座。每個卡位都有一個屏障，分隔開食客，減低飛沫傳播風險，令食客食得安心，對這一方面的防疫措施我十分欣賞。食物方面，男朋友叫了大阪燒風味牛肉定食，此餐配有薯蓉、麵豉湯、特上刺身和甜點。首先要讚一讚他的大阪燒風味牛肉，新鮮的飯配上沙律醬別有一番風味，薄切牛肉配上燒汁美味可口。薯蓉和麵豉醬就不過不失。特上刺身選料新鮮，有帶子、三文魚和鮮蝦，味道甘甜，非常可口。不過甜品就略為遜色，味道有點像消毒藥水（男朋友說的）🙈而我就叫了我最愛的鰻魚飯食。鰻魚肉嫩滑多汁，厚切的肉配上特製的鰻魚汁和白飯非常可口，我十分滿意🥰另外，亦都有意外的驚喜—千層蛋糕🍰，我覺得超級好食，每吃一啖都覺得好好食，男朋友都食到舔舔脷🤣🤣🤣

睇戲之前想醫飽個肚貪方便就走咗去隔離幾間餐廳度睇見到丼丼屋餐牌嘅賣相唔錯就入咗去試呢度嘅當飯價錢適中晚市連埋嘢飲差唔多$100加錢就可以升級有沙律 麵豉湯食丼飯我覺得一定要配滑蛋因為無論滑蛋配乜嘢都係冇得輸我哋叫咗個滑蛋豬扒丼同滑蛋鰻魚丼豬扒大件夾抵食炸粉又啱啱好唔會話好厚而鰻魚就有少少骨個醬汁我就覺得濃郁咗少少 太鹹不過都係比滑蛋中和返呢一間係睇戲之前快快手食個飯唔錯嘅選擇鍾意食日本料理一定要黎試吓

今日午餐到觀塘創紀之城的丼丼屋， 大概十二點幾到達， 等了一會就有位。我今次就試下黑咖哩牛肉野菜飯$103， 朋友就吃滑蛋吉列豬扒丼$98、 基本定食$18、 熱咖啡跟餐加$5。黑咖哩牛肉野菜飯～甜甜辣辣的味道幾好， 仲有肥牛和薯仔， 因為黑咖哩太好惹味，我一個人清曬成碟飯！芝麻雞翼～ 原先是點玉子， 但店員說沒有玉子，所以轉芝麻雞翼， 口感香口， 食落又唔錯喎！滑蛋吉列豬扒丼～ 吉列豬扒好大塊，酥香又不膩。定食還有沙律、湯和甜品～ 沙律菜新鮮， 麵豉湯熱辣辣的， 甜品是白涼粉， 味道清清地。丼丼屋的食物水準一向唔錯， 但apm這間分店的落單上菜情況比較混亂， 可以改善下就更好。

去開 APM 我經常都會到來丼丼屋食晏，原因係我最喜歡它的滑蛋丼，蛋滑滑的口感一食印象難忘，今次又過來又叫滑蛋吉列豬扒丼食~滑蛋吉列豬扒丼 $98滑蛋好嫩滑好有蛋香味，吉列豬扒厚切大塊，炸得幾好炸粉厚薄適中，豬扒外脆內軟好有嚼口，豬扒已切開若干份食起來方便，蛋汁撈飯好好味，大大碗食完好滿足。 鰻重 $98賣相靚仔但飯量少左連鰻重汁都少埋，鰻魚沒有碎骨，魚肉不夠嫩滑肥美，沒有入口即溶的油脂感，但味道仍然OK。