丸目背脂煮干

營業中

休息中

旺角女人街出名多嘢食，唔同款式的餐廳都有，喺咁多餐廳競爭下，見呢間拉麵店，都有人龍排隊，於是就試試佢。.呢間過江龍拉麵店，走重口味路線，味道偏濃，食完有滿滿的飽肚感，有點邪惡🤭.❥丸目black(黑椒湯)湯底由黑胡椒熬製，配上濃郁香甜的醬油，蝦油，味道帶點煙燻味及辣味，豚腩肉薄薄地，油脂均勻，麵條Q彈有嚼勁，非常掛汁.❥ 海老辛醬背脂煮干沾麺湯底由濃郁的豚骨、海老頭、胡椒製成的辛醬汁，表面有厚厚的油脂覆蓋，第一啖飲落去係濃郁的海老味，慢慢會滲出辛辣味，叉燒大大塊油脂均勻，仲有粒點睛嘅半熟糖心蛋，絕對適合重口味的你。.❥ 靜岡蜜瓜梳打淡淡的蜜瓜香味，不會過甜❥ 靜岡綠茶可樂我比較喜歡這個飲品，味道很清新，淡淡的綠茶香可以中和油膩感

以重口味見稱嘅丸目背脂煮干拉麵係日本過江龍拉麵店， 雖然湯底濃厚味重，但唔係死咸，份量唔多已經好飽。款式亦好多選擇， 有拉麵，沾麵及油麵。今次試左特盛海老辛醬背脂煮干沾麵及丸目BLACK（黑椒湯）拉麵。2款拉麵試左3款唔同嘅豚肉。極推沾麵， 沾麵湯入面有五花腩叉燒，湯頭表面蓋著濃厚的豬背脂油，用大量沙丁魚煮乾做湯底，睇落好似好油， 食落又唔覺， 反而令拉麵更加順滑， 麵另外有2片好似火腿質感嘅叉燒， 煎到咸咸香香，味玉煮得剛剛好， 入口即溶同拉麵好夾。 2款拉麵麵底亦都唔同，配料可以逐款加配， 仲可以配拉麵加飯， 如果大食嘅朋友可以加飯， 沾麵汁配飯一流～通常拉麵店都有一款黑蒜油，但呢間係黑椒湯， 黑椒味好重，豚腩片賣相似肥牛，經過醃製有種甜味，麵底比沾麵更加粗， 掛汁力強。食拉麵配汽水至係爽，鋪頭飲品類似都唔少，揀左靜岡綠茶可樂&靜岡蜜瓜梳打，賣相好似飛左去日本食拉麵咁。

主打特濃豬背脂、魚干醬油湯底本身對拉麵唔算太有興趣嘅我都想試一試依種東京特製湯底拉麵而最驚喜就係超彈牙手工極粗麵！！！配濃郁湯底惹味得黎又有口感🤩🍜海老辛醬背脂煮干-湯拉麵 🦐 海老辛醤ラーメン 小辛 標準130g小妹鍾情蝦湯底，所以特登揀咗望落最濃郁嘅海老辛醬背脂煮干湯拉麵，微辣湯底惹味提升食慾，加埋手工極粗卷麵好match，麵質相當彈牙！而且豚肉叉燒油脂分布均勻，配埋出色嘅糖心蛋，正😋🍜 海老辛醬背脂煮干-沾麺 海老辛醤つけ麺 小辛 標準熱麵除咗湯麵，餐廳仲有沾麵、油麵，當然要試下！未食見到湯底好足料包括慢煮豚肩、炙燒豚腩，初頭見到湯面滿佈油份都有啲擔心，點知食落一啲都唔覺漏，加埋蔥、洋蔥、荀等配料，一啖麵就沾上多種口感，濃味又豐富🤩🍹靜岡蜜瓜梳打 マスクメロンサイダ🍹靜岡綠茶可樂 茶コーラ

最近迷上了吃日本拉麵，雞白湯、鹽味等口味已經滿足不到我🤭，今次一於試試背脂煮干拉麵，不知這間東京過江龍的質素怎樣呢🧐。🍜特製背脂煮干拉麵 ($98)湯頭是用豚骨、豬背脂油(”背脂“)、沙丁魚乾🐟熬出的(”煮干“)及日本醬油熬製而成，材料非常豐富，記得吃拉麵之前先嘗一口湯🥣，整個口腔充斥着超濃的脂香味和魚鮮味。背脂能保持湯汁的熱度，令拉麵不易冷卻。麵條彈牙有嚼勁，幾掛湯，味道比一般市面上吃到的拉麵更加濃郁👍，但一點都不油膩，喜愛重口味的朋友一定要來試試！🐷 濃厚豚骨拉麵 ($88)湯底比背脂煮干熬製的較淡，但都算濃郁香口。配料同樣豐富，包括有厚切豚肉、日式溏心蛋🥚、木耳絲、洋蔥粒🧅等，全部都很入味。麵條口感煙軔，吸上湯汁更加惹味。🍗南蠻炸雞 ($28)炸雞外皮炸得非常香脆，上碟時熱騰騰冒着煙💨，小心燙口。咬下去多汁軟嫩，沒有太油膩的感覺，上面還鋪滿厚厚的他他醬🤤，味道不錯。🍵靜岡綠茶可樂 ($24)起初抱住試伏的心態點這杯飲料，想不到最後竟然有驚喜🤣。當靜岡綠茶配上可樂，兩者味道出奇地夾，可樂的甜味🥤不會完全蓋過綠茶的甘味，加上樽身具有日本的風味，幾特別。後來才發現原來在不少日式超市裏都

平時唔係特別中意食拉麵，因為好多拉麵淨係加兩塊豚肉就完左，我覺得唔抵食但呢間有驚喜到我，話說係朋友仔中意食拉麵，我就同佢去試下。我叫左呢碗丸之拌麵🍜，相當足料，塊肥豚係相當大塊，都唔簿身，幾有份量，隔離配一塊瘦啲ge, 都相當長身大塊，一肥一瘦夾住食。配菜仲有相當份量的泡菜，荀，菠菜，葱花同埋紫菜，加上魚鬆，配上拌麵，味道口感都豐富左，加埋隻蛋黃係中間，提升左拉麵的幼滑度。朋友就叫左海老辛醬背脂拉麵，唔好睇少佢，原來都幾辣下，好彩我地叫左靜岡蜜瓜梳打解下辣，有蜜瓜的香，汽水的甜。

特登來試吓此店因為呢閒拉麵湯底主要以豬背脂油為主題，係香港真係少之又少，配方是用上大量特選的豚骨、豬背脂、大量沙丁魚乾熬出的「煮干」和指定日本醬油，每一口都富有濃滑脂香和隱隱的甘香魚鮮，但感覺不會油膩客人可隨喜好選擇麵條嘅軟硬度同脂肪數量，最勁可以揀5倍脂！背脂粒粒愈多，層次愈豐富呢!🔸特盛背脂煮干沾麵🔸唔好睇呢款沾麵嘅湯底唔係太濃稠，因為湯底係用背脂煮，所以味道亦非常濃郁，充滿甘香油脂味道，湯底裏亦有大量角煮豚肉、香蒜蓉🧅、蔥、椰菜，拉麵係扁身粗麵，口感彈牙有嚼勁，每款面都有兩片肉，薄的是鹽味慢煮豚肩叉燒，肉質非常軟綿；厚的則是炙燒醬油豚腩叉燒，帶爽勁和濃汁、糖心蛋及紫菜🔸海老辛醬背脂煮干湯拉麵🔸除咗用背脂做湯底之外，仲有埋日本總店名物 - 海老辛醬背脂煮干拉麵，呢款湯底用嘅秘製辛醬加入咗大量日本產蝦頭炒製，蝦鮮味濃，加入大量木耳增加口感，一樣有兩片肉，豚肩叉燒及炙燒醬油豚腩叉燒，好有誠意的拉麵店👍🏻🔸飲品🔸烏龍茶日本Suntory生啤🍺

見到openrice啲review唔錯，樓面光猛乾淨所以就入去喇。第一次黎所以嗌最classic嗰碗 背脂煮干拉麵試試佢先，上枱幾靚仔，不過第一啖湯已經係暖唔係熱。湯底除左喊就食唔到其他味了。叫左硬麵ok的不過唔掛湯。溏心蛋出色。叉燒有奇怪味。小食炸雞ok總結十分滿分會俾4.5，我覺得嘥左個quota食佢。之前啲食評話什麼係日本的味道呀，如果呢碗野有日本味道既話我諗我同大家既理解有些少出入。一上枱無影相，食到最尾食唔哂所以留個紀念

🌸特製背脂煮干拉麵拉麵系扁身粗麵，彈牙又有口感。湯頭上面覆蓋左一層濃厚既豬背脂油，目的系為左拉麵唔好咁快冷卻，湯中亦有洋蔥粒中和魚介湯頭既甘味，亦有木耳豐富口感、蔥花增加香氣，配兩块唔同既叉燒同一隻溏心蛋。🌸（特盛）特製背脂煮干沾麵沾麵湯相比起平時食開既冇咁濃稠，但味道亦夠濃味，相比起湯拉麵更加重口味，沾麵湯入面都有大量叉燒粒粒。不得不大讚呢度既溏心蛋，簡直完美，蛋味濃，真實肉眼望落去都系金黃色閃令令，完美控制熟度。🍹靜岡綠茶可樂第一次見綠茶可樂覺得好得意🤣味道冇太大既驚喜，就系比較淡少少既可樂～

我一向都好鍾意發掘唔同嘅拉麵小店，今次嚟到位於旺角通菜街嘅「丸目背脂煮肝拉麵」，整體口味比較濃郁，適合鍾意重口味嘅朋友✨✨✨.❤️特製背脂煮肝沾麵（特盛）沾麵湯底非常濃厚，入面有大量豚角煮，麵條可以掛汁，每啖都食到好濃郁嘅湯底，但係食完唔會覺得油膩，因為入面加咗少少柚子中和油膩感👍🏻另外值得一讚糖心蛋做得幾出色✨✨✨❤️丸目Black呢款係黑椒湯拉麵，湯底同樣係非常濃郁，黑椒味道好濃烈！.📍 丸目背脂煮干 (旺角)旺角通菜街74號地舖

背脂拉麵，係一個日本好傳統嘅拉麵方式，喺日本亦都非常流行，但係香港就得呢一間，所以睇咗好多YouTube之後就過嚟一試！特盛背脂海老沾麵一道非常傳統的日式拉麵料理。10分正宗，有冷麵同埋熱麵選擇，所以我會揀冷麵更能食到麵嘅口感，由於係特性嘅關係，所以材料非常豐富，慢煮豬肩肉，叉燒，叉燒粒，筍，糖心蛋！糖心蛋係完美嘅牙膏狀態，而且非常入味，比起好多大型嘅拉麵舖都好得多！至於最重要嘅湯底方面，由於加咗大量嘅脂肪嘅關係，整到成個湯非常濃厚，由於係咁我都叫咗碗白飯，同佢一齊食，非常好食🔥🔥丸目BLACK拉麵（黑椒湯）由於朋友唔想食太油，所以點咗呢一個冇背脂嘅拉麵黑椒湯底絕對是一種非常獨特的日式拉麵風味。濃郁醇厚的湯頭,帶來深厚層次的味道。配上Q彈有勁的麵條,雖然冇大量嘅脂肪，但係湯底一樣咁濃厚，如果真係非常重要嘅黑椒嘅朋友，枱面上面你可以落更加多嘅黑椒😋😋😋靜岡綠茶可樂能夠將日本著名的靜岡綠茶與可樂這種西式飲料融合在一起,實在是一個十分創意的組合。

來自東京都東久留米市嘅背脂煮干拉麵店🇯🇵豚肉脂肪？聽落好似好重口味，點知味道好受落喎😎❤︎ 特製背脂煮干-湯拉麵招牌背脂煮干拉麵，湯頭以豬背脂同魚干熬製而成，味道好甘醇🍜麵條方面夠曬粗身，口感Q彈有勁，鍾意‼️而豚肉叉燒亦有兩款🐽腩肉油脂豐富，香氣逼人，而肩部肉質軟嫩同更為鮮甜❤︎ 海老辛醬背脂煮干-湯拉麵基礎湯底上再有辛辣嘅加入，令拉麵食落更刺激同汗流🤣配料方面都係好豐富嘅，尤其喜歡個溏心蛋😍蛋黃Keep到好靚嘅半流質狀態，而且夠曬入味

驚訝了！平日光顧，還是下雨天，還錯過了飯點，店前竟仍有數枱食客排隊等位😣好彩朋友遲到，排得黎就岩岩好～首先，挺欣賞，坐位空間舒服，貫切日本不用搭枱的文化。以前不太喜歡食拉麵，因為麵硬，油膩，食兩啖好快飽，經常吃剩好多。但丸目背脂煮干拉麵下單時可以選擇麵的軟硬度，十分貼心，分量亦是剛剛好👍🏻完全唔洗擔心浪費。今次同朋友都試左招牌既特製背脂煮干，一個係湯拉麵，一個沾麵。湯拉麵湯底清爽，沾麵湯底會比較濃郁。兩個麵既配料都十分足，重點肉質軟嫩，不干柴。特製背脂煮干-湯拉麵背脂、慢煮豚肩、炙燒豚腩（特盛）特製背脂煮干-沾麵叉燒角、背脂、慢煮豚肩、炙燒豚腩試左兩種特色飲品，個人推薦蜜瓜梳打🍈，好想蜜瓜味😋綠茶可樂🍵蜜瓜梳打🍈

旺角通菜街重口味拉麵！今次來到東京拉麵店過江龍－「丸め背脂煮干」！其拉麵湯頭表面蓋著濃厚的豬背脂油，能在寒冷的天氣保持拉麵的溫度，拉麵以重油及重味而出名。個人覺得背脂煮干味道比一般拉麵濃厚，是相當重口味的拉麵，能否接受因人而異，大家不妨可參考一下我以下的食評。① 丸目BLACK (黑椒湯）拉麵 $108🔹丸目BLACK 是以黑椒湯底製成的拉麵，聞的時候沒有黑椒味，但飲湯的時候吃到黑椒的椒感即刺激感；湯底用上大量特選豚骨、豬背脂、大量沙丁魚乾熬出成「煮干」湯頭，再加入指定日本醬油，經過足足三天熬成，所以湯底望落去似「蛋花湯」，背脂像雪花般四散在湯的表面，味道一般拉麵湯底油膩；選擇了硬麵，麵條有咬口；② 牛腸韭煮干拉麵 $98 🔹牛腸裡面是粉粉的，像在吃粉腸；腸底看著較丸目BLACK (黑椒湯）拉麵的清淡，但味道上感覺這比較油，有點像醬油湯底加牛內臟混合的味道；韭菜和芽菜份量不少📍丸目背脂煮干 旺角通菜街74號地舖

朋友知我向來好驚脂肪，專登帶我黎呢間拉麵店克服佢🤣原來係一間東京拉麵過江龍。餐廳名的背脂煮干好特別，原來湯底係用左濃厚的豬背脂油，可以係冬天保持拉麵溫度，湯底超級濃厚😆餐廳主要係用分三種食法，湯麵，沾麵同油麵。湯底除了背脂煮干之後，仲有海老辛醬同黑椒湯。🍜特盛海老辛醬背脂煮干沾麵材料豐富，有海老辛醬、背脂、蛋、叉燒角、紫菜、筍、蔥、生洋蔥。沾麵醬入面有好多背脂，仲可以根據自己喜好，加錢叫鬼脂(3倍),脂地獄(4倍)🤣 背脂軟淋，油香十足！湯底超級濃味，除左有油脂香，仲有甘香魚鮮味😋最令我驚訝係食落吾會覺得油膩！怕肥的我都食得晒🤣🍲丸目油麵(拌麵)呢個麵條已經經過調味，咸咸香香。另外有菠菜，泡菜，葱花，有小小韓式風格。慢煮豚肩超好食，肥瘦比例好岩我，食到肉濃脂香👍🏻🌟餐廳環境係滿滿的日系和風，仲有電視播住日本節目，晚餐時間一瞬間就坐滿晒人😲今次呢個油脂初體驗真係好滿意🤣

喺旺角行完波鞋街好想食拉麵，於是喺通菜街遊走，最後揀咗呢度，因為門面好有日本拉麵小店嘅感覺❤️ 入到舖更加覺得似快閃咗日本一轉😍🍜 (特盛）特製背脂煮干-沾麵鍾情重口味嘅一定要試😍湯汁加咗背脂，令湯底更香濃杰身。拉麵軟硬度適中，有咬口得來唔會好硬，掛滿濃郁湯汁後真係好惹味，叉燒角好入味嫩滑，配菜仲有糖心蛋、慢煮豚肩、炙燒豚腩，好足料豐富👍🏼🦐海老辛醬背脂煮干-湯拉麵有3個辣度揀，老公為咗就我就叫咗小辣，湯底有香濃蝦味，加埋少少辣真係好正，推介🍈靜岡蜜瓜梳打蜜瓜味好濃但又唔算太甜，好似食緊蜜瓜味雪條😍 好飲👍🏼🍹靜岡綠茶可樂汽水雖然比較甜，不過同綠茶味又幾夾，幾得意去開旺角嘅話，推介大家去試吓呀❤️