丸作食茶 (禮頓道)

營業中

休息中

黑糖珍奶開到成行成市，但邪惡程度實在不適宜我呢個中女經常飲了⋯打風前夕趁仲有機會買杯番去慢慢嘆，但心大心細唔知揀乜好，想放縱下但又怕太內疚，係店員推薦下試左西柚水果茶，唔係我平時既選擇，但事後一d都無令我失望！首先西柚肉係超多！而且唔係散收收既現成果肉，有幾塊直程半「kai」西柚肉咁，好有誠意既作品。茶底味唔濃，係用蜂蜜調味唔係加糖漿糖水，清甜又健康，非常消滯！大杯裝都好大下，買左番屋企飲左成晚最後當食生果咁食晒終於搵到個黑糖以外可以滿足到我飲野既需求，最緊要係好健康好解渴。值得一讚係店內哥哥仔態度好好，就算就打風都唔會hea or趕住走。比起渣甸街果幾間打仗似的服務，呢度絕對值回行多兩條街既功夫。

公司樓下開咗好多間珍珠奶茶，今日就去丸作朝聖一下，發現佢哋有大杯裝size可以選擇。而且仲有好多唔同嘅丸子選擇，例如寶貝丸，聖誕丸，黑糖丸，白玉丸，菊花丸，焦糖丸，仙人掌丸，黑芝麻丸，蕎麥丸，可可丸等等，款式真係好多！原來呢間鋪頭仲有其他分店， 今次就試吓銅鑼灣呢間先！我試咗杯黑糖珍珠牛奶加芋泥，調配員好悉心地問我仲洗唔洗無糖小糖等等。珍珠煙煙銀銀，加埋芋泥，未到10分夾，又有口感👍🏻丸作油油綠果汁味重，唔會好甜，好友夏日繽紛色彩嘅感覺。#丸作食茶

大熱天時，行到熱辣辣，最好就是來柸冰凍飲品！🍹店舖左邊會見到有職員正在打造小丸子。右邊就是高枱，打卡位呀，放飲品啱洒！有多款小丸子選擇，今次揀了菊花丸，因為夠清，清中帶點菊花香！這是期間限定的「丸作柚柚綠」，最愛柚子的酸甜味覺，加了蜂蜜，好清新！邊飲邊o趙小丸子，在炎炎夏日帶來冰涼感，好爽呀！好多柚子肉沉底，到飲的時間就會啜到很多很多西柚粒！後悔冇加多幾款丸，店員很細心的讓我試了黑芝麻丸，好香呀！黑芝麻味非常特出，下次可以點，加入飲品中一定好正！

和J食完lunch, 天時暑熱，行過丸作食茶忍不住要入內買杯嘢飲解解渴店內竟然有一個珍珠制作室， 珍珠在店內每日新鮮製作，標榜沒加防腐劑和無添加物，真是食得安心又放心十款珍珠色彩繽紛燦爛， 每一款都有不同味道， 頗具心思Menu分類細緻，有House Special, Brewed Tea, Milk Tea, Fruit Tea, Brown Sugar, Latte和Creative Mix，真係令人心大心細， 唔知揀邊一款好最後C揀左焦糖珍珠黑洞拿鐵，我就揀左宇治抹茶白玉宇治抹茶白玉(M)~39*無糖*奶蓋($8)*少冰來自日本靜岡抹茶，透出淡淡幽香，茶味濃郁，加上底層的鮮奶，帶出細緻柔滑的口感，match埋咸咸甜甜的奶蓋，真是滋味無比白玉珍珠晶螢Q彈， 滑捋捋又有咬口，好清新焦糖珍珠黑洞拿鐵$34* 微糖* 少冰*加大($2)以台灣四季春(青茶)再加入竹炭粉和焙茶粉而成，青茶比綠茶味濃，混入鮮奶令口感更順滑，茶香奶香加上微甜的焦糖珍珠，真是非常美味

去完中央經過見呢間飲品店好多人，咁熱就買番杯消暑。餐廳飲品種類都算多，茶類、水果茶、拿鐵、黑糖系列都有。珍珠仲有多款選揀！黑洞拿鐵（加配焦糖丸）見到個名咁型，就叫黎飲。夏日炎炎，俾多幾蚊揀左大杯裝。.首先賣相非常靚！見到頂層黑暗慢慢侵吞中層既白色...結果加上外來力量幫助（即係我搖佢），變成灰色了。一杯野飲好似藝術品咁....咁究竟黑色頂層係咩呢？其實係抹茶+竹炭粉。而白色果層係鮮奶。.加埋底層淺啡色既焦糖丸，一咬外層軟滑，中間煙靭，好好食。呢杯飲品既好睇又好飲！.我朋友就揀左水果茶丸作橙香綠（加配草莓丸）.又係一杯好靚既飲品。底層係新鮮橙肉，中層係淺粉紅色既草莓珍珠，加埋綠茶，好清新既水果茶啊。.食完珍珠後覺得好好食！同我飲開既有分別，一問之下原來手作珍珠全部係店內製造，珍珠肯定新鮮。唔怪得呢間店可以有咁多款珍珠俾客人任揀啦！

在行銅鑼灣期間，見到哩間有丸作，炎炎夏日，真的忍唔住想再去買杯飲下，店舖職員四眼哥哥真的好用心介紹佢地的飲品，又有笑容，真的好難得香港仲有咁好的服務，我地分別點左抹茶白玉同埋黑糖珍珠紅茶latte，黑糖珍珠紅茶latte（加黑芝麻珍珠） 抹茶白玉黑糖latte茶味香濃，黑糖味出，珍珠好咬口，黑芝麻珍珠味道唔錯，一整杯飲真的好滿足。抹茶白玉朋友點左哩杯，抹茶味香濃，白玉珍珠好食，最重要是綠茶唔會好甜，飲完唔會有死甜的感覺！最開心是，加大都是2-3蚊，但一整杯我地飲完都唔駛食飯，好飽。整體感覺丸作食茶真的值得一試！

最近天氣好似火爐咁又熱又焗，行下街都忍唔住要買杯飲品黎降下溫，經過丸作食茶，忍唔住買番杯嘆下～系列都唔少，有黑糖、果茶、奶茶同Latte等選擇，總有一款岩心水！最重要係原來佢有好多款唔同口味既珍珠選擇，又幾特別，七彩顏色既珍珠又幾吸引～因為選岩時間，唔洗點排隊，店員介紹佢地店既主打同茶類分別，平時飲呢d台式飲品我自問都多，不過店員樂意介紹獨特之處比我，的確係第一次👍丸仨冬瓜檸檬🍋：可以自選三款口味珍珠（白玉、菊花、仙人掌🌵）冬瓜檸檬口味較酸，岩我唔太鍾意甜既人，珍珠顏色好靚，平時見大多數黑珍珠，可以自己選擇口味，又幾正！菊花同仙人掌都推薦，珍珠好煙韌，咬落分得清味道，菊花好香，仙人掌酸酸甜甜！口味幾特別！殿堂級黑糖珍珠鮮奶：黑糖紋路清晰可見，珍珠同樣煙韌有咬口，奶味超濃，配埋黑糖夠曬香滑！其中有幾款珍珠丸係期間限定，未有機會試到，下次再去希望撞岩限定日子啦🤩

丸作食茶- 十色手作珍珠珍珠奶茶最近風靡全港，夏熱炎炎，當然要飲一杯冰凍的珍珠奶茶，今次的飲品店非常特別，是可以欣賞現場即叫即製的珍珠，而且珍珠款式眾多，平時要時間選擇飲品口味的你，停一停等一等，因為你要更多時間選你心水的珍珠。丸仨醇奶茶海量珍珠的奶茶，珍珠份量足足沾滿半杯的奶茶，在十種手作珍珠中選了原味的白玉丸、清熱的菊花丸、和微甜的焦糖丸，奶茶茶香奶滑，少糖不會太甜，珍惜不會死甜，而且質地煙韌。丸作柚柚綠清新的水果茶，以新鮮的原個柚子製作，酸酸的柚子配上冰凍的綠茶，當中有柚子的果肉，一咬開果溢出，令水果茶味道更出，也令口感增加。

炎炎夏日特別想喝凍飲解暑，經過銅鑼灣時丸作食茶，忍不住又要來一杯。飲品款式超多，還可自選少冰、走冰及甜度，選擇夠靈活。珍珠款式一共有十款口味之多，將食物當成天然色素，色彩繽紛又有新鮮感。珍珠均是即日在店內新鮮製作，不含防腐劑、不含添加物，打破了珍珠由工廠大批出貨的模式，飲得更放心。今次就點了兩杯茶飲 - 黑糖珍珠黑糖奶茶及黑洞拿鐵，兩杯都選了少冰和微糖，所以亦不會過甜。黑糖珍珠黑糖奶茶 $33以黑糖造成的掛杯效果，撞上奶茶後變成深啡色的紋路，賣相絕對夠「IGable」。飲前可把杯身上下搖晃，黑糖帶有微微的炭燒焦香，茶香和茶味俱全，奶和茶融為一體，口感順滑，黑糖珍珠下得夠足料，質感粉糯QQ，富有嚼勁，同時滿足喝與嚼的小確幸。黑洞拿鐵黑芝麻珍珠 $32黑洞拿鐵以青茶作底，然後再加入焙茶粉和竹炭粉組成，倒入鮮奶拌勻時會出現黑白雲石漸層效果，賣相搶眼吸睛。搖勻後就變成了冷酷型格的炭灰色，質感厚滑富乳香，滲出焙茶的含蓄焙煎茶香，還額外加了$6選配黑芝麻珍珠，口感煙韌彈牙，就像在吃芝麻糕般，麻香四溢。

飲極唔厭，其中一間我最鍾意嘅珍珠奶茶🥰🥰🥰呢度既黑糖珍珠奶茶係我至愛，茶味夠而且好香，半糖夠哂甜🤩重點係丸子每日鮮製夠彈牙❤️ 今次嗌咗凍飲，凍飲因為有冰，所以味道相對地會變淡少少，所以我都係鍾意叫返常溫，保持茶味同奶味平均，唔會太甜更加好飲。黑糖珍珠鮮奶，奶味夠重，適合奶愛好者🥛黑糖味好香，呢杯叫凍飲好，因為飲完唔會覺得好飽，冇咁漏，相當唔錯。.呢度嘅丸子真係好煙韌有咬口，都係我鍾意呢度嘅珍珠奶茶原因之一。

近期除左出草莓🍓系列外，仲有西柚/橙水果茶🍵，作為丸作忠實fans梗係要試下啦 🌟丸作柚柚綠 $40🌟成杯飲品滿滿的西柚肉，有人可能怕太甜會肥，寧願酸啲都叫少糖半糖。但其實唔洗咁擔心，因為甜度係由蜂蜜調成，我自己覺得多啲都唔怕 😂😂 所以好放心食柚肉唔怕酸🤪另外加配左白玉珍珠同仙人掌珍珠，因為柚柚綠有西柚味、綠茶味，唔洗再靠珍珠帶出其他味👍🏻 反而揀冇味同微微酸味仲夾！主要都係想有咬口🤪雖然以台飲黎講，價錢算中上（尤其係其他飲品都比較抵嘅情況），但飲完會覺得值嘅 🥴唔少得要讚熱情嘅收銀哥哥（？）😂 好細心解釋/介紹飲品

同事成日都推介呢間飲品店的珍珠，今日就聽佢推介食完飯黎呢度買番杯！飲品都幾多款式，奶茶、拿鐵、茶加奶蓋都有，近排仲有水果茶👍🏻👍🏻👍🏻👍🏻👍🏻 珍珠真係一個重點，珍珠係店製作，有個位可以睇下店員點整☺️ 而且味道都好特別未試過，例如新出的士多啤梨珍珠、聖誕珍珠🤔點了醇奶茶+芝麻珍珠+焦糖珍珠 - 奶茶味好香， 真係想講呢兩款珍珠， 味道好出， 一咬芝麻、焦糖味爆出，好好味😋😋😋😋😋今日唔舒服無得飲凍飲🤨唯有飲杯熱啦，竟然珍珠仍然是珍珠！係一pat野，仲係咁有口感！ 果然同事無推介錯！ 係咁窄的街卷，店較闊，等飲品就唔洗係街度迫😉

銅鑼灣一條街可以有四五間手調飲品店，可見競爭真係非常激烈，試過唔同店之媭就會發覺各有特色，有台式、港式、日式，最緊要係岩自己口味，有啲店既賣點在珍珠，連珍珠都有上十種選擇今次飲丸作食茶既手調飲品，就係珍珠上有好多選擇，其實間間店既餐牌都差無幾，但店員有心機介紹每類飲品既分別，呢度真係做得幾好，至少我知道邊類奶味較濃，邊類係用奶精，邊啲就茶味較出最後我就揀左black tea latte配黑芝麻珍珠，珍珠好多選擇，有較清，有較濃，黑芝麻同black tea latte 好襯，落單時店員溫馨提示呢隻本身偏甜，所以甜度可要較淡的珍珠有質感，不會好似膠珠

食飽飽午餐，但經過見到又想飲返杯肥仔奶xppp經過見到又未試過......我就即刻化身魔鬼，拉埋朋友入去陪我試除左有regular meun之外，仲有d新款飲品同夏日限定啵！！！呢度仲有樣特別既地方，就係有唔同口味既珍珠可以選配我就睇中左黑糖系列既肥仔奶，要左杯“黑糖珍珠奶蓋奶茶”HKd$41而朋友就要左杯夏日限定既“丸作柚柚綠”HKd$42，佢仲加左錢要期間限定，既草莓珍珠添我杯奶茶都幾rich,要左全糖都唔會好甜，而黑糖珍珠既黑糖味都好出，整體都唔差！而朋友話佢個杯飲落好fresh，因為柚子有小小澀，所有同甜甜地草莓珍珠都幾夾，佢都幾中意呢個配搭

陪妹妹去中央圖書館查資料，完事後步出圖書館，大大的太陽當空照，被溶化的感覺呀！妹妹即刻扭計，“我要飲珍珠奶茶啊！”雖然唔係好願意，又飲？好肥㗎！妳飲我冇得飲又唔得，見住佢飲我又會想要飲，點搞呀？面對佢嘅軟硬攻擊，十萬個不願意都輸咗。向銅鑼灣方向行過幾個路口，就有間丸作食茶，近近哋匿咗入去唞個涼先～他們家的珍珠都是現場做的，落地玻璃相隔的一小部分空間裡，有製作機器，看到有位姐姐戴著手套揀珍珠，原來因為機器製作珍珠的大小可能不一樣，所以需要肉眼辨識後才能使用，心思和時間的付出，才造就一口美味的珍珠。客人不是很多，我們就趁著排隊的空檔，先把丸作溫習了一下，牆上和桌邊都有介紹他們家的產品，不過我還是有點選擇困難症，幸好到我們的時候，店員還是不厭其煩地給我們細心介紹了一輪。妹妹當然食從一而終地選擇了珍珠奶茶，每份飲料都可以選擇糖量和冰量，這一點非常重要，可惜嗜甜的妹妹還是選擇了正常份量，也就是最甜，由於黑糖珍珠黑糖奶茶不是我的，所以很榮幸地擁有一口，感覺那珍珠不會很硬，軟Q軟Q的，沒有機會很認真地喝到，於是我問妹妹：“好喝嗎？”“好喝，甜，但不會太甜，奶味不會太重，茶味剛好。我鍾意啲珍珠啊，好好