丸作食茶 (禮頓道)

營業中

休息中

是日掛住「丸作食茶」嘅珍珠～由於地點唔就腳，專登留左時間快快食完正餐去買！-💥黑洞拿鐵（$26）+焦糖珍珠（$6）餐牌上好多飲品我都睇得明，唯獨係尼個「黑洞拿鐵」，中文名完全睇唔出係咩黎，我都好好奇黑洞係咩味！英文menu就好似寫住Hojicha black tea，咁我諗，伏極有個譜掛。就咁望住杯野，好多人都會問，係咪黑芝麻飲品黎架？ nonono，我飲唔出芝麻味，但焙茶味好出，帶有少少竹炭嘅味道，兩者都冇俾奶掩蓋，正！配上焦糖珍珠，一濃一甜嘅配搭都幾有feel，怕甜又想有咬口嘅朋友可以加白玉珍珠題外話：未搖勻之前，見到漸變層同啲雲石紋，真係幾靚。但搖勻後，同行朋友話好似落雨地下啲污水⋯⋯即係咁，野食同人一樣，都唔可以淨睇外表！唔試，又點知佢係好飲定係伏🤪

Give me more drinks – more energy – more motivation!!-好想知道如果呢個世界無左對甜味既觸覺,究竟會點?想像下你食既野只有苦又會點?實在太無人生意義啦!可能你唔會明我講咩!但甜野係我追求美食當中其一重要元素!係絕對唔可以忽略既!要活得精彩!第一樣就係追尋甜味既樂趣👇-📌殿堂級黑糖珍珠鮮奶 - $32👉要找尋甜味既源頭!最簡單就係珍珠奶茶裡面搵得到!想要幾甜完全由自己控制,你鍾意幾多份量既糖由你自己決定!呢間丸作見人去飲得多!今日終於一試!都唔錯WO!珍珠可以比你簡唔同既質地同味道!我自己比較鍾情於原味既黑糖珍珠,無試到其他,鮮奶入口唔會好重奶精味,甜度我要左少糖,唔會太甜!呢個價錢算幾抵!原本想試多款既!無奈我朋友係都要跟我飲同一款!咁無計啦!

位置有點偏，不近地鐵站（是在聖保祿旁邊）但都有好多人光顧，點完即時整，所以要等候我同朋友去一人點左一杯飲，share試下味🔶丸仨冬瓜檸檬 $29入面會包含三種丸，焦糖、仙人掌、白玉珍珠因為見到菊花丸，好想試下清唔清甜所以將焦糖丸轉左菊花丸平時都係食開黑糖珍珠，估唔到珍珠都可以有咁多款菊花丸真係好清甜、仙人掌就無乜味硬硬地、白玉珍珠反而幾煙韌，不過都係無乜味檸檬味已經蓋過晒啲淡淡珍珠味係酸既，不過我中意檸檬酸，識飲係咁飲🤩🔶殿堂級黑糖珍珠鮮奶 $32珍珠果然好味好煙靭，黑糖味都好足，鮮奶都好足料好香濃的鮮奶味！呢一杯一定要飲👍🏻

在台灣人氣高企的丸作食茶，香港也有分店，主打手作珍珠，珍珠口味有焦糖珍珠、白玉珍珠、仙人掌珍珠、黑芝麻珍珠、黑炭珍珠等，味道十分特別，珍珠的口感是較有嚼勁的那種，不是粉圓口感的那種，軟硬適中。黑糖珍珠黑糖奶茶 $33建議少糖或半糖，全糖有點過甜，黑糖紋的奶茶，茶味出，黑糖味重，每粒珍珠都有黑糖味，珍珠煙韌有咬口。莓果醋飲 $23又酸又甜的感覺，十分清新的飲品，莓的味道沒有太出，可加珍珠，但若不喜歡醋不建議點。

今日去完香港中央圖書館借咗幾本書，心思思想飲凍飲。於是同朋友走咗去「丸作食茶」，試下佢哋嘅皇牌「殿堂級黑糖珍珠鮮奶」。 店員好心思細密，同我講記住要搖匀佢先好飲。味道好似拖肥糖，好黑糖味，珍珠qq。朋友嗰杯係丸仨冬瓜檸檬， 含有焦糖、仙人掌及白玉珍珠。 朋友話真係飲到冬瓜味同埋檸檬味，果然係真材實料。珍珠好得意，有不同顏色。佢哋話自己係唯一現場製作珍珠， 可惜我嚟嘅時候，冇人喺度製作珍珠。如果唔係就可以拍攝佢哋嘅製作過程，來個直播。

銅鑼灣-丸作食茶：蜂蜜菊花茶（$25）+菊花珍珠（$6）-去完跑馬地，行番出圖書館，經過呢間見到好多人排隊，一望入去見到好多日文😂但原來是台式飲品店，仲係鼎鼎大名的丸作食茶，聽就聽得過，但因為位置唔在大街，平時無經過就無試過，咁今日難得一遇，就梗係要試下。舖頭有個位間左間玻璃房，放左部製珍珠機，不過我去的時候沒開動，既然呢度出名既係珍珠，咁一定要試下珍珠啦，有好多款選擇，幾特別！最後我揀左菊花珍珠，好似好清熱咁🤣，所以就揀埋蜂蜜菊花茶去配個珍珠。我揀左微糖3分甜同1分冰，飲落有點似紙包低糖菊花茶，但佢係有幾朵菊花飄係面，珍珠佔了超過1/3杯，勁足料，口感非常煙韌，有菊花味，而且是甜甜的，覺得呢杯作為飯後甜品也不錯，飲完一杯都幾飽。作為一個煙韌控，呢度個珍珠係令我滿足既！-PS. 店員好有禮同好好服務，好難得在咁忙既飲品店工作仍然保持到咁好耐心啊

丸作在銅鑼灣開業多時 各區都有分店 ！我印象最出名就係自家製特色丸子 芋頭珍珠等 顏色好繽紛撞岩仲可以見到即場製作🌈.黑糖珍珠紅茶拿鐵 用鮮奶製成 比用奶精更能夠飲到茶香 ☕️半糖甜度剛好 黑糖香濃 珍珠彈牙軟熟 👍🏻👍🏻 會再試其他飲品 .

成個銅鑼灣都係黑糖鮮奶，偶然飲下係幾好味，但我都係鍾意飲最原始嘅茶！每次經過買雞蛋仔都必定去丸作手茶買返杯飲下🤤🤤🤤舖頭前嘅行人路夠闊，排隊等候的位置唔會好擁擠👍 店內亦有位置供人等候飲品，很貼心！最近天氣開始熱，就揀咗一杯新出嘅蜂蜜菊花茶，同樣可自由選擇甜度和冰量大大塊菊花浮喺面，底層仲有好多珍珠，消暑解熱又健康！冬瓜檸檬一向係我嘅最愛，冬瓜甜加檸檬酸好匹配，加上有三種顏色珍珠，非常吸睛！價廉物美，係夏天消暑又健康飲品嘅選擇🤤🤤

🔻//創意手作珍珠篇//🔻記得17年平安夜黎飲排左好耐隊，之後都怕左黎😂今次專登揀個非繁忙時段黎，所以等候時間較短😌丸作既特色係有11款味道珍珠任君選擇!! ————————————————————1️⃣黑糖珍珠鮮奶 $32 (4/5)估唔到又幾好味！👍🏻黑糖味好出，配埋鮮奶簡直係perfect match🤩不過珍珠浸喺熱既黑糖汁導致淋左少少，唔夠彈口整體是不錯的😝2️⃣蜂蜜菊花茶+白玉丸 $30 (4/5)整體黎講幾好飲好清新！🌼有下火嘅感覺不過叫左微糖都有少少甜當日菊花丸賣哂，轉左白玉丸，好好咬口，唔粉！最重要係入面真係有菊花架😂

丸作食茶相信好多人都有飲過，佢出名就係手作珍珠。仲記得佢啱啱開舖嗰時有師傅即場現製珍珠，不過近幾次去都已經見唔到了。丸作食茶其實已經飲過好多次，因為佢好多野都好好飲，可以mix&match，而且珍珠嘅選擇多而且軟硬度適中。今次就飲左尼2樣：1. 黑糖珍珠鮮奶 （$32）⭐️⭐️⭐️⭐️黑糖珍珠鮮奶一般來講冇得輸，其實好多台式飲品都用緊明治鮮奶，所以分別就在於黑糖嘅味道同珍珠嘅軟硬度。基本上唔使擔心佢珍珠會失手（基本款） 🥴 就算冷熱飲放耐左都唔會淋到就熔或者硬度似食膠。至於佢啲黑糖唔會過甜，而且可以選擇甜度，唔似坊間指定甜度冰度。2. 阿薩姆茶加菊花珍珠 （$22）⭐️⭐️⭐️丸作食茶嘅茶底我覺得係台式飲品入面算好果批，若淨點阿薩姆茶我會比五星，不過佢啲菊花珍珠有啲不似預期🤷🏻‍♀️今期特飲有菊花系列，可能佢整啲珍珠嘅時候冇落好多糖（其實係健康啲嘅），所以啲菊花味都偏淡，而且有菊花渣，咬嘅時候口感差啲。因為佢定期會有新口味嘅珍珠推出，我都係會再回頭的 🥴

香港要找新奇的小店很難，所以特別推介一下吧。這店很特別，重點在於其珍珠，因為除了飲料味道有不同口味，新鮮製的小丸子已不是沉悶的小黑丸或小白丸，而是有好十幾種選擇的天然味道和色彩。每次飲都可以換不同口感，今日去的時候眼見姐姐人手揀選新鮮製作純天然珍珠，更創作出不同口味，這堅守職人精神的飲品，非常用心製作。我想店主在色彩與味道上花了一番功夫去配搭吧，所以不喜歡吃傳統小丸子的我就最適合了, 很喜歡吃這丸子🍡是非常非常煙un 。珍珠奶茶的主角「珍珠」，小巧圓潤，口感煙韌，還有特別的鮮味飲品可供選擇，我今次係飲黑糖珍珠牛奶，連珍珠都係黑糖味香甜可口，極力推介，而且牛奶🥛味足夠。但謹記搖勻才喝，不然喝到一半後覺得太甜膩。

有三間分店嘅丸作最近大熱，成日都見到銅鑼灣店大排長龍，今日等左15分鐘先至買到杯飲品，佢嘅主打飲品係仙人掌珍珠拿鐵，今日終於都飲到啦！仙人掌珍珠拿鐵係用紅紅地色嘅珍珠，加上鮮奶，綠茶，味道清淡香甜，我覺得最好食係呢間親手製造嘅珍珠，見到佢有一部大嘅珍珠雞每日新鮮製作，絕不添加防腐劑，塑化劑，感覺好健康，唔似食橡膠。珍珠果然細細粒好好味，咬落去好爽丫丫，下次一定要再試吓其他，朋友話佢嘅冬瓜茶都好好味。

自從D乜乜堂興起，呢期風狂地鐘意飲黑糖珍珠奶茶，今日經過禮頓道丸作，門外好多人等緊，原來呢間就係手作珍珠，我我知坊間好多係機制珍珠，食落去好膠，亂作嘅珍珠係特登由台灣運入嚟嘅製造機，由人手親自製作，好新鮮呢！珍珠選擇亦多，大概有10幾款，有用黑芝麻造成、朱古力味、呢啲特別嘅味道，不過咬落去味道唔算濃厚。店子嘅選擇亦多，我特登點左黑糖珍珠奶茶，黑糖味濃厚，奶茶用鮮奶做，甜度適中，珍珠特別有咬口，果然同出邊嘅冇得比，超推介！　

銅鑼灣開咗好多間手搖飲品店 雖然新聞話好服飲一杯 但都係忍唔住哈哈！！珍珠奶茶控！！比想像中唔哂等好耐 都沖得好快 價錢都合理 如果唔飲得甜可以啊佢少甜 珍珠好有口感！見佢仲有好多其他口味 想試哂佢添！3,4月開始熱 係飲凍珍珠奶茶嘅季節 減肥留返下年先做吧哈哈！其實對珍珠奶茶冇乜特別追求，但呢杯覺得幾好，一定會再黎飲啊！！

我在當天的17：27分下單，當時我在銅鑼灣站F1 出口剛出站，好快就行到店舖，到店舖既時候app 才剛顯示“準備中”，我玩下電話，再睇下店舖既餐牌，等左十分鍾，眼見比我遲來的客人（店內下單的）都己經拿到飲品離開，我就show 我的openrice 訂單比員工，問佢地我果杯有得攞未, 當時佢地話泥加好忙，要我等多一陣先有得攞，當時我見佢地有單“大生意” 一口氣要沖二十杯飲品，我就不好意思打擾佢地，只好企埋一邊等。等多十分鍾，我越等越唔對路，眼見店裏面原本有十幾二十人，泥加只有五六個人，收銀員都係同客人講話要等5-10分鐘而已，而我，見到剛下單的客人又拿到飲品了，就只好繼續refresh openrice 個app，睇下攞得未，點知都仲係“準備中”……當時我都等左20幾分鍾，同佢app 顯示的17：58分有得攞差唔遠，我費事麻煩員工，繼續企係一邊等……等到17：58，個app 顯示有得攞了！我馬上走到取飲品處取餐，點知個員工竟然唔係比杯沖好左既飲品我，竟然係同cashier 講，“你睇下openrice 張單啦！個客等左好耐啦！” 當時收銀果個因爲冇客，先係枱底搵番我張單出泥，開始打單，貼