丸作食茶 (禮頓道)

營業中

休息中

店名: 丸作食茶 地址: 銅鑼灣禮頓道138號希雲大廈地舖銅鑼灣站F1出口，行5分鐘環境: 4/5價錢: 4/5味道: 4/5天氣咁熱🥵☀️當然要飲番杯凍嘢，食返碗冰燒吓燒，丸作食茶最新推出雪花冰，食次就同朋友去試吓😙紫薯燒芋頭奶茶❤️❤️❤️❤️$43店員建議嗌無糖，因為本身配料比較甜，點咗無糖甜度啱啱好😋滿滿嘅紫薯，溝埋奶香十足嘅奶茶，入口順滑，消暑一流😝揀咗黑芝麻珍珠，咬落去有粒粒芝麻咁，黑芝麻味十分濃，煙靭軟糯😗芋頭雪花冰❤️❤️❤️❤️$43雪花冰入口陣陣芋頭香😚加上先再淋口口面蜜嘅上奶蓋，入口唔會過甜，夏天食返碗，透心涼之餘又解暑🥵

丸作最岀名就係佢哋嘅招牌自家製珍珠，款式多又特別，每次都搞到我選擇困難症發作🤣不過分店唔算多，所以我每次經過見到嘅話都一定會買😎▫️手炒黑糖奶茶山 ($42)夏日炎炎見到佢哋岀咗冰品真係抗拒唔到！雪花冰有3款，黑糖奶茶味入面有仙草，仲可以自選珍珠同配料各一款，我就揀咗白玉珍珠同椰果🤓雪花冰好綿滑，係入口即化嘅質地，奶茶味好香濃，唔係就咁淋啲奶茶醬係面嗰種，而真係成個冰都有奶茶味‼️店入面有幾個位，可以坐低慢慢食同涼吓冷氣😆▫️黑芝麻珍珠黑洞拿鐵 (大杯$40)想試岀面好少見嘅芝麻珍珠所以揀咗呢杯，珍珠夠曬煙韌，芝麻味好重，好似食緊芝麻湯圓咁🤤試食價只要$42就食到咁高質嘅雪花冰😍大家經過嘅快啲買嚟試吓☺️

陪女兒去銅鑼灣交收，天氣悶熱，剛好經過禮頓道，見到一間茶飲店，正好給我們消暑解渴。丸作食茶來自台灣的手搖飲專門店，特色是現場製作珍珠，並以食物為天然色素，配搭出不同口味嘅茶飲。飲品有分中杯或大杯份量，亦可選擇糖度和冰量。黑糖珍珠牛奶：濃濃的黑糖香搭配上鮮甜的鮮奶與軟Q的黑糖珍珠，帶來獨一無二的口感體驗。新品雪花冰系列：有三款不同口味，揀咗芋頭雪花冰，選用優質芋頭加入牛奶製成，口味香濃綿密，再配上仙草、奶蓋，豐富咗口感和味道。

再訪依間用心製作嘅茶飲小店😋❤️ 今次佢哋新推出咗雪花冰系列😍 一共有三款口味，包括芋頭、宇治抹茶同埋黑糖奶茶，全部都勁吸引😚🌟 🐧 今次㨂咗手炒黑糖奶茶山🥴❤️ 雪花冰堆疊成山一樣高，好大份超抵食😍 一旁附有大量嘅仙草同埋珍珠，好足料超有誠意🫶 雪花冰入口即化，每一啖都充滿濃郁嘅奶茶香😚 與滑溜溜嘅仙草同埋煙韌彈牙嘅珍珠一齊食，滋味無與倫比👍 㨂多了一杯粉嫩迷人嘅草莓奶昔❣️ 飲落冰涼又順口，鮮奶嘅醇香與酸酸甜甜嘅草莓好合拍❤️ 味道甜而不膩，頗為清新，夏日消暑解熱啱曬😘

聽聞呢間手搖店所有珍珠都係自家製，喺香港真係少有👍🏻，喺炎炎夏日🌞，除咗飲手搖飲品，最重要當然要食埋雪花冰啦，呢間丸作食茶可以一次過試到2款夏日必食嘅野，一於去幫襯吓🤩❣️重工宇治抹茶雪花冰 $42由於冇晒紅豆，所以就揀咗白玉珍珠 ，仲有芋圓同仙草，白玉珍珠同芋圓相當煙靭，好有咬口，不愧係自家製😋，雪花冰冰底相當有誠意，唔係得個面有味，而係成個冰底都有濃濃嘅宇治抹茶味，有驚喜👍🏻❣️黑洞拿鐵黑芝麻珍珠 $40呢個堪稱為生髮必飲手搖😂😂，成杯飲品由上至下都充滿黑芝麻味，上面係黑芝麻拿鐵，下面嘅珍珠都係有黑芝麻元素，每粒都食到濃濃嘅黑芝麻味🤓👅好味度：8（10分滿分）自家製嘅珍珠同芋圓真心有驚喜，好有咬口，啱晒啲鍾意口感煙煙韌韌嘅食客，而且佢嘅用料絕對唔揸流攤，喺咁熱嘅天氣推介試佢哋嘅雪花冰，為自己降一降溫

天氣勁熱，行街都忍唔住一定要買杯飲品，經開銅鑼灣我就去咗丸作，見到佢有樣新產品，就係雪花冰，有三隻口味，有我最愛嘅宇治抹茶，咁就坐低食一食。重工宇治抹茶入面有仙草，紅豆，白玉珍珠，雪花冰口感綿密，宇治抹茶味道香濃，雪花冰入口即溶，仙草Q彈，紅豆香甜，白玉珍珠煙韌可口。殿堂級黑糖珍珠鮮奶自家工作製作珍珠，珍珠粒粒飽滿，煙煙韌韌，口感有咬口，黑糖味道香甜，鮮奶香濃。

不經不覺夏至來臨，比起端午節炎熱得多。今日約左朋友出銅鑼灣行街同食好西，行到出晒汗🥵，就梗系要買番杯手搖降溫！結果發現丸作食茶新推出雪花冰系列❄，新品推出就同朋友一齊trytry！😋😋 ⦁芋頭雪花冰 $42正因外觀吸引，就在重工宇治抹茶、手炒黑糖奶茶山、芋頭雪花冰中挑選芋頭口味。等待同時，坐在吧枱位置觀看着店員製作雪花冰，十分治癒🥰🥰！紫色的雪花冰上面佈滿奶蓋以及仙草，口感綿綿，層次感十足！  ⦁丸作水果紅茶 $41以新鮮水果搭配濃郁的紅茶🍹，入口可以感受到水果的酸甜，與紅茶的醇厚回甘交織在一起，層次豐富。內含話梅、柑桔🍊等，飲落清爽解暑，好岩夏天飲👍🏻👍🏻！  

生活中需要一點甜🥰黑糖珍珠紅茶拿鐵🧋最愛珍珠夠煙韌～～啖啖嘅黑糖味略嫌茶底唔夠濃，飲落唔算好rich 紫薯燒芋頭奶茶💜呢杯又幾有驚喜。超多芋頭粒！飲落勁rich！估唔到仲有芋圓添～不過咁啱今日冇哂芋圓，轉左珍珠！超有咬口，珍珠嘅焦糖味好濃！📍 丸作食茶 地址: 中環擺花街54號新豐樓地下2號舖電話: 26502777📍 丸作食茶 (禮頓道)地址: 銅鑼灣禮頓道138號希雲大廈地舖電話: 37052504#中環美食 #香港美食 #沙田美食 #打卡cafe #珍奶控 #台式飲品 #銅鑼灣美食 #大圍美食

這間台灣連鎖飲品店聞名於自家制珍珠，聲稱「世界首創 ~ 即場製作珍珠」，店內有個制作室，放滿了制珍珠儀器，即叫即制珠。眼見好似好犀利咁 wow ! 我 都 5 執 書, 嚟食下呢度 d 珠。首先，我嗌左紫薯燒牛奶 Large Size $43 + Oreo $4, 呢個價錢已經包了一份珍珠。珍珠有四款味道 ~ 白玉、蕉糖、仙人掌、黑芝麻，任均選擇。我就選了蕉糖味，味道濃鬱且比起一般珍珠較為軟腍和容易咀嚼。而珍珠配埋紫薯燒牛奶一齊飲，味道非常夾。因為呢度嘅飲品實在太好飲，我多買了一杯「丸作水果茶」($41) + 仙草* ($6) 拎返屋企飲。呢款飲品可以讓你自選紅茶底或綠茶底。今次我就選了紅茶底，茶味很香濃。在Pic. 5 我開箱左呢杯茶，圖中可清楚見到入面有 d 乜生果，有蘋果、橙、菠蘿......仲有一粒 (5係生果) 話梅。總括然而，杯飲品甜甜酸酸味，非常開胃，「超正」!*= 涼粉#丸作 #丸作茶食 #茶飲優惠 #銅鑼灣 #大圍 #中環 #石門 #人氣茶飲店 #香港珍珠奶茶 #香港手搖茶 #手作珍珠 #香港探店

而家天氣咁熱，出街一定要買返杯野飲先得🤣🤣今次同大家介紹呢間台式茶飲店🇹🇼 —「丸作食茶」 ，小店主打不同口味的手作珍珠，有好多選擇～各位珍珠控必試！！🍹百香果茶 $37✨呢個係佢地新出的飲品！茶底有4款，我就揀咗綠茶～～綠茶茶底清香，百香果味道酸酸甜甜，果香濃郁！另外仲加咗白玉珍珠($6)，可增加口感👍🏻👍🏻🍹仙人掌珍珠綠拿鐵 $36✨賣相好靚！仙人掌珍珠以天然仙人掌汁製成，口感Q彈煙韌，帶點酸甜味～～綠拿鐵口感清爽，啖啖綠茶香🍵！果然係佢地的招牌飲品之一😋😋

呢間「丸作食茶」巳經飲過幾次，但之前都係飲珍珠奶茶為主，今次想試吓其他口味嘅飲品😋所以叫咗紫薯燒牛奶同珍感凍蜜桃果茶😆✨紫薯燒牛奶第一啖飲巳經覺得紫薯同鮮奶原來好match！飲落又唔會太甜，啲紫薯好足料同超級香呀！不過飲完好飽，飽到唔使食飯哈哈😛✨珍感凍蜜桃果茶飲完覺得蜜桃味好香甜，而且飲落茶味仲夠哂香濃！珍感凍飲落覺得質感好得意，仲可以一路飲一路食珍感凍，夠哂有口感呀😝

星期日和老公經過丸作食茶，手搖飲品癮發作，於是買了兩杯大杯來喝。這家主打現場手作珍珠，飲品可以選冰量和甜度，店家建議選半糖以下。丸仨冬瓜檸檬這杯甜冰和冰量是固定的，不能自己調整，雖然不能調整，但甜度剛好，不用調整也好喝。夏天喝上一杯冬瓜檸檬，既清爽，又解渴，配上三種珍珠，有得咬，而且珍珠煙韌彈牙。宇治抹茶白玉選了半糖少冰，半糖也很夠甜，不喜歡甜的，可以選半糖以下，喝得到抹茶味道，整體是抹茶牛奶的味道，不錯。

這間茶飲店早前在其他分店試過印象很深刻珍珠有超級多口味🧋有焦糖珍珠、黑芝麻珍珠、可可珍珠等等口味新穎而且幾煙靭天氣特別炎熱☀️經過又發掘下其他口味吧✩‧₊丸三冬瓜檸檬（少冰）（M: $32）🍋一款飲品有齊三種珍珠珍珠控必點內有焦糖珍珠、仙人掌珍珠和白玉珍珠白玉珍珠味道不太出但特別煙靭焦糖珍珠甜味自然仙人掌珍珠微微甜味道比較淡但整杯飲料超有咬口冬瓜檸檬甜度固定清甜解渴💦建議慣常點開少甜的朋友不要點微冰或無冰✩‧₊丸作水果茶（紅茶、無糖、去冰）(L:$41)水果茶底可選紅茶或綠茶水果配料無偷工減料🍎🍊🍋除了蘋果和香橙片外更有不少菠蘿粒粒幾好吃🍍雖然點了無糖但水果茶自帶甜味味道調得剛剛好水果茶只有大杯選擇喝完一整杯超級飽肚🤣

丸作食茶 算是一家銅鑼灣大球場附近比較有久的飲品店每次經過都是急急忙忙💨💨💨這次終於有機會進店光顧一下茶飲店會因應季節推出新產品今期5月主題是「沁涼夏日 」有水蜜桃🍑 百香果產品充滿果甜蜜味.
茶飲店有製作室現場製作珍珠 確保新鮮.⋆_ᴛᴏᴛᴀʟ ᴏʀᴅᴇʀ__ ⋆ 🍧桃桃沙冰水蜜桃果肉搗碎成冰沙亦加入了四季春茶湯 帶茶香配上仙人掌丸 添加口感仙人掌丸 竟是粉色 都幾特別.🧃冬瓜茶甘甜十足 味道甜而不膩清爽口感

成日經過都見到呢間珍珠奶茶喺度整緊珍珠覺得好得意！有唔同口味嘅珍珠😝夏天真心想每日一杯手搖🥵去開銅鑼灣又想發掘下新口味就揀咗佢🥳見到有紫薯鮮奶😍會配埋一款珍珠我揀咗小芋圓😆我鍾意佢啲丸夠軟糯！煙煙韌韌超好味！紫薯同鮮奶好match唔會好甜😋飲完勁飽肚！中午飽到唔使食飯🥹黑洞拿鐵黑芝麻珍珠🖤珍珠真係有芝麻味❤️‍🔥黑芝麻鮮奶都好正🤤我覺得走糖甜度啱啱好😜中環、石門、大圍都有分店喔🙉經過可以一試～