丸作食茶 (禮頓道)

營業中

休息中

丸作食茶 冬天終於過去天氣漸漸熱喇特別係中午時分有時真係熱到出晒汗食完飯就岩曬去買啲凍飲爽一爽今日經過銅鑼灣就俾7彩顏色吸引住原來係珍珠真係好靚好吸引於是就入去睇吓茶類款式超多唔在講連珍珠都有咁多選擇真係有選擇困難症嘅朋友可能要揀成個鐘先有得飲-******************************-🔅仙人掌珍珠烏龍奶茶 $26🔅紫薯燒芋頭奶茶 $35我個人就非常鐘意紫薯燒芋頭奶茶紫薯同芋頭容非常多仲要加埋芋圓粒真係非常滿足呀芋圓煙靭有咬口不過我就覺得少甜都已經好甜仙人掌珍珠一樣咁煙靭同好咬茶味唔錯不過正常甜度就偏甜咗少少-******************************

今日又想飲珍珠奶茶，行過呢間丸作，未買過黎飲，就試下啦。我叫左黑糖珍珠黑糖奶茶。記得搖勻先好飲，d糖沉底。珍珠份量中等，但係好煙韌，甜度就夠啦，黑糖奶茶都好滑好香，同埋我本身都中意飲黑糖奶茶，好有台灣風味。呢間舖係香港的分店唔多，但係飲落我覺得比其他多左一種清新的感覺，飲落唔會太膩。

丸作食茶係我最愛既手作珍珠店，咁岩今日係銅鑼灣做完野，特登行過黎禮頓道買返杯解下渴。丸作食茶既珍珠都係當日於店內新鮮製作，咁大家就自己飲用得更放心更安心～每次見到個餐牌都要揀一輪先得，實在太多選擇啦～～最後揀左初摘茉莉綠，丸作食茶仲可以自選冰度同甜度，為左健康著想，揀左完全去冰同微糖，加HK$8就有兩款珍珠 – 可可珍珠&草莓珍珠。兩款珍珠均甜度適中，煙韌有嚼勁，可可珍珠有淡淡既朱古力味，而草莓珍珠有清甜既士多啤梨味～

三樣野~ 1. 一試愛上~首要推介~ 丸仨冬瓜檸檬2. 佢地有每日自家鮮造、無添加防腐劑的手作珍珠3. 店員, 親切有禮, 對各飲品/珍珠 慢慢解釋整體都好好, 整體都好好

丸作食茶自問自己唔係一個好喜歡珍珠奶茶/珍珠果茶既朋友仔因為覺得走甜後 杯野仲係好甜咁點解我會介紹丸作食茶第一: 佢走甜就真係走甜第二: 佢既手制珍珠真係好正, 特別係芝麻珍珠, 好似食緊湯丸咁所以真係真心推介!!!

奶茶店開到成行成市每次決定揀邊間黎飲都好頭痕🤣知道丸作新出咗水果茶🍓鍾意飲水果茶多過珍珠奶茶嘅我決定黎trytry佢🤤✨丸作柚柚綠 $40 依度嘅水果茶分別有橙香綠同柚柚綠鍾意西柚嘅我毫不猶豫揀咗柚柚綠🤣係有超多果肉!!! 差唔多有成三分一杯果肉勁開心🤣好fresh好開胃我揀咗微糖就有啲酸 建議大家揀半糖🤔同埋真係好大杯 兩個人share都ok😚✨宇治抹茶白玉 加大 $33 抹茶類嘅飲品我個人最睇佢嘅茶味🍵依杯野飲正中下懷😍因為佢係有回甘嘅抹茶味 唔係普通綠茶牛奶同埋佢地嘅招牌 - 珍珠 都無令我失望其實佢地有十款珍珠 白玉晶瑩剔透 煙韌得黎唔會好似平時啲珍珠咁好快濟😗同埋唔會係死甜味 平時唔太好珍珠嘅我都幾鍾意🤣丸作真係有好多款飲品奶茶乳茶水果茶咩都有😳好想再黎試佢地新出嘅milkshake同髒髒茶🤤

一號風球之下雨又落唔出又熱又焗, 見到間丸作即刻買番杯野飲涼一涼先! 入到去先見到原來左邊間房係珍珠製作室, 有d驚訝香港咁貴鋪租竟然都用依個空間黎特登做珍珠! 望下counter個menu就知道點解, 淨係珍珠都有10款, 仲要有幻彩色, 唔怪得要特登整個工作室! 而飲品選擇都好多, 又有夏日推既特飲,最後我就揀左宇治抹茶白玉, 可以走甜小冰, 岩哂我依d怕太甜既人店入面有小bar枱, 抖抖涼陣冷氣先😂抹茶味好出好濃, 因為走左甜所以更加飲到佢既純香, 白玉就好煙韌好好咬, 手造果然係有一定水準而且都幾多, 每飲一啖都會食到珍珠。

銅鑼灣引入台灣的丸作食茶，以每日鮮造、無添加防腐劑的手作珍珠主打，生產公開透明，環境衛生乾淨，看得見吃進肚的健康。丸作橙香綠 （少冰/無糖/白玉珍珠）本人最喜歡鮮果茶，店員推薦橙香綠，新鮮嚴撰鮮橙果香鮮甜配綠茶。茶湯順滑，入口生津，味道清新中帶甜橙香。白玉珍珠煙韌彈牙，份量超多，建議若果怕飽肚的朋友可點單時選擇少珍珠，避免浪費。蜂蜜檸檬冰沙(左) (少蜂蜜/白玉珍珠）朋友點了蜂蜜檸檬冰沙，大讚入口清爽涼快。蜂蜜中和了檸檬酸味，更顯甘甜。銅鑼灣分店雖然距離地鐵站有一小段距離，但四處食店及商舖，喝一杯逛店舖還是很爽的。

【每日新鮮現做手作丸子 特色茶喝】丸作食茶 | #中環珍珠款式一共有十款口味之多，將食物當成天然色素，色彩繽紛又有新鮮感。中環店同樣有自製丸子機，可以邊等邊睇住製作過程。1⃣宇治抹茶白玉丸子抹茶latte 奶味較重 飲後仍有抺茶的香味充斥住口腔 白玉丸子比珍珠偏林 但仍然彈牙 2⃣黑糖珍珠黑糖鮮奶紅茶拿鐵濃濃的黑糖為latte 點綴了佢的甜味 半甜的紅茶latte 保留了茶的苦澀味 不會太甜太濃 加上彈力十足的珍珠 配合得宜人

經過銅鑼灣嘅「丸作食茶」見到師傅現場制作丸子嘅過程見到好多圓咕碌嘅丸子喺部機碌出黎畫面超治癒 即刻入去買杯試下-🥤丸作柚柚綠 加白玉真．西柚➕綠茶底🍵啖啖西柚肉, 健康清新又消暑消滯😌-佢嘅自家制丸子有成🔟種咁多大路嘅白玉丸⚪️黑糖丸⚫️〰️有造型吸睛👀嘅寶貝丸聖誕丸〰️有菊花丸、黑芝麻丸、蕎麥丸亦十分特別🙋🏻‍♀️-我就揀左味道比較百搭嘅白玉丸⚪️比一般珍珠大粒, 入口滑捋捋😗咬落成粒都好均勻地煙韌🥺(有時食完珍珠會覺得個胃頂住頂住......依度嘅丸子我飲晒成杯都唔會有頂住嘅感覺‼️)-下次我要再試其他味嘅丸子🥰-

呢間舖頭飲過好多次啦。去過銅鑼灣嗰間，亦都去過中環嗰間。尋日喺銅鑼灣去開 shopping，順便嚟咗呢度飲嘢。我叫咗佢個冬瓜檸檬加一種珍珠。由於當日去已經冇咗季節限定嘅菊花珍珠，所以我就叫咗仙人掌珍珠。成杯嘢飲酸酸may may，唔係淨係得啲糖水。佢仲有少少檸檬肉。成杯嘢飲落去好清新。仙人掌珍珠有少少甜味，令到杯飲品亦都多左少少甜味，非常之夾非常好飲

丸作食茶是來自台灣過江龍，由一開店大排長龍，到現時開了幾家分店，必定有過人之處。炎炎夏日再到訪，因心中掛念他們的手製珍珠，珍珠均是即日在店內新鮮製作，不含防腐劑、不含添加物，打破了珍珠由工廠大批岀貨的模式, 或用了不明成分，飲用時來得放心。有不同口味的特色珍珠供選擇，如仙人掌珍珠就將仙人果汁倒在麵粉糰，用機器攪拌後再人手搓, 再到另一台機器將粉糰變成粒狀, 過程認真，看到不禁被吸引著。看到餐牌，花多眼亂，竟有有多種款式選擇。黑糖珍珠抹茶拿鐵 （髒髒杯系列）$32店員介紹黑糖珍珠也是有名的，黑糖珍珠掛杯再混奶，造成吸晴玳瑁紋路。我點的是微糖少冰，抹茶味香濃厚醇，微微甘香，亦沒有蓋過奶味。 味道適中不過甜，質感順滑。喜歡珍珠質感粉糯QQ的，富有嚼勁, 黑糖味香，邊喝邊嚼賞出與別不同的美味。丸作柚柚綠(L) 配草莓珍珠 $40另一杯點了水果茶，西柚加綠茶，茶清加入點點蜜糖帶出甜味，西柚肉頗多，吃到啖啖的西柚肉，柚肉帶甘，配上草莓味甜甜的珍珠，中和了西柚的甘味。 好清新好合適夏天喝呢！單張上寫上 一生懸命，將最好的堅持下去。意思是堅持專注、把事情做到極致，用生命在守護自己所看重的東西，小店

前日同朋友喺中央圖書館溫完書之後，就向銅鑼灣方向行。見到呢一間珍珠奶茶店，就諗起好多朋友都曾經向我介紹過呢一間店舖因為佢啲珍珠好多唔同款口味選擇，所以我就同朋友一齊走咗入去，買一杯嚟試吓啦！我同朋友各自帶咗一杯，我自己就帶咗一杯焦糖珍珠黑洞拿鐵，而朋友就嗌左一杯黑芝麻珍珠綠拿鐵啦！我偷飲咗朋友個杯試咗一試，味道唔係好甜，而且佢嘅黑芝麻珍珠口感真係好特別，同平時嘅珍珠口感有啲分別佢比較軟身，而且會食到一啲芝麻粒。而我個杯就非常之特別啦，一開始送上嚟嘅時候，係分咗兩層嘅顏色。店員都好貼心咁樣，叫我飲之前要攪勻杯野。我淨係上下搖左兩下，成杯野就已經變咗黑色。唔好睇佢個樣黑黑地咁，但飲落其實真心好飲！講下佢啲焦糖珍珠先，唔會好甜，而且亦都有淡淡的焦糖味，係非常特別嘅味道。相信下一次我嚟到，都係會再帶返呢一杯野飲🤣

今日係銅鑼灣做完gym後再次路經這間台式手搖店，見到佢做緊推廣，新推出大杯裝。（只需加$2/$3，視乎個別飲品）因為我已經飲過幾次，唔想重複，店員於是好有心機咁問我大概喜歡咩口味，想飲奶類還是水果類，我見最近都落雨，唔係太熟，最後選左杯焦糖琥珀拿鐵。拿鐡即用鮮奶而不是奶精，所以奶香都重，而琥珀本身偏濃味，微苦，所以餐廳選擇左加上焦糖令手搖唔會飲落有苦澀滋味。我仲加左$10要左三款珍珠，分別係可可、白玉同仙人掌。基本上係分到唔同的味道的，白玉最煙韌、仙人掌其實係荔枝味道、而可可的朱古力味好濃。

夏日炎炎，行親街都好想飲冰涷嘢，之前試過中環丸作食茶覺得好飲，今次決定encore試新飲品。除咗新出嘅「丸作柚柚綠」吸引我之外，即製嘅丸子，期間限定唔同口味嘅丸子，同埋Jiwoon 嘅banner都好吸引❤️朋友order 無糖紅茶拿鐵珍珠，店員介紹呢一款茶味會重啲。我就揀咗「丸作柚柚綠」配菊花丸子（微糖）。首先我杯果茶大大杯，一眼就望到好多柚子肉同丸子，一口啜入，粒粒丸子、柚子肉同綠茶分別先後入口。柚子肉唔會酸，菊花丸子清香。朋友俾咗一啖我試，紅茶拿鐵用鮮奶冲，奶味香而不濃，帶出紅茶茶底香。另外丸子就俾咗啲甜杯茶，咬口較軟。遲啲仲有聖誕丸子，期待中！最後要讃店員詳細介紹，thanks!