世記上海麵店

營業中

休息中

居住大埔關係，及在附近工作，經常都會到大埔街市食野，幾年前起搬左新街市後，由升降機出黎入去玻璃門前都會諗定食咩，入到玻璃門都未諗定的話通常都會直入去到蘇記同世記果邊，避開一入玻璃門就係度爭客係咁問你幾多位呀，坐係度丫既幾檔。久而久之，去世記食豬扒河既次數都多左大埔街市有兩檔豬扒河，一間東記一間世記，經常都有人將兩間比較，在openrice食評較好的是東記，但我就比較鍾意世記。本人覺得世記既豬扒水準幾唔穩定，有時唔夠熱，有時太多粉，但好既時候就會好味得很，豬扒軟淋淋，脆漿脆卜卜，所以真係又愛又恨。而河粉與湯及食材的水平比較穩定，至少我食左近廿年都唔覺得有一次水準係差。而相比東記，東記豬扒沒有粉漿，較實但常常可以保持是熱哄哄的，保持水準，高但不算是出色，而食材就比世記味道明顯差。近這個星期兩次都係約兩點半去，因為避開午飯的人潮，但兩次都賣完河粉。個人喜歡河粉較多。

叫左個炸醬面+炸豬排+淨雲吞=好好味~~呵呵勁好味炸豬排,又大大塊不過個炸醬太太太咸了雲吞都爽ar~~呵~~

今日買左一碗豬扒粗麵返歸食，其實街市里面，東記同世記都係差不多，所以選擇邊間都冇所謂，今日碗豬粗麵($23)一碗麵有兩大塊豬扒，店員會預先幫你切到豬扒一件件，等食客唔駛食得咁「論盡」，有時呢d仔細功夫係會令食客再次惠顧原因之一。味道方面，豬扒不嬲都餣得不錯，不過真係頗油膩，所以要將件豬扒放入湯中去油...食一碗，可以飽上大半天！

係同一天食完林記點心既排骨飯，再叫埋以前讀書時每個weekend 必吃的炸豬扒+酸辣上海粗麵。同樣要等成15-20mins，估不到現在水準變化如此大，豬扒不熱不脆，肉與脆皮係分開左仲要係(淋)了。以前等成半個鐘先有得食都試過，都未試過咁差，唔通真係不復當年!

要去世記食野真係要好有耐性等位: 15-20分鐘+ 等野食:30-40分鐘(我只係試過星期六、日去)我相信佢有咁多人幫襯，全因為佢好抵食一碗麵(炸菜肉絲、雪菜肉絲、竹荀肉絲、牛腩、雲吞、炸醬)+ 一碟炸豬扒/ 炸雞翼都只係22蚊(以前只係20蚊添)而且佢d 豬扒同雞翼份量都幾多、同埋炸得好香口我本人亦都好鍾意食佢o既炸醬不過而家可能佢真係太忙令到d 野食o既質素變得唔穩定我今次去食，d 豬扒就有d 凍，d 麵又煮得太熟所以要睇下你好唔好彩喇o里度有d 相http://eat-together.blogspot.com/2008/03/sai-kee.html

見到欽記太多人，於是到咗世記食我最鍾意嘅酸辣雲吞豬扒米線。。豬扒熱辣辣，好好味！配酸辣湯底一齊食，真係一流享受～～（雖然自０８年１月１日已加價至＄２２一碗，但食客都一樣咁多！最少要等成２０分鐘至有得食。。）

昨天星期日途經大埔, 諗起雜誌介紹過大埔墟新街市熟食中心有好嘢食. 咁就一於去啦. 到達后. 見到人山人海. 每張枱都有人等位. 巡左一個圏后. 決定食li間豬扒面. 叫左: 1) 竹筍肉絲河配豬扒($20) 2) 牛腩河($15) 豬扒好味, 熱辣辣, 有肉汁, 牛腩有驚喜炆得好入味,好食. 加埋一杯凍檸樂. 好滿足呀!**嚟li度食要有有耐性等. 因為我等位等左10分鐘, 等食物等左25分鐘.加埋食嘢時間剛好50分鐘. 我諗平日嚟應該會好d.

本身住呢區所以都成日食最正我覺得係- 牛腩豬扒米線($20) ←必食推介牛腩有成4至5舊,D豬扒又香又入味呢度既面好似毒品一樣!!試一次會上癮!!其實D份量多真係好多我一個大男人都食到濟晒女仔可以兩個SHARE 一碗應該岩岩好20蚊一碗咁足料可以話係全大埔最抵不過20蚊就唔包野飲野飲另叫6蚊汽水,凍奶荼,檸茶9蚊其實呢間同東記既質素都好接近對我黎講最大分別係世記有牛腩,東記有牛根大家都黎試試吧!!

呢期放緊大假，每天都與姐姐媽媽到呢到開餐，當然世記都有試吓啦，論味道，ok咋，因為我叫咗個雞翼雲夻河，雞翼係炸到好脆口嘅，不過就太過咸啦，連我食得咸都覺得偏咸，所以呢，一般咋！但論份量呢，就真係好抵啦，廿皮，大大碗，雖然係雙併，但雞翼有五隻咁多喎，抵呀！

經過長跑比賽，肝臟的醣原消耗得七七八八，人是又餓又累。跟幾位跑友齊齊去樓上室內運動場的更衣室洗完白白，就拉隊來熟食中心開餐。炸豬排，平時已少吃，但不知何解，此時又極想吃，在這裡，可去東記，可去世紀，望左一輪，見這裡的賣相及份量都較吸引，就一個人來了這邊。左望右望，叫了豬排米線，加一杯熱咖啡。這裡跟東記一樣，炸豬排跟湯米線或麵是分開上的，有兩塊豬扒，切開有近十件，擺滿一碗，份量頗多，真的二人分吃也足夠。雖然是雪藏豬扒，但用蒜頭及五香粉醃得入味，不大覺有鬆肉粉的痕跡，亦不覺韌。同意樓下Oli所言，絕對是即叫即炸，炸粉不厚，熱辣香脆，也很美味。剛好腹餓如鳴，轉眼已吃了一大半，以這個平價來說，吃絕對吃得過。米線及湯底吃落清清地，與熱氣的炸豬排正好配合得到。炸豬排米線20蚊，熱咖啡8蚊，都吃得過的。見佢有45蚊一盒的淨炸豬排，斬起一盒滿滿的，看見也相當的開心。下次有機會會試埋東記，比較一下。題外話：「醣原」之說，只是一個大吃大喝的藉口而已。

今日出開圖書館溫習, 下午3點, 好運的話應該仲食到東記的豬扒, 垂不知東記太好生意, 唯有走過世記。這兩間同類食肆, 其實一早想試埋世記的虛實, 今日正好。點了豬扒雪菜米線, 等左好耐, 相信好多人都係同我一樣由東記走過來(至少同我同檯的師奶就是)。掌淥麵檯的是男人, 一淥完麵就習慣地將張單掟上碗麵度, 我愈睇愈驚... 俾d衛生好無?麵的碗太細隻, 我另外多叫了一碗湯, 將米線一分為二, 我實在忍受不到少湯的。雪菜食得出是街市一樓的貨色, 跟東記同我屋企的quality一樣。不過世記的處理就不夠好, 太鹹之餘沒多條肉絲。豬扒一睇就失望, 炸粉甩皮甩骨, 醃味跟東記相類似, 但係唔夠前者鬆化同肉味唔夠濃。湯都係太鹹。仲有, 菜心, 同檯的師奶有, 情侶有, 係我果碗無! 哎!清潔的亞姐, 抺檯時只撿起大件的骨, 細件的骨同牙簽就隨意掃落地... 平心而論, 此豬扒米線味道是過得去的。只係大大間東記在前, 兩者又十分之相似, 難怪我咁做。因為味道不突出及衛生方面的陰影, 應該無下次。

好耐之前食過一次都覺得ok, 但今日再食真係完全唔得呀! 可能今日上午11時無嘜人, 行埋位未坐就問你食嘜, 食了一小口發覺d豬扖凍冰冰同淋bebe, 同個女侍應講第一次, 佢淨係話:係咩,好凍呀! 就走開了, 回禱廚房同其他人傾計, 有無搞錯!!! 跟本當我亂up! 再叫佢一次, 就唔係好願意咁行埋黎, 再同佢講, 佢話:你都食左! 我話:唔食過點知凍呀! 可況我只食了一小口咋! 佢就好唔願意咁扲走去廚房, 我聽到d人又話我食了, 真係火都黎埋!!! 佢都只係拿去返炸咋!!! 之後食了唔夠一半就走了!!! 真係後悔唔去隔離的欽記食魚蛋粉!一定唔會再去e間野到食呀!!!

難得同朋友仔一齊放一整天既假期當然唔可以放過啦兩個人決定入去大埔踩單車踩單車前當然係醫肚食個brunch啦一心想同朋友仔去試東記點知我無鬼用記錯名去左世記叫左竹筍肉絲豬扒上海麵同菜肉雲吞雞翼米線另外o係隔離叫埋凍奶茶同檸茶份量真係好大豬扒有一大件雞翼有成五隻最後合二人之力都食唔晒竹筍幾爽口但肉絲中夾有數條全肥既豬肉條就好唔健康雲吞size較細但菜肉一半一半雲吞皮係廣東雲吞皮較滑較薄o岩我心水豬扒同雞翼default另上味道差唔多朋友仔話應該係加雞粉醃只係好在炸得剛剛好外脆內滑保留到肉汁我既上海麵似係烏冬多d, ok另o係隔離叫既檸茶同奶茶都合乎我地要求多奶,少甜少冰但茶味唔多夠囉

幾好味呀, 但一個人一定要叫雙拼,唔係甘多豬扒食唔曬啦, 水餃都幾好味呀, 可以一試

去度食當然食招牌豬扒麵,我選拼雲吞.d豬排咬落好脆,好正.不過d麵非常少.食完都幾口渴,但佢唔係餐沒野飲,要另外幫襯格離店幾貴,6,7元杯野飲.不能豬扒麵真係好正