世記上海麵店

營業中

休息中

放假其中一個同屋企人食嘅餐廳鍾意佢炸豬扒同雞翼夠足料大大塊、脆卜卜今次叫左一個配豬扒、一個配雞翼咬落去好脆好好味炸菜粗麵、炸菜幼麵粗麵好有咬口，好多好多炸菜幼麵好彈牙兩碗麵落少少辣椒醬更加惹味一個女仔真係食唔晒一碗同人share 岩岩好不過假日都比較多人，可能會坐得比較逼

星期天進入大埔街市熟食中心吃馳名的豬扒麵大埔街市內有名的豬扒麵有兩間，分別為東記和世記是兄弟幫開的個人覺得東記的豬扒的炸皮比較滑，少點皺紋世記的則比較酥脆喜歡酥脆的感覺所以選擇了世記因為是假期所以比較多人等位用了點時間而且食客比較多食物要等35分鐘以上搭枱是不能避免的侍應在我們等位時已貼心地幫我們落單減少我們等待的時間有粗面幼面河粉等等配料可配炸豬扒、炸雞翼、雲吞等等因為是為了炸豬扒而來所以就直接叫了炸豬扒點了炸豬扒粗麵面配了幾條青菜，感覺健康回一點豬扒炸得金黃酥脆，有點肥肉，啖啖肉，食肉獸最愛想冇咁熱氣的話，吃前將豬扒浸在湯裏別有一番風味世記本身沒有提供飲品因為世記面前的枱凳有限如果坐隔離店的枱凳的話便要幫隔離店點飲品一路飲開隔離蘇記的飲品但今天蘇記沒有開只好點斜對面的飲品（$15）奶茶比較水一點， 很淡

一直都是食開「東記」，呢間雖然等得耐，但起碼唔駛受氣，世記啲姐姐態度差到，我只是叫她們落單，點知個姐開聲態度就話「你等到就等啦！」，我咪話要等都要你肯落單先得架！見人惡過佢先態度好啲，似幫老細趕客囉！而食物上豬扒炸得有點過左火，味道一般，而因幼麵賣晒得粗麵，粗麵都是一般，真係失望又受氣的一餐沒有下次。如果想試的朋友有心理準備等7，8個字同接受食麵外再加受氣。

世紀豬排麵今日lunch 去到大埔墟食新街市，食豬排麵，今次就揀左世紀，肥仔老細態度好好，1點去到唔洗等位，今次就同同事叫左個豬排麵同雞翼麵兩個人share，等左大約15分鐘就有得食喇。 豬排麵 $34炸豬排好厚好入味好林，但又無有鬆肉粉既味道，因為平時好驚食到鬆肉粉果陣味，一有陣味我就無哂胃口，無飲野既情況下食完都唔會有好口渴既感覺，但就差在佢唔夠脆，個皮林左D，如果唔係就perfect。 十雞翼麵 $34炸雞翼麵同豬排一樣，好入味，但有D唔同既係炸雞翼個皮就香脆好多，入面仲有汁係入面，呢個炸雞翼相當高質，好味道。而麵本人就覺得無咩特別野好講，所以就唔講喇。整體我係覺得好食，對於女仔黎講，份量絕對足夠，但對於男仔黎講就可能要加底喇。

昨天同友人行完山，落山就去咗食tea!友人介紹到熟食中心食豬扒不錯的下午茶！呢度最出名係雞翼、豬扒所我都叫咗碗雞翼豬扒河粉因為好多人，都等咗差唔多15分鐘先有得食一上枱齋睇豬扒雞翼個樣其實有少少失望。佢地個樣好似已經淋曬咁，但食落好在都係脆卜卜！豬扒唔係太特別，只係幾厚身，不過難口。反而雞翼有驚喜，充滿香濃蒜味，蒜粉表示正呀另外，我地都叫咗杯凍奶茶，奶味夠(本人喜愛奶味較重的奶茶)埋單計位位$57，好抵！

大埔豬排麵, 原本食開東記, 但次次搵位都好難, 就算叫左野食都要等好耐, 有時阿姐態度又麻麻所以今次轉下食世記, 兩間食既野其實基本都一樣世記有位哥哥好有禮貌, 會預先話落你知要等半個鐘先有得食, 佢雖然忙, 但都同客人講下笑, 又唔會笑笑下唔記得落order, 忙中有序終於等到野食到, 其中一碗係豬排米線, 另一碗係雪菜雞翼河豬排雞翼係另上炸豬排炸得鬆化, 炸粉唔厚, 豬排算厚, 味道不錯 , 單併豬排大約係一塊半而雞翼比豬排炸得更香脆, 炸雞翼都好有技巧, 唔會炸到縮水豬排雞翼, 兩樣都咁好食, 但雙拼只可以其中一款併雪菜/炸菜/雲吞/ 竹筍/炸醬, 唔知可唔可以豬排拼雞翼, 不過每次都同朋友黎一人叫一款share, 未有呢個煩惱

去大埔熟食中心食早餐真係一流，選擇多，又幾乎咩都有得食。呢日就試下「世記」豬扒麵吧！黎到熟食中心人氣店，搭枱是常識。呢日叫左個炸豬扒，配幼麵，想落單叫埋凍飲之時，老闆叫我等隔離檔靚姐幫我落單。「世記」主攻麵食，飲品可以叫隔離檔「蘇記」。話甘快，聞名不如見面的「炸豬扒麵」已經送到黎我面前。炸豬扒同麵分開盛載，甘就可以保持到炸豬扒酥脆，唔會俾D湯浸「淋」曬。幼麵唔係銀絲幼麵，都有少少粗度，咬落幾爽同富彈性，真係唔錯。因為始終帶少少鹼水，所以食時我都落左少少醋(鎮江醋)中和一下。炸豬扒份量真係唔細，有兩大塊。個炸漿據聞係用雞蛋、麵粉，鷹粟粉整，幾脆口之餘，食落亦好有實在感。豬扒帶少許豐腴油脂。下次黎食，會試下酸辣豬扒粗麵，聽落都已經好想食。

從少便生活在大埔區，別人問我大埔有什麼好吃，新街市的豬扒麵總會在我3甲之內！說真的，其實我分不出東記及世記的分店，除了店鋪位置不同外，也不知有什麼分別！所以每次也是看看那一家有位，就去那一家！是日剛好世記有位，好吧！就選你-世記！菜單非常簡單，主膽當然是炸豬扒和雞翼！我叫了炸醬豬扒粗，朋友則叫了豬扒雞翼粗。粗麵是必點的！我很怕雲呑鋪扁身的那種粗麵，很腍身...不好吃...但這裏的粗麵完全不一樣，感覺有點像烏冬，但比烏冬更爽口，更Q! 所以每次來，必定會選粗麵。炸醬內有一點辣椒，一點炸菜，非常惹味！而且每碗麵均附送菜心一條，感覺好像健康一點！哈說到豬扒，炸得香口的，但是次略嫌有點過火了，肉質有點鞋，有點韌，沒有之前的好吃...雞翼是好吃的，外層香脆香口，內裏肉質依然嫩滑，但Size....好像少了一半！以前大大隻，吃兩隻已經滿足，現在恐怕要食4-5隻才夠喉！或許下次可能要轉戰東記了...

今日收工有d肚餓就搭火車去呢度食碗豬扒雞翼麵，雖然今日係平日，但係3點幾d雞翼都已經賣晒，如果想去試埋d雞翼我諗要預早小小。仲有，唔好諗住係熟食中心就唔駛等位，人多起上黎要起碼等15-20分鐘架，不過我今日算好彩，一去到就有位仲可以即刻order埋tim。冇左雞翼我就嗌左個炸醬豬排麵。呢度既豬排外面炸得卜卜脆而裏面d肉質仲嫩架，食落又唔會un仲唔會覺得好多炸粉tim。我今日加左炸醬，又幾好食喎，係有少少辣味，但係越食越開胃😉

街市熟食地方，沒有堂皇的裝修，不過要注意，黎得呢度就要預左閒閒地等15分鐘以上首選必食的是豬扒雞翼，即叫即整，所以要返咁上下時間，個人偏好雞翼，炸完仍可保持外脆內肉質嫩滑，而豬扒就厚薄適中，但嫌少少靭同鞋而個人推介是炸醬和菜肉雲吞，炸醬野味非常，湯底即時提升幾倍，菜肉雲吞入口非常滑，是店舖推介豬扒雞翼的另一選擇麵底就河粉同生麵都咁正，河粉好滑，吸埋湯同炸醬就一流，而生麵就無簡水味之餘仲非常彈牙有咬口，絕對是食完可以再食

在大埔，一提起說去銜市食上海麵，識路的人都知道，街市上有兩個選擇，一家《東記》、一家《世記》。因為慣常的坐位問題，因為由細到大都以《東記》為首選的問題，所以我每一次來大埔墟街市，食黎食去都係呢一間。為何是坐位問題呢? 因為有時，你坐得離該檔口地頭比較遠的地方，他們不會願意送餐過去你坐的地方，要你外賣。平常因為太太喜歡食《發記》的原因，《東記》就在後面，所以我十次上去，十次都係食《東記》。是日，因為之前的火警令《發記》不能營業，我同太太就移師別的茶檔飲食。而這一次我又想起上海麵了，而地利上，這一次終於近《世記》，我終於可以再一次比較一下，《世記》同《東記》，的分別了。 其實《世記》同《東記》，是同出一系的。好多人都知道，兩檔其實是兄弟，《世記》是弟弟，《東記》是阿哥。兩檔麵的出品，可以說是一模一樣。我個人喜歡《東記》，是因為他們的豬扒出色；另有好多人喜歡《世記》，是因為他們的麵夠好食。小小總結，兩兄弟，可說是各有春秋。 說豬扒，講真，《東記》的的確啱我口味多一點。不過，我並不是說《世記》的不好食，只是炸粉冇咁脆，同埋，豬扒冇咁肥而已。我個人的口味，就喜歡炸粉多一點的，脆口香口少少的，而且

喺大埔墟街市搵下野食先，之前去過大佬個間，今日見到細佬間世記有位就坐低食啦， 叫左個炸雞翼竹筍肉絲粗麵，炸雞翼都好好食，有4隻每隻都算大隻，皮薄炸到非常之脆同香口，入面D肉重炸得都好嫩滑唔乾，不過我覺得竹筍肉絲就唔係好得，肉絲非常之小冇肉味有D乾，竹筍比大佬差好多冇味唔爽口冇水，個粗麵都唔得，份量都好少重要煮到好鬼淋，下次未必來這間食

大埔綜合大樓二樓的熟食市場的確是美食集合的一個熱點，這次介紹必飽肚的麵食。世記上海麵店--炸豬排/雞翼麵由於我是LUNCH前往，所以有很多人一同爭位，好彩就會立即就坐，運氣不好的話，可要站著等一陣子哦！先看一下餐牌，其實唔多睇得明，只知道上面一款加麵，可以配炸雞翼或豬排。我與朋友一向都喜歡每樣一款，因為炸雞翼和豬排是另上的，所以可以share一同吃。在這裡吃東西也是耐性的考驗，因為分分鐘要等20分鐘以上食物才到枱上。好，食物到了。我先吃豬排，個豬排炸得很好，很脆，而且豬排不難咬，快炸和油熱可以把肉汁鎖在內，好吃！雞翼方面，我個人覺得比較一般，炸粉沒有豬排炸的那麼脆，講特色不及豬排。其實一個麵餐份量很多，豬排一大塊，雞翼竟然有4隻。吃得完一定飽，可惜麵餐不跟飲品！我推介啊！值得一試！

世記，我細細就聽過呢個名啦！的確，我由幾歲人係大埔臨時街市已經幫襯世記，由當時一碗$16到宜家$30一碗麵加一碟豬扒，都係我到街市食野既頭幾位選擇，宜家世記已經搬到大埔新街市，環境及空間都比以前好了，幫襯既人都比以前多N倍，經常性坐無虛席，星期六，日幫襯你揾到位坐都要等最少十幾分鐘以上先有得食，都幾誇張，所以我通常都係朝早或三點半後幫襯，基本唔洗等位同因為人小，食物既質素係比超忙既時段好，呢個就係小店既缺點！有位坐低，舖頭入面已經貼左個餐牌係度由上而落可以每樣選一樣，我簡左菜肉雲吞+上海粗麵+炸豬扒。同時提提大家，雖然叫上海麵，除左粗麵係之外，個幼麵係硯水麵黎，並唔係上海幼麵；我當日係朝早幫襯，所有等左幾分鐘就有得食睇圖都見到，份量都算多，一碗麵，四粒雲吞同一塊厚豬扒，而且只係三草野$30有交易，平靚正，嫌大份唔要豬扒只係餸加麵$24，好hardsale，講番野食先湯底係普通味精湯，小小鹹，同食果時可以加小小佢果隻辣椒油，好惹味！！而上海粗麵就唔係平時自己要過冷河味果種，麵質比較軟身，似粗碌公仔麵既感覺，到菜肉雲吞係白菜豬肉餡，七分菜三分肉，一口一粒size，餡料調味都適中，亦因為一口

熟食中心內暗藏超人氣炸豬扒 雞翼既上海麵！每次黎大埔麵總要食一次！麵餐既雞翼同豬扒多到食唔晒！鬆鬆脆脆既口感，香口到令人回味！真係超出色😘😘由於鋪頭冇野飲，但隔離鋪就可以叫到大大枝玻璃樽可樂！玻璃樽真係特別好飲，愈黎愈少地方有啦😭