世記上海麵店

我回憶裏嘅豬扒麵🐷呢間豬扒麵由我嫲嫲食到我個仔出世都一直存在每一次去大埔墟街市我同屋企人都只會食呢一間豬扒麵我會叫佢嘅豬扒粗麵又或者豬扒河粉佢嘅粗麵係上海粗麵爽滑彈牙份量都好多伽而佢嘅河粉粗幼度適中仲好鬼滑！佢個湯底好清中和晒豬扒嘅油膩再加埋新鮮嘅蔥其實已經好好食之後就係佢嘅豬扒豬扒份量勁多㗎我諗差唔多有兩塊豬扒而且每次食佢都唔會韌㗎仲有佢外面層炸醬唔會好厚又唔會好薄我鍾意將嚿豬扒吸吓啲湯又脆又軟嘅感覺好正…查看更多

喺大埔墟街市熟食中心，有間街坊至愛嘅「世記上海麵店」，今次就瞞住老婆，拎住身份證同$100現金，爆踩單車一小時偷食一碗炸豬扒麵，結果——唔講得笑，差啲想打包返屋企！🍜 炸豬扒 + 榨菜肉絲幼麵：睇手神，唔睇命運炸豬扒係呢碗麵嘅靈魂。上次食到乾硬似鞋底，今次就好似中咗六合彩——外皮酥脆、肉質鬆化、咬落去仲有肉汁滲出，唔油膩，真係有水準。榨菜肉絲幼麵亦唔失禮，爽滑彈牙，唔係街市貨色咁簡單。🥤 隔離蘇記凍奶茶：偷食之後嘅完美收尾落完order,即刻走去隔離蘇記買杯凍奶茶。少甜、茶味濃、奶唔多，啱晒唔鍾意甜膩嘅人。一啖奶茶，一啖炸豬扒，偷食都偷得咁有層次，老婆知道都可能原諒我。💸 餐牌定價：榨菜肉絲幼麵$36，加炸豬扒變$46，如果餐牌設計清晰啲就更加完美。🚲熟食中心環境乾淨企理，坐得舒服。踩單車過嚟，炸豬扒麵，係一碗有驚喜、有情懷、有改善空間嘅街坊美食。如果你都想偷食一餐，唔使瞞住老婆，只要瞞住壓力，就可以喺街市搵返生活嘅味道。[IMG:2][IMG:4][IMG:2]…查看更多

以前住大埔每逢星期六日都食，而家一返大埔都要搵時間去食，就算轉咗手都好好食，推薦😋😋炸豬扒的外皮金黃酥脆，內部的豬肉鮮嫩多汁，搭配香料調味，味道豐富而不油膩。雞翼的調味非常到位，肉質鮮嫩，與炸豬扒形成了良好的口感對比，讓整個餐點更加多樣化。粗麵的質地厚實，能很好地吸收醬汁，讓每一口都有濃郁的味道，十分過癮。 我平時都會配搭其他餸，例如雲吞，炸醬….都好好食，同炸豬扒配搭好夾👍🏻👍🏻👍🏻…查看更多

今日去左大埔街市搵食，叫左豬扒麵，湯底好淡，上海麵一般。豬扒厚粉，好重味精。食完一淡要即刻飲野，最後食完麵，豬扒攞走比屋企人做晚餐。價錢一般，唔包飲品，只可係其他店舖買單飲。 …查看更多

港九新界都有的街市熟食中心，細細個已經在街市熟食中心打躉的小妹，見證著臨時街市到冷氣街市落成。熟食中心的姨姨叔叔們都很有人情味。今天跨區來到大埔墟，看看有什麼街坊美食～決意來到熟食中心搵食的人，請先準備好幾樣東西。1. 紙巾/濕紙巾 2. 耐性 3. 降低對環境的要求 4. 現金 5.需要搭枱的心 🤭相信大部分港人都認同。話雖如此，但價錢的確比起街外餐廳更親民，我則認為一分錢一分貨，拉上補下，不過不失。食物方面，炸豬排的確是即叫即炸鬆脆可口。炸醬則有少許麻辣，比較乾身。份量和味道對得住價錢。如果尋找上海風味的話，可能會失望而回。如需飲品，須向就座位置附近的餐廳下單。畢竟，熟食中心內的座位已經暗暗埋地劃分區域，這是公開秘密。「過枱」也是常見的香港熟食中心文化。不夠local 的話，被禮貌問候也是難免的🤭下回再試其他檔口😎…查看更多

Recommended by my dear colleague for the New Territories well-known pork chop restaurant, we decided to stop by this afternoon.We ordered pork chop and wonton mixian and wonton and minced thick noodle. Of course I am going to talk about their famous pork chop. Visually, it did remind me of my childhood memory, enjoying the homemade pork chop made by my Shanghai uncle. Even it was a half portion, it was in big portion. Love they helped slicing the pork. Each slice was half lean and half fat. Crispy skin with tender meat. Savoury but not heavy. Fat literally melted in mouth but didn't give a greasy taste. Authentic, look simple but taste complex. Wonton was stuffed with a balance ratio of vegetables and pork. Silky smooth thin wrapping stuffed with explosion of meat juice stuffing. Absolutely delicious. Minced was served covering half of the whole bowl. Flavourful but not spiced. Even with chilli, it tasted more on aromatic instead of giving a kick. Tender mince instead of the commercialised melty mince swimming in sauce. Added so much flavour to the broth. Mixian was surprisingly soft. Unlike the commercialised ones which was thick and chewy, this was thinner, softer and slight slimier which coated with the broth. Thick noodle visually looked like udon. On a soft side but not mushed. Personally found it okay but my friend loved it. Two big shoutout/reminder for the chives lovers and the chilli oil cravers. You could ask for extra chives which staff would literally give a bowl of chives instead of a spoonful. Pure chives were served instead of a mix of coriander. Chilli oil was homemade which was incredibly aromatic, flavourful and spicy. Both literally lifted the whole bowl of goodnesses to another level! Must ask for! Obviously, no doubt I came for their food instead of the surrounding, yet nothing disappoint me. I must come back for other toppings! …查看更多

下午兩點鐘去到大埔熟食中心己爆哂人，今次好想食炸猪扒麵，等左十分鐘先有位，今次叫左菜肉雲吞炸猪扒麵$46，等左二十分鐘到，炸猪扒夠肉汁，肥瘦比例好均匀，但外皮腍左d, 雲吞細細粒餡料都豐富，呢度絕冇環境衛生可言，但絕對係罕有嘅平民美食天堂！…查看更多

一向都愛探索小店既我搭左成個鐘車黎到大埔墟（兜到我頭到暈🫠）平日約兩點 熟食中心人頭湧湧本來想食東記 但唔知係咪放break落半閘最後食佢間死對頭🤣 #世記上海麵店完全可以形容係座無虛席！！職員極多 態度都好殷勤有禮❤️🫶🏻🫶🏻等左15分鐘 終於有野食～～⍥ 豬扒+菜肉雲吞+粗麵 ❙ $46基乎枱枱都會食既招牌豬扒熱焫焫 香脆唔油膩 唔會炸得甩皮甩骨 炸衣薄豬扒都薄🤣因為帶少少肥膏？所以質感幾好 做到外脆內嫩 幾juicy菜肉雲吞大大粒 多菜少肉 都好好食👍🏻粗麵睇落少少似無咁白既烏冬🙌🏻😂正正無咬口 就係我鍾意既質感幾有手工都既感覺 呢個組合無得彈⍥ 雪菜肉絲+河粉 ❙ $36雪菜慷慨 唔會過鹹 讚！肉絲似肉片多啲 有肥膏位 份量唔多敗筆在於河粉😕粗的鞋的 唔好食🤐…查看更多

環境：位於大埔墟街市2樓熟食市場，衛生環境一般，午飯時間會比較擠迫。服務：豬扒或者雞翼全部都係即叫即炸，但唔需要等好耐；如要叫飲品需幫襯其他舖頭。食品質素：炸豬扒係我食過既最好食（沒有之一）。大大份豬扒，肉質鬆軟，多肉汁，有少少油脂，食落特別香，表面炸粉夠薄、夠脆、而且有南乳香味；菜肉雲吞大大粒有四隻，餡料十足，夠紮實；榨菜肉絲同樣大份，落足料。價格：平均50蚊左右食到咁高質素嘅炸豬扒，性價比非常好。…查看更多

聽過好多人話好食☺️終於都試到遠近馳名既世紀上海麵😍😍😍位於大埔墟街市熟食中心，鄰近大埔墟車站行數分鐘便到，很方便入到去見到世記真係好多人食，仲擔心要等好耐先有位坐😅幸好店員安排恰當，沒有等得太久就有位坐🤩同朋友一坐低就就即刻點單，第一次食當然要試下遠近馳名既香炸豬扒😍😝😝配米線都不錯😋😋😋朋友就點咗香炸雞翼🥰可以開心share食🤪😜😝我仲加咗水餃😁炸豬扒香脆可口，肉質剛好，不會太乾很juicy😛雞翼同水餃都好味下次再試下上海麵先世記食完一次會想食第二次，難怪會遠近馳名…查看更多

很久之前去食但豬排賣曬，試了雞翼真係唔錯。今次有緣再去大埔，所以特登再去，叫了一個豬排米線，兩塊豬排，一塊正常但炸粉都好厚，墊底另一塊 干 柴 老 韌，真係唔知點解咁出名。隔離檔叫了一杯凍檸茶$17蚊😨感覺偏貴。唉😮‍💨應該無下次…查看更多

好多唔熟大埔嘅朋友都會好陌生，點解熟食街市入邊會並存咗兩間咁相似嘅上海麵🤔其實兩間舖嘅老闆係兩兄弟嚟嘅....🐨炸雞翼推薦度：⭐️⭐️⭐️⭐️️️️兩款炸物都係即叫即炸，上枱金黃色、熱辣辣，脆皮保持香脆。經醃製之後先炸，味道就較為濃郁，有少少鹹香味😋.🐨招牌炸豬扒推薦度：⭐️⭐️⭐️豬扒就較為薄身，因為會切件先上，所以冇乜肉汁，要浸湯食先可彌補不足🤣不過雙拼$50都唔使，性價比依然非常之高👍🏻.🐨東記、世記二揀一小編就幫襯開世記，炸物就較為濃味，而且乾身。如果唔介意淡味，東記炸物就比較厚實，能夠保持肉汁，各有特色㗎😋-----☼-----☼-----☼-----☼-----☼-----世記上海麵📍地址：大埔鄉事會街8號大埔墟街市及熟食中心2樓🐨推薦度：😋😋😋😋/5💰人均價格：$50📸打卡度：💡/5🛠️分類：#HTB大埔 #HTB麵類.#大埔美食 #大埔 #大埔墟美食 #世記上海麵 #炸豬扒 #炸雞翼 #上海麵 #大埔墟熟食中心 #炸物…查看更多

大埔墟熟食中心名物🌟好耐之前喺ig 碌到，已經有興趣，但又未至於吸引到要山長水遠嚟食，既然 #表哥推介 兼且順路就試吓啦🤓🐷🍜 炸豬扒上海粗麵 $44外皮香脆，有啲似台式嗰種用蕃薯粉開嘅炸漿🤔 豬肉有微微蒜香味，雖然夠腍，但可能因為較薄身，偏乾冇乜肉汁，近骨/有少少肥嘅位置就好食🤤上海粗麵冇預期中嘅麵粉香味，有啲失望😟本身想食東記，點知去到摸門釘🥲唔緊要，聽講世記係兄弟店，照食無誤講開豬扒係名物，想試嘅炸醬又賣晒，結果一行五人通通嗌豬扒麵，總共十塊豬扒，就算再好食，都太過分了 🐷🐷🐷🐷🐷 應該叫吓其他配菜交換吓🤣不過誠如表哥表弟所言，要專程嚟食嘅話，應該就不了🙈…查看更多

話說有兩間都係好出名嘅豬扒麵，咁就諗住是但試一間，11:00嚟到都仲有座位，$44雙拼麵，不過就唔包嘢飲，熟食街市來講都幾貴！:(【豬扒雞翼河粉】先講河粉有一陣劣質膠味，雖然份量扣了底仍然很多，但是浸膠味有點太突出；雞翼炸粉十分之厚，亦不似生炸的雞翼，炸粉入面是白晒晒的雞翼，調味又沒有，勁失望；豬扒簡直是劣到不行，炸粉仲厚過豬扒，仲要是劣質嗰款炸粉，豬扒又勁多肥膏，而且幾韌，粉紅色應該是落了很多鬆肉粉做出來的效果。【豬扒榨菜肉絲上海麵】榨菜肉絲配烏冬般粗的上海麵其實都不錯，但是豬扒真是吃過接近最難食的炸豬扒，令人非常失望！…查看更多

名就聽過好耐，住喺港島區嘅我第一次去食呢間大埔名物，果然冇令我失望，平靚正！呢間舖選擇唔多，大部份人都係食豬扒同雞翼，當然我哋都唔例外。我食嘅豬扒炸得好香，食落卜卜脆，調味適中，豬扒份量亦都好夠，食完真係會好滿足😋不過麵底我就覺得一般，上海麵好淋，唔知係Overcooked定係本身麵質係咁，不過豬扒先係重點😋朋友食既雞翼唔記得影相，我試咗一隻，都覺得好香好脆，亦都炸得唔乾，不過我始終覺得豬扒係出色啲👍🏻不過呢間舖頭係冇飲品提供，當你一坐低，隔離舖頭就會問你飲咩，我飲凍檸茶，都覺得OK既，食炸嘢點可以唔飲凍嘢😏如果經過附近嘅話，都推介大家去試吓，四十幾蚊一碗麵真係抵食，平民之選😗…查看更多