世記上海麵店

營業中

休息中

第一次入大埔，問咗個大埔住嘅朋友介紹一間美食。朋友毫不猶豫介紹了呢間世紀上海麵店，去到等位已經用了十分鐘， 到坐低落單時肥仔哥哥話要七至八個字😨一心諗住一場黎到都係要等架啦，於是餓住個肚都等落去。等咗大概七個字終於有嘢食啦，雖然等嘅過程之中不斷喺度諗....到底炸豬扒同煮個面如何需要35至40分鐘去煮呢？等咗大概35分鐘，終於有嘢食，豬扒肉質尚算林，雞翼亦都好大姐，炸得都算鬆脆。但個人就覺得略帶有點鹹，不過雪菜嘅味道不錯， 但說好的肉絲就唔係好揾到⋯⋯總括而言,＄30可以食到大大塊豬扒面，仲有四隻大大隻雞翼，真係好抵食👍🏻市區一定搵唔到呀😋仲有呢度雖然地方狹窄但係招呼都好有禮貌。

今日又接P小姐收工，由於今日可以早收，所以終於又可以食炸豬扒麵，我食過兩間都係系大埔街市開炸豬扒麵，我就覺得世記好味啲，可能真係因為好味啲，所以食依間要少少耐性，因為你分分鐘一坐下來，佢就會同你講要等半個鐘 ～～～～～～ 但我深信好食嘅係值得我等待，於是每次都會默默地等。 好啦～唔再講我嘅心路歷程啦，講番大家關心嘅美食吧，我今次就叫左淨豬扒粗，豬扒係唔會好乾，會有少少濕潤感，而且肥的部位入口即化，美味無窮。 而粗麵係上海粗麵，即係類似大家平時的烏冬，所以幾彈牙～～ 仲有佢嘅辣椒油都好香，好辣，鐘意辣嘅你地，可以落「少少」，因為真係幾辣下 整體評分8/10 (大埔必食)

是日行山, 經過三小時的體力勞動, 來到世記上海麵店. 店內坐落於市政大廈內, 但幸好地方尚算乾淨.經眾多大埔人的推介, 點選了豬扒幼麵, 凍檸茶.等候了十五分鐘, 侍應終於送上食物. 試一口幼麵, 味道非常, 質感也沒有過淋或過硬的情況.試一口豬扒, 不好意思, 如這就是這裡的名物, 實在令人大跌眼鏡. 豬扒實在非常乾和鞋口, 更甚的是, 豬排的脆炸外層是有陣油膩的味道, 是用上千年油吧?　吃一口已經要放棄．凍檸茶，有點似開粉的味道，跟坊間的茶餐廳有明顯的分別．沒有下一次．

假日去到，人頭湧湧，店員告知食物要等7-8個字。但無阻我想試一試。熱熱的米粉配上辣油，正~!辣油有乾瑤柱，帶有一份乾瑤柱的微香。而且辣油本身已經很有麻香。吃了一會兒，第二重的辣味會慢慢出現，很是滋味。菜肉雲吞一點也不肥膩，好味。而雞翼更是重點必吃食物~!外表炸得香脆，但內裡的肉質超滑嫩。亦極具雞味。無得彈飲品則叫了學利的凍檸茶（少冰）

人地今日想食洪記架麻 ﹗女友又遲大到 ﹗洪記收緊檔，唉 ﹗咁轉去欽記啦，欽記直頭落埋閘、熄晒燈走晒喇 ﹗我好想食食魚蛋粉呀，無得食，情緒跌至谷底 ﹗是鬼但，邊度有位就邊度啦，咁耐無黎世記，求其 ﹗有位坐，點知肥哥哥侍應話要等約 30 分鐘先有得食，是鬼但 ﹗怨氣中，火！豬扒上海粗麵走蔥，炸豬扒係另上架喎 ﹗發現原來係有幼麵，一向都唔知呢。我都唔記得廿幾年來係第二次定第三次幫襯世記，因為我對上海湯麵麻麻地。如果喜歡食竹筍、雪菜既食客就好啱佢地，但我就非常一般。湯底都好清淡，辣椒油都幾香幾辣喎，但配粗麵、上海麵，硬係怪怪的。咬落質感似較硬身既烏冬囉，唔識欣賞。招牌炸豬扒，跟炸雞翼一樣都係普普通通，雖然好出名 ﹗肉質都軟腍，有點點肉汁啦，扒既邊位多肥膏要咬走。醃得入味、炸得香口，不過食多都幾滯幾 dry。得然諗起美味上海排骨菜飯，好食百倍。招牌炸雞翼，好多奉場客喎，但我就覺得普普通通，豪無特別，Baby Q pub 既炸雞翼 Juicy 過佢、香口過佢多多聲啦。食落好重蒜香味道，肉質還可以，都炸得香口，脆醬有點硬，而且其實我覺得有點咸，唔難食。

熟食中心的好處就是有許多選擇，同場就有兩間極為相似以炸豬扒麵作招徠，而我選擇另一間世記豬扒，也貪心一點選了炸豬扒拼炸菜幼麵，同行妹妹點選炸雞翼幼麵，弟婦是辣肉醬豬扒烏冬。炸豬扒拼炸菜幼麵 $28同樣炸豬扒份量十足，外層脆漿較厚、脆卜卜，豬扒味道就不夠入味，肉質稍實，個人是喜歡他的脆皮，實在香口，但吃到最後是覺得油膩。拼炸菜肉絲幼麵連辣椒油，肉絲主要是肥豬肉，令人不感興趣，喜出望外麵條是軟硬適中，爽口。同是$28的價格，麵條明顯稍勝，豬扒就要看你愛吃那一款口味，口感及味道各有特式。

數年前在東記吃過他們的麵跟豬扒，一試難忘，這次再來便嘗試另一間同樣也出名的世記，可惜失望而回。在火車站出口走了大約10分鐘便會到達街市，切記要在左邊的入口乘搭電梯，到了後再走幾步路便會看到一個人山人海的熟食街市。世記座落於較後的位置，在泰國餐廳側旁。到了後便需要自行等位，一般是需要等約15分鐘左右。但是，切記這並不代表你可以在數分鐘內便可以有食物上枱。老闆會在你坐下之後跟你說食物大約要多少時間才能製作完成，這天我們足足等了30分鐘。一邊等的時候，會有旁邊餐廳的人問食客需否餐飲，但我極力推介最後是在食物差不多上枱的時候才點餐飲，否則有機會飲品飲完後，食物還未到！等了30分鐘後，食物終於到了。炸物跟麵是分開上枱，以免湯水浸軟炸物，影響口感，這點店家是挺細心的，值得一讚！豬扒跟雞翼是異常的大塊，跟一般的茶餐廳相比，店家慷慨得多！豬扒放入口時有點失望，豬扒不夠熱，欠缺新鮮熱辣，相信是樓面煮麵的速度太慢所累的緣故，外層金黃鬆脆，「咔嚓咔嚓」的清脆聲音是挺不錯的，但豬扒的處理得不太好，似乎只是隨便的加點鹽或醬油，肉質有點乾身。至於雞翼則熱辣辣的，吃時請小心燙口，炸漿很厚，但跟豬扒一樣脆卜卜。雞翼的

此食檔由臨時街市開始經營，至搬入現在的市政大樓熟食中心，沒有二十年都有十多年了，記得第一次光顧是入大學前，當時食店還在臨時街市，要不是有同事帶著都不會去的。初嚐此店名物炸豬扒時覺得驚為天人，不僅炸豬扒味美，而且是跟一碗有餸麵食如牛丸河同吃，其份量之大簡直讓人覺得誇張，正常一碗牛丸河已飽肚嘛！價錢又平宜，其後食店搬入熟食中心都有再來過，見今天跟母親同行，決定帶她一起在這裡來個下午茶。相信大家都知道熟食中心的格局，內裡有好多不同的檔口，如泰國菜﹑粉麵店﹑點心店﹑燒味檔等在賣吃的，大家找到心水食物，在店前坐下落單後，店員就會自動送上，然後付款慢慢吃。我們行了一圈終於找到世記，找好位置馬上下單，由於較早前已吃了午飯，未見餓，所以我們只點了炸豬扒雞翼雙拼讓母親試試這裡名物。等了好一陣子，雙拼小食來了，金黃色是很漂亮，可惜看得出食物質素下降了，炸漿超厚，遠看炸雞翼還以為是炸生蠔，而豬扒有些地方過薄，所以沒有咬口，已經不像以前的美味了。雞翼跟豬扒調味大致差不多，但相對而言雞翼蠻香口，不過我仍是先去炸漿才吃。沒想到一心帶母親吃好的，反而有點失望而回。同場還有另一家也賣炸豬扒的，看上去炸漿薄一點，好像蠻

上回吃過大埔市政大廈的東記炸豬扒，箇中滋味令人一試難忘，今趟則走到位處同一樓層的世記，親身驗證究竟誰是皇者。距離上次幫襯不足三個月，兩舖已靜悄悄的加了價，不過以$26一個雙併麵來說，還是極之物超所值。豬扒和雞翼乃這裏的名，那有不吃之理？除此之外，我們分別點了雲吞米線和牛腩河粉。等了頗久才有食物送到，炸物用小碗子分開上枱，以免被湯水浸腍影響口感。豬扒有整整兩大塊，但份量似乎不及東記多，放入口時更加有點失望，因為豬扒只是微暖，欠缺新鮮熱辣的感覺。它的外層金黃鬆脆，在牙縫之間發出「咔嚓咔嚓」的清脆聲音，但內裏肉質似乎有點乾身，不過又未至於嚡口。至於雞翼的件頭十分珍寶，咬開時白煙四起，炸漿太厚顯得有點膩油，但又製得極之卜卜脆，令人又愛又恨。雞翼的肉質十分嫰滑，仍然保留著豐盈的水份，另廚子以蒜蓉調味，吃起來香惹之中又帶微辣，很易被這種味道吸引。菜肉雲吞細細粒很的骰，外皮夠薄呈半透明，入面的餡料菜肉平均，最重要是調味得宜，不妨一試。牛腩未知是否煮得過了火，顯得太韌及過份粗糙，不吃也罷。如給我多一次機會，倒不如選擇雪菜肉絲。若不喜歡粗厚的上海麵，可以一嚐河粉的滋味，因為尚是滑溜可口。個人很討厭竹筍那

D豬扒油左D 朱扒的炸漿同肉面分離，炸漿吸油over 少少，淋淋地，不能享受脆卜卜的感覺。D 面可再爽口D，我以爲是上海幼面，原來是廣東皂水面，形成皂水味。面要多d 才飽（我是女生）。

艾倫常說大埔街市有很多好東西食, 這天終於有機會了!!!來到世記已經二時多, 不是太多人, 不過老闆已經說, 要等八九個字 不過反正又不趕時間, 等一等都沒所謂 這裡地方較迫, 還可以接受. 廿五分鐘左右, 我們的豬排麵來了~要了一個豬排炸醬麵和豬排雲吞麵. 豬排好正! 鬆脆香口, 肉汁仍然保留著, 外脆內軟, 而且非常大件, 無得彈! 它的炸醬和雲吞都不錯, 不過當然被它的豬排比下去~ 因為太大份了, 即使麵底不算多, 但都吃得很飽.

下午三時許，大埔墟街市的熟食中心，人流不多，主人與奴隸獸很容易就找到位子嘆下午茶。竹筍肉絲粗麵 ＋ 炸豬扒：竹筍的味道酸酸辣辣，想不到與炸豬扒的味道異常配合，好味。菜肉雲吞米線 ＋ 炸雞翼：兩者的味道一般。主人提議外賣炸豬扒回家，配著韓國泡菜一起吃，味道應該很不錯，奴隸獸當然舉腳贊成喇！！

大埔新街市2樓有好多好食既店舖，其中一間係食豬扒麵，一間叫東記，一間叫世記，世記比較出名，東記比較好食，我呢一朝早就去食世記。叫咗一碗炸菜豬扒麵，豬扒厚身大塊有口感，炸菜足，麵彈牙，盡顯功架。熟食市場絕對係我開飯既地方。

專登去大埔既火車博物館影相,出發前去左大埔熟食中心到食野,好多選擇行多一個圈見到呢間野食好似唔錯咁,就搵位坐底好抵食,雙併都係24蚊,仲要豬扒雞翼勁勁大碟叫左個炸醬豬扒上海面同埋竹筍肉絲雞翼上海面個豬扒同埋雞翼既份量真係好多,炸得都幾香脆味道唔錯,又唔係太油,而且雞翼仲好大隻個炸醬面比我想像中辣好多,但味道唔錯友人既竹荀面我接受唔到,有陣壓味~但overall覺得好抵食,味道;都唔錯可惜呢到離我太遠,如果住呢頭食野都有好多選擇!

而家好多街市都有好多野食, 仲有好多選擇!去到大埔墟街市緊係食最出名既豬扒米線啦唔知係咪今日放假既關係好多人! 不過咁岩有人走, 所以唔洗等位 環境好大, 但係坐滿晒人仲要背對背坐, 加上可能因為室內關係迴音好大, 所以都幾嘈下一坐低叫左個豬扒雞翼相拼米線先等左10分鐘左右就到喇!因為太開揚, 野食到左要即刻收錢先食完都唔怕走左收唔到錢比完錢即刻食啦雖然望落去d豬扒同雞翼都好炸但係食落口一d都唔覺得油膩無d油痴住口唇喎~ 不得不讚!而且豬扒鬆軟, 雞翼好大隻米線又唔會過淋, 又唔會過硬煮既時間控制得好好好好味~ 不枉咁多人都專登入大埔食呢碗豬扒米線!4個字"good"