世記上海麵店

大埔新街市豬扒麵真係好出名，成日吸引好多外區人特登過黎幫襯。做過少少research，其實街市有兩間豬扒麵，分別係東記同世記。我兩間都食過，老實講我係鍾意世記多啲，所以今次我都係揀世記。世記炸豬扒粉比較厚身，咬落去香脆，啖啖肉好滿足，雞翼都係大隻啲、肉又多，炸得又香又正，食落口感一流。其中我最推介一定係世記個酸辣餸。佢個酸辣唔係湯底嚟，而係計做餸菜。如果你原本諗住叫豬扒雞翼雙拼，只要揀咗酸辣，淨可以揀酸辣豬扒或者酸辣雞翼。不過我都係會揀酸辣多，因為味淡，食酸辣可以加返啲味道，辣肉碎加落麵度，成碗麵香好多、好惹味。事實上，世記同東記嘅麵我都嫌佢太腍，不過勝在豬扒雞翼夠大份又抵食，所以成日都會令人想再返去食。唯一唔方便就係，始終係街市環境，衛生就麻麻地啦。另外兩間都真係只做麵食，想飲嘢要隔離自己買返。不過如果你鍾意食大份豬扒雞翼，世記真係唔會令你失望。最後想補充我鍾意世記嘅一個原因就係服務，佢地態度好好，雖然真係太好生意經常要等位，但佢地會主動幫手搵位嫁！仲好好禮貌！…查看更多

我回憶裏嘅豬扒麵🐷呢間豬扒麵由我嫲嫲食到我個仔出世都一直存在每一次去大埔墟街市我同屋企人都只會食呢一間豬扒麵我會叫佢嘅豬扒粗麵又或者豬扒河粉佢嘅粗麵係上海粗麵爽滑彈牙份量都好多伽而佢嘅河粉粗幼度適中仲好鬼滑！佢個湯底好清中和晒豬扒嘅油膩再加埋新鮮嘅蔥其實已經好好食之後就係佢嘅豬扒豬扒份量勁多㗎我諗差唔多有兩塊豬扒而且每次食佢都唔會韌㗎仲有佢外面層炸醬唔會好厚又唔會好薄我鍾意將嚿豬扒吸吓啲湯又脆又軟嘅感覺好正…查看更多

喺大埔墟街市熟食中心，有間街坊至愛嘅「世記上海麵店」，今次就瞞住老婆，拎住身份證同$100現金，爆踩單車一小時偷食一碗炸豬扒麵，結果——唔講得笑，差啲想打包返屋企！🍜 炸豬扒 + 榨菜肉絲幼麵：睇手神，唔睇命運炸豬扒係呢碗麵嘅靈魂。上次食到乾硬似鞋底，今次就好似中咗六合彩——外皮酥脆、肉質鬆化、咬落去仲有肉汁滲出，唔油膩，真係有水準。榨菜肉絲幼麵亦唔失禮，爽滑彈牙，唔係街市貨色咁簡單。🥤 隔離蘇記凍奶茶：偷食之後嘅完美收尾落完order,即刻走去隔離蘇記買杯凍奶茶。少甜、茶味濃、奶唔多，啱晒唔鍾意甜膩嘅人。一啖奶茶，一啖炸豬扒，偷食都偷得咁有層次，老婆知道都可能原諒我。💸 餐牌定價：榨菜肉絲幼麵$36，加炸豬扒變$46，如果餐牌設計清晰啲就更加完美。🚲熟食中心環境乾淨企理，坐得舒服。踩單車過嚟，炸豬扒麵，係一碗有驚喜、有情懷、有改善空間嘅街坊美食。如果你都想偷食一餐，唔使瞞住老婆，只要瞞住壓力，就可以喺街市搵返生活嘅味道。[IMG:2][IMG:4][IMG:2]…查看更多

以前住大埔每逢星期六日都食，而家一返大埔都要搵時間去食，就算轉咗手都好好食，推薦😋😋炸豬扒的外皮金黃酥脆，內部的豬肉鮮嫩多汁，搭配香料調味，味道豐富而不油膩。雞翼的調味非常到位，肉質鮮嫩，與炸豬扒形成了良好的口感對比，讓整個餐點更加多樣化。粗麵的質地厚實，能很好地吸收醬汁，讓每一口都有濃郁的味道，十分過癮。 我平時都會配搭其他餸，例如雲吞，炸醬….都好好食，同炸豬扒配搭好夾👍🏻👍🏻👍🏻…查看更多

今日去左大埔街市搵食，叫左豬扒麵，湯底好淡，上海麵一般。豬扒厚粉，好重味精。食完一淡要即刻飲野，最後食完麵，豬扒攞走比屋企人做晚餐。價錢一般，唔包飲品，只可係其他店舖買單飲。 …查看更多