上海萬家村小館

營業中

休息中

深水埗除左電腦、玩具鋪外，食肆多亦係最出名，單單黃金果度一帶，已經有好多選擇，間間都想食想試，以往只慣常食豬潤麵、油渣面，等等！今次路過見到呢間上海鋪，有客飯供應，五十幾蚊有交易，個肚又打晒鼓…見冇人排隊，於是入去試下。鋪面唔大，座位都排得密密麻麻，由於入座時中午12點，所以客人未算多。兩個人點左兩個客飯，五十幾蚊一個客飯，仲有飲品送…汽水或豆漿或樽裝茶，價錢合理。客飯可揀白飯或菜飯，份量足，夠飽肚！好抵食！

小籠包:真心好食，湯汁多到爆。肉都夠滑。生煎包:一般，皮厚，肉少。外皮好油膩，又無煎過嘅香口。咕嚕肉:麻麻地。肉質硬，唔脆。有幾舊仲有少少怪味，唔知係咪隔夜。拉麵彈牙。湯清淡。

晚市時段已經食第四 五次了回鍋肉必點記住轉埋菜飯份量男人都夠唒食今次仲點左豬排擔擔麵豬排係即炸夠哂誠意熱辣辣本人唔食得太辣辣度可自己order 夠哂細心老闆仲好好人送多罐可樂夠哂人情味值得光顧

星期一下午茶時段，大概3點門口已排了幾位客人，大概等了15分鐘就有得入去。餐廳環境不大，又因為禁聚令隔開餐枱就更顯狹窄。但相比其他舊式餐廳，眼見的地方已算企理。叫了一籠小籠包($40) 和一碗牛腩擔擔拉麵($42) 跟餐2個生煎包 和兩杯豆漿。先評價牛腩擔擔拉麵超驚喜，性價比極高。牛腩炆得好淋、唔老；牛筋彈牙、黏牙、很入味。而且仲要俾左滿滿一碗嘅牛腩、牛筋，大大舊都起碼有6、7舊。湯底我選了擔擔麵湯，杰身、少辣，加上肉燥和花生，口感和味道都非常好。本人非常喜歡擔擔麵，我認為他的湯底已出色過不少連鎖上海餐廳。一整碗下來就是有點膩，但絕對是回頭之選！評價小籠包出籠熱辣辣，但湯汁少，沒有鮮味，豬肉也沒有太多肉味，就像超市急凍小籠包一樣，但勝在便宜抵食，$40可以坐低食籠熱辣辣的小籠包，也不好多説了。評價生煎包下午茶麵食跟餐我選了生煎包，不同於其他店鋪的生煎包，包裏沒有湯汁、較乾，豬肉也是沒有太多鮮味，就係普通菜肉包一樣，有點失望。但都係嗰句，跟餐就不好太多要求了。總括而言，下午茶抵食，性價比高，值得大家一試。

心血來潮想食上海菜，係openrice見到依間評價唔錯，就一於黎食個lunch。個日係星期六晏晝時間，去到已經好多人，所以都等左陣先有位。而鋪面唔算大，但咁岩2個人分到一張四人枱，所以都坐得鬆動。個日同朋友每人叫左一個set，而兩個set都跟杯飲品。本身揀個個set無小食，但老細好好咁送左個小食比我地。依個四喜烤麩味道濃郁得黎唔會話太酸，係一個唔錯既前菜。然後本身好期待個小籠包，但食完有d失望 個皮偏厚，入面既湯汁都唔多，肉味雖然正常，但肉質有d乾，整體都同其它人既食評有d出入，所以唔知係米咁岩個日轉左師傅整。之後到依個酸菜魚配菜飯，酸菜魚非常足料，魚肉份量都多，同埋唔會好老，但就唔算話好鮮，同埋唔知係米叫左少辣，整體個味唔係好濃，同埋連平時唔食得辣既我都可以係咁食。而個菜飯好大碗，有平時兩碗飯咁多，但d菜略厭有d少，同埋無咩菜味。最後我同朋友都係叫左凍豆漿，個人覺得太甜，飲完會有d黏喉既感覺。總結依間既上海菜性價比好高，佢每個set既份量都好多，但價錢唔貴，仲要唔收加一。唔怪得keep住都有人等位或者叫外賣。

疫情原因已經好耐無去深水埗 難得去到見到萬家村 原來已重開 巧開心撞正下午茶時段 好平 點了排骨麵 還可以選清湯or擔擔麵 一款小食再加一罐汽水 $38太抵了排骨是原塊豬扒 熱辣辣又夠味 擔擔麵維持以往水準 好食 小食點了手拍青瓜 覺得辣油太多 好辣老公想飲酸辣湯 所以點午餐加20蚊就有一碗 酸辣度適中 跟以往一樣好飲他點回窩肉配白飯 我最愛食回窩肉既椰菜 沾滿醬好食

深水埗下午茶，今日來到上海萬家村叫左回鍋肉麵，選左拉麵擔擔湯，小食: 生煎包2個，連飲品$40，拉麵配擔擔湯，湯底少少辣質地「傑傑地」，花生味香濃👍。回鍋肉用左五花腩肉片，鐵鑊即炒，夠晒鑊氣，味道比擔擔湯辣d，而生煎包肉餡尚可，以小食來講好底食。另一份叫左上海豬扒炒年糕，小食: 陳醋老鼠耳，連飲品$48，年糕煮好彈牙，連埋豬扒用醬汁炒，夠晒味。老鼠耳即係雲耳，好夾陳醋汁，鐘意佢地個汁微辣唔太酸。整體幾好，下次再試其他。

 酸菜魚 $78魚🐠有十片左右切得都頗為厚身大片👌🏻一上菜魚肉熟度啱啱好入口肉質尚算嫩滑無骨，可以放心食👼🏻食到最尾魚肉會變鞋🤭所以要快啲食⏰ 酸菜味道夠酸🍋菜莖爽脆 寬薯粉份量十足不下十條薯粉有咬口👏🏻不過浸耐左會偏淋少少掛湯力強入口酸中帶麻🤤唔會淡而無味 其他配料包括雲耳、芽菜🥗等味道正常 湯底🍲味道少酸多麻🌶油份量超多面頭有大量蒜頭🧄好香好惹味上海豬扒炒年糕 $48年糕質素一般炒得唔夠煙韌軟糯口感偏淋偏粉有啲失望😔 豬扒應該係一塊豬扒切開都有成六小塊好欣賞豬扒瘦肉較肥膏多🥳食落啖啖肉豬扒夠入味肉質軟硬適中易咬得黎保留到肉感👍🏻唔會比鬆肉粉整到過於軟淋有少少驚喜🎉 紹菜爽脆 但頗油 整體偏油偏鹹🥴主角年糕太軟唔合格 生煎包包皮較厚內餡比例正常豬肉餡尚算鮮嫩帶少許肉汁同肉味👌🏻略嫌生煎包底部煎得唔夠香脆整體感覺似食緊蒸既菜肉包😂好在生煎包唔算太油值得一讚既係上枱果陣仲熱辣辣♨️應該係即叫即整 豆漿🥛豆香味唔夠突出味道偏甜🍯

已經幫襯過好多次！下午茶非常超價！我最鍾意豬排澹澹麵，豬扒好大件碟上，澹澹麵好靚有口感！湯底有肉碎及花生🥜下午茶仲包埋兩隻生煎包及豆漿！無花無假實實在在！超值超好味！👏🏽👏🏽

最近幾中意係深水埗搵食，貪佢選擇多，價錢又唔貴。近期比較中意食中菜，所以MARK低左呢間上海小館，見人話性價比高，一於收工去試。去到果陣仲有下午茶，三十幾蚊就有個炒粉，見其他食客食梗既份量都唔算細，對比起晚市一個客飯要6-7十蚊，試揀就梗係揀下午茶啦!!招牌豬扒擔擔麵 $38炸豬扒炸到金黃香脆，不過較為乾身、肉質偏實。擔擔麵湯底偏濃花生味，入面亦有唔少肥肉碎，味道唔差，但非常油膩。招牌牛腩擔擔麵 $42牛腩份量唔少，炆得夠淋，不過帶有好多肥膏，攪到本身已經夠油既湯底，再加上牛腩D油，結果成個湯好杰身，個人感覺唔良好，越食越有罪惡感，好快就覺得好滯。上海麵反而煮得幾好，唔會好淋或者一夾就斷，帶點煙韌感，呢個麵唔錯。麵餐小食 – 生煎包2個 & 四喜烤麩前者底部煎到微焦脆，好有油香，不過肉餡好實，而且無乜肉汁，麵包皮亦好韌，唔夠鬆。後者第一次食，甜甜地，味道唔差，食落有D似炸豆腐層外皮。小龍包 $40咁多款食物裡面，呢款最好!! 包皮唔會好厚，而且入面有好多湯汁，湯汁亦唔會好油。鍋貼5隻 $40呢個鍋貼係全場最差….餃子皮其實係生煎包個皮，只係變薄左，餃皮好韌又厚又乾身，餡料係粉紅色既實肉

周不時都會幫襯萬家村，因為佢開得夠夜。今次叫咗兩個餸，秘製話梅骨同埋酸辣土豆絲，秘製話梅骨係套餐之一，連埋一個菜飯同埋飲品，飲品揀咗豆漿，唔會太甜啱啱好。話梅骨好入味，又香又甜～一個套餐都只係$80。另外酸辣土豆絲並唔係套餐，但係老闆好好人請多個飯我哋食，菜飯真材實料入邊好多菜粒。見到隔離枱食酸菜魚，我都好有興趣啊下次等我叫多啲人嚟試先！

一行五人深水埗星期六食早飯😘上海菜館「上海萬家村小館 」入座時間係6點前仲可以叫下午茶餐😍咁就叫左四個下午茶餐加散叫單點下午茶餐真心好抵食 價錢平左仲送小食飲品(豆漿/汽水)😋全店免加一 😊欣賞店家下午茶套餐份量絕無將貨就價正價特價都一樣 份量十足大大碟😛性價比極高！見老闆都係樓面幫手 服務好周到 ☺️又無限時 唔會急住收碟執枱所以 整個用餐體驗非常良好 係物超所值🙂♥️食完友人們都不斷嗌好味🤤^以下為下午茶套餐招牌鮮肉包汁小籠包5隻($40)••••••新鮮出爐出哂煙嘅小籠包！😝皮薄餡靚多湯汁😍高質！師傅功力好 有工架皮薄得嚟唔會用筷子一夾就穿👍🏻鮮肉煎鍋貼5隻($40)大隻飽滿不油膩 有肉汁🥟招牌豬扒擔擔麵($38)(小食 - 生煎包2個)••••••粗麵條有咬勁🍜微辣湯頭花生醬味濃郁😘濃稠湯底夠掛汁🥳回鍋肉炒年糕($48)(小食 - 陳醋老鼠耳)••••••老鼠耳入味夠開胃👍🏻炒年糕好大一碟 十分足料！大塊豬腩肉、椰菜、豆干、軟糯年糕材料份量平均 豬腩肉爽口🥰好好味！！認真色香味俱全！😛鑊氣夠 辣豆瓣醬調味準 每樣都吸哂醬汁🤓^以下為正價單點涼拌雙拼($78)(鎮江餚肉+麻油海蜇)•

今次去咗深水埗地鐵站附近嘅一間上海餐廳食飯，食物質素有驚喜上海炒年糕-年糕炒得好香，配菜份量十足。豬扒炒年糕- 豬扒好鬆軟,份量都幾多，個人比較中意食尼款年糕，值得一試👍🏻口水雞-雞肉好嫩滑配上麻辣汁好惹味，而且唔會蓋過雞味。炒豆苗- 尼個炒得好有鍋氣，好似用上湯炒，好鮮甜再配上金華火腿絲，味道更有層次。👍🏻小籠包- 皮薄多肉汁，食到我哋津津有味。👍🏻麻醬雞絲粉皮- 之前出去食過一間餐廳，佢哋係用日式芝麻醬，而呢間食得出用咗花生醬溝出嚟，味道好香濃，配埋粉皮就岩岩好！仲有叫咗擔擔面、鍋貼同生煎包，不過唔記得影相。擔擔麵同鍋貼正常，反而生煎包有驚喜，一咬落去好juicy，超多汁，一定要即食，凍咗就會冇咁多汁☺️整體來講呢間嘅上海菜唔錯，價錢合理，見到隔離枱有叫酸菜魚好似好好食，有機會一定會再去食，而且佢下午茶時段非常便宜，所以真心推介俾大家🤤

朋友生日食佢地期待已久的酸菜魚異想不到係龍躉酸菜魚，比平時食到嘅桂花魚口感更加好，魚肉鮮甜，酸菜冇得彈，配菜都好重要嫁，豆芽好新鮮夠爽脆，寛粉吸晒湯汁口感煮到岩岩好，睇得出大廚火喉煮功控制得好好酸辣湯係我食上海菜必點菜式之一，依間都值得一試，用料豐富，而且$59例牌大大碗仲要有蝦，酸辣度岩岩好，夠晒開胃。小籠包都好出色，肉餡夠新鮮，湯汁更加唔洗講～鮮甜可口。紅油抄手肉餡同樣新鮮，證明老闆選料用心。不得再讚一次大廚炒菜好火喉，酸辣土豆絲都可以炒到有聲有色，有夠酸爽的眼見其他客人點嘅炒菜色水都好靚，炒年糕、宮保雞丁睇到都想食最後老闆送既豆沙窩餅都好好味，豆沙唔會太甜，外皮酥脆，飯後甜點一流

每次想食酸菜魚，都會黎呢間店。今晚和朋友再黎，一起到萬家村食晚飯。叫左一個酸菜魚，一個螞蟻上樹。酸菜魚份量多，夠酸、少辣，餸飯一流。魚的質地軟滑，有酸菜、芽菜、木耳等配菜。個底仲有薯粉，加埋個湯汁一齊食，好正。雖然有d辣，食到出汗，但都會忍唔住繼續食。螞蟻上樹都可以，粉絲乾身，味道唔錯。不過下次可以試吓其他。我哋叫左2個餸，有2碗飯，飯可以選菜飯或白飯，送汽水。仲要冇加一，好抵。性價比高，值得再試。