上海萬家村小館

營業中

休息中

太子嘅上海麵餐廳滬小館絕對出色，咁..... 深水埗嘅上海麵店萬家村又點呢? 第一次幫襯又睇睇質素如何先.步入餐廳第一個感覺就係地下超滑! 要小心!點咗豬扒擔擔麵走辣，生煎包同小籠包.首先擔擔麵味道淡，連花生香味都無，滬小館嘅擔擔麵隔離枱都聞到香味! 但豬扒外脆肉鬆軟，反勝滬小館.小籠包熱到辣咀，雖然質素唔差，夠湯汁而且餡料足，但皮唔夠滬小館薄.生煎包包底夠脆但餡料不足.最大問題係餐廳感覺極唔乾淨，地板又滑，D窗嘅玻璃又唔乾淨，水壺又污糟，有相有真相，唔會再幫襯.

無意中經過，見到好多舖頭收哂，但呢到仲做緊生意，又見到好多人買外賣，即管又入去試吓，入到去，每一個員工都好有禮貌，環境和座位就一般，見到一位上咗年紀嘅男士，我估佢應該係老闆，好客氣又有禮貌，所以員工都同樣有咁嘅優點👍不過有一樣野一定要改善就係個洗碗姐姐好唔掂😅—————————-砂鍋雲吞雞二人套餐：（隨了砂鍋雞指定外，有幾款菜式任你選擇，我就揀咗以下昵幾款😋🐔砂鍋雲吞雞：湯好鮮甜，雲吞亦都整得好好食🐷招牌鮮肉爆汁小龍包：爆汁皮薄餡靚🦴秘製話梅骨：味道惹味醒胃菜飯：😋豆沙鍋餅：皮脆熱辣辣😋豆漿：😉—————————-食物係好食😋不過洗碗姐姐洗嘢就真係唔得，尤其係膠碗，洗得唔乾淨就肥淋淋😅😅希望可以改善下呢個問題就最好😪——————————-禮貌食物服務好..唯一欠缺係👆🏼👆👆🏼👆其實開心🥳簡…單就在你身邊..食….拍…寫.. 已經成為我生活中的一部份鍾意食..鍾意拍.鍾意寫..留下美食的回憶😝—————————

一行入餐廳觀感已經得翻五十分，環境相當污糟, 更有清潔人員拎住污水桶周圍遊走。食物更是我食過最難食的上海菜。紅油抄手只有一股酸醋味, 小籠包更味同嚼蠟加上油膩的口感十分不討好。 酸辣湯雲吞更加只有一陣不明的酸味。不建議。

原本想食文記車仔麵，但人多唔想等，於是去咗隔離呢間上海菜餐廳，叫咗排骨擔擔麵，加2件生煎包，有埋罐Zero Coke，都係$40，屬下午茶餐，整體食物都幾好，唯一美中不足係件炸排骨，應該係炸完有一段時間，有啲凍，好彩生煎包是熱的，擔擔麵都OK，以價錢計，值得推介！

招牌豬扒麵🍜$40 (下午茶)配擔擔麵+ 生煎包2個+Coke Zero😎本來諗住去黃金高登買啲Computer Stuff🤣咁啱經過，見好耐冇食😛就順便入去食埋個下午茶😋當然係叫平日食開嘅豬扒啦👍豬扒炸到好香脆🐷新鮮熱辣辣🤤擔擔麵份量都幾多😏加埋兩個啱啱煎起嘅生煎包😉夠曬豐富，真係飽晒😝包埋飲品，有豆漿🥛仲有唔使交錢都飲到凍嘅罐裝可樂🥤上海萬家村小館 (深水埗)深水埗福榮街117號地舖

🔸招牌鮮肉爆汁小籠包 $48 / 5隻肉汁都濃嘅，有肉香味 但個皮有少少厚整體感覺一般呢個價錢但係俾呢個質素你 性價比唔高🔸水煮牛肉 (晚市客飯套餐) $98 味道濃郁，辣度適中怕辣嘅人都食到但係就油咗少少魚肉份量唔算好多 魚肉都算新鮮嘅▪️晚市客飯套餐，包括小菜一款 + 白飯或菜飯 + 飲品一客🔹環境：都算好多位，但都好多人等 可能當日係星期日晚餐時間基本上成條街嘅舖頭都要等位 🗣不需加一服務費-時段及等候時間：星期日 晚上 ～15分鐘-味道：6/10性價比：6/10回頭率：3/5-#上海萬家村小館 📍深水埗福榮街117號地舖

一個人去深水埗食嘢, 諗住食一啲輕食, 點咗個小籠包, 小籠包形狀稍大, 用筷子夾起立即穿底! 再夾起豬肉, 入口非常油膩, 細看之下原來是肥膏! 吃了兩粒後肚子立即不舒服! 再叫了一碗淨雲吞, 可惜夥記落錯單變成餃子麵, 我也算了, 餃子皮非常厚! 裏面嘅肉極不新鮮! 麵條鞋口, 湯汁怪味! 兩個菜都吃了不夠一半放棄了.同場加映兩個夥記鬧交, 粗口橫飛, 這間餐廳不知所謂! 咁難食嘅上海菜真係第一次食!仲要收八十二蚊, 簡直貼錢買難受, 奉勸大家要三思.

睇 youtube介紹話呢間下午茶好抵食，所以就拉埋朋友黎試吓五香牛展麵+生煎包牛展份量好多，每片都好淋，吸哂 d醬汁，好好食～個麵我地叫左上湯拉麵，有 d後悔冇要擔擔湯底，因為上湯底味道偏淡生煎包上檯嗰時仲喺暖暖地，包皮鬆軟，但略嫌厚左 d，入面餡料有調過味，都幾好食！上海豬扒炒年糕+四喜烤麩年糕非常Q彈，豬扒份量都多，唔會太咸，唔錯～四喜烤麩夠多醬汁，又唔會好重口味，幾好～

偶然 見到 有下午茶餐，即管試下。炸猪排拉麵，担担湯底 +小吃生煎包＋罐裝汽水＝$40。牛煵拉麵，担担汤底＋小吃木耳＋ 罐裝汽水＝ $47。拉麵分量足、 料夠、 味濃；生煎包可以la.。整體黎講，套餐多元化，超勁抵食。必回頭再食。

呀豬行完黃金已經差唔多夜晚7點9，但因為放寬左晚市堂食到10點，加上星期五晚，成個深水埗都係人。本來諗住去食嫲嫲辣辣，但真係太多人等位啦，喺附近見到一間食上海菜既，我又想食小籠包，又咁岩仲有位，於是二話不說就衝咗入去啦！ 😝砂鍋雲吞雞2人餐 $278 有5件小籠包，一兜砂鍋雲吞雞，一款小菜-我地簡左梅子骨，2碗菜飯，同埋4件高力豆沙，仲包2罐野飲。份量非常之多，十分抵食！先講小籠包，皮唔算薄但有彈性，內容肉味香濃湯汁亦夠多，但岩岩新鮮出爐十分燙口，食既時候要小心d🤣. 梅子骨先炸過再落梅子醬去炒，酸酸甜甜好開胃，份量係多既，但係排骨略嫌切得太細了，軟骨都比較多。至於主打嘅沙鍋雲吞雞，講真，我有小小失望，份量又係好多，有6件雲吞，6大件雞件，不過應該係白切雞黎，只不過真係太淡啦，好似無落鹽咁，湯底都唔夠鮮甜。友人實在太想食擔擔麵啦，所以我哋另外嗌咗一份豬扒擔擔麵 $69一上枱令人呆左，因為有4件都幾厚下既豬扒😂仲好貼心咁分開另上。豬扒令人驚喜，一d都唔乾，好Juicy，仲有淡淡既薑黃香。至於個麵我個人覺得唔錯，湯底比較清爽帶有dd微辣，麵質亦爽滑。但友人就覺得個湯底唔夠香濃。菜飯2大碗，

歡迎追蹤我的IG @esther.daily_ / @esther.dino 了解更多喔！那天因為經過門口見到不少人在排隊和等候堂食，後期的我也跟着排隊來一個盲測午餐！Openrice 不得不說是一個很好的參考! 進去的時候點了一個京蔥爆牛肉單點，回鍋肉午市套餐配菜飯，再來兩籠小籠包！天呀！才$226呢！ 要不然吃太飽了，絕對值得再試其他！ 兩個餸菜的味道都讓你滿足了想吃家常飯的感覺。不能說調味健康，但就是真的性價比很高！ 好食！

下午茶餐堂食由十一點半去到夜晚六點就可以叫,本來諗住咁嘅價錢啲嘢食都係一般ok就算係甘，點知出奇的好好食我叫咗招牌豬扒麵,擔擔麵湯底加小籠包,仲有可樂,朋友就叫咗回鍋肉擔擔拉麵配烤麩,可樂，兩個面雖然話下午茶，但係份量都唔少,豬扒有兩大嚿,炸得好鬆脆好好食回鍋肉入面除咗椰菜仲有豆腐乾條都好大碟,小籠包有兩個熱辣辣香脆鬆軟,上海烤麩菜甜甜地吾錯,真係食得好滿足,今日晚餐都唔使食，下次再嚟試下其他嘢食先

📍 上海萬家村小館______請答應我，當你在深水埗街頭閑逛找尋性價比高的餐廳時，請去上海萬家村小館。▫️$40 的堂食下午茶餐包括了上海排骨擔擔麵，生煎包兩隻，汽水或凍熱豆漿。沒有加一，免費熱誠有禮的服務，一入座便馬上奉上一杯熱茶作清潔餐具之用，疫情肆虐之際特別窩心體貼。▫️味道雖不算上佳但也比某些大上海連鎖餐廳更好，上海排骨新鮮炸起，粉漿不算厚，肉質紮實但不乾身。擔擔面微辣惹味帶麻醬香，還可選擇拉麵或淮山麵（不用加錢！） 生煎包可惜不夠香脆，但肉餡飽滿調味也好。整個套餐份量絕對足夠只需$40, 旦覺得沒有挑剔的地方了，你呢？______下午茶餐 $40______📍 上海萬家村小館 (深水埗)深水埗福榮街117號地舖

係屋企炒餸往往都係要搞一場大龍鳳先有得食，仲要煮完未必係個隻味😂所以懶人做法係落去嗌個餸就算啦，所以今日就揀左去食一間家既味道。🐒酸甜咕嚕肉+菜飯💰$59呢間係上海菜，所以有得配菜飯，我覺得幾好，感覺健康啲😂咕嚕肉對我黎講係食極唔厭，因為平時係屋企都基本唔會煮到呢個餸。肉既份量都算多同埋都掛汁，酸甜度岩岩好，好開胃，但就冇去到驚艷水準，係普通想像到既味。🐒酸菜魚片+白飯💰$79本身諗住會係偏黃既湯，但好似偏橙多啲，呢個食落就偏油啲，所以搞到啲配菜都吸哂啲油，要送多幾啖飯落去先會解到膩，呢款就般般推介啦。佢都仲有其他選擇，所以如果下次都會想試其他小菜類😍好似話梅骨都好吸引！

一直很喜歡吃上海菜，這家餐廳除了提供上海菜，還有川菜，加上鄰近工作地點，當然常來光顧。這裏的午餐、下午茶和晚餐我都試過，午餐和晚餐的餐單基本一樣，惟價錢晚餐稍貴，下午茶性價比最高。我最喜歡吃這裏的酸菜魚，蒜味香濃，又酸又麻魚肉又多，最令我驚喜的是自帶寛薯粉！薯粉吸盡湯味，非常惹味！一說起口水又忍不住流下來😆下午茶餐包一杯飲料、主菜和前菜，價錢$50內，份量巨大，我試過口水雞麵（抱歉沒有拍照），口水雞同樣出色，雞味濃，配上口水汁簡直令人欲罷不能！