上海萬家村小館

營業中

休息中

喺黃金附近買完嘢，想食中式小菜，就見到呢間上海嘢。其實我自己幾鍾意食中式嘅嘢，有啲要有鑊氣嘅小菜自己煮唔到。$128 🍤黃金蝦球邪惡鹹蛋黃蝦球，每一隻都沾滿左鹹蛋黃，鹹蛋黃超級啱配飯食。蝦球粒粒都好大隻，外層脆卜卜。蝦球爽口， 連蝦腸都挑埋。$138 🫕蟹粉豆腐羹見到有唔少蟹粉相關嘅菜式，就揀咗個豆腐羹試吓。超級大碗，應該可以三至四個人食都得。好足料，見到有唔少嘅蟹肉，蟹膏。$90 🍲沙嗲金菇肥牛 配飯 🍚呢度都有晚餐，配白飯或者菜飯，送埋嘢飲，可以揀汽水或者豆漿。唔好睇相咁細碟，實情係啲肥牛仲多過啲粉絲金菇。呢度啲小菜，例如係黃金蝦球，都係喺屋企唔會整嘅菜，做唔到佢咁香口。仲有唔少嘅小菜可以揀，夜晚唔想煮飯可以過嚟食。