上海萬家村小館

營業中

休息中

難得又嚟深水埗，搵咗間上海菜館食晚餐，嚟咗上海萬家村店門口，平時見夜小小就要排隊，今日六點幾時間啱啱好，唔洗等就入坐，先睇餐牌，好多選擇，有手製拉麵🍜點心類、主食回鍋牛肉辣子雞等等仲有醒胃自由拼涼拌、砂鍋雲吞雞、酸辣湯同埋海鮮系列，自助掃碼落單，方便👍🏻，先點了鮮肉小籠包，熱辣辣出爐，小籠包多汁多肉，再嚟個上海擔擔麵，一上枱好香花生味🥜，試一啖湯先，滿意👍🏻再加埋個手工麵一絕，好配合！朋友話想試海鮮🦞就點咗黃金蝦球，嚟到好多蝦球一碟有十粒多，隻隻蝦球都大大粒多肉，配咗黃金制法好好味😋一路食就一路讚，冇叫錯🤭再點了酸辣土豆絲，又係一大碟，二個人食唔晒，酸酸辣辣好開胃🤤最後點了甜品高力豆沙要四個夠食，又係熱辣辣上枱，好好味😋甜度啱啱好，整體好滿意會再嚟幫襯👍🏻

忽然好想食上海回鍋肉，搵左一輪，見幾個網友都話呢度幾抵食，就即管試下😎來到餐廳時剛好七點三，餐廳坐到半滿~餐廳佈置簡單，幾光猛👍不過D姐姐鬧緊交，好嘈😖是但搵個位坐低就即刻睇客飯menu~其實餐廳有其他湯麵、炒年糕餐，5x-6x蚊，不過自己想食小菜，就冇叫了😂🐷鮮肉小籠包 ($48)見餐廳牆身貼左個銷量榜，呢個係餐廳銷量第一，見到咁，即刻試😎小籠包一籠5隻~包皮有D厚，但肉餡幾大粒，同埋包入面好多湯，湯幾清👍🐷回鍋肉 + 菜飯 ($82)回鍋肉好大碟😳豬肉片好多，仲多過椰菜😳仲有D辣椒、豆乾一齊炒~食落味道幾好，唔會太油，都唔辣，送飯一流！客飯餐會跟一個飯或者菜飯~菜飯份量適中，但菜粒比較少😢朋友話食到有牛油味，但我又唔多覺🤦‍♀️🐟銀芽炒鱔糊 ($110)又係上枱個陣嚇一嚇😂係人都知鱔貴，冇諗過鱔糊都咁大碟😳鱔嘅份量好多，食極都仲有😂芽菜爽脆，成個鱔糊味道香濃，送飯一流~🥤可樂、🥛豆漿🥛豆漿唔會太凍👍不過無論係豆味定甜味，味道都比較淡😢最後埋單 $240~食物質素唔錯，大碟又好食👍不過服務就麻麻😑除左一開頭兩個姐姐鬧交，嘈住食客外🤷‍♀️我地落完單想再加單，姐姐又叫我地搵返原先幫我地落單

同朋友行到深水埗附近，臨時起意想食上海菜，就搵佐尼間上海萬家村小館。餐廳位置好好搵，服務的姐姐們好熱情，一直係度介紹話我哋知邊個餐好味。我哋點佐鮮肉小籠包，雞絲粉皮，銀芽炒鱔糊，酸菜海鱸片同高力豆沙。雞絲粉皮都算涼菜，好快就上左。粉皮都幾滑，雞絲都幾多，花生醬味道有滴重，鍾意食花生醬的人應該比較啱尼個味。小籠包一籠5只，咬落汁水都算幾多，鮮肉味道配搭生薑醋汁比較好味。點的幾樣菜中最好味的是銀芽炒鱔糊。銀芽即是豆芽，粗短爽脆。鱔糊好足，滿滿一盤都是，鱔魚絲切得粗細剛好，入口滿足，鍋氣充足，食唔停。尼個餐仲可以選配搭菜飯。酸菜鱸魚的酸菜味都算足，鱸魚片都好滑，好少刺，酸菜魚下面仲有豆芽同粉條，索曬湯汁的味，好啱胃口。高力豆沙點佐細份（一份四個），每個size比較淑女，女仔三四口可以食曬一個。Q彈口感配搭香甜的豆沙，好鍾意。最後再飲埋凍豆漿，清香的豆味正好解膩。

去完深水埗見客放工想同朋友一齊食上海野上網揾揾下見到依家上海小館就過黎同朋友下十分之爆場雞絲粉皮 $55大大碟 而且雞絲份量十分多去食上海菜基本上我都必點好食到食晒所有怪味雞酸菜拉麵餐 $57好抵食 難怪咁多人雞好入味 好食大份大大碟雞係出面都唔止要$57佢仲係一個套餐 有埋拉麵仲有1杯野飲送 揀左豆漿買多杯豆漿只係$10涼伴四拼 $98啱晒我依啲選擇困難既人好多野揀😍而我就揀左1. 麻油海蜇海蜇好爽口秘密食法：夾埋去雞絲粉皮食 仲正2.五香牛展牛展啱啱好 唔會太硬太乾甜甜地又保留到牛展味3.蒜泥白肉同出面既有啲唔同蒜味秘製超多份量 下面仲有啲粉係到加埋一齊食又好夾少少辣辣地加香蒜味 好開胃4.上海燻魚第一次食 好得意外面個汁甜甜地 配落燻到外皮脆脆地既燻魚到外面咁脆但入面又唔會老一大享受 估唔到咁好食蟹粉小籠包 $118面個層係蝦米入面真係有蟹粉係到水籠包又保存好有蟹粉既湯汁不錯銀絲卷 $25外脆內軟 加練奶冇得頂豆沙鍋餅 $40最後用個甜品做結束煎得香脆食咁多野都只係$393四百都唔洗 成枱野抵呀👍 飽到食唔晒

星期五放工我地又去左深水埗執平野😆仲發現左呢間平價上海菜！套餐又平又大碟！仲要配埋小食同野飲！CP值極高！醉雞酒味幾香幾入味！大大份😍而且仲有雞髀位！生煎包跟餐送，有2大隻👍🏻！豬扒擔擔麵豬扒熱辣辣！擔擔麵個湯勁香孜然味！唔錯👍🏻！小籠包好多汁！如果個皮再薄啲會更出色！👏🏻回鍋肉好足料好多肉！小小辣偏甜，配飯一流！高力豆沙飯後甜品，即叫點整，我地點哂碟上既糖霜食😆！豆漿餐飲揀左豆漿！唔係好甜非常好！呢到既樓面姐姐超nice！快平靚正！

今日去左深水埗覓食，福榮街全部都係食店，行左一圈見呢間上海菜好多選擇，價錢又唔貴，就行左入去，入到去發現全場坐滿，睇嚟應該無揀錯餐廳裝修唔係行誇張路線，簡單撲實，但環境光線足，用餐氣氛好熱鬧，餐牌選擇好多，而且好多招牌菜都有圖片參考，唔使估估下，最好係佢牆上有個人氣菜式排名，有選擇困難症可以睇下咩係最多人食就叫咩我地見到餐牌有個涼拌自由拼，餐廳好貼心，比食客揀拼幾多款，款式又可以按個人口味隨意揀，我地就先黎個四拼揀左蒜泥白肉，鎮江餚肉，雞絲粉皮，醉雞一上菜，估唔到份量多到咁誇張，講真呢個價錢好抵食，唔怪之得我地見每枱客都有叫呢個菜醉雞數過有成8件，酒味好濃，雞皮好薄無肥油，雞肉充滿酒香，仲好嫩滑，真係超級正雞絲粉皮都有水準，雞絲份量都算充料鎮江餚肉真心有驚喜，肉唔會雪到凍冰冰無味，反而好札實好有肉香，配上啫喱狀既高湯汁，融化係口真係好滿足呢款菜真係要花功夫先做到蒜泥白肉好惹味，配個汁真係食到停唔到口，份量又多相思骨都好推薦，酸酸甜甜好開胃，配白飯真係一絕，餐廳揀既排骨一d肥肉都無，用料實在，每粒排骨都有汁包住，但又唔會成碟都係汁浸住，真係抵讚，睇得出廚師功夫雲腿津白比想像中份量多，一般

前排去深水埗試咗一間性價比超高嘅上海菜，餐廳係小店形式經營，所以所有嘢食都好抵，好多街坊嚟食砂鍋雲吞雞二人套餐 $278因為想食雲吞雞，所以我哋叫咗呢個二人餐，包左¼隻雲吞雞、一個自選點心、一個自選主菜、甜品，兩個飯同埋兩杯飲品-雲吞雞湯底好鮮甜一啲都唔油膩，¼隻雞兩個人食啱啱好，雞件唔會過肥亦都唔會太多骨，有好多肉食，雲吞大大粒皮薄餡靚，另外都有好多娃娃菜😋😋-主菜：酸菜魚主菜方面我哋揀咗酸菜魚，唔似平時去川菜館食嘅酸菜魚，呢度嘅反而係清清地，唔會太多油，酸味比較出，魚片份量都頗多，厚薄適中-點心：小籠包小籠包熱辣辣大大隻，一籠有五隻，一咬落去入面嘅湯汁就爆曬出嚟，肉質鮮甜-甜品：高力豆沙食到差唔多就可以叫店員準備甜品高力豆沙真係即叫即整，一嚟到熱到入唔到口🤣高力豆沙同樣都係大大個，入面嘅紅豆餡好綿密，唔會太甜，個人本身麻麻哋紅豆都覺得幾唔錯甜品：豆漿-食上海菜當然要飲豆漿，呢度嘅豆漿口感好滑，甜度適中，推薦

今日跟男友到深水埗行一行街 去到福榮街真係好多餐廳選擇 我地就揀左呢間人氣高企既上海小館😉一入到去 就已經比蟹粉小籠包個banner 吸引住♨️ 於是就點左一籠蟹粉小籠包 （共5個）佢地都新鮮蒸出來 熱辣辣 勁新鮮💕 仲有啲醋可以沾嚟食! 重點係餡也蠻多的 蟹肉跟豬肉比例各半😜 仲要一咬開就爆汁💦然後 男友叫左銀芽炒鱔糊跟菜飯 個銀芽炒鱔糊幾大碟的 😛 同埋啲調味汁好均勻 黃鱔很新鮮同埋淋身☺️仲要幾厚肉 配上菜飯的確一流而我就點了 西蘭花炒鮮魷 想試下佢個擔擔麵 所以就加$15去食擔擔麵先講西蘭花炒鮮魷 🥦 魷魚都幾多 🥰同埋彈牙新鮮😉 西蘭花也很夠味 咬一口也充斥住汁👍至於擔擔麵 鐘意佢既辣度剛剛好😎 同埋有啲肉碎係到😚 麵線既軟硬度正好 啲湯唔會太濃稠 😜我地每人都飲左杯豆漿 😗 唔會太甜😆

睇menu📓都睇左10分鐘，因為佢真係太多款式選擇😵，晚市有多款不同套餐，晚上7:30去到，已經要排隊，可想而知幾受附近街坊喜愛。🥟香煎鮮肉鍋貼5隻🥟煎既時間掌握得好好，每隻第一啖都會爆汁💦，餡料經過輕輕調味，就算齋食都冇問題。🥟招牌鮮肉爆汁小籠包5隻🥟原個蒸籠上嘅爆汁灌湯小籠包，肉汁清甜，皮厚度適中有韌性，皮厚度適中，唔易穿，點埋個薑絲香醋，一人KO一籠唔難。🍜上海擔擔麵🍜揀左唔辣既擔擔麵，一放低已經聞到花生🥜嘅香味，湯底濃度剛剛好，麵底似係手工拉麵，夠彈牙，份量比起出面嘅擔擔麵多，性價比高👍🏻🐮招牌回鍋肉/牛肉🐮我選擇左牛肉，牛肉嫩身有牛味，一啲都唔韌，店家用左豆干紅椒芹菜去炒，足料有鑊氣，如果我唔係叫咗擔擔面，我肯定會叫碗白飯去送😋😋🐷相思骨🐷店家用原粒桑梅去整，唔係單靠調味料去調個酸，食落似加左蜜糖，酸酸甜甜好開胃，而且選用既排骨，肥瘦同骨肉既比例都剛剛好，一口一粒，食唔停🫣🌶️回味麻辣口水雞🐓味道層次豐富，不單止有辣味，仲帶麻香，雞肉嫩滑唔肥，上面既配角花生香脆，唔算太辣，唔食得辣既都可以一試。💰價錢實惠，碟頭又大，絕對值得一試。👍🏻

今日去深水埗睇電腦，睇到咁上下自然就去搵食，自問都成日出入深水圳，啲野食黎黎去去都係個啲食到厭，今日一於試下新野呢間萬家村食上海野，估唔到有驚喜！價錢上都好平民，勁多唔同上海菜都有，就連松子魚都有得食呀！食上海野點可以唔叫小籠包，呢個係蟹粉小籠包，熱辣辣上枱，店員提示我地要趁熱食先最好味，不過入面真係好多湯汁，食既時候要小心燙嘴入面蟹粉份量都唔少，一啖食落去勁香口，入面豬肉夠晒味，皮又夠薄好高質紅油抄手，醬汁夠晒多聞落好香，唔好見佢咁紅其實唔算好辣，連埋啲醬料一齊食勁好味口水雞，辣得黎好彩係冷盤，我朋友唔價得辣都食到，仲要搶住食事關隻雞真係好嫩滑，口水料又唔會蓋過雞肉味螞蟻上樹，平時好少食，不過我真係好中意食粉絲每一條粉絲都完完全全索晒啲汁，加上入面仲有好多肉碎，食落又有咬口又夠味高力豆沙，第一次食，開頭以為係凍既甜品，原來係熱食入面包滿晒紅豆蓉，外面層皮軟身甜甜地，幾特別

呢間深水埗平民上海菜真係唔錯㗎！佢哋嘅小籠包餡多，湯汁幾多，熱辣辣。紅油炒手好似雲吞，醬汁香辣！我哋叫咗回鍋肉粗炒，回鍋肉肥美，粗炒好似烏冬質感，炒得恰到好處，夠味又唔會太膩。另外，佢哋嘅咸魚雞粒豆腐煲亦唔錯！豆腐嫩滑份量多，雞粒鮮嫩，一碗熱騰騰嘅煲仔菜真係好暖胃。菜揀咗蒜蓉炒菜心，蒜蓉夠香～～最後，當然叫返個酸辣湯。湯底酸辣度令人胃口大開，入面有蝦等料，幾鮮又香辣。呢度價錢平民，款式多，抵食！！

喺黃金附近買完嘢，想食中式小菜，就見到呢間上海嘢。其實我自己幾鍾意食中式嘅嘢，有啲要有鑊氣嘅小菜自己煮唔到。$128 🍤黃金蝦球邪惡鹹蛋黃蝦球，每一隻都沾滿左鹹蛋黃，鹹蛋黃超級啱配飯食。蝦球粒粒都好大隻，外層脆卜卜。蝦球爽口， 連蝦腸都挑埋。$138 🫕蟹粉豆腐羹見到有唔少蟹粉相關嘅菜式，就揀咗個豆腐羹試吓。超級大碗，應該可以三至四個人食都得。好足料，見到有唔少嘅蟹肉，蟹膏。$90 🍲沙嗲金菇肥牛 配飯 🍚呢度都有晚餐，配白飯或者菜飯，送埋嘢飲，可以揀汽水或者豆漿。唔好睇相咁細碟，實情係啲肥牛仲多過啲粉絲金菇。呢度啲小菜，例如係黃金蝦球，都係喺屋企唔會整嘅菜，做唔到佢咁香口。仲有唔少嘅小菜可以揀，夜晚唔想煮飯可以過嚟食。

今日好開心同屋企人去咗深水埗站附近嘅一間餐廳，估唔到呢一間餐廳水準咁高，有驚喜，所以住附近嘅朋友，深水埗朋友一定要嚟試吓，呢一間經濟實惠，侍應嘅服務周到，好殷勤，有笑容，而且佢哋嘅食物水準好高，選擇又多，去到餐廳嘅時候，已經人流好多，證明呢一間餐廳真係好受歡迎，係老字號，所以一定要利是呀，而且我最鍾意係佢哋嘅價錢經濟實惠，一個套餐有飯有湯有小食，都唔需要$60 ，真係好抵，出面市區係搵唔到呢個價錢，而且佢哋啲餸菜全部都係熱呼呼的好新鮮，又大碟又抵食，所以我覺得呢一間性價比好高，如果想食一個超級飽，就超級好食嘅飯，一定會推介呢一間餐廳，而且佢哋嘅套餐真係好抵，有飯有面，我哋特別叫咗一個上海豬扒麵，加個生煎包做小食，個相機包真係好好食呀，出面食唔到，而且佢哋個豬扒麵嘅份量有夠大碗，年糕都好好食，所以呢間真係一定要泥試吓

同朋友約開去深水埗，行行下就諗起想食上海野，咁啱就行到呢間萬家村上海小館。其實深水埗呢度周圍都超多人，好彩早少少入黎，好快又滿人啦。係深水埗食野真係好熱鬧，而且侍應姐姐意外地好相與，仲要好好介紹。咁熱首先就叫左個麻油海哲食下先，好爽口又夠香，非常開胃。然後叫左個老乾媽抄雜菌。睇落好似好多辣椒，但其實又唔會好辣，真係好開胃，好啱送飯。最好係佢唔會好咸，因為呢類小菜一般都會好重口味，但又唔會，所以都幾意外。見到餐牌有金銀抄鱔糊，真係好傳統既舊式菜，好似已經好多上海舖都冇得食啦，呢度竟然有，所以真係即刻叫黎食下。好多鱔，又好肉，而且芽菜韮黃都唔少，真係超足料。難得食到呀。黎到當然要食埋小籠包，仲要食蟹粉既。黎到都幾大舊，有蟹肉香味。真係覺得好特別，好享受。

星期六晚飯時間唔洗排隊。Menu望落幾新🤣我地嗌左—涼拌四拼 $98（麻油海蜇X五香牛展X花雕醉雞X鎮江餚肉）有時人少少，又有幾種小食想試，嗌呢個四拼就岩啦🥳一次過滿足哂所有願望🤤-1️⃣麻油海蜇⭐️超好食🤤海蜇爽口彈牙，配上青瓜絲、白芝麻同麻油，真係停唔到口！-2️⃣鎮江餚肉⭐️鎮江餚肉好少見！鐘意分層食，點一點醋，食完層啫喱再食層肉，再食埋層啫喱，好食又滋味！🤭-3️⃣五香牛展份量多又大塊！牛展重牛味，有咬口，但有少少韌。-4️⃣花雕醉雞份量多，醉雞酒味濃郁，十分入味。唯雞肉多骨，近骨位置會較紅。—炸銀絲卷 $25⭐️銀絲卷大大舊，熱辣辣；用筷子夾起都feel到佢好酥脆！果然口感外脆內軟，轉眼間煉奶同銀絲卷就消失左啦🤤-銀芽炒鱔糊 跟菜飯同豆漿 $110呢個係店員推介🤭老實講，我唔常食鱔糊🤣但一黎到，份量多到「嘩」一聲，無論芽菜定鱔片都好多！芽菜爽脆，鱔片煮到稔身但實肉，夾埋一齊食口感唔錯。菜飯嘅菜新鮮嫩綠，唔似擺左好耐🤭凍豆漿就有D甜，甜味蓋過左豆味🤔—鮮肉小籠包 5隻 $48小籠包岩岩蒸起熱辣辣，好大粒。可惜小籠包嘅皮有D厚，入面無湯，係入面舊肉夠大舊。—有樣嘢想讚係佢有茶水供應，濃郁解膩，最後睇番