上海萬家村小館

營業中

休息中

上網搵到依間上海小店特登同朋友嚟深水埗食👉🏼店家好好送飲品：茶/豆漿/汽水👉🏼涼拌三拼做得比較出色嘅係青瓜，新鮮爽脆酸酸地非常之開胃👉🏼涼拌四拼做得比較出色嘅係海蜇，海蜇無沙不特止仲好爽脆唔會太鹹，確實令人驚喜👉🏼鮮肉小籠包包皮唔會太厚，中間仲有肉汁，食落拍得住台灣某品牌嘅水準👉🏼瑤柱蛋白炒飯啲飯吵到粒粒分明，啲飯唔會好硬亦都唔會好油👉🏼紅燒獅子頭份量好多非常抵食👉🏼瑤柱賽螃蟹蛋白真係做到蟹肉嘅口感同埋隻蛋係流心撈起上嚟好好食👉🏼螞蟻上樹粉絲口感都幾煙韌，撈肉碎可以食好多好多幾位朋友一致決定下次會再專誠再搭車來試其他小菜

與家人突然想食生煎包，揀咗呢間試下。我們點了生煎包、小籠包、醉雞和酸辣湯。醉雞略嫌酒味不夠濃，個人比較喜歡重口味，但仍算入味，合格。小籠包多湯汁，但肉味不突出，尚算好味。生煎包煎得香軟酥脆，但肉汁不夠，肉味也不算突出。酸辣湯可選小辣，味道剛好，不會太酸，好啱我個人口味，此菜式有點驚喜，個人認為是必食項目。唔知係咪抗疫贈品，每位客人可免費揀飲豆漿或支裝茶飲品。我揀咗豆漿，味道不錯，有豆香而不會太甜。

深水埗真係好多平靚正嘅食肆，今次就試咗呢間上海川菜。叫咗個砂鍋雲吞雞二人餐， 價值$268 ，仲要冇加一。除咗有¼隻砂鍋雲吞雞鍋之外，仲有揀一款主菜，一款小食，甜品同嘢飲。主食揀咗酸菜魚，小食方面要小籠包，甜品就嗌左豆沙鍋餅。二人餐來講，除咗種類多之外，份量都好多。小食嘅小籠包，我以為得兩粒，原來有五粒。 雖然小籠包嘅皮有少少厚，但係新鮮整起，入邊有好多湯汁，都好好食。酸菜魚味道唔錯，唔會好辣，魚肉又大塊又滑，薯粉都好煙韌。砂鍋雲吞雞相對味道比較清淡，但都好足料，有4粒雲吞同¼隻雞。豆沙鍋餅嘅表皮香脆，入邊有好多紅豆蓉，甜而不漏。

呢間既下午茶時間由兩點到六點，下午茶套餐有多款選擇，而且價錢平，份量大，完全唔係下午茶份量，好抵食。我同男朋友都係揀左麵點套餐，可自選小食同飲品。招牌豬扒配擔擔麵+手拍小青瓜+熱豆漿 $38擔擔麵重花生醬味，帶辣，唔錯。豬扒有四塊，炸到都叫脆口。手拍小青瓜爽口，都幾辣。熱豆漿偏甜。花雕醉雞上湯麵+生煎包+解綠茶 $50花雕醉雞有少少酒味，男朋友話唔夠濃，但份量多。生煎包有兩個，新鮮熱辣，唔錯。鍾意佢野飲有好多款揀，我揀左解綠茶。呢間食物水準普通，只係下午茶好抵食。

朋友聚餐，今次一行八人同我妹妹食生日飯。一直餐牌上很多菜想試，但每次都係我兩公婆，菜式分量很大，每次都不能試得太多。今次終於可以叫齊酸菜沙巴龍躉同水煮牛三寶。仲有我至愛嘅雲吞雞。一直都好奇牛三寶入面是什麼。今日終於揭盅了，裏面有鬆化嘅牛腩、炆得好淋嘅牛筋、牛展。平時只會叫水煮魚，又估不到咁牛也可以咁野味。平時叫開酸菜桂花魚，店員推介沙巴龍躉，估唔到肉質比桂花魚更滑更啖啖肉，酸菜同辣味道煮得剛剛好。入面嘅粗薯粉吸晒入邊嘅湯，好好味呀，我個妹仲不斷飲入面d湯添。我哋仲叫咗半隻雲吞雞，啲雞湯好濃好好味，我仲用來送飯。值得一提，這間小店沒有切餅費，仲提供碟比我們食蛋糕。食到捧腹每個人頭只係$100，太抵了。

下午茶多款套餐選擇,選了<招牌牛腩麵>選酸菜湯,自選小食（多款選1）,又加飲品（可樂,地道烏龍茶/綠茶,王泉忌廉,雀巢檸檬茶和豆漿選1）.牛腩麵份量大,不是一般下午茶的少份量,👍👍👍牛腩肉質帶点肥,香口肉有質感層次,牛腩汁再配上酸菜湯更好味,麵條彈芽,湯底👍👍👍下次過來再試招牌豬扒配擔擔麵👍

與去深水埗母親食飯，想食上海餐，於是去左上海萬家，二人晚飯叫左兩個套餐，一個話梅骨，話梅骨份量不少又入味，味道酸酸甜甜，個人非常喜歡！一個酸菜魚走辣，但都有啲麻辣味，魚肉亦都好滑，母親好鍾意食，連湯都飲埋，二個餐都好好味又大碟，二人食唔晒仲打包，免收加一及外賣盒都唔另外收費! 一定會再惠顧!缺點係店鋪較細小，但亦都唔會坐得好辛苦，服務亦不錯，80多元一個餐有菜飯有餸有飲品，有水準有良心嘅小店值得推介

性價比極高叫左咁多野食 人均都唔洗一百蚊晚巿無加一  仲要跟餐有野飲麻婆豆腐呢個撈飯真係一流！！食落口有陣陣既麻辣味 好過癮而且份量超多豆腐都好滑 但似係盒裝豆腐既感覺仲有好大量既肉醬勁開胃～撈飯食係停唔到口～老干媽尖椒炒牛肉呢個既辣味同麻婆豆腐唔同 呢個係香辣滿滿既虎椒～但我只係食佢啲牛肉 牛肉量多～～厚薄適中 而且唔會韌小籠包小籠包真係好難做得出色睇得出佢啲皮好厚而且蒸到好乾了咬落去有既感覺唔太好好似有團粉咁但佢啲湯汁的確係多如果個皮可以做得薄啲 就會好啲

做完運動諗住食少少，記得上次美食一條街介紹過這間上海菜館，決定試一試。5:50到達，原來仲有下午茶，$76叫了兩個下午茶，仲有豆漿送。諗住下午茶應該細細份，點知份量非常之大和非常之好味道，今晚又要做多30分鐘運動了😱生煎包新鮮熱辣，一啖咬落去啲汁流晒出嚟。必試。豬扒擔擔淮山麵，豬扒炸到啱啱好，脆口和多肉汁。淮山麵出乎意料的好食。牛腩擔擔面，同樣10分有水準。$38 一個下午茶真是非常之抵食夾大件。查看餐牌，如果分開叫要成80多元。好在早了10分鐘到達，才能試到一個平靚正的下午茶餐。

成餐飯真係算係幾唔錯，連阿媽同親戚都讚，好食過連鎖嗰d好多，服務態度都好好，上菜個叔叔仲叫我地慢慢食，一定會再返去食！整體都唔錯，所以都見好多人幫襯，4個人4個客飯，食到打包走😆

📍上海萬家村小館 (深水埗) 性價比極高😍良心小店！深水埗係真係多嘢食，但係唔係間間都咁好食！今日去咗食一個下午茶！嘩 ，唔止好食性價比仲極高👍🏼 ..下午茶🔻鮮肉餃子麵+小食+飲品 $38冇聽錯係38蚊，仲勁大碗面，小食有兩個生煎包，即煎即起熱辣辣外脆肉汁鮮嫩。正呀！粒膠紙仲大大粒，好好食！個皮煙煙銀銀，唔會好似平時咁嗰啲咁容易爛！.🔻雞翼淮山麵+小食+飲品$38除咗可以揀拉麵仲有淮山麵，佢啲面全部質感勁好！湯底仲有三款有酸辣·擔擔·清湯！真心高質！一定要去支持下！刺激味蕾指數：👍🏼👍🏼👍🏼👍🏼👍🏼👍🏼8.5/10環境服務：👍🏼👍🏼👍🏼👍🏼👍🏼👍🏼👍🏼👍🏼8/10地址：上海萬家村小館 (深水埗)深水埗福榮街117號地舖人均消費：$38-50

深水埗多嘢食，但真係唔係間間好味，今次行過見到有新舖，又嚟試下味先。的確，個水煮魚係有驚喜嘅，厚肉得嚟好滑，味道唔太辣，不過肉量就少咗啲，兩個人食就啱啱好，下面有好彈牙嘅厚條薯粉，好好味，京爆牛肉味道都可以，唔太出奇好味，屬一般啦，而個小龍包多汁，有肉鮮味，大家不妨來試試

昨晚一行4人第一次去試這間上海館，地方雖不大，但食物質素唔錯，而且食物份量也唔小，睇到廚房裏面點心師傅，佢地既包點應該系自己做。另外收銀的女店員服務好好，笑容都好好（唔知系咪老闆定太子女，純粹個人推測）我地埋單冇1蚊散銀，佢照收話唔緊要，佢仲提我地每人有1杯或1罐飲品送，因為我哋張枱就响收銀台前面。我哋太肚餓掛住食，唔記得一開始手機食先，有3個餸完全忘記影相😅。我地叫咗：1. 三鮮湯年糕，呢個必點 （好好食👍）冇影相😅 （材料豐富）2. 炸銀絲卷 👍 個包做得好好3. 多湯小籠包，呢個一定掂啦，夠熱，夠汁4. 鍋貼 👍 一樣好好食 (冇影相)5. 韮菜餃擔擔麵(我叫咗唔辣) 麵質唔錯既，不過我叫咗走辣，冇麻醬果d料，還是佢本身冇呢🤔，食擔擔麵冇麻醬料好似爭d😅.韮菜餃，肉多個菜，我就鐘意菜多肉少, 但講真麵質幾好，做到煙韌唔會淋pet pet。我見有食評話牛腩擔擔麵好好食，呢個真系下次要試下先😅6. 糖醋魚片客飯👍😋 ,估唔到份量都算多，而且魚片啖啖肉，菜飯都好好食👍 (食咗小小先記得影相)7. 豆沙鍋餅👍😋,每次去食上海菜必點既甜品，熱辣辣，而且鍋餅夠乾身，脆，唔會油淋淋，又夠餡料仲

首先要長氣小小要講返呢間鋪頭既歷史。呢間鋪頭真係非常老字號，並唔係一間新開嘅鋪頭。以前喺前一條街度開咗20年有多。細細個已經同屋企人成日去食晚飯，因為味道好，抵食同好有香港個種舊有人情味。可惜係4年前執咗開左生煎包終於4年後係附近開返，原本一心諗住同男朋友食x記車仔麵，點知見到隔離大大隻字寫住上海萬家村，仲要見到以前個老細係門口招呼客人。個種既回憶......我真係忍唔住沖去同佢講你地開返啦！個老細仲同我笑住咗講多謝支持。所以今日既晚餐好快咗轉左做呢間😂今日叫左鱔糊炒粗、牛腩擔擔麵同埋生煎包。1）鱔糊炒粗，味道真係非常好同以前一樣，保持返原有水準,d鱔糊同麵既比例係1:2，好多料！對比起大型連鎖嘅上海鋪頭，呢到真係價錢合理，無花無假。2）牛腩擔擔麵，個牛腩可以話係驚為天人。夠膽講一句，真係暫時未食過咁好食既牛腩。呢個我都係第一次試係男朋友點既，入面大概有6舊到，仲要係唔係細！咬落去嗰種滿足感真係令人垂涎三尺🤤我食完一舊之後，男朋友已經食左一半😂3）生煎包，原有味道，$45/5隻，大大隻，有湯汁。正！同埋想講嘅係，老細真係太有佛心，因為凡惠顧都有免費飲品送。佢仲好唔吝嗇咁同我講唔夠出聲😂

趕系六點前嗌左個下午茶順便算系夜晚既晚餐叫左個秘製豬手担担麵+2隻生煎飽連豆漿，雖然系下午茶，不過份量一啲都唔少，豬手有三大舊！入味夠鬆軟，但系豬皮上面有好多毛食落去有吉喉既感覺！呢樣就令成個餐扣左少少分喇担担麵有咬口無過淋，花生麻醬都幾香口有少少辣好野味👍🏻生煎飽當日水準唔錯夠脆入面有肉汁，豆漿就普通！總結而言性價比高，份量足，小店員工既服務態度都好親切