影片
更多
2022-04-23
1194 瀏覽
呀豬行完黃金已經差唔多夜晚7點9，但因為放寬左晚市堂食到10點，加上星期五晚，成個深水埗都係人。本來諗住去食嫲嫲辣辣，但真係太多人等位啦，喺附近見到一間食上海菜既，我又想食小籠包，又咁岩仲有位，於是二話不說就衝咗入去啦！ 😝砂鍋雲吞雞2人餐 $278 有5件小籠包，一兜砂鍋雲吞雞，一款小菜-我地簡左梅子骨，2碗菜飯，同埋4件高力豆沙，仲包2罐野飲。份量非常之多，十分抵食！先講小籠包，皮唔算薄但有彈性，內容肉味香濃湯汁亦夠多，但岩岩新鮮出爐十分燙口，食既時候要小心d🤣. 梅子骨先炸過再落梅子醬去炒，酸酸甜甜好開胃，份量係多既，但係排骨略嫌切得太細了，軟骨都比較多。至於主打嘅沙鍋雲吞雞，講真，我有小小失望，份量又係好多，有6件雲吞，6大件雞件，不過應該係白切雞黎，只不過真係太淡啦，好似無落鹽咁，湯底都唔夠鮮甜。友人實在太想食擔擔麵啦，所以我哋另外嗌咗一份豬扒擔擔麵 $69一上枱令人呆左，因為有4件都幾厚下既豬扒😂仲好貼心咁分開另上。豬扒令人驚喜，一d都唔乾，好Juicy，仲有淡淡既薑黃香。至於個麵我個人覺得唔錯，湯底比較清爽帶有dd微辣，麵質亦爽滑。但友人就覺得個湯底唔夠香濃。菜飯2大碗，
砂鍋雲吞雞2人餐 $278
有5件小籠包，一兜砂鍋雲吞雞，一款小菜-我地簡左梅子骨，2碗菜飯，同埋4件高力豆沙，仲包2罐野飲。份量非常之多，十分抵食！
先講小籠包，皮唔算薄但有彈性，內容肉味香濃湯汁亦夠多，但岩岩新鮮出爐十分燙口，食既時候要小心d🤣.
梅子骨先炸過再落梅子醬去炒，酸酸甜甜好開胃，份量係多既，但係排骨略嫌切得太細了，軟骨都比較多。
至於主打嘅沙鍋雲吞雞，講真，我有小小失望，份量又係好多，有6件雲吞，6大件雞件，不過應該係白切雞黎，只不過真係太淡啦，好似無落鹽咁，湯底都唔夠鮮甜。
友人實在太想食擔擔麵啦，
所以我哋另外嗌咗一份豬扒擔擔麵 $69
一上枱令人呆左，因為有4件都幾厚下既豬扒😂仲好貼心咁分開另上。豬扒令人驚喜，一d都唔乾，好Juicy，仲有淡淡既薑黃香。至於個麵我個人覺得唔錯，湯底比較清爽帶有dd微辣，麵質亦爽滑。但友人就覺得個湯底唔夠香濃。
菜飯2大碗，真係好大碗，食極都仲有，食唔晒😂 由於太飽，高力豆沙打包拎左返屋企做宵夜🤪 滿足。
好味指數：7/10
上海萬家村小館
深水埗福榮街117號地舖
張貼
