上海弄堂菜肉餛飩 (電氣道)

營業中

休息中

星期日，本來打算去<? 師>食午飯，但原來當日東主有喜，休息一天；之後想起未食過附近的<煮持人>，但真唔好彩，剛剛在妝修中；最後便入了這裡食。很久之前試過這裡，也很久沒有來了，記得之前食過都唔錯的。我們叫了菜肉餛飩、香菇烤麩、上海炒粗麵和茅根甘蔗水。菜肉餛飩- 外皮比較厚，菜肉唔錯，幾好！雖然辣椒女話幾正宗，但我還是比較喜歡廣東式的多一點(薄皮)。香菇烤麩- 都算唔錯，但味道比較濃，個人覺得麻麻。上海炒粗麵- 多油、味道又係好濃，色唔夠。茅根甘蔗水- 今次比較最差的一樣，比Big John差很遠，像糖水多一點，太甜味太濃。完全唔得！雖然知上海，味道會比較濃，但這裡又好像真係太濃了。

菜肉餛飩水準下降，d餡沒有鮮味，冇菜的甜味，我覺得係因為唔新鮮，加上d餛飩包得散，所以淥的時候已經散開，入曬水，所以一d味都冇。上海春卷的皮不同之前的，我鍾意之前的皮多d，因為冇咁油。紅燒肉味道ok，但不太特別，仲肥膩少少。我之前係這店的fans，每星期都要去一次，但現在不會了。PS食物加價！

兩個人...食左:酸辣湯:真係又酸又辣....但係唔係人人受得住果浸酸味.....菜肉雲吞:唔錯...幾好味...不過個湯唔得..有浸怪味....紅燒雞翼菜飯雞翼味道唔錯..可惜太鹹....菜飯則一般....無鍚排骨:幾好味....蔗水豆漿各1杯.....埋單$124....多謝豬姐請食飯....

想食o的清清o地o既野，就o黎叫左個菜肉餛飩麵同蔗水。餛飩麵湯底清，最怕勁多味精o個o的；蔗水一般啦，無咩特別，唔係大杯，不過又無"1 枝益力多咁"咁少o既。

舖仔細細, 好有family feel, d 侍應姐姐服務都ok啦, 其他時候佢地都係圍住個電視傾o下閒計.先上一碟前菜, 有幾片薄薄細細的牛展…. 後來至知係個鹵牛展菜飯(~$24)的甘蔗水($6), 1枝益力多咁多囉. 味道OK唔太甜，油菜($12), 2棵小棠菜就叫一碟油菜喎，個碟真係稍稍大過一個大杯蓋淨菜肉餛飩($24/8粒): ok啦, 但唔係特別出色素腐皮卷($18/3條): 即叫即造, 所以等到差不多食晒先, 都係好mini. 之後要行番過銅鑼灣食過如果你要減肥就一定要試啦…隔離個女士個雪菜肉絲菜飯只係食個面o個小小, 仲同老闆娘投訴d 飯同都好似係雪櫃出咁凍tim. 我諗只係食餛飩麵就幾好o既(我以前都試過係度係lunch).

叫左一碗淨雲吞. 菜多肉少, 菜身有咬口(因為搾乾左水). 同我朋友的上海人爸爸做出來的一模一樣. 當然正宗有時唔一定岩某些食慣濃味既香港人口味啦.只係奇怪淨雲吞佢唔用菜肉雲吞麵所用既淡豬骨湯底.經過會再入去食.

今日唔想食飯﹐所以搵D小食食下。記起Pumpernickel 隔離有間食上海野0既鋪﹐就走去試下。中午時間有50%入座﹐全場有廿零個位左右﹐幾細間。望下餐牌﹐菜飯﹐小菜﹐麵食由$22 - $40 不等﹐當然有D貴D如砂鍋雲吞雞。見其他食家話菜肉雲吞好得﹐就叫呢個$24 - 8粒。好快上檯(5 mins 左右)﹐湯係茶色0既﹐雲吞隻隻型狀一樣﹐唔係人地話手包﹐我真信係機製﹗再望真D﹐D皮唔係想象中透明﹐唔通未熟得透﹖咬一口試下﹐無咩問題﹔再大啖D食埋D菜肉﹐D菜好爽﹐好有咬口﹐一路食一路估究竟係咩菜.....係咪西洋菜﹖食下食下有D唔停得口0既感覺....埋單問下呀姐D雲吞用咩菜整﹐佢話---- 上海菜..... (有無人知上海菜即係咩菜.....)

菜肉餛飩($24):餛飩菜多肉少，d菜好鮮甜,清清地，但我覺得好好味，d餛飩皮又夠咬口，不過我覺得如果不放湯會好食d，因為食到最後的餛飩皮過淋。$24食到這個水準的餛飩，我覺得幾抵。上海春卷($10)：好好味，因為是即叫即炸的，裏面有冬菇、紹菜、肉絲等。

家常風味, 食物不過不失, 樸實不賣花巧, 價錢亦合理不過餃子我較中意王府。

食過呢度既上海餛飩麪同埋烤麩,好好味!上海麪夠滑有味,餛飩皮唔太厚,餡料份量恰到好處,烤麩簡單得黎有味道,但係最令人欣賞既係服務態度,呢度d阿姐好親切,會同客人傾偈,又會問下你好唔好食咁,令你好有家庭feel!

下午2:30進店,只有一檯客,有店員在包餛飩,店員推薦豆漿和茅根竹蔗水,見有點熱氣,便要了茅根竹蔗水和菜肉餛飩麵茅根竹蔗水: 夠清甜菜肉餛飩麵: 餛飩菜多肉少,突出了菜的甜味,麵有咬口,不會過淋,湯偏濃,價錢稍微貴PS: 食麵時,有人往牆上拍蒼蠅,而下方店員繼續包餛飩

上海菜肉餛飩麵... $22 一碗平/貴見仁見智啦!不可不提其用料十足(陽春麵+ Homemade 餛飩+ 白菜仔+ 鮮雞湯底),好入味,(真係差點連湯都飲埋) :-) 招呼ok o既. 環境就幾有家庭feel .

回應"一定唔會再去食"一文:其實我諗"玻璃心"小姐未係太了解上海菜的特色. 上海菜係比其他中國菜淡味. 可以說弄堂的雲吞是十分正宗的. 那些不是小姐所謂的"水餃", 那是"雲吞", 水餃與雲吞是不同的東西呵! 菜多於肉是家鄉的做法, 一般在市面上食到的上海雲吞為了迎合香港人的口味, 都加多了肉, 但其實正宗的上海雲便是弄堂那些了. 我家也是常包雲吞的, 在弄堂吃到的便和我家吃到的一樣味道. 在香港, 我第一次吃到那麼正宗的上海雲吞. 要批評, 先要了解菜式之特質.玻璃心小姐, 上海春卷不如一般在茶樓吃到的春卷, 所以請不要說他"無料到", 正如越南春也不同廣東春卷一樣. 我果人認為弄堂的菜實在太好, 它真的能給我在家吃飯的感覺, 如想試正宗上海住家小菜的話, 值得一去.

在朋友家中打牌，來這裡買外賣，叫了雪菜肉絲麵，鹵水牛腱菜飯同餛飩麵。外賣是湯和麵分開上，以免D麵浸得太淋。湯底沒有太多味精，吃後都不覺得很口渴。雪菜肉絲唔錯；鹵水牛腱不是太濃郁鹵水味，但炆得幾有咬口，都算唔錯；餛飩多菜少肉，味道都OK。陽春麵較淋身，無咩咬口；菜飯唔係好多油，都唔錯。果個take order的阿姐係聽得唔係咁清楚，但態度無問題。埋單70幾蚊，都幾經濟。

加單係叫左紅燒肉客飯, 唔係東坡肉。