上海弄堂菜肉餛飩 (電氣道)

營業中

休息中

好耐無黎天后哩間分店買野食,今次叫左小籠包.銀絲卷同煎餃外賣返屋企食,水準保持得好好,小籠包返到屋企食仲有肉汁唔會好似其他舖頭咁乾晒,銀絲卷表面仍然係脆個心仲好軟,至於煎餃真係好香口,總之就係好好食啦,真係要再讚下佢\.

這間上海菜館，擺明走街坊路線，價錢大眾化，環境狹窄，不過原來也有挺多顧客幫襯。我是一個上海菜迷，經過見到這裡標榜賣正宗菜肉餛飩，當然不可錯過要入內一試啦。地方頗為逼狹，都係「快快脆脆」食完走人好過。叫咗菜肉餛飩麵（四只）$27、上海炒年糕$42及凍豆漿$9一杯，菜肉餛飩麵十分之普通，絶對稱不上為好食，上海炒年糕只得冬菇、津白及少量豬肉做材料，十分失望，凍豆漿不太甜，還可以。全日免茶芥及加一服務費，算係咁啦。

呢間野食過兩次，第一次係晏晝，有飯餐，我地叫左紅燒肉菜飯同埋雞翼麵。菜飯好好食，個紅燒肉都ｏｋ，不過ｄ汁同滷水雞翼ｄ汁係一樣的，價錢都幾貴，紅燒肉菜飯要$38 仲要份量超少，好細碟，真係幾唔抵。朋友個上海麵個碗就大喇,但係裡面d 面都係得少少,d湯底仲好似水咁，無味既。第二次晏左黎，過左三點冇飯餐，仲貴ｄ，剩係一個獅子頭菜飯要$40，醉雞菜飯$42，味道ｏｋ，不過不失，再叫杯豆漿竟然要$9，只係好普通的豆漿，都唔知點解可以賣到咁貴。兩次黎ｄ招呼都係差到暈，兩次都係果個女人幫我地落單，粗聲粗氣，黑口黑面，好似爭佢錢咁，問多句都勁晦氣唔願答，雖然呢d舖頭仔，都唔expect 佢有咩service，但都唔好咁惡死丫，而家我黎幫襯，唔係黎問你借錢。第二次去食左$129，我地係出去收銀度比錢既，我朋友比左$130，佢收左之後講聲多謝就算，竟然唔找錢，有冇搞錯，但我朋友到出左門口先話我知，咁我費事返入去啦，如果當時我一定叫佢找返，我比tips 一件事, 但你冇可能唔找囉，講真如果當時我知，我一定一毫子tips 都唔會比，我完全唔覺有咩service。總括黎講，只係個菜飯最好食，其他野都係一般，唔係

見到其他人介紹紅燒肉飯好似好正,今日放工特登搭車黎試下.天后地鐵出來行左唔夠五分鐘就到.鋪頭的環境老實講唔係咁好,感覺唔係咁乾淨.一坐落店員就問我要唔要飲野,好似驚我會唔幫襯咁,我話睇下先,佢就好冷淡咁話好丫.呢間野都幾貴,一個紅燒肉菜飯要36蚊仲要冇野飲.野食好快到,一黎我真係嚇一跳,碟紅燒肉真係細份得可憐,只得兩小舊,加上三舊打結,應該係類似百葉的豆類製品.都算,好味就得啦....唔..食落只係不過不失,d肉係整得好淋,d汁一般,我又唔覺得好咸,反而個菜飯好似係最好味的.好後悔放棄左食triple O的機會黎左呢度,相信以後亦唔會再黎.反而我見附近有好多唔同地方菜別的餐廳,可以再黎呢區試下.

起初因侍應熱情的招呼而決定一試，但坐落后侍應的態度即有１８０度轉變。水都無杯，叫左3次，等成１０分鐘先有！我們一行4人，其中點了的排骨菜飯，居然等左25分鐘都未上! 在多番催促下，才上了一碟排骨…侍應話好快上埋碗菜飯…一等便10分鐘，排骨都涼哂，可惜個菜飯都仲未有! 只好向侍應再次投訴，佢悔氣地說了句”唔好意思”，就收左碟排骨，話換過碟。過了5分鐘后，”萬眾其待”的菜飯終於登場! 可惜碗菜飯中竟有頭髮，只好向侍應再次投訴！當菜飯換好后，碟排骨卻”下落不明”…立即同個侍應講，點知佢竟然遞上一份炸得變成深啡色的排骨！！好唔好食就大家可想而知。最后…本人決定將此事與大家分享！其實佢價錢不太貴，但餸的份量十分小。我妹妹叫左個牛展菜飯，d牛展只得薄薄的7-8片。其剩點了小籠包，擔擔麵等，味道實屬一般，環境亦十分擠逼。

年卅下午, 在維園行過年宵, 想找個地方歇歇腳, 吃碗麵. 行著行著就走進這小店.歲晚的關係, 很多外賣生意, 嬸嬸們都沒空招呼.沒有下午茶, 點了酸辣湯菜肉餛飩麵, 小籠包.食物是可以, 不過偏貴, 卅多元一碗麵.最後走到櫃檯結帳, 才發現暗地裡加了一. 雖然我們有能力多付十元八塊, 但全店沒有一個告示, 寫明今天要收加一, 單上寫"全日不設加一" 倒是清楚看到. 店員在落單時亦從沒說過. 這種感覺很差, 我立即向店員反映, 請他們貼出告示. 讓消費者自行選擇.新年要加價, 無可厚非...雖然現在很多酒樓都沒有加二加三. 在沒有服務的小店, 沒有加一是合理的期望吧. 我還是喜歡明碼實價.

呢間好出名, 係跑馬地做到過呢邊, 本來開業時都好出色, 考手又滋味, 小龍飽, 醉雞, 豆沙煱餅, 都好出色. 但最近只淨番個湯年糕好味, 因為好似我阿媽煮咁好美味, 但係服務好劣, 好似唔想serve你咁, 黑口黑面. d野食又貴又唔抵, 越來越細碟. 下午茶時段, 班師奶侍應好大聲咁講野, 好似去左街市咁...><

2007-10-14其實已經很久沒有來這裡了﹐早幾天聽朋友提起這裡的上海菜不錯﹐這天主日崇拜之後便和兩個姊妹來午餐。點了幾款不同類型的食物﹐每一款都強差人意﹐比新開張時是退步了很多。上海冷麵的麻醬淡而無味﹐麵也不夠凍﹐吃得一點都不過癮。獅子頭一粒熟一粒不太熟﹐豬肉未熟透當然不敢吃﹐請嬸嬸幫我們再煮熟一點﹐她卻不斷游說我們其實已經熟透﹐可以吃的。不過幸好最終都肯幫我們換過一粒。上海湯年糕應該是最可以的了﹐不過也只是在於它不難吃﹐年糕夠煙韌。那杯不冷不熱的溫豆漿一點豆味都沒有﹐只是加了糖來幫豆漿加一點味道。介紹我來的那個朋友對上海菜要求頗高的﹐相信她一定是好一陣子沒有來過了﹐下次見到她要問問究竟這裡有何突出的製作才行。不過應該暫時不會來幫襯的了。

天氣開始涼了虧虧的身體又開始發病了頭暈暈的一天想要吃些暖暖的東西跟老公來到這裡尋覓熱熱的湯麵**古法紅燒肉(跟菜飯+豆漿= $32)紅燒肉炆得很稔就是瘦瘦的地方也很容易咬得開但味道確實是鹹了一點..腐皮札咬了一口都要吐回出來..菜飯味道很不錯少少的鹹味..加上很多的菜碎就是只吃飯也很吃得下一碗呢**八寶辣醬(跟湯麵+豆漿=$29)起初跟老公都以為...是甚麼辣醬就只是一碟辣醬嗎?店裡的阿姨很好人..亦很有耐性的介紹八寶: 冬菇粒, 肉粒, 豆干粒, 蝦米味道像是豆瓣醬般..其實一點都不辣...但送飯確真很不錯!!湯麵是陽春麵..不會過稔過爛..湯底顯然有不少味精但都全吃了...又飽又暖的肚子**芥蘭(隨餐加$8)很翠綠的菜分量亦不是很少午餐價錢確實比散叫便宜得多而且味道很不錯丫

今日上午請左假,中間又去食上海弄堂,叫左唔係好多野,淨係叫左個雞翼套餐,(包括個才反,同一小碟雞翼,)才反很滿,full到要另外要個空碗,分一半在另一個碗上才不會倒到一都係反,個碟雞翼其實很少份量,只有四隻,用少量鼓油浸著,鼓油撈反都可以,雖然唔係話特別好味d鼓油,雞油cook得比較淋,唔係太硬,套餐還包括一杯豆漿,其實如果食佢地的才反套餐,唔可以預好多,因為佢d才反套餐全部的宋用一個小小碟裝起,只有一個手掌大,剛夠一個人飽肚的七成份量,我的套餐要$27~

我係天后住的~第一次是同男朋友來吃,個次食的幾豐富,點左個烤夫,(金針木耳面筋)咁,同獅子頭,紅燒肉,都幾好食,不過埋單都幾貴,服務痳痳地,可能佢地係一家人做生意啦,d服務員無乜笑容,可以係講係咁ge樣__:<,佢地個咀係向下的,可以講係黑面,不過我貪佢d野好食,之后都有成日去食佢地個烤夫.

那天帶了小朋友到中央圖書館,午餐於這裡平常多人的小店今天因天雨關係變得少人要了酸辣湯,獅子頭,無鍚骨雲吞等等.無一失手,壞天氣來了個好心情..很好

今日行行吓街突然好想食上海餛飩，就諗起係天后嗰間「上海弄堂」喇，這裡雖然舖仔細細坐得唔算好舒服但啲嘢食都幾好食架，一坐底就即刻叫咗碗菜肉餛飩先，好彩都無令我失望，依然好新鮮好有口感係菜多肉少嗰隻，同出面食開嗰啲真係有啲分別，朋友叫咗粗炒開頭睇落好似好油膩，但食落都OK啲汁甜甜哋咁又唔算好肥，小籠包就耐咗啲喇，足足等咗10幾分鐘先到，問啲阿姐佢哋就話無辦法喎，因為係即叫即蒸所以要等耐啲，啲阿姐都算幾有禮貌所以就算啦，最後來到食落去都唔錯，真係皮薄多汁，朋友都話幾好食，呢餐都算幾滿意喎。

今日行行吓街突然好想食上海餛飩，就諗起係天后嗰間「上海弄堂」喇，這裡雖然舖仔細細坐得唔算好舒服但啲嘢食都幾好食架，一坐底就即刻叫咗碗菜肉餛飩先，好彩都無令我失望，依然好新鮮好有口感係菜多肉少嗰隻，同出面食開嗰啲真係有啲分別，朋友叫咗粗炒開頭睇落好似好油膩，但食落都OK啲汁甜甜哋咁又唔算好肥，小籠包就耐咗啲喇，足足等咗10幾分鐘先到，問啲阿姐佢哋就話無辦法喎，因為係即叫即蒸所以要等耐啲，啲阿姐都算幾有禮貌所以就算啦，最後來到食落去都唔錯，真係皮薄多汁，朋友都話幾好食，呢餐都算幾滿意喎。

20070701天后區多食肆人所共知，隨意找一間進去，小店格局，三五張枱，因為已過午市時間，沒什麼客人，三個阿姐圍桌包雲吞，非常嫺熟的樣子，但看到她們直接將雲吞皮放在桌面上，不僅對“乾淨”打了個折扣。上海冷面：蛋絲、青瓜絲、火腿絲等配料給得很足，本身有些汁，但阿姐體貼的告訴說加一點醋會更好味，自然從善如流：）菜肉雲吞面：四五隻雲吞的樣子，大大個，菜肉的比例恰好，幾鮮美，面底是典型的上海風味，算是地道；小籠包：四隻全部穿底，皮不薄，汁不香，實在不要得。花巧的東西差了點，如果只是簡單吃碗面，還是可以的。