上海弄堂菜肉餛飩 (電氣道)

營業中

休息中

好耐之前黎過呢度食，覺得呢度d野都ok，但係依家就真係差得遠。晏晝同同事食，叫左個粗炒、同小籠包，同事叫左個菜肉雲吞，d粗炒炒到一pat野咁，又燶到死，小籠包又淡到死，同事同我講話d雲吞唔夠熟。咁o既野兩條友食要成百二蚊，食到一肚氣，無下次。

同同事一齊收工之後去左呢間食晚飯..因為大家都中意食上海菜,而且見到有位就入去了....menu封面係好以前既圖片....而且都好多款前菜,主菜,套餐,飲品等....我同事叫左碗麵...我就叫左個黃金排骨菜飯...大家都飲凍豆漿!!!件排骨炸到金黃色好令;D....而且好脆,唔會太油,食落去口感都好...不過略嫌乾身小小~同菜飯一齊食就好味道...

復活節假同女友去數碼港渡假前，諗住食少少野先出發，之前聽人講呢度獅子球唔錯，就搵到黎呢樹試下，兩點零鐘食唔洗搵位，全場只有1檯，就遍遍安排坐隔黎，地方好細，出入都要小心，叫左個8隻菜肉餛飩，四季豆，素鵝，餛飩無咩肉味，湯底清淡，四季豆多油軟身好麻，素鵝一樣多油、太大件夾起易散....正門入口跟廚房入口很近，做成搬運物料通道非常搔擾，最後賣單要HK130蚊，有更好更多其他選擇，至少還有翡翠小籠包、金滿庭....

第一次食係大約3星期前, 當時食左上海粗炒. 感動到想喊, 因為而家係出面食到既已經係冇色冇味的健康粗炒. 能夠食到濃油赤醬真係好開心!第二次食係星期二 (12/4), 食左排骨菜飯, 呢一樣就不算出色.今次, 外賣返屋企, 要搭25-30分鐘車.上海粗炒, 唔知係咪搭左車, D麵有D淋.餛飩拼雪菜肉絲麵, 都係淋, 但係佢有分開湯. 餛飩幾好食.獅子頭菜飯, 獅子頭肉質較鬆散, 但係未至於唔好食.春卷就淋哂, 雖然佢都有係盒度開HOLES. 不過, 餡料不錯, 新鮮炸起時應該好食.但整體唻講, 價錢略貴.

無錫排骨, 菜心獅子頭,青瓜涼拌,窩貼,菜飯，加個竹x水無錫排骨-價錢貴,份量少,味道一般菜心獅子頭-亁爭爭,d肉粹又散修修,味道不知所謂窩貼-店員極力推薦,但還是不外如是,連街邊賣的也比不上唯一值得安慰的是青瓜涼拌我同我女人食完之後，真係好谷氣啊，都唔明點解廿五蚊得四個窩貼仲有啊，竹x水都要十三蚊，我叫左個菜飯，又要十八蚊八個字 金玉其外，敗絮其中

為左要搵個地方完成我的thomas cake,所以揀左呢間好簡單既地方食個菜肉雲吞就算。上到檯,八隻,心想應該夠飽,但係我發現左,佢既肉只不過係好少既肉碎.....其餘就係菜.....其實咩唔係叫素菜雲吞正路d咩?開始發現係咪自己又叫錯野..........

岩岩搬黎天后無耐，聽聞電氣道系食街，咪試下啦....點知第一間就噤難食 = ="個晚七點到系電氣道、清風街行左一個圈，最後就停左系呢間食上海舖頭，見累就入去試下啦，講真價錢尚算ok，噤兩個人食咪求其叫幾款試下囉，菜式：酸辣湯、咸肉娃娃菜、炒年糕、醉雞同埋小龍飽4只酸辣湯 ： 太酸喇...一d都唔辣 (我本身唔太食辣,都唔覺有)咸肉娃娃菜 ： 好求其噤撈埋一碟就算，d獻汁多到成碗湯噤 炒年糕 ： 又系噤上下，連基本將d年糕走走油都無，白晒晒噤 醉雞 ： 無味，一d花雕味都無小龍飽 ： 諗住可靠d啦，點知無咩湯，重要一夾即爛，皮厚總括黎講，無下次囉，我重同我老婆講，(你煮d野好食過佢好多)階因我之前話過佢整d野唔好食麻我會繼續試埋其它系天后o既食肆，住系呢區都想有間野可以長浸下，唔晒成一去噤遠丫麻

這天到銅鑼灣購物, 便走到天后覓食。經過這家上海弄堂, 門面很有特色, 又是蔡瀾推介, 我猜孱當然很有信心, 便進去一試。在門外店員已極力推介鱔糊, 說是日黃鱔好靚; 可是女友不吃鱔, 故此沒有點選。翻開菜譜, 便知鱔糊是全店最名貴的菜色, 是故店員不斷推售。我們點了以下菜色- 燻魚 – 色香味都很好, 有很香的煙燻味。菜心獅子頭 – 不夠色不夠香, 菜心不入味，肉汁不夠, 很一般。火腿津白 – 很差勁! 津白老得可以做你呀嫲, 唉。小籠包 – 皮很厚, 可見功架不足。縱然門面精緻蔡瀾支持燻魚可口,也難挽其他菜色不濟之狂瀾, 上海弄堂真的要努力自強,否則恐怕只有更多喊臉。

一班人係維園打完波, 見d間野冇乜人, 裝潢又不差, 咁咪諗住入去舒舒服服食晚飯lor點知...首先未入去前, 個呀姐係門口sell我地, 又話乜好食乜好食, 我地問佢有冇跟餐叫, 佢又話有有有. 到入左去諗住叫野食la....佢竟然笑笑口同我地講冇餐, lunch就有餐叫...仲話除左水之外, 其他都要錢! 我地真係o晒咀....點解可以反口反得咁快!!有冇搞錯 但我地又累...都廢事轉場, 咁都照食la食物黎到...1, 排骨菜飯正常 $382, 酸辣面正常, 同其他$20碗ge冇分別 (但佢收人$38, 轉粗面要+件5)3, 雞翼面唔得, 勁啖, 我落左勁多辣椒醬先食到有味, 雞翼就同滷水冇分別...但得四隻, 又要$384, 最後一碗...唔知乜野雞面, 得少少雞絲同幾條菜, 最貴$45....真係唔知點收得人d個價錢以後唔會再黎!

話說上月尾在天后晚上買左幾次外賣回家...其中一間就係上海弄堂...黃金排骨菜飯38----呢個最對版,價錢合理...醉雞55---冇味,肉又“梅”,如果呢隻雞已經浸左好耐,點解會冇酒味??但如果呢隻雞係新鮮既,點解會冇雞味??究竟呢隻醉雞做乜事??唉...咁就55元上海粗炒50---唔明點解得果三片肉,有呃$之嫌...剩係隻醉雞都已可比三個喊面,加埋個上海粗炒...比喊面比得心安理得

去維園行工展會, 入場前到天后試下個蛋餃津白, 所以去左上海弄堂菜肉餛飩. 因為5時多入去, 所以得一檯人, 不覺太迫夾. 落完單, 阿姐把碗筷送來的表現令人O嘴. 她不斷和同事大聲傾談, 放下筷子時竟欲放又不放, 還和另一阿姐作狀飛筷子, 說"要不要試下". OMG, 要在此表演飛筷子絕技嗎? 我立即對服務打折扣. 如果我係去茶餐廳, 我還可以接受, 但這店好歹都叫裝修得頗ok. 冷盤 - 香菇烤夫($45), 香菇真的挺香, 烤夫入味, 很野味菜肉餛飩麵($32), 餡料應該不是機切, 菜比較大粒, 口感ok. 砂鍋蛋餃津白($70), 蛋餃普通過普通, 蛋皮感覺不夠薄, 肉丸有點肥, 整道菜像家常小菜. 我們還沒試小籠包, 不知水準如何. 如果服務態度認真些, 會好點.

同男朋友去開天后, 找地方食lunch, 見到呢間裝修都ok就諗住試下啦..點知...大家也很後悔走左入去食~我地叫左一個烤夫菜飯同一個牛碾拉面...味道一般但份量略少, 男朋友說他們的拉面像是出面超市買到的"壽x"牌拉面, 仲要加埋他們的雞粉, 所以味道是可以既....但係服務態度真係好差囉..我今日坐係收銀處前的一張檯, 的服務員就成日都係我頭上面經過攞菜牌, 收銀果的...地方已經細, 佢行過黎基本上我要等佢行開我先食到野, 落單又唔專心, 講左幾次都係落錯, 仲要上錯, 態度又差...食到一肚火~冇下次囉真係~

之前兩篇食評都怒氣衝天，幸好不是看過openrice才來吃飯，否則或會過其門不入。反而這樣盲中中有著數，吃得飽飽又開開心心的離開。「上海弄堂」店仔細細，容納不過20人，每枱之間雖然私人空間不多，但總算坐得舒服，侍應們服務亦友善殷勤，斟茶遞水之餘，還肯勤收吃完的碗碟，讓小小的餐桌騰出多些地方來放美食。牆上掛滿古今上海的照片，來不及一個「蔡瀾推薦」的小牌匾耀目。點了酸辣湯、銀蘿海蛰牛展、蒸銀絲卷、小籠包、香酥素鴨塊。酸辣湯，辣而不油膩，18蚊1碗，細細碗是意料中事，沒想到也夠二人淺嚐。銀蘿海蛰牛展，白蘿蔔切絲拌以海蛰，個人尤喜這種味爽鮮甜口感，但朋友不喜蘿蔔，要挑開得考點功夫。牛展太薄，稍欠咬感，但朋友卻愛其不黐牙。可見各菜入各口。蒸銀絲卷，香軟可口，接近腍口，仍見內裡呈絲壯，OK。小籠包，感覺良好，肉汁香濃，外皮厚度正合我心意。香酥素鴨塊，乃最佳之選，腐皮炸得甘酥，色澤好，味道更好，平時不喜腐皮卷或炸物，一口咬來不由得食指大動。五個菜盛惠HKD141，在天后這一帶或許不算很便宜，但有五道菜，該沒有投訴吧。

還記得裝修前既Lunch, 叫呢樣無呢樣, 叫個樣無個樣! 已經唔想再回頭光顧, 不過見佢地裝修左, 即係有心改善, 咁LUNCH再來一次吧....門面係好左, 不過依然坐得好迫, 想食獅子頭菜飯, 我知唔係set lunch, 但menu有散叫就散叫啦, 點知又係話無!! 如果永遠都無, 就唔好係門口貼出來做招排菜啦唔該!!個d永遠不變既set lunch無新意!! 奘修完仲加左價! 食唔到想食既, 只好要了個排骨麵既set, 上碟賣相大塊, 不過好厚粉, 落左重手既鬆肉粉d豬扒林晒, 好似食綿花! 好難食啊!! 記得當年老板坐鎮時, 明明係薄薄的炸粉, 今時今日樣樣都失敗啦!呢次之後, 我永不回頭啦! 美味既豬扒, 獅子頭, 燻魚, 全部都是回憶.....

1) 面積太細, 令人感覺局促2) 服務態度差, 想迫客早食早走3) 菜肉餛飩完全不像餛飩, 只是無味的菜餃, 莫說是上海餛飩, 上海餛飩怎會是這樣?4) 豆漿完全沒有豆味, 何解?請問有沒有人知道是不是剛轉了老板, 為什麼跟以前光顧的時候完全不同?????一個字>>>>>>差>>>>>>>好失望!