上海弄堂菜肉餛飩 (電氣道)

營業中

休息中

今日同mammy daddy去食個晚飯見佢細細間 枱唔多. 又唔坐滿.先頭以為唔好食不過坐到入睇d野食好似好吸引佢個餃真係好好食.我地叫左棒棒雞,上海菜肉雲吞,蔥油拌麵.....個棒棒雞即係雞絲粉皮.都幾抵都算大碟如果佢再凍d就perfect喇個蔥油拌麵係用豬油正!油而不膩!本身我對呢間好印象好好不過個服務俾一個waitress整衰左個waitress好差叫人坐過隔離 唔該唔好意思都冇為左多一單生意 搞到d客坐得唔舒服!

襯今天放假, 連續看了兩套西片 (翻生 + 天使), 從未試過這麼瘋癲, 但影片確實不錯, 平平地, $35都幾抵睇, 然後便搭乘小巴去天后, 可惜順壽司下午時段休息, 上上網, 找到它試試吧!成三點都未食飯, 於是叫了三款菜式 : 酸辣雲吞, $38, 雲吞是最啱我口味, 菜多肉少, 皮厚厚, 酸辣湯底餡料多, 味道夠酸夠辣, 沒有太大的味精反應!紅燒肉, $42, 百葉不會炆得過腍, 但入味, 紅燒肉是五花腩, 瘦肉部份亦不嚡口, 汁醬濃, 來碗白飯剛剛好!韮黃鱔糊, $68, 原本想叫燻魚, 店員推介今天的 Special, 濃油赤醬這形容詞果真貼切, 黃鱔切成粗條狀, 彈牙爽口, 韮皇芽菜夠多, 油水閃閃發亮, !侍員推介食物時過份了少許, 連豆漿飲品也不放過, 既然食物不錯, 何不給予客人空間, 客人有需要時再介紹...讓人感覺較為舒服!

今天午飯跟我老爸吃, 他喜歡吃中國菜, 所以他帶我從銅鑼灣走到天后吃這間上海小店.要知道這間小店的裝修真的很普通, 可以說是沒有裝修呢, 不過就是因為這個原因, 她們就真的只以食物和服務作為賣點. 今天我們兩人試了8粒餛飩, 獅子頭, 醉雞和春卷, 我要了一杯豆漿, 老爸要了一杯酸梅湯, 最後共付了大約160-170元, 我覺得差不多.餛飩和獅子頭有"家"的感覺, 不太油, 沒有味精醉雞相比其他店舖大碟很多, 每人起碼有6-7件春卷是意想不到的好, 又熱又碎最後要說的是, 這店是蔡欄的推介之一, 而是不是我的推介? 真的可以一試 - 如果你那天不想坐很久, 也不計較裝修, 又想吃家庭式上海菜的話~

行開天后想食下餃子同上海野,見到呢間就入去試下.一入到去.個老板娘就係咁問你食咩.仲係咁叫我飲唔飲野先..仲話係LAST ORDER..心想..你比D 時間我睇一睇先啦.我見牆上面有D 推介..但又冇價錢..咁睇左陣餐牌..見D野飲豆漿都要成$10.仲有個竹庶水$14..(唔怪得係咁叫你叩野飲先啦)所以冇叫..叫左個排骨面同獅子頭菜飯...先黎個獅子頭菜飯,賣相普通..先試個菜飯,好好味..有陣陣茶味同個飯係我呢個星期入面..最好味既..平日食既.煮到梅梅咁.到個獅子頭啦..食去唔錯..外面夠味入面軟軟咁.仲有個配菜都唔會求其比D 野你.仲有個排骨面,先試個湯冇咩特別.個面唔錯,到個豬扒,炸得薄薄咁,唔會食到成口粉,仲要調味好好.唔似出面有D食落只係粉同冇咩味咁..如果下次.叫個排骨粗炒可能更好食..只係價錢上面.某D野貴左小小..如果多幾個SHARE 既.都值得去嫁.

經過天后..突然想食上海餛飩,記得這裡有間.就試試!細細間但侍應卻有成5,6個.是晚十分清靜,從開頭的5,6個人食到最後得我們一枱!睇返之後有個食評 : 對..冇錯..一坐低個阿姐已經係咁問係食咩..又問你飲唔飲杯野先 ! 見佢木板上寫住3種推介菜式 , 其中一樣係清炒豆苗但冇寫價錢..落單時個阿姐又係咁推介你要唔要碟菜,又話推介清炒豆苗..咁就是旦要了啦..點知就中焦了..睇返張單..原來成$58..洗唔洗咁貴呀..黑店!! 上海餛飩麵 ($28)..普通沒什麼特別紅燒排骨菜飯 : 排骨算炸得幾好.. 清炒豆苗 ($58)...唔算大碟但超貴!

與家人來晚飯, 地點是弟弟選的, 見店內牆上掛了蔡 san 推荐的牌匾, 不禁有點想縮沙, 不過以前在跑馬地店吃過覺得不錯, 又試下啦:菜肉餛飩麵 ($28) - 夠大碗, 算抵食, 菜肉餛飩菜多肉少, 在濃油赤醬的上海菜中是健康之選花雕醉雞菜飯 ($44) - 很濃的花雕酒味, 雞肉不算多 (可能我們三人分吧), 可是菜飯卻很大碗, 菜切的比較粗, 不過家常式做法, 無所謂啦清炒豆苗 ($58) - 連餐牌上都沒有, 是貼在牆上的是日推介, 雖然全餐最貴的東西但也是最好吃的! 菜苗看得出是揀手貨, 條條青綠, 入口脆嫩, 卻又不覺很油 (豆苗要下很多油炒的, 貴些也是值得的。連弟弟的豆漿一杯 ($10), 是挺滿意的一餐。服務嘛, 這裡又不是高級餐廳, 出齊菜收啱錢就合格的啦。

今天我和老公本想去一間常去的上海野到食(其實如果不是行動不便, 我地該會落CWB), 但行入去有陣勁過臭豆腐的味, 我們還是走出去找第二間. 就在我們頭痕之時, 就見到這間, 就想... 不如就這間吧~這間東西就叫上海弄堂!一進去, 未坐定... 兩名嬋嬋就不斷介紹, 我地都未睇就一輪嘴咁話, 要唔要野飲, 有豆漿, 酸梅湯, blab blab, 呢個XX同小籠包要蒸十分鐘, 要的話我同你order左先... 我感覺好似入左黑店...Anyway, 我們點了雪菜肉絲炒年糕, 酸辣湯同小籠包. 個阿姐又再介紹話咩咸蛋瘦肉湯, 豆苗咁... 我話, 我地好似叫左酸辣湯羅窩... 煩到呢...不過D野食算來得快! 我在等的時候, 看到牆上的'貼堂', 其中是什麼督導員, 我老公再說, '喂, 香港最好餐廳之一窩!', 還要是蔡蘭的... 心想該不會差到那裡... 可是在喝的酸辣湯了了...再來就是雪菜肉絲炒年糕, 我心急地夾了一片, 然後跟老公說, 不好吃... 老公試了, 也說不好吃... 老公就問要不要再點多樣? 我說沒所謂... 於是就叫了姐姐來, 她又再一輪嘴, 截了就說蒜蓉豆苗

菜肉餛飩、紅燒肉、銀蘿海哲、獅子頭、雪菜毛豆百頁、陽春麵，埋單$190，食到飽飽，在這個通脹時代，沒有加一小費，算是平價了。食物味度偏濃，是傳統上海菜的一㮔，傳聞這裏的廚師是李鴻章大廚的後人，李鴻章是一名食家，他的廚師也是非等閒之人，例如這裏的獅子頭是清湯的一種，非坊間濃醬獅子頭，銀蘿海哲其實是酸蘿蔔和海哲，很特別的味度，菜肉的肉餡是多菜少肉很特別，總括之這裏值得一試。這裏的服務是家庭式，充滿人情味，時而熱情時而冷淡，很難捉摸的啊。http://icuteee.mysinablog.com/index.php?op=ViewArticle&articleId=1328358

餃子皮好薄好薄,有肉汁,口感好好($22/4隻), 弄堂冷麵就一定要試,好濃麻醬再加少少醋味道更佳,而豆漿是自制,好香豆味又唔係好甜($10/杯), 唔錯,不過無錫骨就唔夠入味同唔抵食($60)

我都係昨日先知道原來天后都有幾多好嘢食，同朋友來到這邊，打了一個轉後決定食這間標榜「李鴻章大廚後人」做廚師嘅上海嘢。可能因為是平日，沒有很多人，入到去仲有位揀，我地兩個人坐咗係收銀旁邊的四人枱，剛好shopping完仲可以放戰利品在旁邊的空櫈上~ ^,^"天口慶"，一坐低就有個女侍應過來好識做咁問我們飲唔飲豆漿或酸梅湯，仲話我地知酸梅湯係自家製、好好飲，咁見行到攰攰地又口渴，就聽佢介紹點左2杯。佢好快就拿俾我地，真係幾好飲，唔會太酸、又凍又解渴。跟住我地點左個菜肉餛飩+雪菜肉絲炒年糕，老闆娘仲介紹我地食小黃瓜，話係有機黃瓜做好好食。瓜好爽脆，不過味道就酸咗少少，都開胃嘅。菜肉餛飩好多菜，清清地而且皮好薄，幾好味。我地最欣賞個雪菜肉絲炒年糕，唔會好咸，而且年糕有口感之餘唔會"un"。幾好，我感覺下次可以再來~ ^,^

昨晚與男友看完電影，諗住行過來天后這邊吃晚飯，因為在銅鑼灣唔知食乜好。點知來到天后時，發覺這邊的食店不會開得太夜，見這間上海小店仍營業，看看菜牌發覺不太差，於是便入內，時為晚上 10 時 10 分左右。我們坐下後，正翻看菜牌， 商量吃甚麼，怎知有位店員對我們說，要點快啲點，因為廚師 10 點 30 會走，我和男友愕了然，心忖既然如此，怎麼還招呼我們入來呢？跟著為免浪費時間，快速點了兩個雲吞麵，原本想要酸辣湯的，但那店員說賣光了。老實說，虍店食物素質尚可，雲吞菜多肉少，味道清清哋，不俗；可是其想做多啲生意的心態，實在令我不悅。我明白每間食店也希望多做幾枱客，但是，明知廚師放工時間還不夠 20 分鐘，根本不足以讓客人認真地點菜，或許我當時應該選擇離開，可是實在肚餓得很，唉……

上海弄堂最好食的係菜肉餛飩同排骨菜飯. 昨晚又食左一次, 可惜昨晚的菜肉餛飩個湯底, 咸左啲! 重手左! 但係菜肉餛飩依舊好味, 係多菜少肉的, 我鍾意.:chopstick排骨菜飯:菜飯啲菜夠多, 飯又不會太淋, 排骨炸得香脆, good呀!

4,5年前剛開業時我係常客, 非常鐘意佢地既薰魚!! 獅子頭, 油豆腐粉絲, 一個人的Lunch我鐘意靜靜地食自己鍾意既野, 唔想搵人陪, 就係怕花太多精神聊八卦事, 來到這裡卻遍遍遇著熱情店員, 關心太多, 反而我怕了, 所以好一段日子不再來......無數日子經過, 到今日再光顧, 換了一班店員! 今天為的是那美味的獅子頭菜飯 現在多了lunch set, $28左右飯麵送豆漿, 薰魚獅子頭卻要另叫, 我要了獅子頭菜飯及小籠包, 獅子頭肉丸和菜都很入味, 吃飽了但小籠包遲遲未上.....ZZZ.....睡醒幾覺.......飯後足足等30分鐘才蒸熟! 太過份了! 而味道和餡料跟超市冷藏的沒分別, 有無搞錯?! 難道去錯地方....... 唉! 最慘回到公司, 竟然肚痛肚呵死.......是獅子頭的錯, 還是那死人小籠包?!

再來天后食LUNCH. 一試之前想試的弄堂錕鈍.弄堂冷麵: 冷麵配以雞絲, 火腿絲, 青瓜絲及蛋絲. 麻醬唔夠香及味道淡了一點, 要自己再加點醋. 另冷麵只以水喉水"過冷河", 結果一點也不冷, 失望! 稍用冷水過一過也不是太麻煩吧 -___-" 份量不多, 與之前食家的相片相比, 還差很遠呢....菜肉雲吞麵: 上海麵有口感, 湯底很清. 菜肉錕鈍屬菜多肉少類, 無論口感和味道都有八分像媽子做的.豆漿: 有豆味, 不太甜, 不錯! 但剛上檯時有冰碎浮面呢, 你說這是好還是壞?!

來了多次，是因為這裡有小店獨有的家庭味。很多人不喜歡，卻也因為那像家庭式般隨意的服務。這裡的雲吞味道也沒什麼特別（始終只是雲吞），只是吃得出新鮮，多菜，味道較淡而已，點一點醋食，就很有家的感覺。排骨也不錯，新鮮炸出來，外脆內軟，菜飯亦夠多菜。豆漿也是不太甜，對我口味。服務是麻麻，不可能坐久，有時會趕客，但對我而言，最不好的是分量少。惟有等有時候不太餓時再回來吧。